Do 1 de xullo ao 12 de setembro permanecerá aberto o prazo de matrícula para o curso 2019/2020 na Escola Municipal de Música, que como novidades incorpora a especialidade de acordeón e unha nova modalidade de matrícula de clases grupais para todos aqueles que non estedes interesados en vir ás clases individuais. Coro, clases grupais de acordeón e tamén gaita e percusión tradicional, a un prezo mensual reducido (10 € ao mes).

Os interesados en clases individuais de gaita, acordeón e canto, tamén terán incluidas, dentro do prezo da modalidade, as clases grupais, igual que nos demáis instrumentos.

O alumnado que xa pertence á Escola xa pode formalizar a matrícula, ben na Biblioteca municipal en horario de tarde, ou a través da páxina web da escola: www.esmusnegreira.com.

A presentación do novo curso e dos horarios terá lugar o venres 13 de setembro, ás 18:00 horas no auditorio da Casa da Cultura.

A aprobación da acta do pleno ordinario do pasado 13 de maio reuniu onte mércores por última vez á Corporación municipal do mandato 2015-2020 e cuxos membros aproveitaron para despedirse e fotografarse todos xuntos, nunha sesión de puro trámite na que os distintos representantes desexáronse o mellor e congrutalaronse de que fose unha lexislatura de entendemento e diálogo na que por primeira vez o goberno non contou con maioría absoluta.

Sesión constitutiva

Os concelleiros e concelleiras electos das pasadas Eleccións Municipais do 26 de maio, foron citados para a sesión constitutiva da nova Corporación municipal, sinalada como marca a Lei para este sábado día 15 de xuño, ás 12.00 horas no Salón de Plenos da Casa do Concello, conforme á seguinte orde do día:

Punto primeiro. - Constitución da nova Corporación.

Punto segundo.- Elección de Alcalde.

Este venres 14 de xuño entra en vigor o horario de verán na atención ao público nas dependencias municipais da Casa do Concello, na rúa do Carme 3, e que se extenderá ata o día 13 de setembro co seguinte horario: De 08.00 a 14.00 horas.

O campo municipal Jesús García Calvo, no Comprexo Deportivo de Pedra Mámoa, acollerá o domingo 14 de xullo pola mañá, a undécima proba da Liga Autonómica de Agility, un deporte en auxe e, no que participan cans e persoas, que consiste en guiar ao can para que percorra un circuito cheo de obstáculos, no menor tempo posible, coa maior precisión e co mínimo número de erros ou faltas.

Esta 11ª proba da Liga Autonómica de Agility está organizada polo Club de Agility Mascoguaou, en colaboración co Concello de Negreira, e o apoio de diversas firmas comerciais.

O director da proba será o presidente do Club Agility Mascoguaou, Jorge Vázquez Álvarez, quen forma parte do Comité Organizador xunto ao presidente da Federación Galega de Caza, Javier Nogueira Díz, o secretario xeral da Federación Galega de Caza, José Moure Caneda, e mailo presidente da Federación Galega de Caza na Coruña, José María Álvarez Villar. Actuará como xuíz da proba, Félix Fernández Traseiras.

Horario da proba

09.30 horas – Entrega de documentación

10.00 horas – Promoción

12.00 horas – Competición

14.00 horas - Iniciación

Este sábado 22 de xuño, a partir das 16.00 horas, celébrase nun circuito urbano e pechado ao tráfico, a sétima edición da Volta Ciclista ¨Concello de Negreira¨, de categorías escolas, cadete e xúnior, dentro do circuito de carreiras do Campionato Galego en estrada, baixo a organización do Club Ciclista Negreira e maila Federación Galega de Ciclismo, e coa colaboración do Concello e de Protección Civil de Negreira, así coma o apoio de distintas firmas comerciais de Negreira e comarca.

Corte de tráfico

Con motivo da celebración deste importante evento deportivo en Negreira, e para que poidase desenvolver coa máxima seguridade dos participantes, o Concello solicita a colaboración veciñal facendo o menor uso posible dos vehículos durante a tarde do sábado 22.

As rúas que permanecerán totalmente cortadas ao tráfico entre as 16.00 e ás 20.00 horas, son as seguintes: Avenida das Brañas; rúa Deportivo da Coruña; Carballiños; Xosé M. López Ardeiro; Castelao; Teresa Fabeiro Caamaño; Tambre e Camiño Vello (só un carril na confluencia coa avenida das Brañas).

O Concello de Negreira colaborará coa Asociación Galega de Esclerose Lateral Amiotrófica (AGAELA), na campaña de sensibilización #LuzporlaELA, vinculada ao Día Mundial da ELA, que se celebra este venres día 21 de xuño, co que preténdese iluminar de verde monumentos, edificios institucionais ou lugares emblemáticos de Galicia, dándolle así, visibilidade a esta proposta de carácter solidaria e que a sociedade comprenda a que se enfrontan os enfermos e as súas familias ante este fatal diagnóstico.

A acción consiste en iluminar de cor verde durante a noite do día 21 a fachada da Casa do Concello, así como a maior cantidade de monumentos e edificios emblemáticos en Galicia, en apoio e solidariedade coas persoas afectadas pola ELA e deixar constancia de que existe.

Pódese consultar toda a información da iniciativa e os puntos de iluminación xa confirmados na páxina web habilitada para tal fin: www.luzporlaela.es.

Reproducimos o agradecemento que o director xeral do Instituto de Investigación Biomédica de Bellvitge (IDIBELL), ou doutor Gabriel Capellá Munar, fíxonos chegar polo donativo de 3.000 € destinados ao estudo das GRINpatías que realiza o grupo do doutor Xavier Altafaj, investigador que participou nas I Xornadas sobre Enfermidades Raras celebradas o pasado 25 de abril no Auditorio de Negreira, así como no IV Triatlón Solidario Concello de Negreira, do pasado 25 de maio.

Manuel Ángel Leis: «Debemos priorizar as actuacións dentro da guía de traballo do goberno»

O Alcalde-Presidente do Concello de Negreira, Manuel Ángel Leis Míguez, avanzou hoxe na emisora municipal Radio Negreira, cómo será o organigrama do Goberno Municipal 2019-2023 co reparto das diferentes áreas de xestión:

1 - Manuel Ángel Leis Míguez. Alcalde e responsable dás áreas de Urbanismo e Persoal.

2 - María del Mar García Vidal. Primeira tenente de alcalde e concelleira de Servizos Sociais, Muller e Igualdade.

3 - Iván Guardado Porto. Segundo tenente de alcalde e concelleiro de Deportes, Novas Tecnoloxías e Participación Cidadá.

4 - Flora Grille Novío. Concelleira de Cultura e Festexos.

5 - Juan Plata Barbazán. Concelleiro de Comercio, Turismo e Industria.

6 - María Josefa Vázquez Alende. Concelleira de Educación e Sanidade.

7 - Adolfo Manuel Barbosa Pérez. Concelleiro de Agricultura, Medio Ambiente, Parques e Xardíns.

Pendentes da conformación da Xunta de Goberno Local e a composición das distintas Comisións Informativas e o nomeamento de representantes en órganos como a Mancomunidade de Concellos do Tambre ou os consellos escolares, que deberá ratificarse e aprobarse no primeiro pleno da lexislatura, o de organización, o alcalde fixo especial fincapé en que o novo goberno «ten moitas ganas de traballar e facer cousas polo noso concello», con moitas «ideas», e estudando todas as propostas en beneficio da veciñanza.

«Levamos un programa de actuacións consensuado cos veciños e veciñas das distintas parroquias, e aínda que sexa unha guía de traballo para estes catro anos, sempre se dixo que debemos priorizar as actuacións», subraiou o rexedor, quen aludiu a que están traballando para conformar a Xunta de Goberno Local e sacar a licitación e adxudicación os proxectos que xa estaban aprobados do Plan POS +2019 que financia a Deputación da Coruña con proxectos como a instalación dunha pista multideporte na praza das Brañas, a adquisición dunha nova excavadora, ou a mellora do firme nas avenidas das Brañas e de Barcala, ademáis do Fondo de Compensión Medio ambiental, ou unha subvención da Consellería de Vicepresidencia para construir unha sede estable para a Agrupación de Voluntarios de Protección Civil, no parque empresarial.

Escoita aquí a entrevista co alcalde:

Ligazón: Entrevista a Manuel Ángel Leis Míguez

A primeira cita de Cultura a pé de rúa do presente verán en Negreira chega este venres 5 de xullo co espectáculo de clow: OhOlimpiadas!, da Compañía Sincronizadas, ás 21.00 horas no Parque do Coto. Trátase dun espectáculo que recibiu o premio ao mellor de rúa no certame Fetén 2019, e que combina danza cos portés acrobáticos, de 50 minutos de duración e dirixido a tódolos públicos, dentro da programación do Verán Cultural 2019.

Sinopse: Qué pasaria se a nosa vida fose retransmitida como o Tour de Francia ou como os saltos sincronizados...? E se nos comportásemos como certos deportistas na nosa rutina diaria? Este espectáculo baséase na cotidianidad da vida retransmitida como un deporte en directo para crear un mundo rexido polo absurdo, onde o xesto deportivo e o mundo real mestúranse nunha quimera de disparate continuo.

Estas situacións cobran vida grazas á combinación de técnicas como a danza e os portés acrobáticos. E por suposto, todo bañado cunha boa dose de humor que dá soporte a este mundo de disparate que construímos para o deleite de tódolos públicos.

Espectáculo en residencia dentro do Festival CIrcada 2018 e premio ao mellor espectáculo de rúa no Certame Fetén 2019.

A Fundación do Real Club Celta de Vigo en colaboración co  Concello de Negreira e maila Asociación Deportiva Nicrariense (ADN), presentaron o seu campus de verán a realizar en Negreira, dende o luns 15 ao venres 19 de xullo, no campo municipal de  Cepelo, en horario de dez da mañá ás dúas da tarde, e para idades de 4 a 16 anos.

O campus conta coa participación de adestradores do Celta e cada xogador e xogadora participante recibirá un diploma acreditativo. No acto de presentación participaron o alcalde de Negreira, Manuel Ángel Leis Míguez, acompañado por Germán Arteta, director da Fundación Celta, e do presidente de ADN, Luís  Arán.