A sesión ordinaria do Pleno da Corporación Municipal de Negreira aprobou por unanimidade tódolos asuntos da orde do día, comezando pola constitución da Mesa Local de Coordinación Interinstitucional contra a Violencia de Xénero, formada pola concelleira da Muller, unha técnica municipal, así como representantes da Policía Local e Garda Civil e, representantes dos centros educativos (colexio O Coto e instituto Xulián Magariños). A periodicidade das súas xuntanzas será semestral.

O Pleno convalidou o convenio de colaboración entre os concellos de Santa Comba, A Baña, Negreira e Val do Dubra, de data 22 de marzo, agrupación mediante a cal accederán a subvencións da Xunta en materia de fomento do cooperativismo a través da Rede Eusumo. Tamén ratificouse o convenio de colaboración entre os concellos de Negreira e Val do Dubra para a participación conxunta nun programa de mobilidades transnacionais para prácticas laborais de mozos e mozas no extranxeiro, do que xa hai 22 persoas preinscritas. Os países de destino son: Portugal; Finlandia e Reino Unido.

A sesión deu luz verde á solicitude de bonificación máxima na cota do ICIO formulada pola empresa Gestión del Valor y Soluciones, S.L., para construir unha nave na parcela 28 do Polígono Empresarial. Acordouse concederlle a bonificación fiscal máxima do 95% acorde ao que inclúe a ordenanza municipal.

Propostas

A proposta do grupo municipal de Cidadáns, sobre a creación dun Intercambiador Modal de Transporte de Viaxeiros na zona próxima ó IES Xulián Magariños, foi aprobada por unanimidade, se ben, vaise estudar o anteproxecto xa redactado polos técnicos municipais na pasada lexislatura e avanzar de cara a súa futura execución, aproveitando a apertura da estrada entre o instituto e maila avenida de Santiago, un proxecto actualmente paralizado.

Cidadáns tamén demandou mediante outra proposta, unha solución á parálise que sofre a depuradora de Marcelle para a súa posta en funcionamento, xunto á limpeza periódica da finca na cal ubícase. O alcalde, Jorge Tuñas, díxo que o Concello vai a ordear a súa limpeza, ademáis de falar cunha empresa para poñela depuradora en funcionamento e que se elabore un censo para saber cántas vivendas están conectadas á mesma.

Rogos e preguntas

O Partido Popular solicitou un punto de luz para o lugar de O Rapote, por onde transcorre o Camiño de Fisterra, na parroquia de Broño, así como que o alcalde xestione coa adxudicataria da Piscina Climatizada, a posibilidade de que os usuarios/as da Fundación de Discapacitados Psíquicos Comarca de Barcala, poidan realizar actividades na mesma. O PP preguntou en qué estado atópase a solicitude para a implantación dunha biblioteca móbil aprobada polo Pleno, así como onde se atopan e porqué sacáronse as farolas do paseo fluvial. Igualmente, solicitouse información sobre o estado en que se atopa a moción aprobada polo Pleno sobre os camiños do Marco do Cornado e Braña da Pontella, ademáis de preguntar cando se van trasladar «definitivamente» as canastras que están no aparcadoiro do Pavillón de Pedra Mámoa cara a Praza das Brañas.

Cidadáns exisiu que se faga cumprir a ordenanza sobre terrazas en tódolos aspeitos, a excepción do aspeito fiscal que está pendente dunha modificación. José Manuel López Lago, voceiro de C´s sinalou que hai terrazas que teñen «cravos» nas beirarrúas, ou sillas e mesas que dificultan o tránsito de peóns e carros con bebés. Tamén pidiu a reparación de lousas soltas nas beirarrúas, especialmente na avenida das Brañas, pois xa provocou accidentes e caídas. Outro rogo é para que o Concello obrigue ás comunidades de veciños á reparación dos desagües pluviais dos edificios, posto que moitas edificacións verten directamente as augas pluviais á rúa, algo que sucede na avenida das Brañas, rúa do Carme, ou a Carreira de San Mauro.

No relativo á vía pública, o voceiro de Cidadáns demandou a regulación dos horarios de carga e descarga, no casco urbán, así como que se efectúen reparacións nos depósitos de auga de Landeira para evitar filtracións de auga na casa dun veciño.

O alcalde do Concello de Negreira, Jorge Tuñas Caamaño, vén de asinar o Decreto nº 101/2016 polo que aprobase a relación definitiva de admitidos/as nas prazas vacantes da Escola Infantil Municipal, para o curso escolar 2016-2017. Devandita resolución permanece exposta ó público nos taboleiros de anuncios da Casa do Concello e maila Escola Infantil Municipal, así como na web municipal.

Trátase de catro bebés na aula de 0-1 anos; quince nas aulas de 1-2 anos, e seis, nas aulas de 2-3 anos.

O Concello de Negreira pechou a programación conmemorativa das Letras Galegas 2016 que vai desenvolverse en tres xornadas que arrincarán o luns 16 coa inauguración da exposición dos traballos realizados pola Escola Municipal de Pintura e Debuxo, a partir das 17:30 horas, no Centro Sociocultural. E a partir das 19.30 horas entregaransen os diplomas ó alumnado da escola, nun acto que a celebrarse no Auditorio, seguido da entrega de premios do XI Certame de pintura ¨Negreira en cor¨. 

Recitado de poemas

O martes 17 na Praza do Concello, ás 13:00 horas, haberá un concerto co grupo de cámara Minuetto, intercalado coa lectura de poemas de Xosé M. López Ardeiro.

Concerto da Banda Ateneo

A terceira e última xornada é a do sábado 21 co concerto especial da Banda Ateneo de Negreira, baixo a dirección de Raúl Martín Niñerola, ás 20:00 horas no Auditorio, seguido pola entrega do IV Premio de poesía Xosé M. López Ardeiro.

O alcalde de Negreira, Jorge Tuñas Caamaño, e maila concelleira de Servizos Sociais e Educación, María Jesús Veiga Hortas, entregaron na xornada do luns os premios do Certame de Pintura Infantil Negreira en cor, patrocinado pola Fundación Feiraco, dentro da programación das Letras Galegas 2016. Este acto serviu para a clausura da actividade da Escola de Pintura e Debuxo, coa entrega de diplomas a todo alumnado participante nas clases impartidas por Silvia Capelo. No acto participou o alumnado da Escola Municipal de Pandeireta.

En canto ao Certame de Pintura Infantil, na categoría de 6 a 12 anos os gañadores foron: Daniela Ruso Pereiro, por Só dous; Inés Rivas Blanco, por Bosque de cor, ambas de Negreira e, Andrea Rial Canosa, de Vimianzo, por Paisaxe. Na categoría de 13 a 18 anos, o gañador foi Manuel Mosquera Dapena, de Ames, polo seu cadro De peregrinaxe, seguido de Retratos, de Yago Balado (Santiago), e o terceiro posto foi para o negreirés, Ángel Freire Platas, polo seu cadro titulado Galeón. 

Tres disciplinas deportivas como son a natación, o ciclismo e o running, unidas a un fin solidario, van propiciar que Negreira acolla o sábado día 11 de xuño, un  evento deportivo como é o primeiro Triatlón Solidario Concello de Negreira, en favor da Federación Galega de Enfermidades Raras e Crónicas (Fegarec), e maila Fundación Federación Española de Enfermedades Raras (Feder), grazas á iniciativa emprendida polo noso veciño e triatleta, Andrés Domínguez, co patrocinio do Concello de Negreira,e a colaboración de empresas e clubes deportivos.

O evento está organizado por Lodeco S.L.U., e conta co apoio da Federación Galega de Triatlón, coas seguintes distancias: 750 metros de natación (1 volta), en augas do río Tambre (Ponte Ínsua); 20 quilómetros en bicicleta (3 voltas) a un circuito semiurbán por Vilachán, casco urbán, Arieira, A Barquiña e A Chancela, e 5 quilómetros de carreira a pé (3 voltas) a un circuito íntegramente polo centro de Negreira.

Horarios

A saída á proba individual será ás 16:30 horas, e á proba de relevos, ás 16:38 horas, no río Tambre, na zona embalsada de Ponte Ínsua (límite entre os concellos de Negreira e Brión).

A inscrición realízase online ata o martes día 7 de xuño, a través da web da Federación Galega de Triatlón www.fegatri.org, no apartado Competicións/Inscricións. Devandita inscrición formalízase enviando o xustificante de pagamento a nome do club por fax ó 982 109800 ou mail a: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.. Os prezos para individuais é de 12 euros, e de 24 euros para relevos, sendo de balde na categoría cadete individual.

Presentación

Alberto Cereijo, guitarrista da banda de rock Los Suaves, púxolle música á canción do primeiro Triatlón Solidario Concello de Negreira, composta por Javi Jamargo. Cereijo é un dos que máis se envorcou: «Ás veces non nos damos conta ou estamos alleos e, todos temos cousas polas que loitar». Tamén Antón Ruanova, dúas veces subcampión mundial de triatlón, aportou a súa colaboración.

Cereijo asistiu á presentación do Triatlón e contou como no 2009 fixéronlle un trasplante de córnea e está en lista de espera por outro, ao detectárselle unha enfermidade pouco común da vista. Cre que ten «moito mérito» o que está facendo o seu amigo Andrés Domínguez…

Cada dous euros da inscrición, irá a fins solidarios: un euro para o mantemento de servizos de fisioterapia da Federación Galega de Enfermidades Raras e Crónicas (Fegarec) e, outro euro para investigación, a través da Fundación Federación Española de Enfermidades Raras (Feder), ambas representadas por Francisca Luengo, presidenta e, por Carmen López, directora sociosanitaria en representación da Fundación.

Tamén participou Óscar Surís, presidente da Federación Galega de Triatlón, quen animou á participación dos deportistas, ademáis do concelleiro de Deportes, Daniel Casal e o alcalde, Jorge Tuñas Caamaño, quen lanzou un órdago ás administracións públicas para que se fagan cargo dos fondos necesarios para a atención e maila investigación.

A Banda Ateneo de Negreira, baixo a dirección de Raúl Martín Niñerola, ofrece este sábado 21 un concerto temático dentro da programación das Letras Galegas 2016 no concello de Negreira. Baixo o título de: Galicia; historias, mitos e lendas, inclúe o seguinte programa:

Enrique Melio (pasodobre), de Simón Couceiro

Fantasías sobre tres temas galegos, de Simón Couceiro

A Revolta Irmandiña, de Raúl Martín Niñerola

Santo Grial, de Andrés Alvárez

Chantada, de Raúl Martín Niñerola

Noites de lúa na praia, de E. Campos/X.L. Represas

Festa no moderno (muiñeira), de Alejandro Montes

Na interpretación de Noites de lúa na praia, cóntase coa colaboración á gaita solista de Mario García Pais.

E unha vez remate o concerto, entregarase a edición do libro do premio gañador do IV Certame de Poesía Xosé M. López Ardeiro, que recaeu na obra Obituario, cuxa autora é Rocío Leira Castro, de Cee e baixo o seudónimo de Xanela.

Auditorio do Centro Sociocultural, ás 20:00 horas.

O Concello de Negreira vén de proceder á licitación da contratación dos servizos de segregación, recollida, transporte e tratamento ou vertido dos residuos depositados no Punto Limpo, propiedade municipal e sito no Parque Empresarial de Covas. Trátase dun procedemento aberto con multiplicidade de criterios, cuxo prazo de execución é de catro anos e sen opción de prórroga.

Os criterios de adxudicación son os contemplados nas cláusulas sexta e oitava do prego de cláusulas administrativas particulares que rexe a contratación, cun orzamento base de licitación dun importe neto de 112.000 euros, e un importe total de 123.000 euros, non esixíndose garantía provisional.

O prazo de presentación das ofertas é o de 8 días naturais dende o mércores 25 de maio, no Rexistro Xeral da Casa do Concello (rúa do Carme, 3, baixo).