As persoas interesadas en realizar unha fogueira na noite máxica do San Xoán e en terreo privado, deberán presentar a solicitude correspondente con data límite do día 21 de xuño de 2023, por algunha das seguintes vías:

•    Rexistro telemático, a través da sede electrónica do Concello de Negreira.

•    Na oficina do Rexistro Xeral do Concello (8.00h a 14.00h).

Só se permitirán as cacharelas en terreo publico lousado, asfaltado ou pintado, sempre e cando sexa solicitado mediante sede electrónica, por aquelas asociacións que presenten ademais, un seguro de responsabilidade civil que cubra os posibles danos ocasionados no mesmo. A data límite será a mesma. Será obrigatoria a limpeza do espazo autorizado ao remate da actividade, incluídos os elementos utilizados para o desenvolvemento do mesmo, inmediatamente despois de rematar a cacharela e/ou sardiñada.

Para o normal desenrolo da cacharela:

- As fogueiras deberán separarse como mínimo 15 metros das vivendas, e 50 das masas árboreas ou zonas vexetais. Poñerase especial coidado de non situalas debaixo dos tendidos eléctricos ou telefónicos.

- A hora límite para rematar a celebración é as 03.30 h da madrugada, de acordo co disposto no art. 5f da Lei 10/ 2017 de 27 decembro de espectáculos públicos e actividades recreativas de Galicia.

- Prohíbese a queima de neumáticos, plásticos, aceites, e en xeral calquera substancia que ao arder desprenda fume tóxico. En ningún caso se queimarán recipientes que conteñan líquidos inflamables ou gases de presión, incluidos os baleiros.

- Sobre terreos con vexetación herbacea, previo ó inicio do lume, farase unha devasa do material combustible nunha franxa de polo menos 9 metros de ancho, rodeando o perímetro.

- Será vixiada polas persoas responsables ata a súa total extinción, asegurándose de que as cinzas queden totalmente apagadas. No caso de que se levante o vento, suspenderase de inmediato.

Teléfonos de contacto:

Policía Local:       676 454 882

Protección Civil: 673 359 936

Emerxencias:       112 

 O Concello de Negreira informa que o xoves, día 15 de xuño, abrirán ó público para a tempada estival, as dúas piscinas municipais ao aire libre do Parque do Coto, prolongándose a tempada ata o día 15 de setembro.

O seu horario de apertura durante os meses de xuño e setembro será de 16:00 a 20:30 horas; e durante os meses de xullo e agosto, de 10:00 a 15:00, e de 16:00 a 20:30 horas. O prezo da entrada será de 1 euro.

Abonos

- Mensual: 10 €
- Tempada: 20 €
- Familiar: 30 €
- Familia numerosa: 40 €

Cursos de natación

Durante os meses de xullo e agosto, de luns a venres, e en horario de mañá, haberá cursos intensivos de todos os niveis dende os 2 anos, mediante o pago dunha cota de 8 euros, entregándose o xustificante do ingreso bancario e maila solicitude cuberta, na Delegación de Cultura e Deportes, na primeira pranta da Casa da Cultura (Carreira de San Mauro, 11), ou ben remitindo o impreso e mailo xustificante á seguinte dirección de enderezo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Mediante acordo do 9 de maio de 2023, da Xefatura Territorial da Coruña, sométese a información pública a solicitude de autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción e o proxecto sectorial (proxecto de interese autonómico-PIA) do proxecto da LAT 66 kV evacuación parque eólico Outes nos concellos de Negreira, Outes e Noia (A Coruña), (expediente IN408A 2020/108).

A empresa solicitante é Norvento, S.L.U., e o proxecto conta cun orzamento de execución material de 1.488.072,34 €. O prazo de execución é de seis meses.

O prazo de presentación de alegacións é de quince (15) días, que se contará a partir do día seguinte ao da publicación deste acordo no Diario Oficial de Galicia (DOG).

Publicación no DOG do 15 de xuño de 2023

https://www.xunta.gal/dog/Publicados/2023/20230615/AnuncioV0653-090523-0002_gl.html

Mediante resolución do 21 de abril de 2023, da Dirección Xeral de Planificación Enerxética e Recursos Naturais, outorgase a autorización administrativa previa e autorización administrativa de construción ás instalacións relativas ao proxecto do parque eólico Alvite II, sito nos concellos de Mazaricos, Negreira e Santa Comba, na provincia de A Coruña e, que está promovido pola empresa Green Capital Power, S.L. (expediente IN408A 2019/016).

O orzamento de execución material ascende a: 11.157.642 euros. Potencia autorizada/máxima evacuable: 17,7 MW. Produción neta: 41.430 MWh/ano.

Instalacións eléctricas de produción, interconexión e transformación:

-Tres aeroxeradores modelo NORDEX N155 ou similar, de 5,9 MW de potencia nominal unitaria, 120 m de altura da buxa e 155 m de diámetro de rotor.

– Tres centros de transformación trifásicos de 6.500 kVA de potencia nominal unitaria e relación de transformación 0,69/30 kV, instalados unitariamente no interior da góndola de cada aeroxerador.

– Unha torre meteorolóxica de 120 m de altura.

– Un centro de seccionamento a 30 kV e constituído por un edificio de dúas salas:

• Unha sala como centro de interconexión, na cal se aloxarán as celas de 30 kV e o tansformador de servizos auxiliares de 50 kVA.

• Unha sala para o centro de control, onde se aloxarán os elementos de control, equipos auxiliares, sistema de comunicación, protección, corrente continua, etc.

– Un sistema colector de media tensión (MT) formado por un circuíto de 30 kV en instalación soterrada, que ten como obxecto a canalización da enerxía xerada ata o centro de seccionamento. O cable utilizado será de tipo XLPE 18/30 kV Aluminio de diferentes seccións.

– Unha rede de posta a terra, constituída por condutor de cobre espido, de sección mínima 50 mm2.

– Rede de comunicacións con cable de fibra óptica.

Contra a presente resolución, que non é definitiva en vía administrativa, poderase interpoñer recurso de alzada ante o vicepresidente primeiro e conselleiro de Economía, Industria e Innovación, no prazo dun mes contado a partir do día seguinte ao da súa notificación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Publicación no DOG: https://www.xunta.gal/dog/Publicados/2023/20230613/AnuncioV0653-020523-0003_gl.html

A Corporación Municipal de Negreira celebrará unha sesión extraordinaria do Pleno municipal, o luns día 26 de xuño, a partir das 09:00 horas, no salón de plenos da Casa do Concello, conforme á seguinte Orde do día:

Punto único.- Sorteo para a formación das mesas electorais a constituir con ocasión das Eleccións Xerais que se celebrarán con data do 23 de xullo de 2023.

A Escola Municipal de Música de Negreira (EMMN), presenta o horario das materias grupais do curso 2023-2024 e os días en que están na escola os profesores de instrumento para as clases individuais. Como novidade para o vindeiro curso, contaremos cun novo conxunto, de Combo de música moderna.

O horario exacto das clases de instrumento darase o venres, día 15 de setembro, ás 18:00 horas, sendo a data fixada para a presentación do curso no auditorio da Casa da Cultura.

Matrícula

O prazo para renovar a matrícula comprende dende o 23 de xuño ao 6 de xullo de 2023. E para o novo alumnado, vai dende o 7 de xullo ata o 8 de setembro de 2023. De forma presencial no Rexistro Xeral do Concello, ou de forma telemática, a través da sede electrónica do Concello de Negreira.

 Informámos que está aberto o prazo de inscrición para a Sección da Escola Oficial de Idiomas, en Negreira, situada no instituto Xulián Magariños.

A oferta inclúe: cursos de inglés de todos os niveis desde o A1 (principiantes) ao C1 (avanzado). Este ano, como novidade, haberá un curso centrado na práctica de destrezas orais (nivel B2).

A preinscrición para alumnado novo remata o domingo día 9 de xullo, e pode realizarse a través da ligazón: www.eoidigital.com/preinsxunta

Toda a información está dispoñible na web da escola: www.eoisantiago.org ou, no correo-e: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

A vila de Negreira vive as súas grandes festas do verán, do xoves 6 ao domingo 9 de xullo, en distintos escenarios do pobo e cunha variada oferta lúdica que vai dende a presenza da afamada orquestra Panorama, conbsiderada a mellor orquestra de España, o xoves pola noite, pasando pola concorrida procesión motorizada de San Cristovo e o xantar de confraternidade no refuxio de Cobas, o sábado ao mediodía; as dúas probas da Liga Autonómica de Agility, no campo de fútbol Jesús García Calvo, e unha gran oferta de atraccións e un mercado, na rúa de Castelao.

Xoves 6 de xullo

Sesión de noite coa orquestra Panorama e a Disco móbil CDC

Venres 7

Sesión de noite coa orquestra Charleston Big Band e mailo grupo Eureka

Sábado 8

Pasacalles co grupo de gaitas Catalibre

Concentración de vehículos ás 11:30h. no Campo da Feira

Misa cantada na capela do Cotón ás 12:00h.

Procesión motorizada a partir das 13:30h.

A partir das 15:30h. proba da Liga Autonómica de Agility no campo de fútbol Jesús García Calvo.

Sesión de noite coa orquestra Gran Parada e co grupo Fussion Revolution

Domingo 9

A partir das 9:30. Proba da Liga Autonómica de Agility no campo de fútbol Jesús García Calvo

Ás 20:00h. Concerto na Praza do Concello da Banda de Música Ateneo de Negreira

O Alcalde de Negreira, Manuel Ángel Leis Míguez, en nome da Corporación Municipal do Concello de Negreira, quere expresar as máis profundas condolencias e o fondo pesar polo triste pasamento de José Baña Blanco, veciño da parroquia de Alvite e quen fora concelleiro da Corporación formando parte do goberno local presidido por José Manuel López Tuñas, entre os anos 1987 e 1995, así como de 1995 a 1999 sendo concelleiro do PSOE na oposición.

O Concello de Negreira comunica que gardará un minuto de silencio na súa memoria, na vindeira sesión plenaria da Corporación, ao tempo que quere mostrar o seu pésame a familiares e achegados, por tan triste perda dunha persoa moi vencellada con Negreira, tanto na vida municipal como a través da súa forte vinculación co activismo agrario a través do sindicato Unións Agrarias de Galicia.

A Corporación Municipal de Negreira celebrará unha sesión extraordinaria do Pleno municipal, o luns día 17 de xullo, a partir das 20:00 horas, no salón de plenos da Casa do Concello, conforme á seguinte Orde do día:

- Primeiro.- Toma de posesión do Concelleiro electo don José Antonio Villar Caamaño.

- Segundo.- Dar conta da constitución dos Grupos Políticos Municipais.

- Terceiro.- Creación e composición das Comisións Informativas Permanentes e designación de representantes da Corporación en órganos colexiados.

- Cuarto.- Dar conta das resolucións de Alcaldía sobre o nomeamento de Tenentes de Alcalde e membros da Xunta de Goberno Local, delegacións e creación da  Concellerías de Área.

- Quinto.- Establecemento de réximes de especial dedicación: réxime de dedicación exclusiva para o cargo da Alcaldía e réxime de dedicación parcial para o cargo da Concellería delegada de Servizos Sociais, Muller e Igualdade.