Este venres 5 de marzo faremos entrega dos premios do noveno Certame de Poesía Xosé M. López Ardeiro, correspondente ó ano 2020 e que por mor das restricións da pandemia tivemos que retrasar ata este primeiro venres do mes de marzo. O acto levarase a cabo no Auditorio do Centro Sociocultural, a partir das 19:30 horas e estará amenizado coa actuación musical do dúo Minguante.

O presidente do xurado, José Antonio Ponte Far, será o encargado de facer unha lembranza do percorrido do certame con referencias á figura e obra do poeta Ardeiro. O xurado está integrado ademais por: Xulio López Valcárcel; María Rey; María López Sández e Diana Varela. En total na presente edición presentáronse un total de 34 poemarios.

Os premios contan cunha dotazón económica de 700 e 300 euros, respectivamente, para o gañador/a e mailo finalista, que concede o Concello de Negreira, así como a edición do poemario gañador por parte da Dirección Xeral de Políticas Culturais (Xunta de Galicia), coa posterior entrega de trescentos exemplares.

O acto contará entre outros coa participación do alcalde de Negreira, Manuel Ángel Leis Míguez e mailo secretario xeral de Cultura, Anxo M. Lorenzo Suárez.

Infórmase que a Corporación Municipal de Negreira celebrará o Pleno de carácter ordinario, o luns, día 8 de marzo, ás 20:00 horas, no Salón de Plenos da Casa do Concello, coa seguinte orde do día:

1º.- Dar conta dos Decretos de Alcaldía emitidos dende o último Pleno Ordinario: do nº 1/2021 ó nº 32/2021, ambos inclusive.

2º.- POS + ADICIONAL 1/2019 2ª FASE.- Ratificación, se procede, do decreto de alcaldía número 27/2021, de data 17 de febreiro de 2021.

3º.- Convalidación, se procede, da adhesión ao Convenio entre a Vicepresidencia Primeira e Consellería de Presidencia, Xustiza e Turismo e a FEGAMP para articular a encomenda de xestión á Xunta de Galicia para a realización de actuacións auxiliares e de colaboración material na tramitación dos procedementos sancionadores competencia dos concellos de Galicia, en relación co incumprimento das medidas de prevención aprobadas para a loita contra o Covid-19

4º.- Convalidación, se procede, do Convenio de colaboración entre os concellos de Negreira e Val do Dubra para a solicitude conxunta dunha subvención á Xunta de Galicia para a xestión compartida-agrupacións de concellos do Servizo de Atención Temperá no marco da Rede Galega.

5º.- Aprobación inicial, se procede, do Regulamento dos títulos, honores e distincións oficiais do Concello de Negreira.

6º.- Aprobación inicial, se procede, do Regulamento do “Programa Negreira Concilia (Madrugadores e Merendas), Diververán, Campamento Urbano Respira e Nadal Lúdico”.

7º.- Aprobación inicial, se procede, da Ordenanza reguladora dos prezos públicos pola prestación do servizo do “Programa Negreira Concilia (Madrugadores e Merendas), Diververán, Campamento Urbano Respira e Nadal Lúdico”.

8º.- Aprobación inicial, se procede, das Bases reguladoras para a concesión de bolsas para deportistas do Concello de Negreira.

9º.- Proposta de acordo que formula o Grupo Municipal do PSdeG-PSOE en relación coa modificación da Lei de Sáude Pública de Galicia.

10º.- Proposta de acordo que formula o Grupo Municipal do PSdeG-PSOE con motivo do Día Internacional das Mulleres.

11º.- Proposta de acordo que formula o Grupo Municipal do P.P. con motivo do Día Internacional das Mulleres.

12º.- Proposta de acordo que formula o Grupo Municipal do P.P. relativo á solicitude da redución do IVE aos salóns de peiteado.

13º.- Proposta de acordo que formula o Grupo Municipal do P.P. para instar ao Goberno de España a recoñecer a capacidade de xestión das Entidades Locais e a aumentar a porcentaxe dos Fondos Europeos de recuperación asignados a Concellos, Deputacións, Cabildos e Consellos Insulares.

14º.- Proposta de acordo que formula o Grupo Municipal do P.P. solicitando determinados arranxos na Capela e en Gonte.

15º.- Rogos e Preguntas.

A quinta edición do Premio 8 de Marzo do Concello de Negreira está dedicado ás mulleres que conforman o Servizo de Axuda no Fogar (SAF), do noso concello. O Centro de Información á Muller (CIM), sinala que outorgase este recoñecemento: «Polo seu traballo, esforzo e dedicación, que foron chave para que a veciñanza que máis o precisaba puidese seguir sendo atendida neste difícil contexto de crise sanitaria».

Dende o CIM do Concello de Negreira queren agradecer con este recoñecemento o seu «imprescindible» labor a este grupo formado por 30 mulleres.

Este ano, debido á pandemia sanitaria da Covid-19 non poderemos celebrar a tradicional gala. No seu lugar, o CIM está preparando unha serie de contidos que van ser compartidos a través das RRSS con motivo do 8 de marzo. Cómpre salientar que o sábado 6 de marzo, vaise a levar a cabo a elaboración dun mural dedicado ás traballadoras do Servizo de Axuda no Fogar, nas dependencias exteriores do CEIP O Coto, cuxo traballo será recollido nun vídeo por 7H Cooperativa Cultural, de Compostela, encargadas da súa elaboración de forma coordenada coas propias traballadoras do servizo.

 O Concello de Negreira súmase ás reivindicacións do Día da Muller para esixir unha sociedade na que mulleres e homes teñan os mesmos dereitos. Unha sociedade máis igualitaria.....

Este ano, o Concello de Negreira conmemora esta xornada coa creación dun mural para poñer en valor o imprescindible traballo das mulleres que compoñen o Servizo de Axuda no Fogar (SAF) do Concello de Negreira, equipo que recibe este ano o Premio 8 de Marzo.

O alcalde de Negreira, Manuel Ángel Leis Míguez, e maila primeira tenente de alcalde e concelleira de Servizos Sociais, Muller e Igualdade, María del Mar García Vidal, foron os encargados de entregar este premio o pasado sábado durante o pintado do mural conmemorativo no colexio do Coto, nun acto que contou tamén coa participación de Rubén Suárez Carballo e María José Carballo Villar, do Partido Popular. Dende o Goberno municipal salientan que este ano se fai máis «importante» se cabe este recoñecemento polo labor diario que realizan as traballadoras do SAF.

A pandemia puxo o foco na importancia dos coidados, nos que a presenza feminina é imperante. As traballadoras do SAF do Concello de Negreira coidan cada día daquelas persoas que máis o necesitan, un labor vital para poder garantir o benestar social.

Neste 8 de marzo homenaxeamos e recoñecemos o traballo desempeñado por: Sonia; Belén; Paula; Isabel; Veva; Patricia; Azucena; Samantha; Divina; Ivonne; Manola; Elena; Fani; María; Maruja; Teresa; Silvia; Rosa; Isabel; Ana; Dayana; Lola e María José, profesionais do SAF de Negreira.

A Deputación da Coruña, no marco do Plan de Emprego Local, ven de convocar as axudas PEL 2021 coas seguintes liñas:

LIÑA PEL EMPRENDE INVESTIMENTO: Axudas para contribuir á consolidación e ao fortalecemento do tecido empresarial nos concellos da provincia da Coruña a través do apoio ao investimento en bens inventariables.

LIÑA PEL AUTONOM@S: Axudas ao fomento do emprendemento e ao traballo por conta propia nos municipios da provincia da Coruña.

LIÑA PEL PEMES CREACIÓN E AMPLIACIÓN: Axudas á creación e ampliación do cadro de persoal de pequenas, medianas empresas e microempresas.

LIÑA PEL PEMES MANTEMENTO: Axudas ao mantemento do cadro de persoal de pequenas, medianas empresas e microempresas.

As bases das axudas PEL 2021 poden consultarse no Boletín Oficial da Provincia nº 37 de 25.02.2021 ou premendo na seguinte ligazón:

ABERTO O PRAZO DE PRESENTACIÓN DE SOLICITUDES DENDE O 11 DE MARZO ATA O 15 DE ABRIL DE 2021 ÁS 14:00 HORAS

As solicitudes presentaranse de xeito telemático, a través da aplicación SUBTeL, que se pode atopar na páxina web da Deputación da Coruña (www.dacoruna.gal)

Lémbrase que na web https://emprego.dacoruna.gal/  pódese consultar a información actualizada do Plan de Emprego Local, así como o documento preguntas frecuentes referido ás bases.

O Concello de Negreira publicou no Boletín Oficial da Provincia (BOP) hoxe, as bases para a contratación do seguinte persoal laboral temporal: Tres prazas de peóns de xardinería; tres prazas de peóns de obras públicas; unha praza de peón multitarefa e unha praza de albanel para a execución de diferentes obras públicas municipais e prestación de servizos mínimos, seguindo o establecido nas bases do Programa de Integración Laboral (PIL) da Deputación da Coruña.

As contratacións terán carácter temporal por un período de 7 meses.

O prazo para a presentación de solicitudes e documentación no devandito proceso é de 5 días hábiles a contar dende o seguinte da publicación desta convocatoria no BOP (ata o 26/03/2021 incluído).

Pódese acceder ás bases e ao resto de información a través da web do Concello de Negreira (Publicacións oficiais), do BOP da Coruña do día 18 de marzo do 2021 e no taboleiro de anuncios do Concello de Negreira.

DATOS ADXUNTOS

Documentación das bases para a contratación laboral temporal 

Manuel Ángel Leis Míguez, alcalde do Concello de Negreira, comunica á veciñanza, que debido á ponte festiva de San Xosé e maila proximidade da Semana Santa, entrarán en vigor novas medidas ás 00.00 horas do venres 19 de marzo.

O Concello de Negreira é o protagonista este venres 26 de marzo da serie-documental "Arrieiros somos", que dirixe o cineasta Rubén Riós e que rende homenaxe neste capítulo as tabernas de antaño, a través da mirada de Pilucha e Juan, quenes rexentaron a taberna O Piolo, na parroquia de San Pedro de Gonte, pola que pasaron ilustres visitantes coma o recoñecido chef donostiarra Juan Mari Arzak. 

O pasado mes de xaneiro, o director Rubén Riós deixouse ver por Negreira da man de Pilucha e Juan. Este matrimonio rexentou até a xubilación de Pilucha con 66 anos, a emblemática taberna O Piolo, onde descorreu boa parte da súa vida. Desas tabernas onde se atopaban os mellores psicólogos das aldeas e que agora están en perigo de extinción.

O cineasta ourensán plasmou en imaxes a vida e os testemuños de Pilucha, traballadora incansable con 17 intensas horas de traballo diarias nas súas costas, e que non colleu vacacións até o día da súa xubilación.

A rodaxe realizouse en diversos puntos de Negreira como a fermosa paraxe natural de Ponte Maceira, recoñecido como un de Los pueblos más bonitos de España;e no centro da vila. O capítulo emitirase na plataforma de vídeosYoutube, a través da canle da páxina Orgullo Galego,este venres 26 de marzo, a partir das 21:00 horas.

"Arrieiros somos" aposta no seu proxecto audiovisual pola sabiduría e a experiencia das xeracións anteriores, xa que o seu traballo e as súas vivenzas foron fundamentais para construir un mundo actual moi mellor.

Este traballo púidose levar a cabo grazas ao Concello de Negreira e a aposta da empresa Xadigal, patrocinadora oficial dos doce capítulos deste serie-documental.

A adaptación audiovisual do espectáculo “Somos criminais”, de Carlos Blanco e Xosé A. Touriñán poderase ver este venres 26 de marzo no Auditorio do Centro Sociocultural, ás 20:30 h, coincidindo cos actos da Semana do Cinema Galego, como antesala aos premios "Mestre Mateo 2021", cuxa cerimonia terá lugar o 10 de abril no Teatro Colón de A Coruña.

Somos criminais é o espectáculo co maior número de entradas vendidas na historia do teatro galego, chegará a Negreira como filme da exitosa obra. O famoso espectáculo adaptouse ás novas circunstancias actuais, tendo que facer esta proposta para poder realizarse en todos os Concellos de Galicia, a pesar das restriccións.

Xosé A. Touriñán e Carlos Blanco son dous dos cómicos máis importantes de Galícia. Despois de bater record de venda con máis de 100.000 entradas vendidas en dous anos, con seu espectáculo teatral «Somos criminais«, logrando encher os teatros como o de Negreira no ano 2018.

Carlos Blanco e Xosé A. Touriñán enténdense e o público sabe valoralo. Dous cómicos de xeracións diferentes, pero con moitas cousas en común. Grandes entendedores dunha forma de ver a vida, que non por tópica deixa de gardar unha parte enorme de realidade.

Sinopse

No seu espectáculo, Blanco e Touriñán falarán sobre Galicia e as súas xentes. ¿Temos unha cultura criminal propia? ¿Delinquimos como galegos?....Para responder a estas preguntas, os dous artistas e humoristas analizan e dramatizan crímenes autóctonos en todas as súas variables, dende o crímen por “arroutada” ata o crimen por acumulación de mala hostia, pasando polo crime familiar a causa das herdanzas, ou as oríxes do narcotraficante galego. A conclusión é clara: Somos criminais.

Dotar de persoal ás oficinas de turismo municipal, profesionalizar o sector e afrontar os retos de futuro nun momento de crise son os obxectivos da liña da área de Turismo da Deputación da Coruña pola cal se financia con 787.812 euros a contratación de persoal técnico en 59 concellos de provincia.

Esta liña responde "á aposta por un sector vital que está nunha situación de emerxencia e precisa planificar o seu futuro", segundo precisan dende o ente provincial para xustificar esta axuda que percibirán un total de 59 concellos de menos de 50.000 habitantes da provincia, e que son os beneficiarios da liña de axudas.

O Concello de Negreira recibirá unha achega económica dun total de 10.000 euros para o mantemento do servizos de promoción turística e que neste ano marcado pola pandemia, aposta pola creación de roteiros de sendeirismo e a potenciación de roteiros como o dos Tres pazos que circunvala á vila polo paseo fluvial do río Barcala, pasa polos montes de Bergando e chega ata Ponte Maceira, regresando ao punto de partida pola ruta xacobea do Camiño de Fisterra, onde estanse levando a cabo traballos para a mellora da sinalización.