Hoxe quedou constituida a Mesa Local de Coordinación Interinstitucional contra a Violencia de Xénero, do Concello de Negreira, a cuxo acto celebrado no Salón de Plenos da Casa do Concello asistiu a secretaria xeral da Igualdade, Susana López Abella.

Constitúen a Mesa, o alcalde Jorge Tuñas Caamaño como presidente da mesma e, actuando como secretaria, a directora do Centro de Información á Muller, Rosa Fuentes Cambeiro, coas seguintes vogalías: A concelleira de Emprego, Muller, Medio Ambiente e Agricultura, María del Mar García Vidal; persoal do CIM, Natalia Suárez García; persoal dos Servizos Sociais municipais, María Rosario Cajuso Barbazán; representante da Policía Local, Eulogio Cives Martínez; representante da Garda Civil, o sarxento comandante do posto de Negreira, Fernando Otero Calviño; representante do IES Xulián Magariños, o seu director, Adelino Pose Reino, e representante do CEIP O Coto, Marina Natalia Fariñas de Alba.

A Mesa Local de Coordinación Interinstitucional contra a Violencia de Xénero reunirase de xeito ordinario con periodicidade semestral, e de xeito extraordinario ou con carácter de urxencia, sempre que a situación o requira.

A Mesa Local de Coordinación Interinstitucional contra a Violencia de Xénero é un instrumento operativo no que están representados todos os ámbitos municipais implicados, directa ou indirectamente, na loita contra a violencia de xénero, co obxecto de procurar unha maior eficiencia da resposta ante a grave vulneración de dereitos que supón a violencia de xénero.

Abriuse a presentación de solicitudes de participación no Programa de Turismo do Imserso para a tempada 2016-2017, estendéndose até o venres 17 de xuño de 2016 nos Servizos Sociais do Concello de Negreira.

Se a pasada tempada se dispoñía de acreditación para viaxar, non é necesario cumprimentar a nova solicitude, xa que logo,  o Imserso remitiu carta para a renovación de datos que recibirían ou recibirán en breve as persoas beneficiarias. Se viaxa a traves do convenio do Concello xa recibirá carta aproximadamente no mes de outubro.

No caso de acceder por primeira vez ao programa ou se a persoa renova a súa participación tras un período inactivo, deberá formalizar nova solicitude; para estes casos recoméndase, pola súa sinxeleza e rapidez, que a solicitude se presente telemáticamente a través da Sede Electrónica do Imserso ou se pase polo departamento municipal de Servizos Sociais.

No entanto, o prazo de presentación manterase aberto con posterioridade ao 17 de xuño e até o día 1 de decembro de 2016, para aquelas persoas que non formulasen no seu momento a solicitude, só para cubrir as posibles vacantes que puidesen producir as persoas acreditadas dentro do prazo inicial.

O traballo realizado durante o presente curso pola aula de infantil A do Colexio do Coto, cos nenos e nenas de 4 anos, vén de vela luz coa exposición fotográfica ¨Os ceos de Negreira¨, a cal pódese ver ata o 15 de xuño, na pranta baixa do Centro Sociocultural.

A súa mestra, Sandra Maceira, agradece a colaboración das familias sen as cales sería imposible levar a cabo este proxecto que contounos en qué consistiu: «Durante todo o curso, cada nenos levou para a súa casa unha cámara de fotos durante unha semana e, necesitaban sair cos seus pais a facer fotografías dos ceos de Negreira como eles quisexen, sempre e cando se visen os ceos». Coa recopilación de todo ese material elaborouse a mostra, imprimindo as imaxes nun tamaño grande, e hainas espectaculares e maravillosas que recomendamos pasen a velas», segundo indicou en Radio Negreira.

A inauguración da mostra contou coa presenza da concelleira de Educación e Servizos Sociais, María Jesús Veiga Hortas, quen cualificou de «agasallo» todo o traballo realizado «enchendo de cor, de vida e, que de paso imos a saber a aprender moito da súa experiencia».

Este sábado, o Pavillón Municipal de Pedra Mámoa acolle a xornada de clausura da presente tempada das Escolas Deportivas do Concello de Negreira, nas que veñen participan arredor de 400 persoas, en especialidades como o kárate, o fútbol sala, o tenis, o atletismo, patinaxe, baloncesto ou a ximnasia rítmica.

As actividades comezarán ás 15.30 horas cun partido triangular de fútbol sala Prebenxamín (2009/2010), e rematarán ás 20:00 horas, coa exhibición de ximnasia rítmica. A xornada incluirá a partir das 19:00 horas unha exhibición de ximnasia acrobática, a cargo do Clube Ximnasia Pontevedra.

Tralo peche da tempada das Escolas Deportivas Municipais, a partir do 15 de xuño comezará a campaña estival, coa apertura en horario de tarde das instalacións da piscina municipal do Parque do Coto e, xa no mes de xullo, os cursos de natación.

10º Día da Bicicleta

O sábado día 25 de xuño pola mañá, celébrase o décimo Día da Bicicleta. A concentración será a partir das 10:00 horas na chaira a carón do instituto Xulián Magariños. É unha actividade aberta a tódalas idades, con dous percorridos: o de infantís, de 1.200 metros e con saída ás 10.30 horas; e o de adultos, de 10.000 metros que sairán ás 11:00 horas. O remate das dúas marchas será no campo da feira. Hai que anotarse na Delegación de Cultura e Deportes, polas mañás, ou no número de teléfono: 981 885 886.

Ese mesmo sábado, pola tarde, vaise celebrar o IV Trofeo Ciclista ¨Concello de Negreira¨, de categorías escolas, cadete e xúnior, a través dun circuito urbano, con saída e meta na avenida das Brañas, cuxa organización corresponde ó Club Ciclista Negreira.

O Concello de Negreira fai saber, que con motivo da celebración este sábado, día 11 de xuño, do I Tríatlon Solidario ¨Concello de Negreira¨, entre as 16.00 e as 19:00 horas, permanecerán totalmente cortadas ao tráfico as seguintes rúas e accesos á vila:

Estrada provincial Urdilde-Negreira, dende Ponte Insúa; Abeanca; rúa Malecón (campo da feira); Vilachán de Abaixo; Vilachán de Arriba; avenida de Vilachán; avenida de Barcala; Camiño Vello; avenida de Santiago; Arieira; A Barquiña (estrada autonómica AC-447); subida ata A Chancela (dende A Barquiña); e dende Fontán até a Abeanca, así como toda a Carreira de San Mauro; rúa do Carme; rúa da Cachurra e toda a Praza do Concello.

Para que o evento que contará coa participación de 250 deportistas de toda Galicia poida desenvolverse con normalidade e a máxima seguridade dos participantes, o Concello de Negreira prega a colaboración veciñal facendo o menor uso posible dos vehículos durante o desenvolvemento da proba.

O Concello de Negreira informa que co gallo da celebración da Festa de San Xoán, a noite do xoves día 23 de xuño, todos aqueles particulares e asociacións de veciños que desexen realizar unha fogueira, precisan dunha autorización municipal para realizar devanditos lunes, co obxeto de garantir unha maior seguridade durante a noite máxica do San Xoán.

O Concello informa a tódolos interesados que deberáse recoller e formalizar as solicitudes, no Rexistro Xeral da Casa do Concello. Devandito prazo de rexistro de solicitudes remata o xoves día 22 de xuño. 

O Centro de Información á Muller (C.I.M.), dependente do Concello de Negreira, informa da apertura dende hoxe a té o vindeiro día 23 de xuño, do prazo de inscrición para as familias interesadas en que os seus fill@s, na franxa de idade comprendida entre os 3 e os 12 anos, poidan solicitar praza no Campamento urbano ¨Respira¨, a celebrarse durantes os meses de verán nas instalacións do C.E.I.P. O Coto.

Trátase dunha actividade para a conciliación da vida laboral e familiar, daquelas familias con fillos e que traballen durante os meses de xullo e agosto.

Horario: de 08:45 a 14.15 horas.

Prazas: 30 en xullo e 15 en agosto.

Inscricións: Centro de Información á Muller, na pranta baixa da Casa do Concello (rúa do Carme, 3). Tlf. 981 886 320.

O Concello de Negreira fomenta as actividades de conciliación da vida familiar e laboral durante o verán 2016 cunha nova edición dos Obradoiros de manualidades e xogos Diververán.

Durante os meses de xullo e de agosto (de luns a venres), de 10.30 a 13:30 horas na pranta baixa do Centro Sociocultural, os rapaces e rapazas con idades comprendidas entre os 4 e os 12 anos, en dúas quendas, poderán participar nestas sesións de manualidades e xogos onde van a aprender técnicas de pintura, traballos en coiro e moitas cousas máis.

Horarios

Primeira quenda: de 10.30 a 12:00 horas, os nados de 2011 a 2013.

Segunda quenda: de 12:00 a 13:30 horas, os nados de 2007 a 2010.

Prezo de inscrición 15 euros. Prazas limitadas por orde de anotación na Delegación de Cultura e Deportes, antes do día 28 de xuño. Máis información no teléfono: 981 885 886.

O Voluntariado Social do Concello de Negreira está a piques de rematar as súas actividades anuais de obradoiros de manualidades e artesanía, polo que un ano máis vén de inaugurar, coa presenza da concelleira de Servizos Sociais e Educación, María Jesús Veiga Hortas, unha mostra dos traballos realizados polas alumnas dos talleres de Nadal, de velas ecolóxicas, bolillos, bordado, punto de cruz, muñequería, encaixe de horquilla, corte e confección, así como o taller de pintura.

Tódolos trabalos pódense ver na exposición que até finais de mes exponse no antigo baixo comercial de Mobles Maroñas, na esquina do Camiño Vello coa rúa da Cachurra. O público poderá acceder á mostra durante as clases e comprobalo traballo que realizan as alumnas.

O último sábado do mes de xuño celébrase en Negreira a décima edición do Día da bicicleta, dende as dez da mañá coa concentración no final da rúa de Castelao, a carón das instalacións do instituto Xulián Magariños. Como tódolos anos haberá dous percorridos, coa saída infantil ás 10.30 horas, de 1,2 quilómetros ata o campo dá feira, mentras ca saída de adultos será ás 11:00 horas cun percorrido de 11 quilómetros. É obrigado o uso de casco protector.

Tódolos inscritos/as recibirán un refrixerio e unha camiseta conmemorativas, ademáis de entrar no sorteo de agasallos doados polas firmas colaboradoras, así coma o sorteo dunha bicicleta de mountain bike cedida por Comercial Vigo.

Inscricións: Delegación de Cultura e Deportes, ou no número de teléfono 981 88 58 86. É necesario o número do DNI.

Colaboran: Garport; Autocares López; Coca Cola; Breogán Deportes e Comercial Vigo.