Doce mesas distribuidas en nove locais electorais albergarán este domingo 28 de abril, as urnas para as votacións ás Eleccións Xerais 2019 para elixir aos representantes no Congreso dos Deputados e mailo Senado, entre as 9:00 e as 20:00 horas.

Cambio en Negreira

Lémbrase á cidadanía do centro urbano, así como ás zonas de Campos, Vilachán, O Corpachón, Ponte Negreira, Patrocinio, Negreira (igrexa), e Negreiroa, o cambio de local electoral do Colexio O Coto para o Centro Sociocultural, dotado de maior espazo e máis accesible para que a veciñanza poida exercer o seu dereito ao voto, ademáis dun maior estacionamento para turismos.

As outras dúas novidades veñen determinadas pola supresión dos locais electorais das parroquias de Broño, que deberán votar no Local social de Aro; e de Bugallido, que farano na Escola de Pesadoira, na parroquia de Alvite.

Locais electorais

Centro Sociocultural (4 mesas)

Teleclub da Chancela (Logrosa)

Local social de Portor (Portor)

Local social de Aro (Aro e Broño)

Local social de Gonte (Gonte, Zas e Cobas)

Teleclub de Landeira (Landeira e A Pena)

Local social de Romarís (Arzón, Lueiro e Xallas)

Teleclub de Liñaio (Liñaio)

Escola de Pesadoira (Alvite, Campolongo e Bugallido)

Esta edición da Ruta das Tapas de este ano, a oitava, será entre o 3 e o 5 de maio.

Cantos de taberna

Esta edición trae como novidade os cantos de taberna, aqui as actuación programadas:

Tapasporte cos horarios da ruta e tapas ofrecidas polos locais

O Tapasporte pódese recoller  na Casa da Cultura, no Concello ou en calquera dos establecementos adheridos ao concurso ou mesmo acceder a el e imprimilo nesta mesma páxina, ao final da mesma.

Os hosteleiros esperan a visita dos participantes no seguintes horarios:

Viernes:  19:00 as 22:30

Sábado: 12:00 14:30 e 19:00 as 22:30

Domingo: 12:00 14:30 

Bases do concurso e o Tapasporte:

A Unidade Móbil de Inspección Técnica de Vehículos Agrícolas desplazarase ao concello de Negreira nas seguintes datas:

1 – Do 24 ó 25 de xuño, no campo da festa de Alvite (Pesadoira).

2 – Do 26 ó 28 de xuño, no Aparcadoiro do Campo da Festa (Negreira).

O horario de atención será de 09:00 a 13:30 horas, e de 15.15 a 18:00 horas, 

Para solicitar cita previa, pódese chamar por teléfono ó 902 30 90 00, ou ben a través da web: www.sycitv.com, no apartado de cita previa.

NOTA: A admisión de vehículos con características particulares estará condicionada á posibilidade de realizar as operacións de inspección regulamentarias.

Consulta os resultados finais escrutados nas doce mesas electorais do concello de Negreira nas Eleccións Xerais 2019 celebradas o domingo 28 de abril, coa vitoria do Partido Socialista de Galicia-PSOE con 1.336 votos (33,58%); seguido do Partido Popular con 1.282 votos (32,22%); Podemos-Eu-Mareas en común-Equo, con 440 votos (11,06%); Ciudadanos con 397 (9,98%); o Bloque Nacionalista Galego, con 210 (5,28%), e Vox que obtivo 194 votos (4,88%).

Catrocentos rapaces e rapazas dos 93 concellos da provincia da Coruña participarán este verán nos campamentos deportivos da Deputación da Coruña, os cales están destinados a nenos e nenas de entre 9 e 14 anos de idade e desenvolveranse durante o mes de xullo no Centro Calvo Sotelo, dependente da Deputación da Coruña, ubicado na cidade da Coruña, en catro quendas de 5 días de duración cada unha.

O prezo do campamento é de 85 euros, e inclúe transporte, estadía e manutención. O prazo de inscrición está aberto ata o vindeiro 31 de maio nos concellos da provincia.

A rapazada de Negreira participará na 4ª quenda, do 21 ao 26 de xullo, cando os da Baña, Val do Dubra, Ames, Brión, Santiago, Teo, Boiro, Boqueixón, Dodro, Lousame, Noia, Padrón, A Pobra do Caramiñal, Porto do Son, Rianxo, Riveira, Rois, Tordoia, Trazo e Vedra.

En cada quenda participarán un total de 100 rapaces, que estarán supervisados en todo momento por monitores titulados e  un director/a de campamento.

Durante a súa estadía, os rapaces contarán cun amplo programa de activades que inclúe dende a práctica da natación, o tenis, o sendeirismo ou deportes naúticos ata xornadas de praia, obradoiros, actividades e visitas culturais a centros de interese cultural na cidade e a comarca da Coruña coma a Torre de Hércules, o castelo de San Antón ou o Aquarium Finisterrae.

O programa cultural complétase con veladas nocturnas nas que os nenos desenvolverán actividades e xogos que fomenten a convivencia e o intercambio de experiencias.

Máis información en https://www.dacoruna.gal/deportes

O Concello de Negreira levou a cabo, no marco do seu novo Plan de Igualdade, cinco sesións formativas sobre igualdade de xénero ás que asistiron 107 traballadores e traballadores. Estas charlas pretendían concienciar aos e ás asistentes sobre os estereotipos e os condicionantes de xénero que imperan na sociedade e aos que a mulleres teñen que enfrontarse.

A estas formacións, celebradas no Centro Sociocultural, acudiron traballadores das oficinas municipais (15), de obras (12), e doutros departamentos, como persoal da radio, de limpeza, de escolas infantís, de axuda a domicilio, da escola de música, de conserxería, do obradoiro de emprego, Policía Local e voluntariado.

A participación foi maioritariamente feminina (57%). Os traballadores e traballadoras que se achegaron puideron coñecer máis sobre os principios de igualdade entre home e muller, así como concienciarse sobre a situación de desigualdade e de discriminación de xénero na que se atopa a sociedade actual.

“Desde o Concello poñemos en marcha este tipo de iniciativas co obxectivo de que as prácticas profesionais ofrezan as mesmas oportunidades e dereitos ás mulleres, que a diario teñen que verse sometidas a situacións de discriminación polo simple feito de ser mulleres”, segundo explicou o alcalde de Negreira, Jorge Tuñas Caamaño. “Para min é unha prioridade loitar contra estes estereotipos sociais para mudalos dunha vez e conseguir unha sociedade xusta para todas e todos”, recalcou.

O Concello pretende continuar con este tipo de accións, organizando obradoiros e charlas tamén noutros ámbitos, como pode ser o escolar.

Os concellos de Santa Comba e Negreira celebran neste mes de maio e de forma conxunta por segundo ano consecutivo, a II Copa de fútbol sala, entre os equipos das ligas de fútbol sala de Negreira e Santa Comba.

Dende o pasado luns 29 estánse a xogar os partidos nos Pavillóns de Fontenla (Santa Comba), e Pedra Mámoa (Negreira). A gran final está fixada para o sábado 11 de maio no Pavillón de Pedra Mámoa, onde se entregarán os trofeos aos gañadores.

Consulta aquí o cadro de competición

A Dirección Xeral de Planificación e Ordenación Forestal, dependente da Consellería do Medio Rural da Xunta de Galicia, achéganos o novo modelo de solicitude de tratamento contra o cancro do castiñeiro (Cryphonectria parasitica), no cal deberán realizarse todas as peticións de aplicación do inóculo.

Co obxecto de mellorar a eficiencia dos tratamentos, nas solicitudes deberá constar, necesariamente, a seguinte información:

- Datos de contacto do solicitante: Nome; apelidos; DNI e número de teléfono.

- Datos da parcela para a que se solicita o tratamento: Provincia; concello; polígono e parcela.

As peticións de aplicación do inóculo, así como as achegas ou solicitudes de calquera aclaración, deberán dirixirse ao seguinte enderezo electrónico:

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Ou nos números de teléfono: 981.546.051 e 881.997.210.

Asemesmo, infórmase que os datos persoais que consten na comunicación vanse a incorporar a un fiecheiro automatizado, propiedade da Xunta de Galicia, cuxo tratamento é responsabilidade da Consellería do Medio Rural.

As persoas interesadas poderán acceder, rectificar e suprimir os seus datos, así como exercitar outros dereitos a través da sede electrónica da Xunta de Galicia, ou nos lugares e rexistros establecidos na normativa reguladora do procedemento administrativo común.

Avespiña do castiñeiro

Doutra banda, as parroquias de San Pedro de Bugallido e de San Martiño de Liñaio, forman parte da listaxe de lugares das catro provincias galegas onde a Consellería do Medio Rural, a través da Dirección Xeral de Planificación e Ordenación Forestal, está a executar ao longo da semana do 29 de abril ao 3 de maio, os tratamentos experimentais contra a avespiña do castiñeiro, que científicamente coñecese como o Drycosmus kuriphilus.

Cada tapa terá un prezo simbólico de 0,50 euros e o sábado pola noite sucederase a animación musical con varios grupos tradicionais. Chega a oitava Ruta dás tapas a Negreira en doce establecementos que esta fin de semana ofrecen as súas tapas.

Os participantes deberán selar o seu tapasporte para o reconto final de votos que decidirá a tapa e o establecemento gañador. Tamén se sorteará un bono trocable en Viaxes Tambre.

O sábado a partir das oito da tarde sucederase a animación musical extra dos cantos de taberna. Na súa primeira edición actuarán os grupos: Os Ke Hai e Os Regatos, de Callobre (A Estrada); Maravallada, de Pontevedra, así como Tíralle do Aire.

As tapas poderanse degustar nos seguintes locais: A Nosa Taberna; La Colombiana; Fontana; Oriel; A Esmorga; Casa dá Cultura; Porto; Galaecia; O Cotón;

D´Tapas; Os Arcos e Peter Bar.

Horarios de tapeo

Venres: 19:00 a 22:30 horas.

Sábado: 12:00 a 14:30 e de 19:00 a 22:30 horas.

Domingo: 12:00 a 14:30 horas.

O Concello de Negreira, coa colaboración do Club Ximnasia Rítmica Compostela, organizan este sábado no pavillón de Pedra Mámoa, a terceira fase do II Torneo Interescolas, en horario de mañá; e mailo terceiro Torneo Vila de Negreira, en horario de tarde. O domingo pola mañá, terá lugar a VI Gala de Ximnasia Rítmica.

O evento, organizado polo Concello e mailo Club Ximnasia Rítmica Compostela, constitúe unha actividade consolidada no calendario deportivo do municipio. Este ano congregará no pavillón de Pedra Mámoa a máis de 900 ximnastas dispost@s a dalo todo nas diferentes categorías, con exhibicións con aros, mazas, pelotas, cinta ou cordas.

A programación do sábado comezará ás 10:00 horas co II Torneo Interescolas, que rematará ás 14:00 horas. Na terceira fase desta competición entre escolas de Negreira, Ourense e Abegondo, participarán un total de 400 ximnastas, procedentes de diferentes clubs de ximnasia de Galicia.

Ás 16:30 horas do sábado comezará o III Torneo de Ximnasia Rítmica ¨Vila de Negreira¨, que rematará ás 20:30 horas, e que contará coa participación de 300 ximnastas. Os torneos contarán cun xurado conformado por cinco membros. Para rematar a fin de semana, o domingo celebrarase a VI Gala de Ximnasia Rítmica, a partir das 11:30 horas, coas exhibicións de 280 ximnastas de Negreira e Santiago.

“En Negreira xa é un clásico acoller estas competicións. É de agradecer contar co Club Ximnasia Rítmica Compostela para este tipo de actuacións, que serven para impulsar as nosas deportistas”, segundo explicou Jorge Tuñas Caamaño, alcalde de Negreira.