O programa das festas de verán de Negreira deste ano terá lugar desde o xoves 11 ata o domingo 14 de xullo ofrecendo unha ampla variedade de actividades e eventos para todos os públicos. Polo tanto voltarán as múltiples atraccións e postos de venda ambulante a zona da Rúa Castelao e a súa prolongación ata o IES Xulián Magariños que permanecerán pechadas ao tránsito de vehículos ata o remate das festas.

A pesar destas restricións, a zona próxima ao centro médico estará habilitada ao paso para asegurar o acceso ao Punto de Atención Continuada por si fora preciso a entrada de ambulancias e vehículos que o precisen por urxencia, garantindo así a atención sanitaria aos cidadáns.

Xoves 11 de xullo:

A inauguración das festas comezará cunha verbena a cargo da Orquestra Cinema, coñecida por ser unha das máis dinámicas e populares de Galicia. Ademais, a noite estará amenizada pola disco móbil CDC, que promete manter o ambiente festivo ata altas horas da madrugada.

Venres 12 de xullo:

A xornada do venres arrincará cun pasacalles a cargo do grupo Os Garuleiros, que percorrerá as principais rúas do municipio. Pola noite, a verbena contará coas actuacións da Orquestra Gran Parada e o Grupo Fussion, que ofrecerán un repertorio variado para todos os gustos.ç

Sábado 13 de xullo:

O sábado comezará con outro pasacalles do grupo Os Garuleiros. Posteriormente, celebrarase a tradicional concentración de vehículos que este ano como novidade que partirá do campo de fútbol Jesús García Calvo, onde se espera unha numerosa participación. Ás 12:00 horas, oficiarase unha misa solemne no pavillón de Pedra Mámoa e, a partir das 13:30 horas, levarán a cabo a procesión motorizada organizada pola Asociación de Transportistas de Negreira, que promete ser un dos eventos máis destacados. A xornada concluirá cunha espectacular verbena a cargo da Orquestra La Fórmula e a disco móbil Fabrik, con DJ Javi Machito, ofrecendo unha boa combinación de música e entretemento.

Domingo 14 de xullo:

O peche das festas será o domingo cun concerto da Banda de Música Ateneo de Negreira, que se celebrará a partir das 19:00 horas na Praza do Concello. Este evento será o broche de ouro a unhas festividades cheas de música e tradición.

Organiza: Asociación de Festexos de Negreira.

Colaboran: Concello de Negreira e Deputación da Coruña.

Os Concellos de Ames e Negreira apostan un ano mais por poñer en valor a paraxe natural de Ponte Maceira, e con tal motivo programáronse novamente as “ Noites en Vela”, un evento que xa é unha tradición para ambos municipios.

O acto dará comezo o vindeiro sábado 20 de xullo a partir das 9 da noite e haberá iluminación especial da ponte cunha velada que amenizan o coro “Son Elas” e a agrupación “Lontreira” que na actualidade é un dos grupos que máis gusta en toda Galicia.

A Ponte Maceira foi declarada “Ben de Interese Cultural” no ano 2016, e converteuse no punto turístico máis importante que temos na nosa comarca.

O festival Nicrafolk trae para este ano un cartel excepcional que promete facer as delicias dos amantes da música tradicional galega.

O evento terá lugar o sábado 3 de agosto, no Patio do CEIP O Coto a partir das 21:00 horas, onde se presentarán tres grandes expoñentes da música folk: Tres Pesos, Xurxo Fernandes, e De Ninghures.

Tres Pesos

Trío conformado por Felisa Segade, Xoán Porto, e Xosé Antón Ferreira. Estes músicos son tres caras da mesma moeda e foron piares fundamentais na escena cultural, formando parte de proxectos tan destacados como Leilía e Brincadeira.

Xurxo Fernandes

Desde a súa temperá formación no baile e canto tradicional, Xurxo Fernandes percorreu as aldeas de Galicia en busca das raíces máis profundas da nosa música. O seu enfoque único mestura estas sonoridades con influencias sefardíes, creando un estilo inconfundible 

De Ninghures

Son a gran revelación da música folk galega dos últimos tempos grazas ao seu tema "Morena" no que aportan enerxía e talento.

O festival tamén contará cunha foliada local como antesala aos concertos principais. Desde as 19:30 horas, os asistentes poderán gozar das actuacións da Escola Municipal de Pandeireta, Os Garuleiros e a Sociedade Cultural e Folclórica "Veiga do Cotón".

se poden consultar as listaxes provisionais de admitidos e excluídos dos programas “Negreira Concilia Madrugadores” e “Negreira Concilia Merendas”, do Centro de Información ás Mulleres (C.I.M.) do Concello de Negreira.

As solicitudes presentadas fóra de prazo deberán ser subsanadas para, no seu caso, formar parte da listaxe de agarda.

Establecese un prazo de cinco días naturais a contar dende a publicación das referidas listaxes para reclamacións ou emendar defectos que motivasen a exclusión.

Datos adxuntos: 

Publicacións Oficiais

Este 22 de agosto de 2024 pasará a historia de Negreira por selo día en que realizouse a entrega persoal do galardón en recoñecemento á traxectoria deportiva a José Manuel Rodríguez “Rodri”, no Salón de Plenos da Casa do Concello, aproveitando a súa estadía en Galicia cando a súa muller Dolores e maila súa filla, Eva. O galardón non puido ser entregado o pasado 1 de marzo porque Rodri e a súa familia residen en Canarias.

O xurado da 12ª Gala do Deporte quixo recoñecer así, a traxectoria dunha das persoas que máis contribuiu a fomentar o deporte entre a mocidade de Negreira e comarca. Referímonos a José Manuel Rodríguez, durante a súa etapa como profesor de educación física no colexio O Coto, así como na súa etapa de adestrador da Sociedade Deportiva Negreira.

A traxectoria vital de Rodri, que na década dos 80 revolucionou e modernizou o deporte nun municipio eminentemente rural como era a Negreira de aqueles tempos, nos que os que practicaban algún deporte eran tildados de "tol@s", ben merecía este recoñecemento por parte do pobo negreirés debido a súa implicación tan grande. Rodri logrou que equipos formados por él mesmo, en disciplinas tan dispares como fútbol sala, campo a través ou baloncesto, chegasen a clasificarse varios anos para participar en Campionatos de España en idade escolar. Todo un fito naquela época!

O recoñecemento foille entregado polo concelleiro do goberno local, Adolfo Barbosa cando á primeira tenente de alcaldesa, Teresa Duro Leis, pois o alcalde tivo que excusar a súa non presenza por un asunto persoal. Tamén asistiron concelleir@s do Partido Popular e o edil representante do BNG.

Palabras de Rodri

Un Rodri moi "emocionado" recolleu o galardón despois das palabras de Javier Muiño, en representación dos seus antigos alumn@s. O homenaxeado agradeceu este recoñecemento e na súa intervención sinalou que "los éxitos actuales demuestran que los jóvenes de la comarca de Negreira han sabido recoger el relevo que con gran dignidad han recibido de sus padres. En realidad, la pequeña participación que mi esposa y yo tuvimos en aquellos éxitos que hou queréis reconocer aquí, sería quizás, la de sacar a la luz unos valores que ya estaban innerentes en aquellos jóvenes que llenos de ímpetu y de ilusión, nos dieron tantos triunfos y tantas alegrías", manifestou.

Rodri e a súa familia sempre serán d@s nos@s por todo o cariño demostrado hacia Negreira!

A Feira do Románico é un dos maiores eventos que anualmente ofrece Negreira a súa veciñanza e visitantes, convertida nun referente festivo para a despedida do verán e enfocada á diversión das familias, cun gran mercado medieval con postos de artesanía e alimentación, ademais de talleres de oficios en vivo e un amplo programa de actividades de rúa como desfiles de malabares, músicos ou seres doutro tempo. A feira comeza o venres 30 de agosto ás 18:00 horas e o sábado 31 ás 12:00 horas terá lugar un desfile para a súa inauguración coas autoridades municipais.

A contorna do pazo do Cotón énchese de milleiros de persoas para pasar tres xornadas lúdicas, dende o venres 30 de agosto ao domingo día 1 de setembro, recuperando a presente edición o espectáculo de cetrería, con Falcóns Galicia, nun lugar idóneo como é a praza do Cotón. Tamén volve o concerto da noite do venres con The Duellists, o dúo de folk-rock formado pola violinista Sara Ember –compoñente do mítico grupo Ñu- e Samuel Antón á guitarra. Os viaxeiros da vila, os feiticeiros e as súas pócimas, o clan dos McGuapos, o circo de trapecio e os shows de malabares e equilibrios desbordarán as rúas do mercado. E na medianoite do sábado, o espectáculo pirotécnico sobre o pazo do Cotón, con Pirotecnia López.

Torneo medieval

Compre dicir que o sábado, día forte, aparte dos espectáculos itinerantes, ás nove haberá o combate de cabaleiros, no campo da feira. Entorno á medianoite igual que o venres e o domingo, volta á feira Rita de Miguel (Fire Dragóns), co considerado un dos mellores espectáculos de lume de Europa, nun emprazamento único como é a praza do Cotón. Ela será a encargada de pechar a feira este ano, a noite do domingo, cun desfile precedido da Escola de batucada Latexo Percusión. E non esquecemos un dos pratos fortes: o gran combate medieval (xustas a cabalo), con dous pases o domingo, ás 12:30 e ás 20:30 horas, na chaira xunto ao instituto Xulián Magariños, a cargo de Especialistas Hípica Celta, trala gran acollida da última edición dunha feira que conta cun espazo de lecer infantil na rúa do Carme. Tamén haberá postos de comida e bebida.

Consulta aquí o programa:

O Concello de Negreira lembra que a celebración esta fin de semana da décimo sétima edición da Feira do Románico, obriga a curtar o tráfico totalmente na Carreira de San Mauro, entre a tarde do xoves 29 de agosto e a mañá do luns, día 1 de setembro.

O principal desvío alternativo vai ser pola zona de A Abeanca e A Chancela para os vehículos que procedan das estradas de Outes, A Ponte Nafonso e Urdilde, así como á inversa en sentido saída do centro urbano. Outra opción é o paso polo Refuxio de Cobas para os vehículos hacia as zonas de Gonte, Liñaio, Arzón, Xallas, Aro, Broño, A Pena, Bugallido, Alvite e Campolongo.

Dende o Campo da Feira pódese circular –só vehículos- en sentido ascendente a través do núcleo de Vilachán de Abaixo, pois en sentido descendente mantén a prohibición desde a fonte de Vilachán.

Ademais, vai permanecer pechada ao trafico a rúa do Carme para a instalación das atraccións do recuncho infantil da feira, así como a primeira metade da rúa Cidade de Vicente López, na súa confluencia coa Carreira de San Mauro.

Pregamos desculpen as molestias.

O Concello de Negreira oferta máis de 20 actividades deportivas para nenos e adultos, en distintos horarios e localizacións. Ata o día 30 de setembro podes facer efectiva a túa inscrición na Delegación de Deportes (Casa da Cultura), en horario de mañá.

Para facer efectiva a matrícula en calquera actividade, debes levar a cabo os seguintes pasos:

1.- Cubrir a folla de inscrición das actividades que che interesen:

2.- Entregar a folla de inscrición cuberta, na Delegación de Deportes ou enviar escaneado o documento ao email:Este enderezo de correo está a ser protexido dos robots de correo lixo. Precisa activar o JavaScript para velo.

3.- Pagar a cota de inscrición na conta bancaria do Concello de Negreira.

- ES33 2080 0305 0131 1000 0021 (Abanca)

- ES15 0081 2153 2400 0104 6411 (Sabadell)

4.- No recibo debes indicar nome alumno/a e actividade/es.

5.- Prezo

- Actividades normais

- 1 actividade: 60 €;

- 2 actividades: 52,50 €;

- 3 actividades: 45 €

   En caso de ser familia directa (pais/fillos):

- 2 irmáns: 52,50 €

- 3 irmáns: 45 €

- Ximnasia de maiores

- 1 actividade 40 € (non ten descontos por máis actividades)

6.- Tes que enviar copia do recibo ao email:, ou entregala de forma presencial na oficina de Deportes.

7.- Para dúbidas podes chamar ó número: 981 885 886

8.- As clases comezan o 30 de setembro.

+info: