DECRETO DE CONVOCATORIA DE SESIÓN EXTRAORDINARIA DO PLENO DA CORPORACIÓN

Don Manuel Ángel Leis Míguez, Alcalde-Presidente do Concello de Negreira (A Coruña);

En virtude do disposto no artigo 21 da Lei 7/1985, de 2 de abril, reguladora das Bases do Réxime Local así como nos artigo 41 e no artigo 77 e seguintes do Regulamento de Organización, Funcionamento e Réxime Xurídico das Entidades Locais, aprobado por Real Decreto 2568/1986, de 28 de novembro,

RESOLVO

PRIMEIRO.- Convocar ó Pleno da Corporación en sesión extraordinaria, o día 14 de xuño de 2024, ás 10:00 horas, no Salón de Plenos da Casa do Concello coa seguinte:

Orde do día

Único.- Toma de razón da renuncia presentada polo Concelleiro don Iván Guardado Porto.

SEGUNDO.- Que pola Secretaría se leven a cabo os trámites legais oportunos para a convocatoria e notificación dos Señores/as Concelleiros/as e para a súa publicación no Taboleiro de anuncios do Concello.

A Escola Municipal de Música de Negreira (EMMN), presenta o horario das materias grupais do curso 2024-2025 e os días en que están na escola os profesores de instrumento para as clases individuais.

O horario exacto das clases de instrumento darase o venres, día 20 de setembro, ás 18:00 horas, sendo a data fixada para a presentación do curso no auditorio Afonso Eanes do Cotón.

Matrícula

O prazo para renovar a matrícula comprende dende o 24 de xuño ao 8 de xullo de 2024. E para o novo alumnado, vai dende o 9 de xullo ao 13 de setembro de 2024. De forma presencial no Rexistro Xeral do Concello, ou de forma telemática, a través da sede electrónica do Concello de Negreira.

A exposición achega á cidadanía as políticas da Unión Europea para conseguir a neutralidade climática nas vindeiras décadas. A nosa vila tamén acolle unha actuación de malabares, equilibrios e acrobacias na rúa, con motivo da súa inauguración, este venres 28 de xuño ás 20:00 horas no Parque do Coto.

Esta mostra sobre as políticas verdes da Comisión Europea poderá visitarse durante dúas semanas, ata o 12 de xullo, no Parque do Coto, na capital do Val de Barcala.

O Pacto Verde Europeo é a folla de ruta da Unión Europea para avanzar cara un sistema económico sostible, moderno e competitivo que sexa capaz de facer un uso eficiente dos recursos. Como se explica de maneira accesible nos paneis, o obxectivo inicial é reducir as emisións nun 55% ata 2023 como primeiro paso para acadar a neutralidade climática no ano 2050.

A mostra está acompañada dunha actuación artística que introducirá ao público na temática medioambiental a través de malabares, acrobacias e equilibrios. A cita é o venres 28 de xuño ás 20 horas na pista polideportiva do Parque do Coto.

Despois da parada en Negreira, esta expo itinerante, que xa pasou por Carral, visitará os concellos de Rianxo e Lousame.

Experiencia interactiva

A mostra busca tamén a participación do público asistente a través de dúas experiencias interactivas ás que se pode acceder dende o teléfono móbil. A primeira delas é Estación Verde, un entorno virtual en 3D no que se aloxan vídeos realizados polo alumnado de centros galegos con consellos sobre sostibilidade, contidos didácticos, unha versión virtual da mostra e un punto informativo sobre as funcións do centro EUROPE DIRECT A Coruña, aos que se pode acceder escaneando códigos QR.

Tamén está dispoñible o xogo Pacto Verde Europeo, un escape room online deseñado para poñer a proba os coñecementos sobre o coidado do medio ambiente do público de todas as idades. Pódese acceder ao mesmo a través da páxina web:

EUROPE DIRECT A Coruña é un centro de información oficial da Comisión Europea que pertence á Deputación da Coruña. A misión do centro, que iniciou a súa traxectoria no ano 1996, é traballar coa cidadanía, os medios de comunicación e as entidades locais cos obxectivos de implicar á poboación en temas europeos, así como proporcionar contidos sobre as políticas e as prioridades da UE. Tamén axudar á Comisión Europea a adquirir unha visión xeral das sensibilidades locais relacionadas coas súas políticas e promover a cidadanía europea activa nas escolas.

Para información complementaria, pódese contactar a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo., ou ben, no número de teléfono 981 080 331.

Hai tamén máis información dispoñible na seguinte web: https://www.dacoruna.gal/europedirect/europe-direct-coruna/agenda/2024/exposicion-itinerante-pacto-verde-europeo/

Unha vez rematado o prazo de inscrición do programa do Campamento Urbano Respira e reunido o persoal do Centro de Información ás Mulleres do Concello de Negreira, procédese a publicar a listaxe definitiva de admitidos/as e excluídos/as para as quendas deste verán.

O Campamento Urbano Respira contará nesta edición cun total de 96 participantes entre xullo e agosto que estarán integrados nun servizo que serve para axudar a pais e nais a conciliar no ámbito laboral.

Ademais o concello dispón tamén doutros servizos como o Diververán, dirixido a rapaces e rapazas con idades comprendidas entre 4 e 12 anos que a partir do luns día 1 de xullo, se incorporan as sesións de manualidades e xogos programadas polos monitores.

 O Concello de Negreira comeza o seu programa de actividades deportivas para este verán, dirixido a tódolos públicos e cunha oferta variada que busca fomentar a participación e o exercicio físico durante os meses de xullo, agosto e parte de setembro.

O programa, deseñado polo departamento de deportes, inclúe disciplinas como fútbol, baloncesto, natación e sendeirismo, ademais de actividades específicas para os máis novos, como talleres deportivos e xogos populares.

As actividades levaranse a cabo en diferentes instalacións municipais, como o polideportivo, as piscinas e diversos roteiros naturais da contorna. Haberá, ademais, diversos Campus Deportivos específicos como o “Basket Training Days”, “Clínic de Tenis”, “Campus Voleibol Internacional” e tamén karate e hípica. As inscricións para participar nestas actividades xa están abertas e poden realizarse no departamento de Deportes, situado na Casa da Cultura.

Trátase do primeiro verán no que o Concello de Negreira realiza un programa deportivo específico para o deporte, ofrecendo espazos de encontro e diversión para persoas de tódalas idades. Ademais, a iniciativa conta coa colaboración de varias entidades locais que achegarán recursos e voluntarios para asegurar o bo desenvolvemento de todas as actividades.

Con esta oferta, Negreira reafirma o seu compromiso co benestar e a súa aposta por un verán activo e participativo, onde o deporte e a convivencia serán os protagonistas.

Xa está aberto o prazo para formalizar as preinscricións nos Campamentos Val de Barcala con data límite do 15 de xullo.

Unha vez rematado este prazo realizarase unha reunión informativa e o sorteo de prazas o martes 16 de xullo ás 20:00 horas no Auditorio da Casa da Cultura de Negreira.

O campamento levarase a cabo do 26 de agosto ao 4 de setembro e están dirixidos a nenos nados entre 2009 e 2016, que se irán ata o Albergue Xuvenil Espiñeira en Boiro. O custo de participación é de 60 euros, cun desconto especial para irmáns, quedando en 55 euros cada un.

Para obter máis información, os interesados poden contactar co departamento de cultura chamando ao teléfono 676 454 879 ou no correo Este enderezo de correo está a ser protexido dos robots de correo lixo. Precisa activar o JavaScript para velo.

A Corporación de Negreira está covocada a sesión ordinaria do pleno que terá lugar o próximo día luns día 8 de xullo ás 21:00 horas no Salón de Plenos da Casa do Concello.

Orde do Día:

Primeiro.- Dar conta dos Decretos de Alcaldía emitidos dende o último Pleno Ordinario: do nº146/2024 ó nº 223/2024, ambos inclusive.

Segundo.- Ratificación do Decreto 139/2024, relativo á 1ª Emenda Do Proxecto "Aglomerado Viales Municipales Ac-447-Portor" (Pos +2024). (Expte. Tramitación de Decretos número 2024/G003/000150)

Terceiro.- Ratificación do Decreto 212/2024 relativo á aprobación definitiva do Plan de Incendios. (Expte. Tramitación de Decretos número 2023/G003/000235)  

Cuarto.- Aprobación do orzamento municipal para o ano 2024. (Expte. número 2024/T004/000001)

Quinto.- Modificación de ordenanza fiscal reguladora do Imposto sobre o Incremento do Valor dos Terreos de Natureza Urbana IIVTNU (Expte.número 2024/G016/000001).

Sexto.- Esquema Nacional de Seguridad (ENS). Aprobación normativa de uso de medios electrónicos.

Sétimo.- Esquema Nacional de Seguridad (ENS). Aprobación política de seguridad.

Oitavo.- Rogos e Preguntas.

Entre as datas do 10 ao 19 de xullo quedará aberto o prazo de inscrición para os programas de conciliación que ofrece durante todo o curso educativo, o Concello de Negreira. Tanto o programa Madrugadores coma o de Merendas, a desenvolver nas instalacións do C.E.I.P. O Coto.

As inscricións deben formalizarse no Centro de Información á Muller (C.I.M.), na planta baixa da Casa do Concello (en horario de mañá, de luns a venres). Máis información no número de teléfono: 881 035 154 – 881 035 155

Documentación

Madrugadores e Merendas 2023-2024:

- Modelo normalizado de ficha de inscrición

- DNI dos responsables do menor

- Libro de familia, sentenza ou resolución administrativa que acredite a relación xurídica entre ambos

- Tarxeta sanitaria do/a menor

- Declaración do IRPF e no caso de non presentala certificación negativa

- Xustificante da situación de emprego (Informe vida laboral, última nómina, pago último recibo de autónomos).

- Xustificante da necesidade do servizo por incompatibilidade horaria (certificado de demandante de emprego, xustificante de realizar unha busca activa de emprego, xustificante de asistencia a accións de formación laboral).

O persoal técnico responsable do servizo poderá requirir outra documentación complementaria ou adicional que se precise.

As solicitudes poden presentarse de xeito telemático, a través da sede electrónica do Concello, ou de xeito presencial no Rexistro Xeral, en horario de 9:00 h a 14:00 h de luns a venres ata o 19 de xullo.

O Concello de Negreira dá a coñecer as modificacións nos horarios por mor das festas de verán que durante os días 12, 13 e 14 de xullo se celebran na vila na honra a San Cristovo.

Poderán ampliar dúas horas, como máximo, o horario de peche ordinario os locais de hostalería e, do mesmo xeito, esta medida aplícase á finalización dos espectáculos públicos e actividades recreativas durante a celebración das festas.

No seguinte enlace atopase toda a información do decreto da alcaldía.

A vila de Negreira mergúllase desde o xoves 11 de xullo e ata o domingo día 14 nas súas festas de verán na honra a San Cristovo e faino con tres días de verbena que obrigarán a modificar o tránsito de vehículos polo casco urbano.

Así, informase de que desde o mércores permanecerán cortados ao tráfico os accesos rodados á Praza do Concello, polo que recoméndase a residentes e veciños que non estacionen en todo o recinto, reservado para a montaxe de escenarios e demais infraestruturas.

Para as atraccións reservouse a segunda parte da rúa de Castelao e a contorna do instituto. A circulación quedará restrinxida ata o luns, excepto para as urxencias sanitarias, a Garda Civil e os veciños residentes dos bloques de edificios da zona.

As festas vivirán o seu día grande o sábado, dedicado a San Cristovo, patrón dos condutores, que ten como actividade máis destacada a procesión motorizada que organizan os integrantes da Asociación de Transportistas de Negreira.

Desde ese colectivo, confirman que será a participación máis alta dos últimos anos, e tras o percorrido polas rúas da vila, dirixiranse cos seus vehículos ata área recreativa de Cobas para celebrar unha comida de confraternidade. A procesión motorizada este ano parte por primeira vez da zona de Pedra Mámoa, comezará tras a misa do mediodía, e obrigará a efectuar cortes de tráfico ata a súa conclusión.