Promovida polos departamentos de Orientación dos institutos de Bertamiráns (Ames), Brión e Negreira, este ano tamén contará coa participación como centro convidado do IES de O Milladoiro. Desenvolverase no pavillón de Pedra Mámoa, o xoves 24 de abril e o evento reunirá a 63 expositores entre centros de Formación Profesional, as tres universidades, empresas e profesionais independentes.

A previsión dos organizadores apunta a unha participación superior ás 1.600 persoas. Pola mañá farano os estudantes dos catro centros en dúas quendas de aproximadamente setecentos alumnos por quenda que se desprazarán en autobuses ata o complexo deportivo negreirés. Pola tarde, de catro a seis e media, a feira abrirá as súas portas ás familias. Ademais, unha vintena de alumnos colaboran na organización mediante varios grupos de traballo.

Un proxecto inclusivo e sostíbel para salvar ás abellas e fomentar a educación ambiental. Co obxectivo de concienciar sobre a importancia das abellas no noso ecosistema, naceu o proxecto "Os fillos da incerteza: a nosa alvariza", unha iniciativa innovadora e que combina educación ambiental con inclusión social. Dirixido a menores de entre 0 e 6 anos, integrantes da Unidade de Atención Temperá de Negreira e Val do Dubra, este proxecto busca fomentar o respecto pola biodiversidade e desenvolver habilidades sociais, cognitivas, motoras e sensoriais a través do contacto coa natureza.

O certo é que cando as familias deciden ter fillos enfróntanse dalgunha maneira, aínda que evidentemente a nivel metafórico, ao principio da incerteza. Non poden saber con precisión e ao mesmo tempo que é o que está a ocorrer dentro da barriga. Desde a Unidade de Atención Temperá traballan dobremente con fillos e fillas da incerteza, non só porque son unha incerteza en si mesma ata o momento do nacemento, senón que tamén o é a súa evolución posterior. Máis que ninguén, eles son fillos da incerteza, da incerteza, da biodiversidade e do desafío.

Desafíos diarios

O proxecto, impulsado pola UAT, en colaboración con expertos en apicultura, non só busca fomentar a protección das abellas, senón tamén dar voz a aqueles menores que, como estes insectos, enfróntanse día a día a numerosos desafíos; e, con todo, con apoio e comprensión, poden florecer e facer do mundo un lugar mellor.

O proxecto contou co apoio dos concellos, os centros educativos e mailas familias. Éstas últimas mostraron gran entusiasmo por esta iniciativa pioneira en Negreira e Val do Dubra. Ademais, este proxecto enmárcase nos Obxectivos de Desenvolvemento Sostíbel (ODS) da Organización de Nacións Unidas (ONU), contribuíndo á educación de calidade, a acción polo clima e a protección do noso ecosistema.

"Queremos que todos os nenos e nenas teñan a oportunidade de aprender sobre a natureza e sentirse parte activa da súa protección. Con este proxecto, non só promovemos a conservación das abellas, senón que tamén traballamos na inclusión e no desenvolvemento de capacidades dos menores con diversidade funcional", sinalou María Jesús Cao, coordenadora da UAT. 

O Goberno local convocou para este sábado, día 5 de abril, a unha reunión informativa á veciñanza da parroquia de San Pedro de Xallas como posibles afectados pola execución do proxecto eólico Outes en terreos da devandita parroquia.

Na xuntanza, que terá lugar o sábado dende as 19.30 horas no Local social de Xallas, darase conta de toda a información recabada nas últimas semanas polo Concello, tanto por parte da Xunta de Galicia que encárgase da súa tramitación como por parte da empresa promotora Norvento SL.   

O proxecto presentado pola promotora contempla o levantamento de cinco grandes aeroxeradores, dos que catro irían en territorio de Negreira e maila correspondente subestación, cunha potencia de 21 megawatios. A súa tramitación arrincou en xullo de 2012 mediante a exposición pública.

Informamos da apertura do prazo para a renovación de matrícula e solicitude de novo ingreso, de nenos e nenas, de 0 e 3 anos de idade, na Escola Infantil Municipal para o curso 2025-2026.

O prazo de renovación de matrícula vai do día 1 ó 15 de abril, e o de novo ingreso, do 1 ó 30 de abril. O lugar de tramitación é na propia escola en horario de 9:00 a 14:00 horas, de luns a venres.

A documentación necesaria pódese consultar a continuación, así como descargar os modelos de inscrición.

No mundo malabares, todo segue un patrón, unha orde, un ciclo perfecto que garante que as bólas non caian, que as mazas tracen o seu camiño no aire e que os diábolos xiren sen fin. Pero qué pasa cando tres malabaristas queren levar a batuta ao mesmo tempo?

En Sen patrón, non hai quen made, só mans que compiten e obxectos que voan por riba das súas cabezas nun aparente caos divertido e fascinante. Tres cómicos que viven e se moven como os malabares que controlan, facendo patróns, ciclos que se repiten ata complicarse sen sentido.

Sen patrón é a última creación saída da factoría de Pistacatro Produtora mediante unha residencia artística no auditorio Afonso Eanes do Cotón. Dirixida por Pablo Reboleiro, que tamén é un dos seus malabaristas cando a Aitor Garuz e Santiago Montero, con música a cargo de Manuel Fonte, o espectáculo estréase esta primavera 2025 despois de semanas de creación en Negreira e de dous pases previos para escolares do colexio O Coto.

O espectáculo Sen patrón inclúe circo, malabares e humor, estando adaptado tanto para rúa como para sala. Dende Negreira desexámoslle o maior dos éxitos.  

O Concello de Negreira promove na súa décimo sexta edición, o Certame de pintura infantil “Negreira en cor”, no que poderán concorrer mozos e mozas de entre 4 e 18 anos de idade, en catro categorías: de 4 a 7 anos; de 8 a 11; de 12 a 14 e de 15 a 18 anos.

A temática será libre, con liberdade de estilos e medios, pero non premiados noutros concursos. Para a súa presentación haberá liberdade de soportes e tamaños.

O prazo de presentación de traballos ábrese o 22 de marzo até o día 30 de abril, na Delegación de Cultura (Casa da Cultura – 1ª planta 15830 Negreira). Cada orixinal debe levar o formulario de inscrición cuberto.

Máis información: 676 454 879 ou no enderezo: marcos.perez@concellodenegreira.gal 

Segundo traslada a Axencia para a Modernización Tecnolóxica de Galicia (AMTEGA), dependente da Xunta de Galicia, a compañía Telefónica está a levar a cabo o apagado de centrais de cobre que prestan servizo no ámbito territorial da comunidade.

Devandito proceso de peche de centrais lévase a cabo por parte do operador Telefónica co motivo da transformación da súa rede de acceso de pares de cobre e o cesamento no seu uso, ao migrar os usuarios que dependen destas centrais para estar atendidos mediante fibra óptica ou outras tecnoloxías.

Este proceso de apagado das redes de cobre afecta a todos os operadores que presten servizo mediante liñas de cobre. Telefónica realizará o peche completo en maio de 2025.

Como queira que este proceso pode xerar dúbidas e posibles incidencias entre os usuarios finais, para atender calquera consulta ou problema, os usuarios deben poñerse en contacto co seu operador a través das súas canles comerciais habituais.

O Concello de Negreira, en liña co seu compromiso coa conciliación familiar e laboral, pon en marcha o programa “Concilia Semana Santa” durante os días non lectivos das vacacións escolares do devandito periodo.

O programa desenvolverase nas xornadas do 14, 15, 16 e 21 de abril, no Centro Sociocultural, en horario de 8:30 a 14:30 horas. Alí, os nenos e nenas participantes poderán gozar das actividades lúdicas nun espazo seguro, mentres as súas familias compatibilizan as obrigas laborais e persoais.

As persoas interesadas en inscribir aos seus fillos e fillas poderán solicitar praza ata o martes 25 de marzo, lembrando que as prazas son limitadas e que se respetará a orde de inscrición.

Con esta acción, a administración local reafirma o seu compromiso co benestar das familias e a importancia de ofrecer solucións prácticas para a conciliación.

Para máis información, as persoas interesadas poden dirixirse ao Centro de Información á Muller (C.I.M.) do Concello de Negreira.