O Outono Cultural Negreira 2016 presenta o sábado día 3 de decembro, o I Concerto de solistas da Banda Ateneo de Negreira. Baixo a dirección de Raúl Martín Niñerola, terá coma marco de celebracióin o Auditorio do Centro Sociocultural, a partir das 19:00 horas e con entrada de balde ata compretar o aforo. 

Neste concerto interpretarán música de autores como: Rimsky; Korsakov; Ferrer Ferrán; Weber; Raúl Martín ou Lionel Beltrán, coa participación dos seguintes solistas da Banda Ateneo de Negreira: Miguel Blanco (clarinete); Noel López (trombón); Daniel Manteiga (trompeta); Cristina Cotilla (xilófono); Eva Iglesias (saxofón alto), xunto cun convidado especial como é Samuel Pérez Llobell, trompa solista da Banda Municipal de Santiago, quen interpretará dúas pezas para trompa alpina e banda.

Agardámosvos o primeiro sábado do mes de decembro nun concerto único da Banda Ateneo de Negreira. 

O vindeiro luns 28 de novembro as 16 horas no Auditorio da Casa da Cultura de Negreira, técnicos da Xunta de Galicia e do Inega, presentarán a segunda fase da campaña “Dálle luz á túa factura”, unha iniciativa de divulgación, formación e sensibilización que pretende achegar á cidadanía consellos para aforrar no consumo de electricidade. 

Os obxectivos principais que persigue este proxecto son:

•Facilitar a comprensión da factura da luz utilizando unha linguaxe comprensible para o cidadán, linguaxe non exenta, sen embargo, de rigorosidade.

•Dar a coñecer os dereitos que nos asisten como consumidores eléctricos.

Para isto elaboráronse distintas ferramentas de comunicación entre as que destaca unha aplicación informática que permite:

•Coñecer máis detalladamente todos os conceptos relacionados coa factura da electricidade: Prezo Voluntario ao Pequeno Consumidor (PVPC), termo de potencia, discriminación horaria, contadores intelixentes, mercado eléctrico, etc.

•Diferenciar entre cada un dos axentes do sector eléctrico.

•Calcular de xeito personalizado o termo de potencia contratada máis aconsellable en función do equipamento da vivenda.

•Calcular de xeito personalizado a tarifa máis adecuada en función do equipamento da vivenda e do uso do mesmo.

•Extrapolar os resultados con cuantificación económica e ambiental. 

•Obter consellos de aforro e eficiencia enerxética en iluminación, electrodomésticos, etc.

•Coñecer os dereitos dos consumidores e ónde se poden formular as reclamacións e trámites relacionados coa factura da luz.

Para acceder á aplicación:

http://www.inega.es/informacion/simuladores/

Teléfono de información da campaña: 900 90 77 23

O musical "Os Rockenstein", presentaráse en Negreira o venres 9 de decembro as 20:30 h. no Centro Sociocultural. Unha obra teatral con música e diversión para toda a familia a cargo da compañía Malasombra.

Os nenos e pais interesados poderán pasar unha boa tarde cun espectáculo que ten un prezo de 2 euros por persoa. As entradas poderán retirarse a partir do luns 28 de noviembre nas oficinas de Cultura e Deportes do Concello de Negreira.

SINOPSE:

O doutor Rockenstain é un gran profesor, un gran científico, un inventor, pero tamén é un melómano consciente de que a boa música está desaparecendo do planeta. Para remedialo, no séu laboratorio decide crear un ser vivo, unha criatura e convertela nunha verdadeira estrela musical que salve ó mundo da desaparición do Rock´n Roll, e para iso, mestura na súa máquina de experimentos os ingredientes necesarios para crear unha estrela do rock: Un disco dos Kiss, un póster dos Rolling Stones, un calcetín do guitarrista de ACDC, un rizo de Tina Turner, unha chapa de Rosendo…

O experimento resulta ser un éxito aínda maior do que agardaba, pois da súa máquina de experimentos musicais non só sae unha criatura futura estrela do rock: saen tres! Unha criatura masculina e dúas femininas, cuxo nacemento o doutor Rockenstain acolle con entusiasmo e rapidamente empeza a súa ardua tarefa: educar ás futuras estrelas do rock, para que se formen antes como persoas que como rockeiros.

Esa educación será a través das nove cancións que compoñen este musical, e na que continuamente se pedirá a participación dos espectadores e espectadoras, teñan a idade que teñan, para que o transcorrer do espectáculo se aproxime á sensación de estar asistindo a un concerto de rock.

Por medio desas cancións, ese trío de futuras estrelas do rock aprenderá a importancia de vestirse e asearse, de alimentarse ben, a importancia de aprender cada materia que lles ensinan no colexio , a importancia de saber escoller un oficio, de coñecer o mundo e as xentes tan diferentes que o habitan, e tamén do importante que é aprender a saber coidar de un mesmo.

E unha vez rematada a súa formación, e xa preparadas e preparado para ser estrelas do rock, chega o momento de fundar, xunto co doutor, un grupo de rock que non deixará que o mundo quede sen escoitar bo rock´n roll: Os Rockenstein.

Xénero: Musical Infantil/Familiar.

Duración: 60 min.

Elenco: Jouse García, Celia González, Sandra Iglesias e Xoque Carbajal.

Dirección: Marcos Orsi.

Autor texto: José Prieto

Autor Música orixinal: Carlos Mosquera

Escenografía e vestiario: Carlos Alonso

Maquillaxe: Trini F. Silva.

Iluminación: Xoque Carbajal

Máis información: http://malasombra.gal/gl/espectaculos/os_rockenstein/index.html

Este sábado celébrase por quinto ano consecutivo, a Andaina «Negreira camiña contra a violencia de xénero» que partirá ás 10:00 horas desde o Centro Sociocultural, percorrendo os paseos fluviais ata a Área recreativa de Cobas e, dende alí, regreso á vila por Pedra Mámoa e a avenida de Barcala.

A veciñanza pode sumarse a partir das 09:30 horas á concentración previa á saída. Haberá unha camiseta conmemorativa para as 150 primeiras persoas inscritas no Centro de Información á Muller (C.I.M.).

Ao remate (ás 13.00 horas), repartirase un chocolate con rosca entre a veciñanza participante, e acto seguido entregaranse os premios do VI Concurso de Relatos e Cartaces gráficos contra a violencia de xénero, convocado entre os escolares dos centros educativos do noso concello.

Asemesmo, este venres 25 de novembro, a partir das 19.00 horas no Auditorio do Centro Sociocultural, terá lugar un acto de concienciación e en lembranza ás víctimas da violencia de xénero, a cargo da Asociación de Empresarios de Negreira (ENE). 

Preto dunhas douscentas persoas deron o pasado sábado visibilidade ás actividades para rexeitar a violencia machista no noso concello. Por quinto ano consecutivo, a veciñanza camiñou polo paseo fluvial e as principais rúas da vila ata chegar á Casa do Concello, onde houbo tempo para facerse unha foto de grupo de todas/os quenes participaron, entre quenes estaban concelleiras/os da Corporación Municipal.

Entre as actividades organizadas con motivo do 25N, o sexto Concurso Loita contra a violencia de xénero, convocado entre os escolares do concello. Segundo a decisión do xurado, no de relatos curtos o premio (un vale agasallo por importe de 100 euros), foi parar ás mans de Iria Freire Agra, alumna do IES Xulián Magariños, e que presentouse baixo o pseudónimo de Peonía. A concelleira de Emprego, Muller e Igualdade, Mar García Vidal, entregoullelo premio. Na modalidade de cartaces gráficos, a gañadora foi Carla Diez Granja, baixo o pseudónimo de cdmegag10, cun premio consistente nun vale agasallo que lle foi entregado polo alcalde, Jorge Tuñas Caamaño.

A lectura do texto gañador por parte das dúas premiadas deu paso a un chocolate con rosca por xentileza de Panadería Xallas coma colofón a unha semana cargada de actos relacionados co 25N. Deixámosvos un audio do que deu de si o acto.

AUDIO

Asemesmo, cabe lembrar que o venres desenvolvíase un acto no Auditorio do Centro Sociocultural, en memoria das vítimas das violencia machista, a cargo da Asociación de Empresarios de Negreira.

¿Queres converterte nun elfo este Nadal? Pois participa na campaña: «Ningún neno sen agasallo», coa colaboración do Servizo de Voluntariado Social, do Concello de Negreira.

En decembro recibirás no teu e-mail unha carta na que unha nena ou un neno, pedirá varios agasallos, dos que mercarás só un deles cun valor inferior aos trinta euros.

Infórmate na web: www.elfosycalcetines.org, ou no número de teléfono: 687 054 635 (preguntar por Merche). 

O Servizo Local de Emprego do Concello de Negreira, coa colaboración da Deputación da Coruña, promoven catro obradoiros formativos: Elaboración de conservas; elaboración de pan; elaboración de queixos e derivados, e de fruticultura e poda de inxertos.

Inscricións: Servizo Local de Emprego; na primeira pranta da Casa do Concello, en horario de mañá. Rúa do Carme, 3.

Sonia Ponte (881.035.150) e Sonia Nieto (881.035.160).

II  OBRADOIRO DE CONSERVAS

Curso de elaboración de conservas de alimentos agropecuarios.

Nº prazas: 15 persoas.

Data: A concretar no mes de decembro, por riguroso orde de entrada.

Lugar: Local Social de Romarís (parroquia de San Cristobo de Arzón).

Tralo taller visitaranse varias conserveiras para ver o proceso de fabricación. As clases serán 2 días (4 horas de duración cada día) e será de horario de tarde.

OBRADOIRO  DE  ELABORACIÓN DE PAN

Nº prazas: 15 persoas

Lugar: Panadería Xallas (Polígono empresarial).

Duración: 2 días (4 horas/xornada).

Data de inicio: A concretar en canto se faga grupo.

Inscricións: Por estricto orde de entrada.

OBRADOIRO DE ELABORACIÓN DE QUEIXOS E DERIVADOS

Nº prazas: 15 persoas.

Data: A concretar no mes de decembro, por riguroso orde de entrada.

Lugar de realización: Local Social de Pesadoira (parroquia de Santo Tomé de Alvite.

Tralo taller visitarase unha queixería para ver o proceso de fabricación.

Duración: 2 días (4 horas/día), en horario de tarde.

OBRADOIRO DE  FRUTICULTURA – PODA E INXERTOS

Nº prazas: 15 persoas.

Data: A concretar no meses de decembro/xaneiro, por riguroso orde de entrada.

Lugar: Local Social de San Martiño de Broño.

Duración: En total serán 10 horas. 2 teóricas e o resto prácticas que se realizarán nas fincas dos alumnos/as participantes.

O Concello de Negreira, compretou por segundo ano consecutivo, a súa participación no programa de movilidade transnacional Galeuropa, unha iniciativa enfocada a facilitar a realización de prácticas laborais non remuneradas en países europeos, e que persegue a inserción laboral entre mozas e mozos de non máis de 30 anos.

En total foron dazaséis os mozos e mozas participantes, quenes participaron en sendas tertulias na emisora de radio municipal Radio Negreira para contar cómo lles foi nos dous países de destino: Finlandia e Inglaterra. Alí, os xóvenes realizaron prácticas en centros ou empresas segundo o seu perfil profesional, as cales previamente foron buscadas desde Galicia, en colaboración cos socios de acollida meses países, e sendo aloxados con familias de acollida ou ben en pisos de aluguer durante os tres meses da súa estadía en Londres ou Helsinki.

O pasado día 13 de novembro regresaron da súa estadía en Helsinki de sete xóvenes, entre eles, dúas mozas de Negreira, quenes realizaron prácticas de aprendizaxe en tres gardeirías, sendo unha delas española.

Mentras, e máis recentemente, o resto dos participantes voltaban a Galicia o pasado día 26 de novembro procedentes de Londres. Na capital británica estiveron a realizar a súa etapa de prácticas en centros e empresas relacionadas na meirande parte dos casos coa súas formación académica e profesional, entre eles, unha estudante do noso concello, xunto con outros mozos de Ames, Santa Comba e Santiago.

Para todos eles, a experiencia foi positiva en liñas xerais, de cara a abrirse camiño no mercado laboral. E aínda que nalgún caso se lles ofreceu un contrato de traballo, o certo é que polas dificultades económicas de vivir en grandes urbes como Londres, algún deles rexeitou a posibilidade de quedarse a traballar.  

Este sábado arrinca a programación do Nadal do Concello de Negreira coa II Quedada BTT Solidaria que organiza a Asociación Deportivo e Cultural Bttavernas, cuxa saída será ás 10 horas dende o Instituto Xulián Magariños, e onde cada participante poderá entregar un quilo de alimentos non percedeiros que posteriormente vai ser remitida aos Servizos Sociais do Concello.

O domingo 18 pola tarde chega un dos pratos fortes co Gran Festival de Nadal, organizado pola Asociación Cultural e Folclórica Veiga do Cotón, a partires das 18 horas no Auditorio do Centro Sociocultural.

A actuación dos títeres de Caramuxo, coa obra ¨Feo¨, o martes 20 ás 11 horas no Auditorio, marca as xornadas previas aos días grandes do Nadal, incluíndo o mércores 21 a Audición de Nadal do alumnado da Escola Municipal de Música, ás 19 horas no Auditorio.

Non faltarán os obradoiros Divernadal, do 22 ó 30 de decembro, polas mañás na entrada ó Centro Sociocultural. De 7 a 11 anos, de 10:30 a 12:00 horas, e de 4 a 6 anos, de 12 a 13.30 horas. O prezo é de 5 euros.

O xoves 22 haberá un Maratón Solidario de Bike, na Piscina Municipal de Pedra Mámoa, de 17 ás 22 horas. Nestas instalacións celebrarase outro maratón solidario, desta volta de Zumba Kids e Pilates, o venres 23 a partir das cinco da tarde. Tamén o venres 23 haberá un Torneo de Xadrez, de sete a nove da noite na Casa da Cultura.

Belén de cumios

Unha das actividades carismáticas do Nadal como é o Belén de Cumios vaise celebrar o sábado día 24 pola mañá coa subida ó monte da Pena. A saída será ás 09:30 horas desde o Campo da Feira, e os interesados deberán anotarse en Cultura e Deportes.

O luns 26 teremos unha proxección de cine, ás 18 horas no Auditorio e, o martes 27 será a quenda para o teatro coa Escola Municipal, tamén ás seis da tarde no Auditorio.

En xaneiro

Xa metidos no novo ano, o luns día 2 haberá cine, ás seis da tarde no Auditorio, mentres que o xoves día 5 chegará a Gran Cabalgada dos Reis Magos, coa recepción ás seis da tarde no balcón da Casa do Concello e remate do percorrido real no Pavillón do Colexio do Coto, coa entrega de agasallos aos nenos/as.

Outras actividades

Torneo de Padel (sábado 7), no Comprexo Deportivo de Pedra Mámoa e, o XXV Torneo de Kárate O Coto (sábado 21), dende as seis da tarde no Pavillón de Pedra Mámoa.

Unha unidade móbil de doazón de sangue visita este venres día 16 o noso concello, dentro da campaña periódica de recollida de doazóns de sangue que realiza a Axencia de Doazón de Órganos e Sangue. Dita unidade móbil permanecerá estacionada nas inmediacións do Centro de Saúde, na rúa de Castelao, en horario de 16:00 ás 21:00 horas.

Para doar sangue hai que almorzar e despois de xantar débese agardar dúas horas. Non esquecer levar a tarxeta de doador, DNI ou outro documento similar e, informar ao médico se está a tomar algún medicamento.

Tódolos días hai moitas persoas nos hospitais galegos que necesitan recibir unha transfusión dun compoñente do sangue, porque hai que operalas, transplantarlles un órgano, padecen cancro, tiveron un accidente de tráfico, unha hemorraxia....

Desde a Axencia de Doazón de Órganos e Sangue agradecen o esforzo e a labor altruista dos veciños/as de Negreira que colaboran coas campañas de recollida de sangue.