O sábado 14 celébrase a décimo terceira edición do Día da bicicleta en Negreira coa habitual concentración dos participantes a partir das 10.00 horas na chaira a carón do instituto Xulián Magariños, e con dous percorridos: O infantil, de 1,2 quilómetros, a partir das 10.30 horas e o de adultos, de 10 quilómetros e dende as 11.00 horas. Ambos percorridos finalizarán no Campo da Feira.

Haberá refrixerios e agasallos para tódolos participantes, de tódalas idades e as inscricións hainas que formalizar na Delegación de Cultura e Deportes, na Casa da Cultura, en horario de mañá, ou no número de teléfono 981 885 886.

É obrigatorio o uso de casco protector, e ao rematar os percorridos realizarase o sorteo de agasallos como unha mountain bike, xentileza de Comercial Vigo.

Do 16 ao 22 de setembro celébrase o primeiro Torneo de Pádel que organiza o Club de Tenis Negreira en colaboración co Concello, de categoría absoluta (masculino, feminino e mixto), a través do pago dunha cota de 12 euros por participante, con independencia do número de probas nas que se inscriba.

A inscrición para o torneo pecha este xoves 12 e o sorteo terá lugar o sábado 14 de setembro, ás 20.00 horas. As inscricións poden formalizarse a través da web: ibertenis.com, onde está toda a información e as normas técnicas da competición.

A primeira fase realizarase con grupos de 4 parellas onde se clasifican os dous primeiros de cada grupo.

A vila de Negreira celebra este domingo e luns, sendas xornadas festivas de setembro na honra á virxe das Dores e Santa Margarida, respectivamente, e nas que colabora activamente o Concello de Negreira promovendo actividades como o tradicional festival de bandas (o domingo ás 18.30 horas) na praza do Concello. Detallamos aquí o programa festivo:

Domingo 15

Ás 10.00 horas.- No parque do Coto comeza o Torneo de baloncesto 3x3 durante toda a mañá. Categorías: Premini; mini; infantil e cadete.

Ás 11.00 horas.- No Comprexo Deportivo de Pedra Mámoa, dispútanse os partidos da final do II Open de Tenis Val de Barcala.

Ás 13.00 horas.- Misa na igrexa parroquial na honra á virxe das Dores.

Ás 16.30 horas.- Na praza das Brañas teremos unha exhibición de agility a cargo da Escola Canina Mascoguau.

Ás 18.30 horas.- Festival de Bandas na praza do Concello. Actúan: Banda de Música de Chantada; Banda Eduardo Pondal, de As Pontes, e Banda Ateneo de Negreira.

Luns 16

Pasacalles a cargo da charanga Os Celtas

Ás 13.00 horas.- Misa cantada na honra á Santa Margarida e posterior procesión na igrexa parroquial.

Sesión vermú coa charanga Os Celtas, no campo da feira.

Ás 22.30 horas.- Verbena coa orquestra La Ola ADN no campo da feira.

O Concello e a veciñanza de Negreira mostrou hoxe martes 17 de setembro, a súa condena e repulsa polo triplo asasinato machista acontecido este luns en Valga, mediante unha concentración de repulsa este mediodía diante da Casa do Concello, onde gardouse un minuto de silencio en memoria das tres últimas vítimas mortais da violencia de xénero, así como por todas as mulleres falecidas.

Durante o acto, no que participaron membros da Corporación municipal encabezados polo alcalde, Manuel Ángel Leis Míguez, deuse lectura a un comunicado de repulsa destes tres últimos asasinatos por parte de María del Mar García Vidal, concelleira da Muller no goberno municipal.

Ata o día 11 de outubro tedes de prazo para formalizar inscricións e participar na oferta de Escolas Deportivas e Culturais do Concello de Negreira, cuxa actividade comeza no mes de outubro. Para facer efectiva a inscrición deberase cubrir a folla e pagar na conta bancaria do Concello. Unha vez realizado os dous pasos teráse que entregar a documentación na Delegación de Cultura e Deportes, antes do 11 de outubro.

Escolas deportivas: Aprender coa actividade física

Máis de 400 nenos de entre 5 e 16 anos, e 120 adultos disfrutaron destas escolas o pasado curso, que contou coas seguintes actividades: Atletismo; aerobic; baloncesto; multideporte; patinaxe; predeporte; tenis; ximnasia rítmica; ximnasia de maiores; ximnasia de mantemento e xadrez.

O Concello de Negreira e a Deputación de A Coruña, destinan para este ano unha importante partida económica, co obxectivo de fomentar e desenvolver as actividades deportivas municipais. Dous coordinadores e 12 monitores cualificados compoñen o equipo que se encarga de activar a práctica do deporte entre os escolares e adultos.

Ademáis dos adestramentos, algunhas actividades tamén teñen competición que se desenvolverá a partir de xaneiro.

Escolas culturais: Fomentando a creatividade

Un dos maiores compromisos nos últimos anos foi o de mellorar as escolas culturais, incrementado a oferta. Na presente tempada a ofertar é a seguinte:

- Obradoiro de danza tradicional

- Escola Municipal de Teatro.

- Informática

- Costura

- Pintura e gravado

- Baile flamenco

Celébrase o sábado 28 de setembro, e vai a ter unha camiñada de 25 quilómetros cunha dificultade media-baixa, a través da Ruta dos 3 Pazos (O Cotón, Baladrón e Albariña), duns 16 quilómetros, e co engadido de nove máis unha vez chegados ó punto de partida (Pazo do Cotón), polo Camiño de Fisterra na súa saída de Negreira polo Corpachón ata Zas, e dende alí, por un sendeiro, no que os participantes regresarán a Negreira polo paseo fluvial do río Barcala.

Con esta iniciativa preténdese potenciar e dinamizar o Camiño de Fisterra e Muxía, ao seu paso polo noso concello.

Para facer efectiva a inscrición, podes chamar ao número de teléfono 981 885 886 ou enviar os datos a: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.. A inscrición é de balde. Os datos a cumprimentar son os seguintes: nome e apelidos, data nacemento, DNI, localidade e teléfono de contacto.

A data límite para facer efectiva a inscrición é o xoves 26 de setembro as 14:00 horas.

A gran final do I Torneo de Pádel Concello de Negreira celebrada este martes no Comprexo Deportivo Municipal de Pedra Mámoa, deixounos a vitoria final da parella formada por Oriol e José Esparís, por dous sets a cero (6/2 e 7/5), vencendo á parella formada por Gerardo Vázquez e Santi Mata.

En semifinais, a parella gañadora logrou o pase á final vencendo 6/1 e 6/1 á integrada por Iván Pensado e Damián Pérez; e na segunda semifinal foi a composta por Gerardo Vázquez e Santi Mata quenes lograron impoñerse por 6/1 e 6/4 a Enrique Pérez e Constantino Carreiras.

Na entrega final de premios participou o alcalde de Negreira, Manuel Ángel Leis, acompañado polo concelleiro de Deportes, Iván Guardado e maila primeira tenente de alcalde, Mar García Vidal, xunto co presidente do Club de Tenis Negreira, Jesús Mariño.

A Deputación da Coruña vén de rematar o proxecto de mellora da seguridade para peóns no acceso á vila de Negreira pola estrada provincial dende Urdilde (DP 1302), estreando una senda peonil tras un investimento de 75.400 euros, respostando así, a unha antiga demanda dos veciños da zona para que se mellorase a seguridade peonil pola perigosidade do tránsito a pé neste punto.

Os traballos consistiron na construcción dun primeiro tramo dunha senda peonil de formigón, asentada sobre unha capa de zahorra artificial e limitada con bordillo nos primeiros 420 metros da DP 1302, que coincide no seu inicio coa rúa Malecón, para o que houbo de levarse a cabo a demolición dos pavementos e pasos salvacunetas existentes, así como o desbroce da superficie, retirando a maleza e árbores existentes na zona.

O segundo tramo, que discorre pola marxe dereita, dipón dun ancho total de 1,20 metros e discorre a unha cota lixeiramente inferior á da estrada e conta con sistema de recollida de pluviais. Finalmente, no terceiro tramo, na zona máis urbana, a beirarrúa discorre pola marxe esquerda no acceso rodado á praza do Cotón. Todas as obras foron adaptadas para garantizar a accesibilidade e a supresión de barreiras arquitectónicas. Tamén se instalou unha rede de recollida de augas pluviais.

O alcalde de Negreira, Manuel Ángel Leis Míguez, visitou os traballos co arquitecto municipal, Alfredo Varela, sinalando que o Concello compretará agora as melloras na zona colocando unha nova iluminación na zona de subida cara A Abeanca. Tamén quiso agradecer a dispoñibilidade dos veciños que accederon a derrubar o seu peche para permitir o paso da beirarrúa e habilitar un carril de acceso e saída das casas.

O Concello de Negreira informa que xa están en marcha as clases da Escola de Adultos, dependente do instituto San Clemente, de Santiago, para o cal permanece aberta a matrícula para a obtención do título da Educación Secundaria de Adultos (ESA).

As clases teñen lugar todos os mércores na Casa da Cultura. Os únicos requisitos é ter cumpridos os 18 anos de idade antes de rematar o presente ano 2019, ou menores de 18 anos con contrato de traballo.

Lembramos que son moitas as empresas que exisen o título da ESA para a contratación dos seus empregados/as, polo que é unha opción para retomar os estudos e abrir unha nova vía de máis posibilidades.

Para maior información e inscricións, no Departamento de Orientación do Concello de Negreira, ou no número de teléfono: 611 083 482.