A Escola Municipal de Música do Concello de Negreira bota o peche ó curso 2015/2016 cunha audición final do seu alumnado, por instrumentos, este venres día 1 de xullo, a partir das 19:30 horas no Auditorio do Centro Sociocultural. O Concello convida ás familias e veciñanza a asistir a este evento.

Compre salientar que o prazo de matrícula para o vindeiro curso xa está abertopolas tardes na Casa da Cultura.

Programa da audición:

O pleno extraordinario e urxente celebrado onte á noite pola Corporación Municipal de Negreira, prestou a súa aprobación inicial ó proxecto de Orzamento Xeral para o 2016 por un importe de 5.075.179,40 euros, tanto no capítulo de ingresos como de gastos. Tralo debate plenario, os orzamentos foron aprobados cos seis votos a favor do equipo de goberno (PSOE), a abstención dos dous concelleiros de Cidadáns e, co voto en contra dos cinco edís do Partido Popular.

O voceiro do PP, Manuel Hombre Porto, xustificou o voto en contra do seu grupo por non terse atendido a súa demanda para que se disgregasen máis as partidas de gasto, ademáis de por non contemplar propostas aprobados polo Pleno para construir a Variante do Tamara e crear un Fondo de Cohesión Social. Pola súa banda, dende Cidadáns de Negreira deron un «voto de confianza» tralo primeiro ano do executivo do PSOE coa súa abstención. O seu voceiro, José Manuel López Lago sinalou que estará vixilantes para que se cumpla o obxetivo de reducción da débeda cos proveedores, a cal supera o millón de euros.

Devandito acordo plenario débese publicar agora no Boletín Oficial da Provincia (BOP), e abrir un prazo de exposición pública por 15 días hábiles dende a data de publicación.

No capítulo de ingresos, o Concello estima unha recaudación de 1.586.000 euros por impostos directos e, de 35.000 por impostos indirectos. Por tasas, prezos públicos e outros ingresos, a estimación é de 601.210 euros, mentres que por transferencias correntes ascende a 2.190.454 euros. Por transferencias de capital a cifra é de 382.245 e por pasivos financieiros de 274.468 euros.

No capítulo de gastos, os de persoal ascenden a 1.900.394 euros, e os de bens correntes e servizos a 2.035.042. En investimentos reais a cifra é de 427.890 e no de pasivos financieiros de 461.468. Por transferencias correntes, os gastos sitúanse en 242.382 e por gastos financieiros en 8.000 euros.

Investimentos

Plan de Obras e Servizos (POS) 2016: Inclúen os asfaltados de pistas de Bouzas a Zas, Marcelle e outros por 96.195 euros; e mailo formigonado de pistas en Negreiroa, Bellalta e outras por 58.381 euros.

Plan de Acción Social (PAS) 2015: Inclúen a Área Recreativa de Negreiroa por 28.290 euros; a cuberta da pista de pádel por 58.572, e mailas obras de accesibilidade e seguridade vial por 140.806 euros.

O Plan Complementario FEADER 2014/2020 inclúe unha partida de 13.444 euros.

Como cada 1 de xullo comezaron as actividades permanentes do Concello de Negreira para o presente verán: cursos de natación na piscina municipal; os obradoiros Diververán e mailo Campamento urbano Respira.

E tamén rematou o curso na Escola Infantil Municipal, para os nenos e nenas de 0 a 3 anos, co tradicional festival de fin de curso.

Os obradoiros Diververán botaron a andar cunha trintena de rapaces inscritos, en dúas quendas, de 10:30 a 12:00 horas, e de 12:00 a 13:30 horas, na pranta baixa do Centro Sociocultural, sendo atendidos por dous monitores. Os talleres de manualidades e xogos desenvolveranse durante os meses de xullo e de agosto, polas mañás.

En canto ao Campamento urbano Respira, o seu horario é de 08:45 a 14:15 horas, no Colexio do Coto. Nesta primeira quenda do mes de xullo son catorce os nenos e nenas participantes na actividade desenvolvida polo Centro de Información á Muller (CIM), dependente do Concello de Negreira.

Cultura a pé de rúa

Este programa de espectáculos na rúa que tan boa acollida ten cada verán en Negreira, inclúe catro citas que comezan este venres 1 de xullo co espectáculo de clow a cargo de Nono, ás 21:00 horas, na rúa de Castelao.

O Cultura a pé de rúa continuará o venres 22 de xullo, con Jano sen medidas, un espectáculo multidisciplinar, no Parque do Coto, ás nove da noite. En agosto haberá dúas actuaciónsmáis: o venres 5 na Praza do Concello, co Mago Albert, e o mércores 31 con Bicirco, un espectáculo de maxia e malabares, no Parque do Coto.

As brigadas municipais de Negreira e Ames comezaron hoxe os traballos de roza da maleza acumulada ás beiras do río Tambre, ao seu paso pola paraxe natural de Ponte Maceira, cumprindo así, cunha das primeiras medidas de cara á posta en valor deste encrave paisaxístico de gran beleza e, polo que cada día pasan centos de peregrinos na súa ruta cara Fisterra e viceversa.

Até Ponte Maceira desprazaronse os alcaldes de Negreira e Ames, Jorge Tuñas e José Miñones, respeitivamente, xunto cos concelleiros de Obras e Servizos, Manuel Ángel Leis Míguez e Blas García, de Negreira e Ames, respeitivamente.

O seguinte paso vai ser a limpeza da maleza que hai nas beirarrúas e na calzada da ponte, todo ilo, á espera de que unha empresa especializada en traballos en altura comece coa limpeza do propio viaducto, algo que agardan poida completarse nas vindeiras semanas.

Compre dicir que froito desta colaboración supramunicipal, o vindeiro venres 15 de xullo, vai ter lugar a segunda actividade do programa Noites en vela. Trátase da actuación de Xavier Díaz e mailas pandereteiras Maianas, a partir das dez da noite. A particularidade desta actividade nocturna e o encrave escollido polo Concello de Ames, sobre os penedos que hai no lado amiense e, para o cal instalarase unha pasarela que permita o acceso dos músicos até os penedos.

A terceira e última actividade do Noites en vela vai selo venres 19 de agosto, ás 22:00 horas coa actuación do cuarteto Tetramop, de música clásica e cando se vai repetir a experiencia do verán de 2015 co apagón do alumado público para prender as velas colocadas por toda a ponte e arredores. 

Co gallo da celebración das Festas de San Cristovo, do 7 ó 10 de xullo, o Concello de Negreira informa da prohibición do acceso rodado e mailo estacionamento en toda a Praza do Concello, a partir do xoves ás oito da mañá. Debido á montaxe de escenarios e maila infraestructura paralela, faise necesario non aparcar en todo o recinto.

Asemesmo, informase que a parte final da rúa de Castelao (zona Centro de Saúde e contorna do IES), tamén permanecerá cortada á circulación, agás residentes, Garda Civil e Urxencias sanitarias.

Programa

Xoves 7.- A partir das 23:00 horas, espectacular verbena coas orquestras Panorama e París.

Venres 8.- Dende as 11:00 horas pasacalles coa charanga MeKánica.  Ás 13:00 h concerto da Banda Ateneo de Negreira, na rúa do Carme (diante da Casa do Concello). Sesión vermú charanga Mekánica.

Pola noite, verbena coas orquestras Aché e Fania.

Sábado 9.- Ás 12:00 horas, misa cantada na Capela do Cotón, na honra a San Cristovo e procesión motorizada. Pasacalles co grupo Os Viqueiras de Ordes. Xantar de confraternidade no Refuxo de Cobas.

Pola noite, verbena cos grupos Triunfo e Alkar.

Domingo 10.-   XII Feira Cabalar, na chaira a carón do IES Xulián Magariños, organizada pola Asociación Cabaleiros de Negreira.

Ás 10.30 h. horas saída da ruta

11.30 h. Concurso social de saltos

13:00 h. Chegada da ruta cabalar

14:30 h. Xantar

16.30 h. Concurso de enganches, en categorías: sulky; limoneras; troncos; cuartas.

18:30 h. Gran Ximcana, con premios aos tres mellores xínetes.

19:30 h. Entrega de trofeos

Haberá servizo de cantina e polbería.

O novo proxecto do Real Club Deportivo de A Coruña 2016-2017 botou a andar en Abegondo con máis dunha vintena de futbolistas, cuxa estrea na pretempada será este verán en Negreira, coa recuperación do Trofeo ¨Jesús García Calvo¨, no que o Dépor medirase á Sociedade Deportiva Negreira, de Terceira División.

Trátase do maior evento deportivo do presente verán en Negreira e que vai ter lugar o sábado 16 de xullo, ás 20:00 horas, no campo municipal Jesús García Calvo. O Dépor por tradición segue tendo moitos siareiros nas nosas comarcas e proba da simpatía polo equipo coruñés é o feito de que conte cunha rúa no pobo.

As entradas para o público en xeral teñen un prezo de 10 euros, agás os infantís que entrarán de balde. O club local conta coa colaboración dos concellos de Negreira, A Baña e Ames, así como da cooperativa Feiraco, e diferentes firmas comerciais.

A expectación na cidade herculina ante este primeiro amigable da pretempada é máxima, no obstante, o conxunto coruñés estrea novo técnico, Gaizka Garitano, e en Negreira vai sela primeira ocasión que vexámolo no banquiño e dirixindo ao Dépor, de aí, que haxa un grande interese por parte da Prensa, TV e Radios, por seguir as primeiras sensacións que deixa o novo proxecto, ao igual que por parte dos siareiros deportivistas que vánse a desprazar até o Val de Barcala nun grande número, tal e como lle confirmou o propio Deportivo á directiva do Negreira.

Agárdase unha gran entrada no Jesús García Calvo, xa que logo, o Dépor emprenderá o día 20 unha viaxe a Uruguay para medirse a equipos de Montevideo e mailo Real Club Celta de Vigo, e non será ata o Trofeo Teresa Herrera cando os seus siareiros poidan ver ao seu equipo no estadio de Riazor. 

Venda anticipada: Garsport; Bar Porto; A Nosa Taberna; Cervecería A Esmorga; A Xarra; Cafetería Abrente e Bar Ríos.

O programa Noites en vela, na paraxe natural de Ponte Maceira (Ames e Negreira), agárdavos cunha segunda entrega no presente verán, o venres día 15 de xullo. Deixámosvos a programación confeccionada polo Concello de Ames, que inclúe o concerto ao vivo de Xavier Díaz e mailas pandereteiras As Maianas, a partir das 22:00 horas.

A terceira e última parada do Noites en vela, chegará o venres 19 de agosto, ás dez da noite, cun concerto do cuarteto de música clásica Tetpamop.

Galeuropa, o programa de prácticas laborais non remuneradas subvencionado pola Consellería de Política Social en países europeos, ofrece a 21 candidatos a posibilidade de realizar prácticas en Finlandia, Portugal e Reino Unido. Estan incluidos os gastos da viaxe, a manutención e o aloxamento, así como o seguro de responsabilidade civil, de accidentes e o seguro médico, no caso de que a persoa participante non teña dereito á tarxeta de saúde europea.

A finalidade do programa é reforzar a empregabilidade da mocidade, así como as súas competencias profesionais. As prácticas terán unha duración de dous a catro meses, cunha duración mínima de 100 horas mensuais.

A iniciativa está promovida polo concello de Negreira en colaboración co concello do Val do Dubra, e o prazo de inscrición remata o venres 22 de xullo ás dúas da tarde.

Xa están ultimados tódolos detalles do Campamento Urbano que o concello de Negreira organiza un ano máis. Celebraráse entre o 1 de agosto e o 15, en dous grupos divididos por idades. Do 1 ó 7 de agosto son as datas para as rapazas e rapaces nados do 2007 ó 2010, e do día 8 ó 15 poderán gozar do campamento os nados do 2001 ó 2006. Un total de sete días nos que os pequenos visitarán o refuxio de Cobas, Pedra Mamoa,o Ézaro, a Coruña, Cerceda e a Costa da Morte. Están programadas tamén diversas actividades, como camiñadas, obradoiros de pintado de camisetas, xogos, ou olimpíadas. 

O prezo para o Campamento Urbano é de 60€ por cativo, ou 55€ no caso de inscribirse dous ou máis irmáns. Poderanse facer as preinscricións ata o xoves 28 de xullo na Delegación de Cultura e Deportes do concello.

O venres 29 de xullo, o Parque do Coto acollerá os concertos de Closer, Marmota Phil e Brinkadelia Troupe. Un cartel de grupos locais, que se presenta como novidade neste festival polo que xa pasaron artistas de gran recoñecemento.  

A cita, dentro de dúas semanas, será ás once da noite, e haberá servizo de bar. Dende Cultura e Deportes do concello de Negreira, non descartan a realización de máis actividades ligadas a os concertos nocturnos.