O actor, monologuista e músico David Perdomo, vai selo pregoeiro das Festas do Entroido 2017 no Concello de Negreira, durante o gran desfile de carrozas e comparsas do sábado 25 de febreiro.

 

David Perdomo que estudou no Colexio Peñarredonda de A Coruña, comezou aos seus 19 anos os seus estudos de Arte Dramático na Escola Casa Hamlet de A Coruña. Durante os anos que estivo formándose como actor, participou nalgúnhas curtametraxes e obras de teatro. Ó rematar no 2003, realizou diversos cursos en escolas de formación e especialización nos que chegou a ser alumno de Leo Bassi e Churri Silva.

 

A súa popularidade foi medrando en Galicia debido as súas esporádicas aparicións na TVG e polos seus monólogos. No ano 2009 comeza a traballar xunto a Xosé Touriñán e Roberto Vilar en Land Rober. No ano 2010 a súa popularidade aumenta grazas a unha webserie na que interpreta a diversos persoaxes como o "Koruño", e un ano máis tarde da o salto á televisión nacional nun programa chamado "No le digas a mamá que trabajo en la tele", xunto a cómicos da talla de Dani Rovira, Goyo Jiménez e Iñaki Urrutia.

 

Outra das súas grandes facetas é a músical, da que dí que é a súa verdadeira profesión, xa que formou parte de diversas bandas de rock o longo da súa vida.

 

Coincidindo co día grande do Entroido barcalés, o programa de televisión “Aquí Galicia” achégase este sábado ata Negreira, lugar de nacemento de persoeiros como  o abogado e escritor, Xulián Magariños Negreira, un dos membros fundadores do Seminario de Estudos Galegos, ou tamén lugar do famoso trovador medieval Afonso Eanes do Cotón.

 

O programa da Televisión de Galicia que comeza a partir das 16:30 horas dende a Praza do Concello vivirá o Gran desfile de carrozas e comparsas con conexións en directo a pé de rúa e coñeceremos de primeira man como se prepara unha comparsa de Negreira que participa no desfile.

 

O programa visita algúns dos puntos turísticos, espazos naturais e patrimoniais característicos do concello de Negreira:

 

Ruta dos 3 Pazos - percorrerase o roteiro de sendeirismo para coñecer o Pazo do Cotón, o de Baladrón e mailo da Albariña.

 

Camiño de Fisterra – compartiremos cos peregrinos un treito da ruta xacobea que nos leva dende Santiago ata Fisterra.

 

Espazos naturais – Mirador do Monte do Cotro, na parroquia de Santa Cruz de Campolongo; santuario de San Xoán do Carballoso, na parroqia de Xallas; Pontemaceira e o río Tambre.

 

Patrimonio – coñeceremos os encantos patrimoniais de Negreira, entre eles: o monumento ó peregrino; ao emigrante; as casas caribeñas da vila; a que foi Escola dos americanos de Cobas, ou a igrexa de San Pedro de Gonte.

 

No apartado gastronómico, unha representación da Asociación de Veciños de Liñaio mostrará cómo é a Festa da Zorza, e teremos unha mostra de cómo prepara a SD Negreira a I Festa dos Callos, este domingo na propia Praza do Concello.

 

Ademáis, visitarase unha explotación leiteira e maila planta industrial de transformación e envasado da empresa Feiraco para coñecer o proceso compreto de elaboración do leite.

 

Poñen a música as orquestras Suavecito e El Combo Dominicano, e tamén haberá un desfile de moda.

Liñaio fashion week e Remolóns ó compás foron as comparsas protagonistas do Gran desfile de Entroido deste 2017, repartíndose os dous primeiros premios. Os Remolóns, de Vilagarcía de Arousa, coa súa montaxe de Mary Poppins, leváronse 1.600 euros en premios: o primeiro en carrozas, e mailo segundo en comparsas. E Liñaio fashion week tamén fixeron dobrete: primeiros en comparsas e terceiros en carrozas, modalidade esta última na que a temática de Papá Noel da Mocidade de Lañas acadou o segundo posto.

 

 

 A comparsa Alicia no pais das maravillas, da academia English Wonderland, de Negreira, coa participación máis numerosa, levouse un cuarto premio en comparsas.

 

 

En grupos, primeiro posto para Horas, minutos e segundos, dende Compostela, seguidos de Carnaval do Brasil, de Negreira, e que tamén leváronse un cuarto premio de carrozas. O terceiro premio foi para Unión Penosa.

 

En disfraces individuais e por parellas, o primeiro premio recaeu en Futur Moda 3.000. Fantasía Galáctica, de Ordoeste; seguido polo Feiticeiro de Barcala, de Negreira, e por Granjera busca esposa, de Bastavales.

 

 

O Gran desfile do Entroido 2017 caracterizouse pola gran variedade de temáticas e unha concorrencia de público das máis altas dos 33 anos de historia do desfile, grazas ao bo tempo reinante na xornada do pasado sábado, xunto co feito de que a Televisión de Galicia emitíse en directo o seu programa Aquí Galicia durante tres horas dende a Praza do Concello, con conexións a pé de rúa do desfile e actuacións musicais como a da orquestra canaria El Combo Dominicano, cun seguimento masivo de público durante a emisión en directo desde Negreira.

 

Disfraces individuais e parellas

1º - Futur Moda 3000. Fantasía galáctica. Ordoeste (A Baña).

2º - O feiticeiro de Barcala (Negreira).

3º - Granjera busca esposa. Bastavales (Brión).

 

Grupos medianos

1º - Horas, minutos e segundos (Santiago).

2º - Carnaval do Brasil (Negreira).

3º - Unión Penosa. (Negreira).

 

Modalidade de carrozas

1º - La casa del loco almirante Boom. Os Remolóns

2º – O mundo de Papá Noel. Lañas (A Baña).

3º - Liñaio fashion week (Negreira).

4º - Bar Brasil (Negreira).

Accésit – Tabernas sen fronteiras

 

Modalidade de comparsas

1º - Liñaio fashion week

2º - Remolóns ó compás

3º - Xirandaina tours (O Pino).

4º - Alicia no país das maravillas (Negreira).

Accésit 1 – Ponte a bailar. Os coyotes (Camariñas).

Accésit 2 – A culpa é da Lomce (Cambre).

 

O premio Juan Varela Areoso á mellor copla foi para as letras dos Carnavaleiros de Barcala.

 

Prema aquí para ver o programa especial da Televisión de Galicia sobre o Gran desfile de Entroido e mailo Concello de Negreira.

 

Fotografías: Abraham Fotógrafos (Negreira).

 

Resultado do concurso e baile infantil de disfraces das festas de Entroido 2017 no Concello de Negreira, celebrado este luns pola tarde no Auditorio do Centro Sociocultural cunha gran afluencia de nenos e nenas participantes, acompañados das súas familias nunha tarde de festa e moita diversión.

 

 

Modalidade de 1 a 6 anos

1º Premio – Marco Antonio e Cleopatra, de Gael e Zaira Barreiro Lodeiro (cheque agasallo de 100 euros).

2º Premio – Plumita e plumón, os indios do Corpachón, de Leandro e Celia Vidal Eiras (lote de xogos didácticos).

3º Premio – Monstro de cores, de Teo Pedrouso Riveiro (lote de libros).

 

 

 

Modalidade de 7 a 16 anos

1º Premio – Manter vivos os recordos, de Catuxa Sampedro Pereira (cheque agasallo de 200 euros).

2º Premio – Futur Moda. Fantasía galáctica, de Noelia e Nicolás Carnota Fernández (unha Tablet).

 3º Premio – Sombrerero loco, de Lara López Suárez (cámara de fotos dixital).

 

A Axencia de Doazón de Órganos e Sangue, dependente do Servizo Galego de Saúde (SERGAS), despraza este xoves día 2 de marzo ao concello de Negreira, unha das súas unidades móbiles para a recollida de doazóns de sangue en horario de 16:00 a 21:00 horas. Como é habitual, esta unidade permanecerá estacionada nas inmediacións do Centro de Saúde, na rúa de Castelao.

 

A Axencia de Doazón de Órganos e Sangue, e mailo Concello de Negreira, fan un chamamento á veciñanza de Negreira e comarca para que acoda a doar sangue este xoves.

 

Os habitantes de Negreira case duplican a tasa de doazón de sangue de Galicia, con 71 doazóns por cada mil habitantes e ano, segundo salientabába hoxe en Radio Negreira, Ángeles Pazos, responsábel de Comunicación da Axencia de Doazón de Órganos e Sangue (ADOS), quen lembrou que nos hospitais galegos se precisan 500 doazóns de sangue cada día.

 

Lembremos que para doar sangue é necesario que as persoas teñan máis de 18 anos cumpridos e máis de cincoenta quilos de peso, entre outros requisitos.

O Pavillón Municipal de Pedra Mámoa acollerá este sábado unha xornada de promoción do baloncesto, grazas á participación do Club Baloncesto Porto do Son, en cuxos equipos da base participan rapaces e rapazas do concello de Negreira.

A xornada comezará con dous amigables entre a Escola Municipal de Negreira e mailo Porto do Son:

 

Ás 16:15 horas na categoría Babys.

Ás 16:45 horas na categoría Premini.

Logo haberá dous encontros de Liga:

Ás 18:00 horas: Porto do Son – Deza Lalín, de categoría Cadete feminina.

Ás 20:00 horas: Porto do Son – C. B. Cluny Santiago, categoría Infantil masculino.

 

Para competar esta fin de semana de promoción do basket en Negreira, o domingo ás 19:00 horas xogarase o encontro de Liga da Terceira División entre os equipos sénior do Porto do Son e mailo Club Baloncesto Ribadulla, con entrada de balde para o público asistente.

 

 

Dous equipos do IES Xulián Magariños participan este sábado no Pazo da Cultura, de Pontevedra, na Fase de Zona da presente edición do Club de Debate, unha actividade financiada polos nove concellos participantes, entre eles o Concello de Negreira que financia os gastos de desprazamento do alumnado, coordinadores e familiares.

 

Na organización e celebración do Club de Debate para este curso colaboran nove concellos: Negreira; Ames; Santiago; Pontevedra; Oleiros; Ferrol; Rois; Teo e Carballo, a través do Servizos de Normalización Lingüística, e que se dividen en tres zonas con fases de zona previas á final.

 

Nesta semifinal participan nove equipos, de 3º e 4º de ESO e de 1º de Bacharelato. Son o IES Luís Seoane, o IES Torrente Ballester, o IES Sánchez Cantón, o IES de Ponte Caldelas e mailo colexio San Narciso, de Marín, todos eles de Pontevedra, así como o CPPI Os Dices, de Rois e o CPI Eusebio Lorenzo Baleirón, de Dodro, quenes participan con cadanseu equipo, mentres que o Xulián Magariños faino con dous equipos. Clasifícanse para a Final de Santiago de Compostela (6 de maio), os dous primeros.

O tema a debate é: ¨Debemos acoller as persoas refuxiadas¨, que cada equipo deberá defender a favor, pero tamén en contra. Os dous equipos do IES Xulián Magariños están coordinados polas profesoras María Blanco e Ana Barrientos, contando tamén coa colaboración de nais como María José Carballo.

 

 

Este xoves estiveron no programa O Faladoiro, de Radio Negreira (107.0 FM), unha representación dos estudantes participantes xunto coa súa coordinadora, María Blanco. No seguinte enlace podedes escoitala entrevista. PULSA AQUÍ.

O Club de Debate xa ten os dous primeiros equipos clasificados para a final do día 6 de maio en Compostela, logo da Fase de Zona celebrada o pasado sábado en Pontevedra, onde o Equipo 2 do IES Xulián Magariños acadou a clasificación coma primeiro cunha puntuación final de 444 puntos, seguido do equipo do IES Luís Seoane, de Pontevedra, que obtivo 409 puntos, e o Equipo 1 do IES Xulián Magariños, na terceira posición con 404 puntos, a só cinco dos pontevedreses.

 

 Os nosos parabéns aos dous equipos de Negreira que participaron en Pontevedra, logo de encadear unha clasificación para a gran final do Club de Debate en Galicia, por terceiro curso consecutivo.

 

Noraboa a todas/os polo enorme traballo realizado, e ás súas coordinadoras, María Blanco e Ana Barrientos, así como ao Servizo de Normalización Lingüística que acompañounos por medio de Carme Pereiro, xunto coa concelleira de Educación e Servizos Sociais, María Jesús Veiga Hortas.

 

Parlamento xove

 

Non houbo a mesma sorte na outra fronte de debate que é o Parlamento xove no que o IES Xulián Magariños participou por primeira vez con outros dous equipos, taméne ste sábado na cidade de A Coruña. Quedaron novenos e só clasifícanse oito para a final, os que gañan os tres debates, polo que os de Negreira que perderon un deses tres debates, non optan á final, se ben as puntuacións obtidas son mellores que algúns equipos clasificados, ademais de que o alumno de 4º da ESO, Jonathan Blanco Vieites fose elixido como un dos mellores oradores do torneo e deberá recoller o seu premio no Parlamento Galego.

 

A Consellería de Economía, Emprego e Industria, da Xunta de Galicia, vén de convocálas probas de Avaliación de competencias clave para o acceso a certificados de profesionalidade de nivel 2 e nivel 3 para este ano 2017.

 

Estas probas permiten ás personas que non posúen a titulación académica requerida para acceder a cursos que impliquen a obtención de certificados de profesionalidade (ESO, Bacharelato...), poder acceder aos mesmos.

 

O prazo de inscrición está aberto ata o día 24 de marzo, e as referidas probas realizaranse o sábado día 13 de maio de 2017.

 

Para máis información sobre a convocatoria podes consultar o seguinte enlace:

 

Ou ben dirixirte ao Servizo Local de Emprego do Concello de Negreira, na primeira pranta da Casa do Concello, na rúa do Carme, 3.

O Concello de Negreira fixo entrega hoxe da distinción do I Premio 8 de Marzo, á Fundación María Esperanza Rubido Romero, representada por Filomena Casal Gómez, presidenta do seu padroado, facéndolle entrega de tal distinción o alcalde de Negreira, Jorge Jesús Tuñas Caamaño, co gallo do Día Internacional da Muller.

 

 

Este acto desenvolvido no Auditorio do Centro Sociocultural foi presentado por Carme Pereiro, técnica do Servizo de Normalización Lingüística do Agrupamento A Baña-Negreira, contandou coa participación de alumnado e profesorado do CEIP O Coto e mailo IES Xulián Magariños. As alumnas de sexto de primaria do CEIP O Coto deron lectura ao texto titulado: A miña muller non traballa. Tratouse de Paula Bouzón Vieito, Uxía Míguez Quintela e Collin Zieckman Romar. Polo IES Xulián Magariños fixérono: Alba Espasandín Vázquez, Iria Freire Agra e Leticia Cunqueiro García.

 

O acto contou coas intervencións de Rosa Fuentes Cambeiro, directora do Centro de Información á Muller; Mar García Vidal, concelleira de Emprego, Muller, Agricultura e Medio Ambiente; José Andrés García Cardeso, alcalde do Concello de A Baña, e de Jorge Jesús Tuñas Caamaño, alcalde do Concello de Negreira.

 

Trala entrega da distinción do I Premio 8 de Marzo, interviu Filomena Casal Gómez, para a continuación darse lectura a un poema de Rosalía de Castro, a cargo de tres usuarias da Fundación para a Protección das Persoas con Discapacidad Psíquica Comarca de Barcala, como son Teresa Lineira, Cristina Cid e Susana Antelo.

 

O peche do acto correu a cargo da actuación da agrupación Cantareiras de Negreira.

 

Co gallo do Día Internacional da Muller, tivo lugar un coloquio posterior en Radio Negreira (107.0 FM), coa participación de Filomena Casal, Rosa Fuentes, Natalia Suárez e mailos alcaldes de Negreira e de A Baña, facéndose especial fincapé na necesidade de concienciar e educar aos máis novos na igualdade de homes e mulleres.