Diante das dúbidas suscitadas entre a comunidade educativa, a Consellería de Cultura, Educación e Ordenación Universitaria, da Xunta de Galicia, decidiu aclarar o sentido da medida sobre a suspensión de transporte escolar en 173 concellos, entre eles, o de Negreira.

 

O transporte de entrada aos centros educativos está suspendido a partir das 12,00 horas en determinadas zonas, dado que a Axencia Estatal de Meteoroloxía (AEMET) declara un fenómeno adverso meteorolóxico a partir das 12 do mediodía do mércores día 22 de marzo.

 

A prioridade en cada unha destas decisións é a seguridade e salvagarda do alumnado.

 

A suspensión do transporte escolar afecta dende o momento en que se declaran circunstancias meteorolóxicas adversas pola AEMET, polo que non haberá transporte de recollida do alumnado hoxe a mediodía nin, no seu caso, transporte de tarde.

 

Diante desta circunstancia, as familias elixirán recoller ao alumnado mediante medios de transporte non colectivos, ou non enviar ao alumnado ao centro educativo. A decisión de suspender o transporte de regreso baséase na situación de risco existente para o transporte colectivo, en función da predición meteorolóxica comunicada polo organismo con competencias sobre a materia, a AEMET.

 

Os centros educativos, dado que non existe suspensión da actividade lectiva, permanecerán abertos durante toda a xornada lectiva.

 

Salvo que se comunique o contrario por cambio nas predicións meteorolóxicas, o xoves día 23 de marzo, non haberá transporte de entrada aos centros educativos, polo que o alumnado, para as familias que o desexen, deberá acceder aos centros en transporte non colectivo. Dado que o adverso meteorolóxico finaliza o día 23 ás 12,00 horas do mediodía, si existirá transporte de regreso desde os centros educativos.

 

A Consellería quere aclarar que noutras ocasións suspendeuse o transporte de entrada e saída dado que a comunicación das circunstancias meteorolóxicas adversas iniciáronse antes do comezo das clases.

 

A Consellería quere poñer de manifesto que o transporte en vehículos colectivos supón un risco maior que noutro tipo de vehículos, polo que adopta a decisión de suspender o transporte escolar co fin de garantir a seguridade do alumnado.

Catro nenos e nenas de entre 10 e 14 anos do Concello de Negreira están a desfrutrar coa Deputación da Coruña, da cuarta quenda da Campaña de esquí 2017 na que participan un cento de rapaces da contorna de Compostela, ao longo desta semana na estación invernal de Leitariegos, na provincia de León.

 

 

Os escolares de Negreira que rematan este venres 24 de marzo a súa estadía dunha semana en Leitariegos, tiveron a oportunidade de iniciarse ou perfeccionar na práctica do esquí con monitores profesionais e participar en numerosas actividades deportivas e culturais que se organizan de xeito complementario.

 

 

A estación de Leitariegos, ubícase na comarca da Laciana, ao noroeste da provincia de León. Trátase dunha excepcional paraxe natural reserva da Biosfera que limita co Principado de Asturias e que conta con dez pistas balizadas de distintos niveis (cinco  vermellas, catro azuis e unha verde) e un snowpark, así como unha escola na que ofrecen clases de esquí e snowboard.

 

O alcalde de Negreira, Jorge Tuñas Caamaño, recibiu hoxe na Casa do Concello a visita do Xefe de Servizo de Emerxencias do 112 na provincia de A Coruña, Víctor M. Vázquez Pérez, e maila Xefa da Área Técnica do 112, María Jesús Leiras, a fin de coñecer de primeira man, as principais necesidades e demandas da Agrupación de Voluntarios de Protección Civil creada en decembro de 2015.

 

Ao encontro asistiu unha representación dos voluntarios de Protección Civil, quenes agardan que na convocatoria de axudas de 2017 téñase en conta a solicitude para dotar á Agrupación dun vehículo propio e medios para que poidan desenvolver os seus operativos e intervencións co material e medios axeitados. 

Máis de 600 deportistas de toda Galicia participarán na xornada da ximnasia rítmica de Negreira, que inclúe a IV Gala e mailo II Torneo ¨Vila de Negreira¨, ao longo do sábado día 8 de abril no Pavillón de Pedra Mámoa, baixo á organización do Concello de Negreira, a través da Escola Municipal de Ximnasia Rítmica baixo a dirección de María Fernández.

 

 

IV Gala da Ximnasia rítmica

 

Comezo: 11:30 horas

Clubs participantes: Escola Ximnasia Rítmica Negreira; Colexio Os Tilos; Club Deportivo Ximnasia Rítmica Compostela; Club Squash Santiago e Club Ximnasia Oroso.

 

II Torneo Vila de Negreira

 

Inicio: 15:30 horas

Clubs participantes:

Escola Ximnasia Rítmica Negreira

Club In Mare (Pontevedra)

Club As Triscas (Pontevedra)

Escola As Triscas (Pontevedra)

Club Vila Pontevedra

Club Ximnasia Coruña

Club Deportivo Ximnasia Rítmica Compostela

Escola Ximnasia Rítmica Compostela

Club Ximnasia Rítmica Oroso

Club Saraiba de Poio

Club ximnasia Rítmica Abegondo

Club Ximnasia Rítmica Carral

Club Ximnasia Rítmica Vilagarcía

Escola Ximnasia Arousa

Escola Deportiva Illa de Arousa

Club Arousa (Pontevedra)

Club Ximnasia Rias Baixas (Pontevedra)

Club Escuela Rosalía (Pontevedra)

Club Treboada (Pontevedra)

Escuela Rítmica Xiada (Pontevedra)

Club Ximnasia Xiada (Pontevedra)

Club Ximnasia Pavillón (Ourense)

Club Escola Ximnasia Pavillón (Ourense)

Escola Rítmica Grand Jeté

Club Acordes (Narón)

Club Ximnasia Porriño

Escola Ximnasia Porriño

Club Viravolta (A Coruña)

O Voluntariado Social do Concello de Negreira ofrecéullela posibilidade ao IES Xulián Magariños de levar adiante un obradoiro de primeiros auxilios, dirixido ao profesorado deste centro educativo de ámbito comarcal, a impartir por dúas voluntarias diplomadas en Enfermeiría, e que quenes contan coa experiencia na formación.

 

Este obradoiro vaise celebrar este martes 28 de marzo, a partir das seis do serán e, consta como é lóxico dunha parte teórica e outra práctica, dentro das cales afondarase en aspeitos como a valoración dos feridos, tanto dentro dun medio seguro coma non seguro, ou as manobras básicas de soporte vital (pediátricas e de adultos), e mailo método base, obstrucción aérea por copo extrano. 

O domingo 2 de abril, o Pavillón de Pedra Mámoa acolle a Fase Final Comarcal da Liga Escolar Barcala-Xallas-Muros, dentro do programa Xogade, de onde sairán os equipos clasificados para a Fase Final Intercomarcal que se celebrará no mes de maio, e cuxa sé será novamente Negreira.

 

 

A Fase Final Comarcal comezará o domingo ás 9:30 horas e rematará ás 18:00 horas coa entrega de trofeos. Estes son os horarios:

 

                                               SEMIFINAIS

 

BENXAMÍN

09:30 h: Negreira B - Brión A

10:15 h: Mazaricos – Os Miúdos

 

ALEVÍN

11:00 h: Negreira A – Negreira B

11:50 h: Santa Comba B – Brión B

 

                                                 FINAIS

 

13:00 h:  Categoría Infantil

15.30 h:  Categoría Prebenxamín

16:15 h:  Categoría Benxamín

17:00 h:  Categoría Alevín

18:00 h:  Entrega de trofeos

 

Tempos de xogo:

 

Prebenxamíns: 15 minutos por parte

Benxamíns: 15 minutos por parte

Alevíns: 20 minutos por parte

Infantís: 20 minutos por parte

 

En caso de empate ó final do partido resolverase da seguinte maneira:

Semifinais: Lanzaranse 3 penaltis, e en caso de empate ó fallo

Finais: Haberá prórroga de 5 minutos, e se persiste o empate haberá penaltis.

 

Toda a información podes consultala en: http://adasrias.blogspot.com.es/

O Concello de Negreira está a executar os traballos de montaxe da cuberta da pista de pádel número 1, no Comprexo Deportivo Municipal de Pedra Mámoa, con cargo ao Plan de Acción Social (PAS 2015), cuxo contrato foi formalizado por un monto de 56.265 euros, resultando adxudicataria á empresa Galitec Desarrollos Tecnológicos S.L.

 

 

Con motivo da execución destes traballos, o Concello de Negreira informa que a pista de pádel número 1 estará inoperativa para a práctica deportiva por espazo de dúas semanas ata que rematen devanditas actuacións.

Vinte alumnos/as remataron a súa andaina de seis meses na etapa de formación e traballo, promovido polo Concello de Val do Dubra en colaboración con Negreira e A Baña, cuxos alcaldes presidiron o acto de entrega dos diplomas de certificación de profesionalidade nivel 1, entre eles, sete veciños/as do noso concello.

 

Á clausura asistiu Isidoro Martínez, xefe territorial de Economía, Emprego e Industria, da Xunta de Galicia, quen puxo en valor este tipo de programas mixtos de formación e emprego. Neste caso, o Obradoiro de Emprego Barcala-Dubra II contou cunha achega de 180.000 euros, con dous módulos: operario auxiliar de acabados ríxidos e urbanización e operario auxiliar de revestimentos continuos en construcción.

 

 

Os alcaldes de Val do Dubra, Negreira e A Baña, Antonio Negreira, Jorge Tuñas Caamaño e Andrés García Cardeso, respeitivamente, acompañaron aos participantes e mailo profesorado, xunto coa asistencia do concelleiro de Obras e Servizos, Manuel Ángel Leis Míguez, e maila concelleira de Emprego, Mar García Vidal, e maila súa homóloga da Baña, Alicia Blanco Sande.

 

Cabe lembrar que os tres concellos, xunto ao de Santa Comba, veñen de solicitar un novo proxecto de obradoiro de emprego que para o 2017 pasará a ter unha maior duración, de nove meses, e para dúas modalidades: Operacións auxiliares e revestimentos continuos en construcción e, de auxiliar de axuda a domicilio. Ofertará vinte prazas -dez por módulo- dirixido a persoas desempregadas maiores de 18 anos.

 

En Negreira, os alumnos-traballadores realizaron o pintado interior da Escola Unitaria de Aro, así como o adecentamento da fachada do edificio do antigo instituto, xunto co formigonado dunha rúa do Parque do Coto e maila parte traseira do Pavillón de Pedra Mámoa.

O Concello de Negreira lembra a empresas e particulares da existencia dunha Ordenanza Municipal que prohíbe a utilización do mobiliario público e, en fachadas na vía pública, de colocación de cartelería. Lembra que segundo recolle a ordenanza, as sancións económicas van desde os 750 euros para as faltas leves, e de 750 a 1.500 euros para as faltas graves ou daqueles reincidentes, e de 1.500 a 3.000 euros nos casos moi graves.

 

Ante a aparición hoxe en varias rúas do casco urbán de papeis colocados en farolas e baixantes de edificios, a Policía Local requeriu aos responsábeis da devandita firma para que retirasen dita propaganda, iniciando o correspondente expediente sancionador.

 

Por todo o anterior, desde o Concello de Negreira advírtese que non está permitido a colocación de cartaces e propaganda no mobiliario urbano, sen unha autorización municipal previa, así como en elementos comúns da vía pública coma fachadas e baixantes da auga de edificacións.

Este domingo 2 de abril celébrase o Día Mundial de Concienciación sobre o Autismo, e o Concello de Negreira súmase ao apoio ás familias de persoas con Transtorno do Espectro do Autismo (TEA). O lema escollido este ano é: Rompamos xuntos barreiras polo autismo. Fagamos unha sociedade accesible.

 

Dende a Escola Infantil Municipal leváronse a cabo diferentes actividades como a elaboración dun mural con pezas dun puzzel, cada unha pintada por unha clase e que logo uníronse, e mesmo estiveron a repartirse pulseiras de cor azul entre os nenos/as e mailas profes, xa que é a cor representativa da causa. Tamén remitíronlle unha carta ás familias para que o domingo 2 de abril poidan locer algo de cor azul e axudar na concienciación. 

 

 

Animádevos a cambiar a imaxe do fondo de perfil nas vosas redes sociais pola seguinte...

                                      

 

Tan importante é sensibilizar como informar das manifestacións máis frecuentes deste trastorno na infancia. Detectar o autismo o máis cedo posible implica poder ter un mellor pronóstico. Na franxa de 18 - 24 meses é cando acostuman a aparecer estes síntomas. Se se detecta tan só tres dos síntomas que aparecen neste cartaz nun neno, xa é motivo de alerta.

                                            

 

A Confederación Autismo España e a Confederación Española de Autismo (FESPAU), en coordinación con Autismo Europa, promoven unha campaña de concienciación para dar a coñecer este trastorno á sociedade e atraer a atención sobre as necesidades e a realidade das persoas con TEA.

 

As persoas con autismo enfróntanse a moitas barreiras á hora de gozar dos seus dereitos fundamentais e de formar parte plenamente da comunidade. As barreiras ás que se enfrontan varían en función de cada individuo e das súas necesidades específicas. O autismo é un gran descoñecido dentro da sociedade e existen moitos falsos mitos sobre este trastorno.

 

Para o movemento asociativo do autismo é moi importante que a sociedade entenda cales son as barreiras ás que se enfrontan as persoas con TEA porque iso permitirá unha mellor adaptación ás súas necesidades e reforzará a inclusión destas persoas en todos os ámbitos da sociedade.

 

O autismo é unha alteración do neurodesarrollo de orixe multifactorial, o cal provoca dificultades na comunicación, na interacción social e dificultades coxnitivas. Non é unha enfermidade. Non se cura.... COMPRÉNDESE.

 

Prema no seguinte enlace para ver o vídeo da campaña de concienciación do 2017.

 

Máis info: www.diamundialautismo.com

#DiaMundialAutismo