Ata o venres 28 de xullo está aberto o prazo de inscrición para os programas de conciliación que ofrece durante todo o c urso educativo, o Concello de Negreira. Tanto o programa Madrugadores coma o Merendas, dirixida á rapazada cuxos pais e nais estean traballando e non teñan con quen deixálos.

As inscricións deben formalizarse no Centro de Información á Muller (C.I.M.), na planta baixa da Casa do Concello (en horario de mañá, de luns a venres). Máis información no número de teléfono: 981 886 320.

Documentación que se precisa para o programa Madrugadores e Merendas 2023-2024:

- Modelo normalizado de ficha de inscrición

- DNI dos responsables do menor

- Libro de familia, sentenza ou resolución administrativa que acredite a relación xurídica entre ambos

- Tarxeta sanitaria do/a menor

- Declaración do IRPF e no caso de non presentala certificación negativa

- Xustificante bancario de ingreso do prezo público

- Xustificante da situación de emprego (Informe vida laboral, última nómina, pago último recibo de autónomos).

-Xustificante da necesidade do servizo por incompatibilidade horaria (certificado de demandante de emprego, xustificante de realizar unha busca activa de emprego, xustificante de asistencia a accións de formación laboral).

Datos adxuntos:

A Corporación Municipal de Negreira celebrará unha sesión extraordinaria do Pleno municipal, o luns día 7 de agosto, a partir das 12 do mediodía, no salón de plenos da Casa do Concello, conforme á seguinte Orde do día:

PRIMEIRO.- Dar conta da constitución de Grupo Político Municipal.

SEGUNDO.- Dar conta da resolución de Alcaldía sobre o nomeamento de Tenente de Alcalde e membro da Xunta de Goberno Local, nomeamento de Concelleiro-delegado e periodicidade das sesións ordinarias da Xunta de Goberno Local.

TERCEIRO.- Creación e composición das Comisións Informativas Permanentes.

CUARTO.- Designación de representantes da Corporación en órganos colexiados.

QUINTO.- Periodicidade das sesións ordinarias do Pleno da Corporación.

SEXTO.- Establecemento de réximes de especial dedicación: réxime de dedicación exclusiva para o cargo da Alcaldía e réxime de dedicación parcial para o cargo da Concellería delegada de Servizos Sociais, Muller e Igualdade.

SÉTIMO.- Réxime de indemnizacións por asistencia a órganos colexiados e dotacións económicas a Grupos Políticos.

O Concello pon en marcha un novo servizo para informar aos veciños que o precisen a través dunha canle de ???????? que leva o nome de “Negreira ao Día”.

A intención é a de comunicar as actuacións e obras no concello, a axenda cultural, os avisos urxentes ou as actividades municipais.

Para sumarse a esta canle de WhatsApp primeiro é preciso agregar o número 609 704 109 aos contactos, e logo enviar unha mensaxe dende a propia aplicación a ese número coa palabra ????.

Dende ese mesmo momento xa se poderán recibir comunicación en disposivos compatibles con WhatsApp.

As normas de uso poden consultarse no seguinte documento anexo.

Xa se poden consultar as listaxes provisionais de admitidos e excluídos do programa “Negreira Concilia Madrugadores” e “Negreira Concilia Merendas” do Centro de Información ás Mulleres do Concello.

As solicitudes presentadas fóra de prazo deberán ser subsanadas para, no seu caso, formar parte da listaxe de agarda.

Establecese un prazo de dez días hábiles a contar dende a publicación das referidas listas para reclamacións ou emendar defectos que motivasen a exclusión.

Os Concellos de Negreira, Santa Comba, Val do Dubra e A Baña participarán nun programa de emprego destinado a mozos e mozas menores de 30 anos, incluídos no sistema nacional de garantía xuvenil. O concello promotor será o de Val do Dubra, ao ser beneficiario da subvención da Consellería de Promoción de Emprego e Igualdade para un total de 16 persoas.

Haberá dúas especialidades formativas que serán a de Atención Socio Sanitaria e a de Dinamización de Actividades de Tempo Libre, Educación Infantil e Xuvenil, ambas con 8 prazas.

O programa ten un ano de duración e a preselección efectuarase entre os rexistrados no sistema de garantía xuvenil que demanden participar, ou ben inscribíndose na oficina virtual do Servizo Público de Emprego de Galicia.

Os interesados poden solicitar máis información nos seus respectivos concellos.

A Consellería do Medio Rural a través da Xefatura Territorial da Coruña, empraza aos propietarios da Zona de Concentración Parcelaria de Broño-A Pena-Landeira no Concello de Negreira para seren notificados por comparecencia dun trámite de audiencia que modifica o acordo.

Este anuncio publícase no Diario Oficial de Galicia (DOG), aínda que a eficacia do acto notificado quedará supeditada á súa publicación no BOE.

Para consultar o expediente, poderán pórse en contacto co Servizo de Infraestruturas Agrarias chamando aos teléfonos 981 18 46 35 / 981 18 59 25, das 9.00 ás 14.00 horas, de luns a venres.

A comparecencia deberase efectuar no prazo de dez días, contados desde o seguinte ao da publicación deste anuncio no BOE.

Transcorrido o dito prazo sen se efectuar a comparecencia, a notificación entenderase producida desde o día seguinte ao da publicación.

Os Concellos de Ames e Negreira suman esforzos un ano máis na súa aposta por poñer en valor a paraxe natural de Ponte Maceira, e con tal motivo programáronse novamente as “ Noites en Vela”, un evento que xa é unha tradición para ambos municipios.

O acto dará comezo o venres 25 de agosto a partir das 8 e media da tarde e haberá iluminación especial cunha velada que amenizan as “Pandereteiras de Costaneira” e a agrupación “Tres Pesos”, para rematar cunha sesión de fogos de artificio e o acendido das velas no entorno da Ponte Maceira.

A Ponte Maceira foi declarada “Ben de Interese Cultural” no ano 2016, e na actualidade é un dos puntos turísticos máis importantes que temos na nosa contorna.

O sábado 9 de setembro, celebrarase na nosa vila a 15ª edición do Día da Bicicleta, organizado polo Concello. Todo un evento deportivo e social que move a centos de persoas todos os anos.

Desta volta, as persoas participantes concentraranse ás dez da mañá xunto á explanada do instituto Xulián Magariños. A saída infantil terá lugar media hora máis tarde, ás 10:30, e terá un percorrido de 1’2km para os cativos. Ás once será o quenda dos adultos, cunha distancia total de 10km.

Trátase dunha actividade dirixida a todas as idades na que ademais haberá un agasallo e un refrixerio para cada participante. Iso si, cómpre lembrar: o uso de casco será obrigatorio.

Os patrocinadores deste día da Bicicleta son Atleet Garsport, Distribucións Fajín Lama S.L. e Bicicletas Rioseco, colabora a Peña Ciclista Jesús Mancebo.

O formulario de inscrición farase a través do QR adxunto nesta noticia ou pulsando neste enlace.

INSCRICIÓN 15º DÍA DA BICI

Calquera dúbida, poden acudir á Delegación de Cultura e Deportes, na 1ª planta da Casa da Cultura, ou ben chamar ao teléfono 981 88 58 86.

 Negreira acolle dende o venres 1 de setembro ata o domingo día 3 unha nova edición da Feira do Románico, con múltiples actos distribuídos na contorna do Pazo do Cotón.

A partir do xoves 31 de agosto a 1 da tarde, a Carreira de San Mauro quedará cortada ao tráfico por motivos de organización e haberá desvíos alternativos pola Abeanca, A Chancela e Vilachán de Abaixo. Así mesmo, tamén comezarán os traballos de decoración das rúas e do mercado.

As principais zonas da vila as que afecta a feira son a Carreira de San Mauro e a Rúa do Carme, onde se emprazaran as tendas de artesanía. Na Praza do Concello estará a zona infantil, e a contorna da Capela do Cotón resérvase para espectáculos e demostracións. A zona anexa ao IES Xulián Magariños será o emprazamento do Gran Torneo Medieval.

A celebración comezará o venres as 6 da tarde con actividades variadas, malabares, danzas medievais e para as 11 e media da noite a actuación musical de Tanto Nos Ten na Praza do Cotón.

O sábado ás 12 do mediodía será cando as autoridades locais inauguren de maneira oficial á Feira do Románico, xusto antes dos espectáculos e acrobacias de Circodido que estarán na Praza do Cotón á unha e cuarto. Pola tarde, as 8 e media, será o Combate Medieval entre Cabaleiros no campo da feira.

Pola noite, as 10 e media, actuación de batucada con Latexo Percusión, e logo o espectáculo de A Lenda das Meigas, as 11 e cuarto. Os fogos de artificio pecharán a xornada as 12 da noite.

O domingo a feira abre ás 11 coa música de Turdión. O ambiente medieval continuará ás 12 cun espectáculo de acrobacias, e 1 da tarde o Gran Combate Medieval na explanada do IES Xulián Magariños, espectáculo que voltará de novo as 8 da tarde. Para rematar, teatro a pé de rúa con Errantes que volven a Negreira cunha posta en escea que será a que despida os actos.

Unha vez rematado o prazo de enmendas e reclamacións do programa “Negreira Concilia Madrugadores” e “Negreira Concilia Merendas”, e reunido o persoal do “Centro de Información ás Mulleres” aos efectos de dar cumprimento ao regulamento correspondente a dito programa, procédese a publicar as listaxes definitivas de admitidos/as e excluídos/as.

Poden consultarse nos seguintes enlaces.