A Fundación Gas Natural Fenosa en colaboración co Concello de Negreira, vai a impartir un taller co fin de asesorar ás familias de Negreira en materia de enerxía e para minimizar o coste enerxético na vida dos colectivos máis vulnerables da nosa sociedade, a través do Bono social eléctrico.

Será o xoves 3 de maio, ás 17:00 horas no Auditorio da Casa dá Cultura, na Carreira de San Mauro, 11.

A modo de charla, informaráse de cómo aprender a ler e optimizar a factura de luz e gas, e a establecer hábitos de consumo eficientese aproveitar as axudas como o Bono social. Recoméndase asistir e vir coa factura eléctrica, e con independencia que sexan ou non, clientes de Gas Natural Fenosa, pois os conceptos son comúns a calquera comercializadora de enerxía doméstica.

Os actores Jouse García, Xoque Carbajal, Patricia Rodríguez, Celia González e Carlos Mosquera, protagonizan a comedia O caso é ter saúde, da compañía Malasombra Producións, que baixo a dirección de Marcos Orsi represéntase este venres 27 de abril, ás 21:00 horas na terceira entrega do Ciclo de Teatro 2018.

A comedia ten unha duración de 70 minutos e está recomendada para un público a partir de 16 anos, e a entrada é de balde. O caso é ter saúde é unha comedia de principio a fin, que fala da condición humana, da súa ambición polo diñeiro, e do que as persoas somos capaces de facer por conseguilo.

Sépnose

Un vinte e dous de decembro, o día da lotaría de Nadal, Miki vive dúas circunstancias das que cambian por completo unha vida: Lola, a súa parella, abandónao repentinamente e sen previo aviso logo de vinte anos de relación, e minutos máis tarde, o seu décimo resulta premiado con catrocentos mil euros no gordo da lotaría de Nadal. Miki non sabe como sentirse, pois está eufórico e deprimido a partes iguais. Esta situación sumada á visita do seu amigo Suso, a posterior chegada dunha prostituta rusa chamada Irina e a inesperada aparición dun ladrón italiano chamado Dimitri, farán que Miki viva a hora e media máis intensa e confusa da súa vida.

A historia transcorre nunha contorna de crise, nun ambiente de clase media decadente, que ten que buscarse a vida de calquera forma para saír adiante. O público, a través do distanciamento que produce a comedia, deixando ver claramente o ridículo das situacións, é o espectador privilexiado que observa ata que extremos pódese chegar con tal de saír adiante, aínda que sexa traizoando aos seres máis queridos, ou facendo cousas que nunca se pensou facer.

Os dous cómicos actúan en Negreira co seu novo espectáculo ¨A culpa é do sistema¨, este luns 30 de abril, véspera do festivo, a partir das 21.00 horas dentro do Ciclo de Teatro 2018. Neste espectáculo o público é o principal protagonista. Os asistentes escollen entre varias opcións cada vez que se plantexa una nova situación sobre o escenario. A temática non pode ser outra que a actualidade. Calquera acontecemento relevante pode ser tratado e analizado con ironía, ollo crítico e, sobre todo, humor.

As entradas custan 10 euros e están á venda na Delegación de Cultura, o restaurante Casa Barqueiro e a través da web ataquilla.com.

É un espectáculo no que o público marcará desde as súas cadeiras, os temas a tratar polos cómicos sobre o escenario, provocando improvisadas críticas sobre os últimos acontecementos da actualidade.

Cando se xuntan dous cerebros hiperactivos como os de Federico Pérez e Pepo Suevos, pode pasar de todo. O obxectivo concreto destes dous elementos era concebir unha peza que fixese escachar ao público coa risa, pero tamén a eles mesmos. E para iso, non se lles ocorreu nada mellor que facer do público o principal protagonista do espectáculo, como creativo, ademais de como destinatario.

Os asistentes á función poderán escoller entre varias opcións cada vez que se plantexe unha nova situación sobre o escenario, e os atrevidos actores terán que adaptar os contidos da obra á demanda do respetable.

Este sábado 5 de maio, a partir das 15:30 horas, o Pavillón de Pedra Mámoa acolle a xornada de clausura da tempada 2017-2018 das Escolas Deportivas do Concello de Negreira, nas que participan máis de 300 alumn@s. Con tal motivo, haberá exhibicións das diferentes disciplinas, así como partidos de fútbol sala e baloncesto.

Horario:

15:30. Partido de fútbol sala - Prebenxamíns 2011

16:00. Exhibición Escola de Patinaxe grupo 2

16:10. Exhibición Escola de Ciclismo

16:30. Exhibición de kárate - Club O Coto

16:50. Entrega de agasallos: Escola de Atletismo, Multideporte e Predeporte.

16:55. Entrega de agasallos Escola de Xadrez

17:00. Exhibición de Patinaxe grupo 1

17:10. Exhibición Escola de Tenis

17:30. Exhibición de Patinaxe grupo 3

17.40. Partido Escola de Baloncesto

18:20. Exhibición deporte alternativo

18:40. Partido de fútbol sala - Biberóns 2012

19:10. Exhibición de kárate - Escola Akai Ryu

19:35. Exhibición Escola de Ximnasia Rítmica

A campaña O que se enchufa, recíclase, da Xunta de Galicia, chega este martes e mércores ao noso concello. Trátase dunha campaña de información e sensibilización sobre a importancia de reciclar os residuos de aparellos eléctricos e electrodomésticos.

A empresa Medeland é a encargada de levar a cabo o proxecto. O mesmo consiste en situar puntos de información con asesores, establecéndose un pequeno stand na vía pública. En Negreira, os lugares escollidos son: polas mañás, diante do edificio de Servizos Múltiples (antigo instituto), na rúa de Castelao. Polas tardes, diante da Casa dá Cultura, na Carreira San Mauro, 11. O horario é de 11 a 14 horas, e de 16 a 19 horas.

Esta campaña tamén defúndese en redes sociais, e a través da web: oqueseenchufareciclase.gal

Os maiores de Negreira celebraron o pasado sábado o seu vixésimo terceiro encontro, organizado polo Concello de Negreira, no que Victorina Forján Mayo, de 101 anos de idade; e o seu irmán, Jesús Dourino Forján Mayo, a piques de entrar este ano no selecto clube dos centenarios, recibiron o recoñecemento dos máis de seiscentos participantes e ambos foron agasallados nunha sobremesa coas actuacións musicais das cantantes Ruth Cundíns, presentando temas do seu primeiro disco en solitario Miña terra galega, e de Patricia Iglesias.

Nos actos, que incluiron unha misa oficiada polo sacerdorte Juan José Fernández Touceda, párroco de A Pena, Landeira, Liñaio, Gonte, Xallas, Lueiro, Arzón, Broño e Aro, así como a actuación da Banda Municipal de Negreira, á saída da mesma; participaron membros da Corporación Municipal co alcalde, Jorge Tuñas Caamaño, á cabeza, xunto ó primeiro tenente de alcalde, Manuel Ángel Leis Míguez; María del Mar García Vidal, concelleira de Emprego, Muller, Agricultura e Medio Ambiente; José Daniel Casal Leis, concelleiro de Xuventude e Deportes, ademáis de Juan Rey Maceira, María José Carballo Villar e Marcelino García Pedrares, en representación do grupo municipal do Partido Popular, e María del Carmen Vieites Pardo, en representación do partido de Ciudadanos.

O noso agradecemento á Agrupación Local de Protección Civil de Negreira pola súa colaboración neste evento.

Dentro dos actos conmemorativos das Letras Galegas 2018, o Auditorio do Centro Sociocultural acolleu este martes o acto de entrega dos premios do Certame de Pintura infantil ¨Negreira en cor¨, ademáis da clausura e entrega de diplomas aos participantes na Escola Municipal de Pandeireta.

Na categoría de 6 a 12 anos:

1º premio - Celia Lista Vieito, coa obra A casa do lago

2º premio - Lucia Rouco Zarco, por A árbore da vida

3º premio - Laura Vieites Ferreiro, coa obra Dama bolboreta

Na categoría de 13 a 18 anos:

1º premio - Laura Rodríguez Capeáns, pola obra A colleita

2º premio - María Suárez Canoura, por Paisaxe

3º premio - Paola Enjo Lueiro, coa obra Orange

Os premios consistiron nun vale en metálico de 200, 100 e 50 euros, respeitivamente, e en cuxa entrega participaron o alcalde de Negreira, Jorge Tuñas Caamaño, e maila concelleira de Educación, María Jesús Veiga Hortas.

Contouse coa actuación do alumnado da Escola Municipal de Pandeireta, coas súas profesoras Sonia Nieto e Paula Liñares, e a entrega dos seus diplomas.

O Pavillón Municipal de Pedra Mámoa acolleu este xoves 17 de maio, a Fase Final Intercomarcal de Fútbol Sala en categoría Prebenxamín, coa vitoria final do equipo da Escola Municipal de Futsal de Negreira por 4 goles a 2 ante o Outes C.F. Nas semifinais, os anfitrións venceron 9-4 ó equipo do Terras de Iria, mentras que na segunda semifinal foi o Outes quen vencía 5-3 á Escola de Fútbol Base de Corcubión.

O terceiro posto correspondeu ó equipo de Corcubión que tras empatar a seis goles co Terras de Iria, o desempate decidiuse na tanda de penaltis (1-2), logo de empatar a ceros na prórroga.

No Pavillón de Pedra Mámoa viviuse un gran ambiente entre familias dos catro concellos participantes, cuxo colofón foi a entrega final de trofeos e medallas aos catro equipos por parte do primeiro tenente de alcalde, Manuel Ángel Leis Míguez.

O noso concello será protagonista este sábado de dous novos eventos deportivos. Por un lado, o XXI Torneo Intermunicipal de Fútbol Sala, que reúne a unha ducia de equipos campións das súas respeitivas ligas locais, e polo outro, a Fase Intermedia de Fútbol 8 categoría Prebenxamín, cuxo campión clasifícase para a Fase Final Autonómica, a xogarse este sábado no Campo Jesús García Calvo.

O Torneo Intermunicipal de Fútbol Sala comeza ás nove da mañá, tanto no Pavillón de Pedra Mámoa como no de San Vicenzo (A Baña). En Negreira farano os seguintes equipos: Teo; Santiago 2; Arzúa; Negreira; Trazo e Frades, en dous grupos. Na Baña: Tordoia; Ordes; Santiago 1; Vedra; Rianxo e Santa Comba.

Os partidos terán unha duración de 40 minutos cronometrados a tempo corrido, divididos en dous tempos de vinte minutos. Os horarios da mañá serán de 9 a 14 horas, e tanto as semifinais como o terceiro posto e a final, xogaranse no Pavillón de Pedra Mámoa, a partir das 16:00 horas, sendo a gran final ás 18:30 horas. De dúas a catro da tarde, haberá un parón para o xantar de confraternización na carpa instalada en Pedra Mámoa.

O sábado 9 de xuño, a vila de Negreira vestirá as súas mellores galas para acoller a terceira edición do Triatlón Solidario Concello de Negreira, que organiza o Club Cervecería O Cotón coa colaboración do Concello de Negreira e dos Concellos de A Baña e Brión, así como numerosas firmas comerciais e entidades sociais. A recadación do evento irá destinada á investigación e tratamento de enfermidades raras e crónicas pola Obra Social Pediatría, do Servizo de Pediatría do Hospital Clínico Universitario de Santiago, representada por Elena Sobrino, directora da aula hospitalaria do Clínico.

No acto de presentación participaron os alcaldes de Negreira, Jorge Tuñas Caamaño, e da Baña, Andrés García Cardeso, e mailo técnico de Deportes de Brión, José Manuel Trigo, acompañados por Manuel Sanmartín e Samuel Fernández, membros da directiva do club Cervecería O Cotón Negreira. Todos puseron de manifesto o carácter solidario do evento e a importancia da colaboración entre administracións para un fin benéfico.

O III Triatlón Solidario celebrarase na tarde do sábado 9 de xuño, a partir das 17.30 horas e comezará co sector de natación nas augas do encoro Barrié da Maza, ao seu paso polo lugar de Ponte Ínsua, entre Negreira e Brión, cunha travesía a nado de 750 metros. Seguidamente, o sector de bicicleta para cubrir 20 quilómetros arredor de Negreira e, finalmente, o sector de carreira a pé, de 5.000 metros de distancia polo centro da vila, rematando na meta sita no Pazo do Cotón.  

As inscricións pódense formalizar no seguinte enlace:

III Triatlón Solidario Concello de Negreira