O Auditorio de Negreira acolleu o pasado venres 29 a entrega dos quintos Premios do Deporte can esta edición recaeron no dobre campión galego de tiro en compak sporting, e en percorridos de caza, Daniel Cebreiro García, veciño da parroquia de Liñaio e, para o cal foi o galardón ao mellor deportista de Negreira no pasado 2015 que lle foi entregado polo concelleiro de Deportes, José Daniel Casal Leis.

En categoría promesa, o atleta Azzid Saidi, do Atletismo Negreira, sexto no Campionato de España en 1.000 metros lisos e subcampión galego, recolleu o premio de mans de María del Mar García Vidal, concelleira de Emprego, Muller, Agricultura e Medio Ambiente, no apartado masculino. No feminino, foi a karateca, Ildara García Ruíz, da Escola Akai-Ryu, a galardoada na categoría promesa. Ildara acadou o pasado ano, o subcampionato galego de kata alevín, rematando nos primeiros postos en diversos trofeos galegos e nacionais, ademáis de pertencer ó Plan de Tecnificación da Federación Galega de Kárate.

O galardón de mellor club recaeu na Sociedade Deportiva Negreira polo seu campionato de Liga en Preferente Norte, o seu ascenso a Terceira División e, o título de campión galego de fútbol afeccionado. Os capitáns Óscar Vidal e Ángelo Liñares, xunto aos seus compañeiros Juan Diego e Diego Vidal, mailo presidente, José Antonio Fraga, e o adestrador, José Manuel Pose, recolleron o premio de mans da concelleira de Educación e Servizos Sociais, María Jesús Veiga Hortas.

O padriño da gala foi nesta ocasión David Palmas, o xogador do Santiago Futsal, sendo ovacionado por un auditorio ateigado de público, dado que a súa traxectoria deportiva é un claro exemplo do esforzo desde a base ata chegar ao máis alto no fútbol sala profesional.

Durante a velada entregáronse tres recoñecementos: o de mellor traxectoria que recaeu no aventureiro e alpinista, Rubén Suárez Carballo, entregado polo concelleiro de Obras e Servizos, Manuel Ángel Leís Míguez; o de colaboración co deporte, á firma Autocares López que entregou o alcalde, Jorge Tuñas Caamaño e, o da entidade deportiva para o club Ciclista Negreira.

O concelleiro de Deportes, José Daniel Casal, felicitou aos deportistas polo seu esforzo e constancia, así como aos que posibilitan que o deporte en Negreira sexa unha dos acenos de identidade do noso municipio.

Actuacións 

Durante a gala non faltou o humor do cómico Pedro Brandariz, e mailo espectáculo de danza de Duelirium, quenes puxeron o toque artístico a unha gala pola que desfilaron as alumnas da escola municipal de ximnasia rítmica dirixidas por María Fernández, á vez que unha parodia en vídeo sobre o deporte, da man de Suárez e Suárez, sendo algúns dos momentos especiais da velada.

O Servizo Local de Emprego do Concello de Negreira promove o seu III Taller de búsqueda activa de emprego para mulleres, cuxas datas de celebración serán na semana do 15 ó 19 de febreiro, en horario de 9:00 a 14:00 horas. Está destinado preferentemente a mulleres desempregadas do noso concello.

As prazas son limitadas e haberá que inscribirse antes do día 12 de febreiro, no Servizo Local de Emprego, na primeira pranta da Casa do Concello (rúa do Carme, 3), ou ben chamando ó número de teléfono: 664 080 257.

Ademáis, a primeira participante en atopar emprego, unha vez rematado o taller, será recompensada cun incentivo relacionado co traballo.

A Asociación de veciños 3 de Maio, da parroquia de Santa Cruz de Campolongo, co seu presidente á fronte, José Freire, e mailo Concello de Negreira, co alcalde Jorge Tuñas Caamaño xunto aos concelleiros do Partido Popular, Juan Rey Maceira e de Cidadáns, José Manuel López Lago, respeitivamente, decidiron homenaxear conxuntamente a José Andrés Maneiro Nieto, cronista da parroquia de Campolongo, ao tempo que colaborador infatigable en cantas iniciativas desenvolveu a entidade veciñal, así como a título persoal dando a coñecer os recursos naturais e patrimoniais, costumes e maila tradición oral, grazas en boa medida as súas intervencións en Radio Negreira e, no programa Pensando en ti, da Radio Galega.

Dita homenaxe levouse a cabo este mércores 3 de febreiro, na súa casa de Couso de Abaixo, estando Maneiro arroupado pola súa dona, Hortensia, e mailos seus dous fillos, Sergio e Pepe. Tanto por parte da xunta directiva da Asociación de veciños 3 de Maio, quenes fixéronlle entrega dunha placa conmemorativa en agradecemento a súa colaboración desinteresada coa parroquia, coma por parte dos representantes dos tres partidos políticos da Corporación Municipal, en nome da cal entregáronlle unha figura dun hórreo de porcelana en agradecemento á súa labor e difusión de Negreira, todos coincidiron en loubar a súa sabiduría popular e maila humildade que de sempre caracterizou a Maneiro, quen tivo a honra de selo primeiro concelleiro que tivo a parroquia de Campolongo na democracia, despois de formar parte antes da antiga Cámara Agraria.

José Maneiro, animou a tódolos presentes no acto, a seguir traballando a reo polo concello de Negreira, defendendo e recuperando o seu patrimonio, ao tempo que pedíulles aos responsables municipais, que teñan a ben recupéralo muiño do río Donas no que tanto empeño puso para a súa conservación.

Entrevista en Radio Negreira

Por mor do mal tempo, debido a que foi activada a alerta amarela por fortes choivas e ventos, con acumulados de até 40 litros por metro cadrado en todo o Suroeste da provincia de A Coruña, dende as 12:00 horas do sábado 7 de febreiro, o Concello de Negreira tomou hoxe a decisión de suspendélo Desfile de carrozas e comparsas, acto principal das festas do Entroido no noso concello, fixado para a tarde deste sábado.

A nova data de celebración vai selo sábado día 20 de febreiro, a partir das 17:00 horas, con saída dende o Campo dá feira.

Manténse o programa de actos previsto para hoxe venres, no que haberá un baile de disfraces amenizado coa actuación do grupo Montreal, a partir das 23:00 horas, na Praza do Concello, baixo carpa.

Asemesmo, os nenos enenas da Escola Infantil Municipal desfilaron esta mañá polas rúas da vila, sendo recibidos na Casa do Concello, polo alcalde, Jorge Tuñas Caamaño.

Negreira acolleu este Luns de Entroido, o seu tradicional concurso de disfraces infantil, celebrado no Auditorio municipal cunha participación dun cento de nenos e nenas que fixeron as delicias dos alí presentes. E dende a Delegación de Cultura lémbrase que segue aberta até o xoves 18 de febreiro, a inscrición para participar no Gran desfile de carrozas e comparsas do Entroido barcalés, ca celebrarase o sábado 20 de febreiro, a partir das cinco da tarde, partindo o desfile dende o campo dá feira.

Este foi o resultado final do xurado para as dúas categorías segundo idades, cuxos premios foron entregados polo alcalde, Jorge Tuñas Caamaño; a concelleira de Educación e Servizos Sociais, María Jesús Veiga Hortas, e mailo concelleiro de Obras, Urbanismo e Parques e xardíns, Manuel Ángel Leis Míguez.

De 1 a 6 anos

1º premio – Xulián Díaz Suárez, polo seu disfraz de «Elvis Presley». Cheque agasallo valorado en 100 euros.

2º premio – Zaira Barreiro Lodeiro, polo seu disfraz de «Mary Poppins». Lote de xogos didácticos.

3º premio – Nicólas Carnota Fernández, polo disfraz de «Cabaleiro de tapón». Lote de libros.

De 7 a 16 anos

1º premio – Catuxa Sampedro Pereira, polo seu disfraz de «A dama de cristal». Cheque agasallo de 150 euros.

2º premio – Martín Peteiro, polo disfraz «Predrosa desde Malasia a Negreira». Unha tablet.

3º premio – Noelia Carnota Fernández, por «Reciclaxe de primavera». Cámara de fotos dixital.

IMAXE: ABRAHAM FOTÓGRAFO

O Servizo Local de Emprego puso hoxe en marcha, o seu terceiro Taller de procura activa de emprego, dirixido por Celia Barbazán, orientadora laboral do Concello de Negreira, no cal inscribíronse unha ducia de mulleres desempregadas do noso concello.

O taller desenvólvese durante toda esta semana no Telecentro informático, en horario de mañá, de nove a dúas da tarde, e nel abordanse aspeitos que permitan a este colectivo mellorar as súas capacidades para atopar un traballo mediante o coñecemento de ferramentas e webs e, mesmo para a confección dun curriculum vitae.

O Servizo de Normalización Lingüística do Agrupamento A Baña-Negreira, ofertoulles aos centros de ensino da comarca, a posibilidade de participar na actividade Verbas marabillosas, unha iniciativa consistente en elaborar e deseñar textos breves e atractivos, con mensaxes positivas de amor, acompañados ou non, dun debuxo alusivo para agasallar as persoas queridas.

Os textos que poden ser citas de autores famosos ou cantigas, ou mesmo de creación propia, hainos que enviar ao correo: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. gardado en formato jpg ou similar.

 Polo de agora, os centros participantes son as Escolas Infantís de Lañas e Aro e, mailo instituto Xulián Magariños. Os propios centros escollerán os dez mellores e destes, elaboraránse adhesivos que serán repartidos entre todo o alumnado participante. Tamén difundiranse a través do blog do Servizo de Normalización Lingüística (http://snl.concellodabana.es).

Está previsto que as creacións sexan elaboradas durante o presente mes de febreiro, sendo o seu obxetivo o fomentar o uso do galego entre o alumnado, ademáis de favorecer a imaxinación e a creatividade en galego, en conmemoración de febreiro como o mes dos paxariños e do amor.

As persoas destinatarias van selos alumnos dos centros de ensino da contorna e os traballos deberán ser remitidos antes do día 29 de febreiro, inclusive.

O espectáculo Curtis & Teixeiro: investigadores privados, recalará en Negreira da man de dous coñecidos actores do audiovisual galego como son Federico Pérez e Xosé Antonio Touriñán, o sábado día 30 de abril, en dous únicos pases: 20:30 e 22:30 horas. As entradas teñen un prezo de 8 euros por persoa e pódense retirar dende o luns 22 de febreiro, na Delegación de Cultura (Casa da Cultura), en horario de mañá.

O argumento trata sobre dous detectives, Suso Curtis e Juan Ramón Teixeiro, que contan as súas experiencias a modo de conferencia por Galicia adiante, de como estiveron infiltrados en lugares como clans da droga, ou contarnos como é o programa segredo sexual dos partidos políticos, as gravacións segredas de Tejero horas antes do golpe de Estado do 23F, ou mesmo sobre a verdadeira historia da Arca de Noé.

As gañas que hai de vivir o desfile de Entroido máis grande da historia de Negreira fai que se superasen tódalas previsións, até o punto que o número de inscritos triprica a cifra dun ano normal.

Cualificado de «histórico». As cifras son bos indicios: Hai vinte e unha comparsas, das que únicamente cinco non teñen carroza, máis dezasete grupos medianos e vinte e cinco disfraces individuais e por parellas. En total farán que 1.230 persoas desfilen mañá pola tarde polas rúas de Negreira, algo inusual si non fose pola gran cantidade de citas suspendidas ou adiadas pola choiva, por iso é polo que ninguén quere perderse un dos concursos máis afamados de Galicia e, onde repartiránse 5.400 euros en premios.

Esta participación de récord, que nunca antes se deu en Negreira, levou ao Concello a adoitar un dispositivo especial de seguridade con máis dunha trintena de voluntarios de Protección Civil, Policía Local e unha ambulancia que pechará o desfile.

De 17.00 ás 20:00 horas recoméndase non usar o coche para circular polo centro urbano de Negreira e, o transporte de viaxeiros en autobús, tamén veráse alterado. O desfile partirá ás cinco da tarde do Campo dá Feira, onde haberá un punto de recollida de dorsais. Transitará pola Carreira de San Mauro, rúa dá Cachurra, avenida das Brañas, Rosalía de Castro, Teresa Fabeiro, zona do instituto e as rúas de Castelao e O Carme.

A partir das 16:00 horas vaise a cortar o acceso á vila dende a estrada de Urdilde, á altura da Abeanca. O tráfico procedente de Noia e Brión vai ser desvíado pola Chancela cara o centro de Negreira. O tráfico de entrada dende as estradas de Ponte Nafonso e Pesadoira, será desviado á altura do Campo dá Feira por Vilachán de Abaixo cara o centro.

Autobuses

Todos aqueles autobuses que transporten a membros das comparsas participantes, poderán deixalos viaxeiros na zona do Campo dá Feira, para logo estacionar na área habitual para este tipo de vehículos na zona escolar de Negreira.

O Entroido cumpriu coa súa tradicional cita de Negreira, axudado polo bo tempo e unha concorrencia de xente que será difícil de esquecer. Unha vintena de comparsas e carrozas, ao que hai que engadirlle catorce grupos medianos e, quince disfraces individuais e por parellas, conformaron o desfile máis numeroso da historia do concurso barcalés. Tanto, que durou prácticamente seis horas, xa que a tódolos grupos e comparsas foilles permitido actuacións que non fixeron máis que prolongar no tempo o desfile.

Agradecemento especial aos voluntarios de Protección Civil de Negreira, Mazaricos, Santa Comba e Val do Dubra, e mailo traballo dos axentes da Policía Local para garanter a seguridade e o nomral desenvolvemento do desfile, a sabendas de que son inevitables os cortes de tráfico. Con todo, tentouse garanter a ciruclación por boa parte do centro de Negreira, aínda interrumpindo o desfile en zonas como a confluencia da rúa de Castelao coa rúa do Carme.

Dende o Concello de Negreira expresouse o máis sentido pésame e as condolencias á familia e compañeiros da comparsa de Os Subterráneos de Meicende, polo repentino pasamento durante o desfile do pasado sábado, de Pedro Dopico Sánchez, de 73 anos de idade, integrante da comparsa Tardes de primavera, logo de sufrir un infarto do que non puido recuperarse tras ser atendido primeiramente na rúa e logo no Punto de Atención Continuada.

• Resultados finais

-Modalidade de disfraces individuais e por parellas  

1º premio (150 euros) – Reloxo de cuco (Negreira)

2º premio (100 euros) – O anano de Mazinguer Z (Arzúa)

3º premio (50 euros) – O leitiño polo que vale (Arzúa)

Modalidade de grupos pequenos

1º premio (200 euros) – The Fantastic Clows (Teo)

2º premio (150 euros) – Os Xenerais de Entroido (Ordes)

3º premio (100 euros) – Caixas de música (Paderne)

-Modalidade de carrozas

1º premio (1.000 euros) – Comparsa Ciklón (Tomiño)

2º premio (600 euros) – Tardes de primavera (Arteixo)

3º premio (300 euros) – Fantasías musicais (Vilagarcía)

4º premio (150 euros) – Lañas west

1º accésit (100 euros) - As Brincadeiras, ríome de Río (Muros)

2º accésit (100 euros) - Aerolíneas Low Cost-Mía (Ordes)

-Modalidade de comparsas

1º premio (1.000 euros) – A Rueirada: unha lenda rusa (Muros)

2º premio (600 euros) – Comparsa Ciklón (Tomiño)

3º premio (300 euros) – Fantasía outonal (Santiago)

4º premio (150 euros) – O Rei León (Ordes)

Accésit (100 euros) – Fantasía Liñalieníxena (Negreira)

Accésit (100 euros) – Buxantes calidade (Dumbría)

O premio Juan Varela Areoso, á mellor copla e dotado de 100 euros correspondeu a: Patos de Barcala, de Os Carnavaleiros de Barcala.