O novo proxecto do Real Club Deportivo de A Coruña 2016-2017 botou a andar en Abegondo con máis dunha vintena de futbolistas, cuxa estrea na pretempada será este verán en Negreira, coa recuperación do Trofeo ¨Jesús García Calvo¨, no que o Dépor medirase á Sociedade Deportiva Negreira, de Terceira División.

Trátase do maior evento deportivo do presente verán en Negreira e que vai ter lugar o sábado 16 de xullo, ás 20:00 horas, no campo municipal Jesús García Calvo. O Dépor por tradición segue tendo moitos siareiros nas nosas comarcas e proba da simpatía polo equipo coruñés é o feito de que conte cunha rúa no pobo.

As entradas para o público en xeral teñen un prezo de 10 euros, agás os infantís que entrarán de balde. O club local conta coa colaboración dos concellos de Negreira, A Baña e Ames, así como da cooperativa Feiraco, e diferentes firmas comerciais.

A expectación na cidade herculina ante este primeiro amigable da pretempada é máxima, no obstante, o conxunto coruñés estrea novo técnico, Gaizka Garitano, e en Negreira vai sela primeira ocasión que vexámolo no banquiño e dirixindo ao Dépor, de aí, que haxa un grande interese por parte da Prensa, TV e Radios, por seguir as primeiras sensacións que deixa o novo proxecto, ao igual que por parte dos siareiros deportivistas que vánse a desprazar até o Val de Barcala nun grande número, tal e como lle confirmou o propio Deportivo á directiva do Negreira.

Agárdase unha gran entrada no Jesús García Calvo, xa que logo, o Dépor emprenderá o día 20 unha viaxe a Uruguay para medirse a equipos de Montevideo e mailo Real Club Celta de Vigo, e non será ata o Trofeo Teresa Herrera cando os seus siareiros poidan ver ao seu equipo no estadio de Riazor. 

Venda anticipada: Garsport; Bar Porto; A Nosa Taberna; Cervecería A Esmorga; A Xarra; Cafetería Abrente e Bar Ríos.

O programa Noites en vela, na paraxe natural de Ponte Maceira (Ames e Negreira), agárdavos cunha segunda entrega no presente verán, o venres día 15 de xullo. Deixámosvos a programación confeccionada polo Concello de Ames, que inclúe o concerto ao vivo de Xavier Díaz e mailas pandereteiras As Maianas, a partir das 22:00 horas.

A terceira e última parada do Noites en vela, chegará o venres 19 de agosto, ás dez da noite, cun concerto do cuarteto de música clásica Tetpamop.

Galeuropa, o programa de prácticas laborais non remuneradas subvencionado pola Consellería de Política Social en países europeos, ofrece a 21 candidatos a posibilidade de realizar prácticas en Finlandia, Portugal e Reino Unido. Estan incluidos os gastos da viaxe, a manutención e o aloxamento, así como o seguro de responsabilidade civil, de accidentes e o seguro médico, no caso de que a persoa participante non teña dereito á tarxeta de saúde europea.

A finalidade do programa é reforzar a empregabilidade da mocidade, así como as súas competencias profesionais. As prácticas terán unha duración de dous a catro meses, cunha duración mínima de 100 horas mensuais.

A iniciativa está promovida polo concello de Negreira en colaboración co concello do Val do Dubra, e o prazo de inscrición remata o venres 22 de xullo ás dúas da tarde.

Xa están ultimados tódolos detalles do Campamento Urbano que o concello de Negreira organiza un ano máis. Celebraráse entre o 1 de agosto e o 15, en dous grupos divididos por idades. Do 1 ó 7 de agosto son as datas para as rapazas e rapaces nados do 2007 ó 2010, e do día 8 ó 15 poderán gozar do campamento os nados do 2001 ó 2006. Un total de sete días nos que os pequenos visitarán o refuxio de Cobas, Pedra Mamoa,o Ézaro, a Coruña, Cerceda e a Costa da Morte. Están programadas tamén diversas actividades, como camiñadas, obradoiros de pintado de camisetas, xogos, ou olimpíadas. 

O prezo para o Campamento Urbano é de 60€ por cativo, ou 55€ no caso de inscribirse dous ou máis irmáns. Poderanse facer as preinscricións ata o xoves 28 de xullo na Delegación de Cultura e Deportes do concello.

O venres 29 de xullo, o Parque do Coto acollerá os concertos de Closer, Marmota Phil e Brinkadelia Troupe. Un cartel de grupos locais, que se presenta como novidade neste festival polo que xa pasaron artistas de gran recoñecemento.  

A cita, dentro de dúas semanas, será ás once da noite, e haberá servizo de bar. Dende Cultura e Deportes do concello de Negreira, non descartan a realización de máis actividades ligadas a os concertos nocturnos.

O Concello de Negreira vén de convocar axudas en materia de acción social para o curso 2016-2017 para a adquisición de libros de texto e material escolar. Os destinatarios destas axudas son as familias con menor poder adquisitivo e que teñan cativos matriculados en 4º, 5º e 6º de Educación Infantil en centros públicos do Concello de Negreira.  

O prazo de presentación de solicitudes remata o día 12 de agosto, e as solicitacións faranse no Rexistro Xeral do Concello de Negreira.

Máis información.

O próximo venres celebraráse o peche dos cursos de natación do mes de xullo da piscina municipal de Negreira..  

A cita será ás doce e cuarto da mañá e procederase á entrega dos diplomas. Haberá tamén un sorteo de agasallos para ós participantes que nesta ocasión foron un total de 115.

No vindeiro luns principian os cursiños os rapaces do segundo grupo con idades comprendidas entre os 4 e 16 anos. O concello informa que aínda quedan prazas dispoñibles.

A festa de fin de curso está programada para o 31 de agosto.

O venres 29 de xullo ás 20:00 horas, terá lugar no auditorio da Casa da Cultura unha xuntanza informativa cos pais e os rapaces participantes no campamento urbán do concello. Darase conta das actividades a realizar así como os horarios das mesmas.  

O prazo de inscrición remata hoxe xoves.

Máis información en Cultura e Deportes, teléfono 981 88 58 86.

Os días 19 e 20 de agosto Negreira prepárase para duas citas importantes na súa axenda musical. Por unha banda o venres 19 o cuarteto de música Clasica "Tetpamop" a partir das 22:00 h. encargarase de dar luz á Pontemaceira na última das citas de "Noites en vela".

Despois das actuacións de Xan Solo´s e Xabier Diaz e as Maianas, Tetpamop volverán a encher de máxia este enclave natural. 

O cuarteto de música clásica creouse coa colaboración de catro estudantes de clarinete do Conservatorio Superior de Vigo en 2014, Amelia Ónega, Martiño Malleiro, Melissa David e Miguel Antonio Costa. Os catro clarinetistas teñen participado  na Semana de Música de Cámara de Vigo, no ano 2014,  no festival Peregrinos Musicais, en Compostela, no ano 2015 ou  no Aldebaran Music Festival 2016, na rexión italiana de Lombardía.

XIV Noite Folk

Para o sábado 20 de agosto queda a Noite folk, onde duas das formacións máis recoñecidas do panorama folk, como Luar na Lubre e Pepe Vaamonde Grupo, actuarán dentro da 14ª Noite Folk de Negreira. Acompañará a estos dous grupos Queicoa, chegado dende Noia. Os concertos, que comenzarán as dez da noite, celebranse no Refuxio de Cobas, a orillas do río Barcala. 

Luar na Lubre conmemora os seus 30 anos de traxectoria cunha xira presentando o seu derradeiro traballo, "Extra Mundi", coa voz da súa nova solista Paula Rey. Pola súa banda, Pepe Vaamonde Grupo, liderado polo gaiteiro Pepe Vaamonde e o guitarrista Pipo Alvariño, presenta o seu disco "Nas pedras do lar".