O Concello de Negreira vén de formalizar a contratación do proxecto de Mellora de accesibilidade en instalacións municipais e conservación de instalacións culturais, incluido no Plan de Acción Social (PAS 2015), cun importe total de adxudicación de 48.207 euros, dos que 24.419 correspóndese con IVE.

Este proxecto consiste na execución das seguintes melloras: Aseos adaptados na Escola Infantil Municipal; aseos adaptados e cuberto na área de Negreiroa; mantemento e impermeabilización das azoteas do Centro Sociocultural, e mantemento das instalacións eléctricas e seguridade do Colexio de Negreira.

Estes traballos foron adxudicados á empresa Cys Hispania S.L.

Asemesmo, e tamén dentro do Plan de Acción Social (PAS 2015), foi formalizado o contrato para o proxecto da cuberta de pista de pádel, no Comprexo Deportivo Municipal de Pedra Mámoa, cuxas obras por un monto de 56.265 euros foron adxudicadas á firma Galitec Desarrollos Tecnológicos S.L.

Os habitantes de Negreira xa dispoñen dunha segunda pista de pádel, perfectamente equipada e con iluminación nocturna, no Comprexo Deportivo Municipal de Pedra Mámoa, cuxa inauguración levouse a cabo este pasado sábado cunha demostración desta modalidade deportiva, a cargo do alumnado da Escola Municipal de Pádel.

A segunda cancha para a práctica do pádel foi construida a carón da primeira e as pistas de tenis, grazas a unha achega de 12.000 euros da Deputación de A Coruña. Próximamente, tamén se vai a dotar dunha cuberta á primeira pista aberta no ano 2015 e cuxo investimento é de 56.265 euros, incluidos no Plan de Acción Social (PAS 2015).

No acto inaugural participaron o alcalde, Jorge Tuñas Caamaño, o concelleiro de Deporte e Xuventude, José Daniel Casal Leis, e mailo concelleiro de Obras e Servizos, Manuel Ángel Leis Míguez, xunto co adestrador da escola de pádel, Manuel Villar.

A nova cancha de pádel xa está dispoñíbel para a cidadanía que pode facer uso da mesma, mediante unha solicitude na Delegación de Cultura e Deportes, en horario de mañá.

Os alcaldes de Negreira e A Baña analizaron co presidente da Deputación os servizos de recollida de lixo e alumeado público que xestionan conxuntamente. Valentín González Formoso, recibiu hoxe no su despacho da institución provincial aos alcaldes de Negreira, Jorge Tuñas Caamaño, e A Baña, Andrés García Cardeso, municipios que integran a Mancomunidade de Concellos do Tambre. Á reunión asistiu tamén o deputado responsable da área de Economía e Facenda, Antonio Leira.

Jorge Tuñas e Andrés García Cardeso explicaron o funcionamento da entidade supramunicipal, creada en 1990 e que xestiona actualmente os servizos de recollida de lixo e mantemento do alumeado público de ambos os dous concellos, que suman máis de 11.000 habitantes, e analizaron co presidente provincial outros problemas aos que se enfrontan os municipios do rural como a xestión dos  servizos sociais en lugares con elevado envellecemento e dispersión xeográfica da poboación, ou o transporte comarcal.

Os rexedores solicitaron a colaboración da institución provincial para a adquisición dun novo vehículo con volquete, grúa e cesta articulada para destinalo a labores de mantemento do alumeado público, xa que a furgoneta que actualmente realiza estas labores ten case vinte anos de antigüedade. O investimento, segundo as estimacións realizadas polos alcaldes, sería de arredor de 60.000 euros.

Valentín González Formoso comprometeuse a estudar esta petición, que podería encaixarse a través do plan de apoio a mancomunidades e consorcios de concellos que prepara a institución provincial.

A entrada ó Centro Sociocultural alberga dende este xoves 16 e até o día 31 de marzo, a 15ª Exposición fotográfica Can de palleiro, promovida dende o Club Can de Palleiro, raza autóctona galega, e baixo o lema: Pon un can de palleiro na túa vida!. A inauguración será este xoves día 16 de marzo ás 20.00 horas.

A maiores da mostra fotográfica, o xoves día 23 pola mañá desenvolverase no Auditorio, unha charla para nenas/os do CEIP O Coto sobre a responsabilidade que conleva o ter unha mascota.

Orixes da raza

Seguindo os programas impulsados pola Unión Europea para poñer en valor a biodiversidade das diferentes agrupacións raciais dos animais domésticos, a Xunta de Galicia, a través da Consellería de Agricultura, Gandería e Política Agroalimentaria (Dirección Xeral da Produción Agropecuaria) decidiu facer unha prospección para determinar a realidade da situación étnica nativa da especie canina en Galicia, posto que se tiña constancia visual e por referencias orais así como tamén escritas, da existencia de catro tipos de cans (un de pastor e tres de caza).

Ademais dos sondeos e as actuacións iniciais para pulsar a realidade existente, coa procura e localización dos primeiros exemplares, planificouse a extensión de devandita procura ás catro provincias galegas, coa colaboración dos veterinarios que realizaban as campañas de saneamento gandeiro, durante o desenvolvemento do seu traballo cotián a todo o longo do agro galego, recollendo as observacións sobre a presenza de posibles exemplares de can mediante a cumplimentación duns modelos de Fichas de Campo confeccionadas ad hoc, para cada posible animal que se asemellase ás características morfolóxicas das agrupacións raciales xa detectadas anteriormente, feito que contribuíu a complementar a procura inicialmente empezada e a detección en localizacións moi repartidas e extensas a todo o longo da xeografía de Galicia.

Do filtrado inicial realizado, tralo estudo de ditas fichas, realizouse unha segunda visita en todos aqueles animais que aparentemente encaixaban no modelo de procura, agora xa cunha observación máis pormenorizada e minuciosa, incluíndo apúntalas e medicións zoométricas preceptivas de xeito moi detallado e exhaustiva, ademais do fotografado, para aqueles exemplares que se axustaban ao prototipo buscado.

Máis info: http://www.clubcandepalleiro.com/es/

O Concello de Nigrán acolle este venres 17 de marzo un acto en que sete novos concellos formalizarán a súa participación no proxecto Apego, de socialización da infancia en galego, que se amplía así a trinta municipios.

Alcaldesas, alcaldes, concelleiros/as e persoal técnico dos concellos participantes, entre eles, o de Negreira, acoden á Casa do Concello de Nigrán no acto de sinatura da addenda ao programa Apego, o proxecto para a socialización da infancia en galego que se puxo en marcha en 2015 desde os servizos de normalización lingüística (SNL) de 12 concellos, que vai medrando ano a ano, e que chegará neste 2017 a ser desenvolvido en 30 municipios.

As novas entidades que se incorporan a este programa de dinamización lingüística cooperativo son O Carballiño, Cee, Lugo, Nigrán, Ponteareas, Sada e Vilagarcía de Arousa, e súmanse así a Ames, A Baña, Carballo, Carnota, Coruña, Ferrol, Mazaricos, Moaña, Muros, Narón, Negreira, Oleiros, Ourense, Ponteceso, Pontevedra, Redondela, Rianxo, Ribadeo, Rois, Teo, Santiago de Compostela, Vigo e Vimianzo.

Despois dos dous primeiros anos de vida deste proxecto dirixido a poñerlles en valor a transmisión da lingua galega aos nenos e nenas e a facilitárllela con apoio, información, recursos, programación de actividades etc., súmanse sete aos 23 concellos que o están a desenvolver.

Deste xeito, o proxecto Apego chega agora a unha poboación que supera 1.300.000 habitantes, entre a que está a das sete cidades galegas e das principais áreas urbanas, onde máis cómpre incentivar e facilitar a socialización en galego da infancia.

Avaliación positiva

Desde os servizos de normalización lingüística (SNL) faise unha avaliación moi positiva do programa, tanto pola acollida ata o momento, como polo número de familias directamente implicadas –xa están adheridas formalmente arredor de 2.000–, polos recursos creados, pola participación nas actividades e polos resultados que se van percibindo.

Apego é un proxecto de dinamización sociolingüística que procura incrementar a porcentaxe de nenos e nenas que reciben o galego desde o berce e arroupar o seu uso no proceso de socialización ata os 6 anos.

Para o proceso de incentivar, favorecer e colaborar na socialización en galego da infancia, a través do programa, facilítanselles ás familias materiais, tanto físicos (unha caixa de benvida cunha mantiña-apego, un álbum de primeiras experiencias, un libro informativo sobre transmisión lingüística e crianza, un adhesivo, un medidor, un disco de música infantil en galego de diferentes grupos e estilos, etc.) coma virtuais, con propostas de cancións, xogos, etc., a través do sitio web www.apego.gal, ou da serie de vídeos na rede en que o polbo Po lles ensina ás nenas e aos nenos cousas como xogos para aprender as partes do corpo, atar os cordóns, facer galletas en familia, etc. Ademais de facilitar materias, a través do programa tamén se procura crear espazos de socialización en galego e desenvólvense actividades, nuns casos formativas e máis dirixidas a nais e pais (charlas, obradoiros, etc.), e noutros casos máis de dinamización, dirixidas tamén aos nenos e ás nenas (concertos, contacontos, teatro, etc.).

Neste 2017 deseñaranse e desenvolveranse novas accións no marco deste programa.

Prema eiquí para coñecer máis sobre o programa:

www.apego.gal

www.facebook.com/apego.gal/

Este venres ten lugar a terceira xornada do I Ciclo de documentais Val de Barcala, promovido dende a Asociación Cultural Afonso Eanes, coa proxección de Fíos Fóra, así como e un posterior coloquio coas súas realizadoras: Sabela Iglesias e Adriana P. Viilanueva. A cita, a partir das 21:00 horas no Auditorio do Centro Sociocultural, cunha duración de 90 minutos, a proxección documental.

Trátase dunha peza audiovisual onde as protagonistas son as traballadoras galegas do sector téxtil. Con elas poden sentirse identificadas moitas mulleres barcalesas que traballaron e traballan nos diversos talleres de produción industrial de roupa que continúan en activo na nosa comarca.

Trátase dunha actividade de balde, aínda que existe a posibilidade de entrada solidaria: recolleranse alimentos non perecedoiros que serán doados ós Servizos Sociais do Concello de Negreira.

Sipnose: Por moi finos que sexan, detrás de tódolos fíos que nos rodean hai historias. As mulleres galegas que traballaron no sector textil dende os anos 60 foron a man de obra perfecta e cautiva para erguer unha industria xigante que agora se atopa deslocalizada. Este documental fai un  novelo do sector textil aquí e fóra, antes e agora. A historia repítese nos fíos doutros lugares, nos nós deste sistema.

Dirección: Illa Bufarda

Guión e producción: Illa Bufarda

Producción executiva: Amarante Setem

Son directo: Carlos Sarille

Música: Mónica de Nut e Martin Messier

Moderador de entrevistas: Marcos Doespíritosanto Gallego

Maquetación e deseño gráfico: Illa Bufarda

Data de estrea: 2015

Idioma orixinal: Galego – español

Subtítulos: Español e Inglés

Páxina web: http://www.fiosfora.gal/

Tráiler: https://vimeo.com/141775565

O departamento municipal de Servizos Sociais informa da apertura do prazo para solicitar a participación na convocatoria de 600 prazas para estadías e tratamentos termais dentro do programa de Benestar en Balnearios 2017, segundo publicou o Diario Oficial de Galicia número nº 53 do 16/3/2017. En cada solicitude só se poderá relacionar un máximo de 3 destinos por orde de prioridade.

Persoas beneficiarias

Para beneficiarse deste programa haberá que reunir os seguintes requisitos:

a.      Ser maior de 60 anos, ou de 55 e reunir a condición de pensionista do sistema da Seguridade Social, polos conceptos de xubilación, invalidez, viuvez ou outras pensións.

b.      Estar empadroado e residir nalgún concello da Comunidade Autónoma de Galicia.

c.       Valerse por si mesmo para as actividades da vida diaria e estar en condicións de participar no programa, agás no caso de fillos/as  que acudan en calidade de acompañantes.

d.      Non padecer alteracións do comportamento que poidan afectar a normal convivencia nos establecementos, nin padecer enfermidade transmisible con risco de contaxio.

e.      Carecer de contraindicación médica para a recepción dos tratamentos termais.

f.       Acadar, de conformidade co baremo, a puntuación que lle permita acceder a un dos balnearios e quendas solicitadas.

Acompañantes

A persoa solicitante poderá ir acompañada de:

1.      O seu ou a súa cónxuxe ou, se fose o caso, a parella de feito ou persoa coa cal teña unha unión estable e de convivencia con análoga relación á conxugal, sempre que cumpra os requisitos citados anteriormente, excepto o sinalado na letra a) 

2.      Un fillo ou filla que teña un grao de discapacidade igual ou superior ao 33 %, sempre e cando este o poida facer sen necesidade de apoio de terceira persoa, se poida desprazar con autonomía, comparta o cuarto coas persoas proxenitoras e cumpra os requisitos agás o da letra a).

3.      Unha persoa coa cal desexe participar no programa, sempre e cando esta cumpra todos os requisitos.

As persoas solicitantes terán que cumprir os requisitos establecidos na data en que remate o prazo de presentación de solicitudes.

Duración e servizos ofertados

As quendas teñen una duración de 10 días (nove noites) cada unha, realizaranse en réxime de pensión completa e comprenderán desde as 12:00 h. do día de chegada ata as 12:00 h. do día de saída, e desenvolveranse entre o mes de abril e o de decembro de 2017

Servizos:

a.      Aloxamento e manutención en réxime de pensión completa e en cuartos dobres de uso compartido.

b.      Tratamentos termais, coas indicacións terapéuticas que figuran para cada balneario no anexo IV, que comprenderán:

 - Recoñecemento médico, ao ingresar no balneario, para a prescrición do tratamento.

 - Tratamento termal básico que, en cada caso, prescriba o persoal médico do balneario.

 - Seguimento médico do tratamento.

c.       Programa de actividades de animación sociocultural que se leve a cabo no establecemento hoteleiro ou termal.

d.      Póliza colectiva de seguro turístico.

O desprazamento desde o domicilio ata o establecemento termal así coma o de regreso será por conta das persoas beneficiarias, sen prexuízo de que se poidan acoller ás facilidades para o transporte que oferte o balneario, se for o caso.

As persoas beneficiarias que estean interesadas en aloxarse en cuarto individual, no caso de que houber dispoñibilidade, teranse que facer cargo da diferenza do custo que supoña, e as que precisen dalgún tipo de apoio ou dieta especial terano que indicar no momento de presentar a solicitude e acreditalo ao incorporarse á quenda.

A participación nas excursións ou actividades con custo adicional que organice o establecemento termal ou hoteleiro deberano facer as persoas beneficiarias polos seus propios medios e ao seu cargo.

Prezo

O prezo que pagarán as persoas beneficiarias, por praza e quenda para cada balneario, é o que figura no .

Documentación

Solicitude anexo I e os anexos II e III  |  Presentación electrónica na sede

a.      Copia compulsada do pasaporte, se procede, relativa á persoa solicitante e, se fose o caso, á que a acompaña: cónxuxe, parella de feito ou relación análoga á conxugal, filla ou fillo con discapacidade ou outra persoa.

b.      Copia do libro de familia da persoa solicitante no caso de que queira acudir ao programa acompañada dun fillo ou filla con discapacidade.

c.       Certificado do grao de discapacidade do fillo ou filla da persoa solicitante, de non ser expedido pola Xunta de Galicia ou non estivese no poder desta.

d.      Certificado das pensións non outorgadas polo INSS nin pola Xunta de Galicia, da persoa solicitante e da acompañante, se for o caso.

Para a tramitación consultaranse automaticamente os datos incluídos nos documentos elaborados polas administracións públicas sinalados no art.8.

Prazo presentación de solicitudes

Vinte días hábiles contados a partir do día seguinte ao da publicación desta orde no DOG. Ata o 17 de abril de 2017.

Lugar de presentación

·       Preferiblemente por vía electrónica a través da sede electrónica da Xunta de Galicia, https://sede.xunta.es, para o que é preciso o DNI electrónico ou calquera dos certificados electrónicos recoñecidos pola sede da Xunta de Galicia.

·      Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do  procedemento administrativo común.

Máis información Servizos Sociais do Concello de Negreira.

O alcalde de Negreira, Jorge Tuñas Caamaño, asistiu á sinatura da addenda ao programa Apego, no concello de Nigrán, e que incorpora a sete novas entidades municipais. Os servizos de normalización lingüística dos concellos de Cee, Lugo, O Carballiño, Ponteareas, Sada, Vilagarcía de Arousa e Nigrán súmanse aos da Baña, A Coruña, Ames, Carballo, Carnota, Ferrol, Mazaricos, Moaña, Muros, Narón, Negreira, Oleiros, Ourense, Ponteceso, Pontevedra, Redondela, Rianxo, Ribadeo, Rois, Santiago de Compostela, Teo, Vigo e Vimianzo como referentes nos que a veciñanza pode informarse e sumarse. Tamén pode contactar co proxecto a través da súa presenza na Internet: www.apego.gal e

Despois do segundo ano de vida deste proxecto dirixido a poñer en valor a transmisión da lingua galega aos nenos e nenas e a facilitala con apoio, información, recursos, programación de actividades etc., súmanse 7 aos 23 concellos que xa formaban parte do proxecto.

O acto estivo conducido por dúas representantes do persoal técnico dos servizos de normalización, que explicaron que é o Apego e a quen se dirixe. Foi presidido polo alcalde de Nigrán, Juan González, que quixo acoller e celebrar o inicio desta colaboración cun concerto de música infantil, Letras e notas protagonizado por Magín Blanco como mostra das actividades que se desenvolven no proxecto para darlles ás familias recursos para activar a lingua.

O alcalde de Negreira fixo fincapé na necesidade dun proxecto coma este que valore positivamente a lingua e a súa transmisión, tendo en conta a situación xeral pola que pasa o galego, incluso nos territorios onde a realidade é aparentemente máis favorable. E, de maneira especial, animou ás nais e pais a que se sumen ao Apego e participen nas accións e nas redes que reforzan a socialización en galego das súas fillas e fillos.

O catedrático de Psicobioloxía do Departamento de Psicoloxía Clínica e Psicobioloxía da Universidade de Santiago de Compostela (USC), Fernando Cadaveira Mahía, coordinador do grupo de investigación de Neurociencia Cognitiva e Afectiva, vai selo encargado de  impartir este mércores en Negreira unha charla baixo o título: Consumo intensivo de alcohol nos xóvenes. Unha reflexión necesaria.

Esta charla está promovida dende a ANPA A Barcalesa, do IES Xulián Magariños, coa colaboración do Concello de Negreira, sendo dirixida fundamentalmente a tódalas familias preocupadas polo consumo de alcohol e as consecuencias negativas para os seus fillos e fillas, á vez que tamén vai dirixida a profesores, educadores, ou adestradores e monitores deportivos.

A charla e o posterior coloquio entre os asistentes co relator da mesma, ten lugar este mércores 22 de marzo, a partir das 20:30 horas no Auditorio da Casa da Cultura, con acceso a través da Carreira de San Mauro, número 11.

Debido ao interese que esperta a problemática do alto consumo de alcohol entre a mocidade, prégase a asistencia das familias, así como pola  presenza do recoñecido catedrático de Psicobioloxía da USC, Fernando Cadaveira Mahía.  

Prema

Tres karatekas da Escola de Kárate Akai Ryu, de Negreira, veñen de ser convocados coa Selección Galega, para participar no Campionato de España Infantil que se celebrará os vindeiros días 1 e 2 de abril, na cidade de Córdoba.

Os tres xóvenes negreireses, actuais campións galegos nas súas respectivas categorías, participarán no Nacional logo de gañarse a súa praza tras unha dura preselección celebrada esta pasada fin de semana en Santiago de Compostela.

David Rico Balea, participará por primeira vez na modalidade de Kata Benxamín masculino. Aya Fathallah, estréase igualmente nunha convocatoria coa Selección Galega, en Kumite Xuvenil -50 quilos. E Ildara García, volve a estar convocada un ano máis en Kumite Infantil -40 quilos. 

Ronsel Osorio e Lle Zhou, que pese a ser campiona e subcampiona galega, respetivamente, non acadaron unha praza co combinado galego.

Ata Córdoba desprazarse tamén a súa técnica, Ainhoa Rodríguez, para participar como «coach» da Federación Galega de Kárate, logo de examinarse o pasado día 10 de marzo no curso de Acreditación Coach da Real Federación Española de Kárate e Deportes Adaptados, celebrado en Albacete, tal e como acredita o diploma  expedido polo Conselo Superior de Deportes, a través da Escola Nacional de Adestradores.

Os nosos parabéns para a familia Akai Ryu, quenes unha vez máis levan o nome de Negreira por España adiante.