O sábado 21 de xuño no patio do Ceip O Coto chega unha nova edición deste concerto  con tanto arraigo no noso Concello.

A partir das 19:30h  comenzaremos coa Foliada Local coa participación dos grupos locais  da Escola Municipal de Pandeireta, O grupo de música tradicional Os Garuleiros e a  Sociedade Cultural e Folklórica Veiga do Cotón, que farán que o comezo da festa  coas súas interpretacións e os seus bailes sexa xa do mais intenso.

As 21:00h remataremos coa foliada e comenzaremos coas actuacións dos tres grupos do Nicrafolk que a continuación imos coñecer un pouco mais en profundidade:

MARICARME actuará as 21:00h (aprox 60min)

Maricarme é o resultado de xuntar tres recoñecidas caras do panorama musical galego: Antía Ameixeiras (Caamaño&Ameixeiras), Cibrán Seixo (Davide Salvado, Budiño) e Migui Carballido (Zeltia Irevire). Os instrumentos acústicos (violíns, pandeiros, bouzouki...) únense á sonoridades máis electrónicas (sintetizador de baixo, pads, pedais...) creando un folk orixinal e poderoso. Maricarme viaxa dende a tradición oral ás composicións propias e presenta un concerto dinámico no que prometen facervos bailar.

Este novo supertrío do folk galego, orixinado en 2023, xa pasou por algúns dos ciclos e festivais máis senlleiros do noso panorama musical, entre eles: Festival Maré, Seráns en Feixóo, Festiletras, Castelo Conta, As Cores do Outono, Foliada da Fonsagrada…

Mercedes Peón -   INGRÁVIDA actuará as 22:15h (aprox 80min)

Premio Nacional á Cultura da Xunta de Galicia - Artista do ano para Folkword
Candidata a artista do ano para BBC Radio 3 - Artista Top TEN na Revista Songlines
E moitisimos máis  ao longo da súa extensa traxectoria...

Compositora, vocalista e instrumentista galega, Mercedes Peón é considerada como unha das mulleres máis carismáticas do circuíto da world music actual. A súa música achega unha variedade compositiva que arrinca desde a polirritmia, baixo a mirada dos ritmos máis ancestrais, culminan en temas eclécticos e descaradamente vibrantes. O seu amplo repertorio, e a enerxía que se apodera de cada unha das súas actuacións, fan desta muller unha figura fundamental da escena etnocontemporánea en Europa.

Despois de afondar na tradición durante máis de 25 anos, no 2000 gravou o seu primeiro álbum, chamado Isué. Nos seus traballos posteriores Ajrú (2004) e Sihá (2007), as súas composicións levárona a unha particular atmosfera na que se achegou ao electroacústico, facendo do resultado o seu sinal distintivo dentro e fóra das nosas fronteiras.

O universo creativo de Mercedes Peón amplíase así, ao combinar artesanía musical e vangarda creativa mentres mantén o seu discurso, sempre social e feminista. Esta traxectoria fai dela unha das artistas galegas máis destacadas de comezos do século XXI.

O ESPECTÁCULO:
Logo de 20 anos da estrea do seu primeiro disco Isué, Mercedes Peón ofrécenos esta xira percorrendo temas dos seus 5 discos editados en solitario, chea das influencias das recollidas de campo que fixo durante 25 anos polas aldeas, dos traballos cinematográficos ou para danza. Este concerto está acompañado polos grupos de pandeireteiras Raigañas, Xirifeiras, por voces de ConcertoTempo, polo dúo Caamaño&Ameixeiras, Mónica de Nut e Ana Fernández.

A cabalo do acústico e da electrónica, Xira Ingrávida é unha festa de celebración desta efeméride e unha homenaxe a persistencia da creación colectiva, que é un xeito de mirar o mundo.

OS CARUNCHOS - Unha gorxa chea de paxaros (Manuel Maria) actuará as 23:45h (aprox 75min)

Os Carunchos nace a  finais de 1994 coa idea de mesturar temas cantados co repertorio de gaiteiros solistas, conseguindo naquel momento unha formación nova e orixinal coa que Os Carunchos participan nos máis importantes festivais folk do país.

Os Carunchos renden homenaxe ao poeta Manuel María musicando unha selección dos seus poemas. Ao tempo que celebran o seu 30 aniversario neste 2024, Os Carunchos celebran tres décadas de música en galego co gran Poeta da Terra. Deste encontro prodixioso entre a música e a palabra xorden trece temas, “unha gorxa chea de paxaros” e de versos, cos que celebrar a longa vida dunha das bandas fundamentais da música tradicional galega.

O sábado 17 de maio, coincidindo co Día das Letras Galegas o pavillón de Pedra Mámoa vai a albergar o 7º Torneo Interescolas de Ximnasia Ritmica, un evento que contará con máis de 600 deportistas e 28 escolas e clubs de ximnasia rítmica de Galicia e Asturias.

Horarios:
A competición estará dividida en duas partes; pola mañán é a quenda dos participantes de nivel 1 e pola tarde a do nivel 1 e 2.
De 9:30 h. a 11:02 h. Individuais.
As 11:05 h. Entrega de medaias.
De 11:30 h. a 13:48 h. Conxuntos.
Ás 14:00 h. Entrega de Premios.
De 16:30 h. a 16:55 h. Nivel 1 Dúos e Trios.
De 17:10 h. a 18:13 h. Conxuntos Nivel 2.
DE 18:30 h. a 19:05 h. Individuais Nivel 2.
De 19:10 h. a 19:16 h. Dúos e Trios Nivel 2.
De 19:20 h. a 19:30 h. Grupais.
Ás 19:35 h. Entrega de Premios.

Organización:
A organización do evento corre a cargo do club Marusia e do Club Ximnasia Rítmica Compostela coa colaboración do Concello de Negreira.

Clasificación:
Os equipos mellor clasificados na Fase de Burela e Negreira obterán o pase para a Gran Final que terá lugar en Ourense o 28 de xuño.

Escola Municipal de Ximnasia Ritmica:
Despois dos bos resultados obtidos na primeira cita deste torneo en Burela o pasado 15 de marzo, as integrantes das Escolas Deportivas de Ximnasia Rítmica de Negreira, teñen a ilusión de poder mostrar o seu traballo e de seguir progresando nesta disciplina.

Está todo preparado para unha cita que está marcada no calendario como unha das probas deportivas máis importantes do ano, xa que nesta xornada poderemos ver as mellores ximnastas escolares e novos valores de Galicia, nun deporte que destaca pola disciplina, o traballo en equipo e a superación persoal.

+INFORMACIÓN

O Concello de Negreira, a través do seu Departamento de Servizos Sociais, impulsa un ano máis o Programa de Fisioterapia e podoloxía, unha iniciativa destinada a mellorar a calidade de vida das persoas maiores do noso municipio.

Este programa vai dirixido a persoas maiores de 60 anos que sexan dependentes ou teñan algún grao de discapacidade ou problemas de mobilidade, ofrecéndose atención gratuíta no propio domicilio para facilitar o acceso aos servizos e garantir o benestar dos beneficiarios.

As persoas interesadas en participar deben presentar a súa solicitude do 15 ao 29 de maio de 2025, no Departamento de Servizos Sociais do Concello de Negreira ou contactando a través do número de teléfono: 981 88 53 81

O Concello de Negreira abre este mércores 14 de maio o prazo de inscrición para o seu campamento de verán, o Campamento Urbano Respira, a desenvolverse nas instalacións do CEIP O Coto e dirixido a familias con menores de 3 anos (escolarizados) a 12 anos. As prazas son limitadas.

Requisitos de acceso ao servizo (poderán acceder ao mesmo sempre que se cumpran os dous requisitos):

• Familias empadroadas no Concello de Negreira.
• Familias nas que ambos proxenitores ou titores legais estean traballando ou en situación de busca activa de emprego ou formación laboral.

Para a adxudicación das prazas terase en conta a orde dos seguintes criterios recollidos no Regulamento do Programa Negreira Concilia (Madrugadores e Merendas), Diververán (BOP do 8 de marzo de 2022, núm. 45):

1. criterio − Familias que aporten informe social que indique a necesidade do servizo en base a circunstancias socioeconómicas e familiares.
2. criterio − Familias con fillos/as de mulleres vítimas de violencia de xénero.
3. criterio − Familias monoparentais.
4. criterio − Familias numerosas.
5. criterio − Familias nas que algún dos proxenitores teña o seu posto de traballo no Concello de Negreira.
6. criterio − Calquera usuario/a.

O campamento desenvolverase do 1 de xullo ao 31 de agosto, podendo as familias elixir as quendas que necesiten, quedando distribuídas da seguinte maneira co seu correspondente prezo público recollido na ordenanza (11 de marzo de 2022):

1ª quenda: do 1 ao 15 de xullo

2ª quenda: do 16 ao 31 de xullo

3ª quenda: do 1 ao 15 de agosto

4ª quenda: do 16 ao 31 de agosto

Documentación requirida:

• Modelo normalizado de ficha de inscrición
• DNI dos responsables do/a menor
• Libro de familia, sentenza ou resolución administrativa que acredite a relación xurídica
• Tarxeta sanitaria do/a menor
• Declaración do IRPF ou, no caso de non presentala, certificación negativa
• Xustificante bancario de ingreso do prezo público
• Xustificante da situación de emprego (informe de vida laboral, última nómina, pago do último recibo de autónomos)
• Xustificante da necesidade do servizo por incompatibilidade horaria (certificado de demandante de emprego, xustificante de busca activa de emprego, ou xustificante de asistencia a accións de formación laboral)

O horario do campamento será de 8:30 a 14:30 horas, e as familias poderán facer uso do servizo en función das súas necesidades, permitíndose entradas e saídas flexibles. Para o bo desenvolvemento das actividades programadas, recoméndase que aquelas familias que non vaian facer uso do horario completo incorporen aos nenos/as arredor das 10:00 h e os recollan a partir das 13:30 h.

Exencións e bonificacións

Segundo as circunstancias da unidade familiar, aplicaranse os seguintes descontos:

1. Exención: A emisión dun informe social do departamento de servizos sociais que indique a necesidade do servizo e a inexistencia de posibilidades económicas para aboar o custo implicará a exención da cota.
2. Bonificación: Cando asistan ao servizo varios irmáns/as de xeito simultáneo, o segundo e sucesivos terán un desconto do 50%.

O persoal técnico responsable do servizo poderá requirir outra documentación complementaria ou adicional que se precise.

As solicitudes poden presentarse de xeito telemático, a través da sede electrónica do Concello (https://negreira.sedelectronica.gal), ou de xeito presencial no Rexistro Xeral do Concello de Negreira, en horario de 9:00 h a 14:00 h, de luns a venres, do 14 ao 28 de maio.

Prezo: 100 €/mes; 50 €/quincena.

A Corporación Municipal de Negreira está convocada ó Pleno da Corporación en sesión ordinaria, o luns, día 12 de maio, ás 20:00 horas no Salón de Plenos da Casa do Concello coa seguinte orde do día:

Primeiro.- Dar conta dos Decretos de Alcaldía emitidos dende o último Pleno  Ordinario: do nº 68/2025 ó nº 148/2025, ambos inclusive.

Segundo - Ratificación do Decreto de Alcaldía 120/2025, de 14 de abril, relativo á aprobación da modificación do proxecto técnico “ Humanización de la rúa do Carme, Negreira” POS +2025.(Expediente: 2025/G003/000131).

Terceiro.- Ratificación do Decreto de Alcaldía 121/2025, de data 14 de abril, relativo á aprobación da modificación do proxecto técnico “ Red de saneamiento en los núcleos de Cancelo y Trians en Cobas (Negreira) “ POS +2025. (Expediente: 2025/G003/000132).

Cuarto.- Ratificación do Decreto de Alcaldía 136/2025, de data 30 de abril, relativo á aprobación da modificación do proxecto técnico “Aglomerado VP Aro-Pedralonga” POS +2025. (Expediente: 2025/G003/000156).

Quinto.- Ratificación do Decreto de Alcaldía 137/2025, de data 30 de abril, relativo á aprobación da modificación do proxecto técnico “Aglomerado VP Chancela_DP1302” POS +2025. (Expediente: 2025/G003/000157).

Sexto.- Ratificación do Decreto de Alcaldía 125/2025, de 22 de abril relativo á corrección de erros no expediente de licitación do servizo de atención temperá (SAT) (Expediente: 2025/G003/000133).

Sétimo.- Ordenanza reguladora das condicións de uso de espazos, locais e instalacións municipais do Concello de Negreira (Expediente: 2025/G013/000002).

Oitavo.- Ordenanza fiscal reguladora da taxa pola prestación de actividades deportivas e culturais municipais (Expediente: 2025/G016/000001).

Noveno.- Ordenanza fiscal reguladora do uso dos espazos locais e instalacións municipais do Concello de Negreira (Expediente: 2025/G016/000002).

Décimo.- Rogos e preguntas.

Negreira convértese no segundo concello de Galicia, tralo de Ribeira, en formar parte de cardio@ngel, a primeira rede de voluntarios capacitados para realizar unha reanimación cardiopulmonar (RCP) e salvar vidas. Cardioangel é unha iniciativa privada que busca resolver a principal causa de morte no mundo: os ataques de corazón. A solución pasa por un rápido auxilio só coas túas mans, mentres chegan os profesionais sanitarios.

O usuario dado de alta na startup cardioangel lanza unha petición de auxilio cun só click do seu smartphone e a rede de usuarios recibe a alarma para auxiliarlle cando estean preto.

Manuel Ángel Leis, o noso alcalde e Juan Carlos Martínez, CEO da startup asinaron hoxe un convenio que permitirá á cidadanía ter unha formación gratuíta. A primeira será este sábado de 12 a 14 horas no auditorio da Casa dá Cultura.

A Deputación da Coruña fixo público os titulares afectados por unha expropiación forzosa para construir dúas sendas peonís en itinerarios provinciais como son a DP-5602 (Negreira a Pontenafonso), íntegramente na zona de Negreiroa e maila DP-1302 (Negreira a Urdilde), no treito entre A Abeanca e a Ponte Ínsua.

En total son 48 fincas afectadas entre as dúas sendas, cuxos propietarios serán notificados por carta nos vindeiros días, se ben a relación de titulares afectados pódese comprobar no Boletín Oficial da Provincia deste luns día 4 de maio.

Deberán comparecer o martes 10 de xuño, no Concello de Negreira, en horario de 10:30 a 10:45 horas, ben persoalmente ou ben representados pola persoa debidamente autorizada para actuar no seu nome, achegando os documentos acreditativos da súa titularidade como Documento Nacional de Identidade, Tarxeta do Número de Identificación Fiscal e o último recibo do Imposto sobre Bens Inmóveis, podendo facerse acompañar á súa costa, se o estiman oportuno, dos seus peritos e notarios.

A partir de hoxe hai quince días naturais para presentar alegacións mediante un período de información pública, a fin de que as persoas interesadas poidan formular por escrito, as alegacións que estimen pertinentes ante a Deputación da Coruña.

https://bop.dacoruna.gal/bopportal/publicado/2025/05/05/2025_0000002673.pdf 

O auditorio Afonso Eanes do Cotón acolle este venres 9 de maio a estrea do espectáculo “Coa cabeza nas nubes”, da compañía Söa, que estivo a facer unha residencia artística na nosa vila. O primeiro pase está programado para as 12:50 horas e está dirixido a estudantes de 2º e 3º da ESO do IES Xulián Magariños. Pola noite, ás 21:00 horas celebrarase a función para o público xeral.

A peza explora o paso do tempo e a perda da xuventude a través dunha linguaxe artística que mestura danza, clown e música. Abórdanse temas universais como o xogo, a memoria e o esquecemento desde unha perspectiva que pretende conectar co público xuvenil e adulto.

A representación é un traballo conxunto da bailarina, artista circense e coreógrafa Paula Quintas, coa asesoría de Arturo Cobas.

Ficha artística:

• Creación e interpretación: Martín Blanco e Carlota Rosón
• Dirección: Paula Quintas
• Asesoría artística: Arturo Cobas
• Creación musical: Elba Souto
• Iluminación: Violeta Martínez
• Fotografía: Catarina Lobo

Entradas á venda en www.woutick.es ou na Delegación de Cultura. Prezo: 2,50€

O Concello de Negreira no seu labor de promoción e comercialización de servizos e establecementos hostaleiros pon en marcha o “SABOREA NEGREIRA” os días 2, 3 e 4 maio como ferramenta de dinamización da oferta comercial.

Trátase dunha proposta gastronómica e musical en donde 4 locais de hostalaría ofrecen unha tapa elaborada ao prezo de 2,5 € no que os que proben as 4 propostas entrarán no sorteo de premios. Ademáis haberá a actuación de 4 grupos musicais locais en distintos horarios durante os tres dias

HORARIO:

Os locais servirán as tapas dende as 12:00 horas ata as 14:30 horas e de 19:30 horas ata as 21:30 horas.

LOCAIS PARTICIPANTES:

Os locais participantes nesta experiencia culinaria son: Restaurante Lume, Bar D´Tapas, Bar Fontana e Bar Oriel, neles os clientes que queiran participar no sorteo deberán cubrir e votar pola mellor preparación.

ACTUACIÓNS MUSICAIS:

VENRES 2/05  DUO MENTA POLEO – RESTAURENTE LUME 20:30h
SÁBADO 3/05 DUO SUNSET – BAR D´ TAPAS 12:30h
SÁBADO 3/05  SONS DA BARRA -  BAR ORIEL 20:30h
DOMINGO 4/05  DOUS HOMES E UN TERCIO – BAR FONTANA 12:30h

SISTEMA DE VALORACIÓN:

Serán tomados en conta só os puntos da valoración nos tapasportes que teñan os 4 selos dos establecementos participantes.

As urnas cos tapasportes selados serán recollidos o luns 5 e/o martes 6 de maio de 2025.

Terán oportunidade de participar no sorteo do público só os tapasportes con todos os selos do total de establecementos.

SELECCIÓN DA TAPA GAÑADORA:

Entre todas as tapas presentadas, escollerase o establecemento gañador segundo a puntuación acadada.

O reconto da votación dos pasaportes será público e terá lugar en Radio Negreira (107.0 FM)o mércores 7 de maio de 2025.

O resultado darase a coñecer ese mesmo día en Radio Negreira. Así mesmo, será difundido nas nosas RRSS.

PREMIO ESTABLECEMENTO DA TAPA GAÑADORA:

O premio consistirá nun agasallo dun artesán así coma unha e-caixa por valor de 250€ con 39 meses de validez para trocar.

BASES DO SORTEO DO PÚBLICO:

- Participan no sorteo só os tapasportes que teñan o TOTAL de establecementos participantes selados.

- O sorteo entre o público participante terá lugar nun evento final o venres 9 de maio de 2025.

- O gañador deberá estar presente no momento do sorteo. Sacaranse "tapasportes" para cada premio ata atopar un gañador.

- O gañador deberá estar presente no local do sorteo co seu DNI. Non se entregarán os premios a representantes dos gañadores, nin serán validas as autorizacións.

- O premio entregarase única e exclusivamente á persoa que cubrise o tapasporte.

- En caso de ser menor de idade a persoa gañadora deberá estar co seu tutor ou responsable (maior de idade) para recibir o premio.

- No momento de recibir o premio autorizarase a publicación e difusión da foto recibindo o premio correspondente.

PREMIO PARA O PÚBLICO PARTICIPANTE:

- Premio para o primeiro: TV 55´

-  Premio para o segundo: una tarxeta agasallo cortesía de Casa Barqueiro por valor de 100€ (premios con data de caducidade de 1 ano)

- Premio para o terceiro: unha prenda personalizada cortesía de We are b Negreira por valor de 30€ ( premios con data de caducidade de 1 mes)

TAPASPORTE:

Documento no que se recollen os locais e tapas participantes e que deberán selar os establecementos. O tapasporte ten o seu período de vixencia que será o da duración do concurso, terá que estar debidamente cuberto para que sexa válido.

Poderá recollerse en calquera dos establecementos adheridos ao concurso entre o venres 2 e o domingo 4 de maio de 2025. As persoas participantes deberán entregar o tapasaporte nos locais participantes. A data límite para a entrega será o domingo 4 de maio de 2025. Para que os votos sexan válidos cada tapasporte debe ter os 4 establecementos selados e estar debidamente cuberto cos datos.

+ INFO: https://www.rutadastapasnegreira.com/