A primeira sesión plenaria de 2023 comezou gardando os concelleiros e concelleiras, un minuto de silencio en memoria de quen fora alcalde do Concello en dúas etapas (1995-2007 e 2011-2013), José Blanco Pazos, quen finou o pasado 24 de decembro de 2022. Igualmente, este minuto de silencio foi tamén polo veciño José Silva Lens, atopado morto en tráxicas circunstancias tras varios días de búsqueda. O portavoz do Partido Popular, Rubén Suárez Carballo, pediu que a Corporación municipal condenase os feitos ocorridos durante o enterro de José Blanco Pazos. O mandatario, Manuel Ángel Leis Míguez, reiterou que cando lle foi trasladado o malestar polo propio Suárez Carballo, xa dixo que condenaban tales feitos “fose o ex-acalde ou fose calquera outra persoa, pois para nós non teñen ningún tipo de lóxica, nin de sentido, nin de aceptación”, indicou o rexedor.

En canto aos asuntos que formaban parte da Orde do día do pleno ordinario, deuse luz verde por unanimidade, á aprobación provisional, da modificación da Ordenanza fiscal reguladora do Imposto sobre o incremento de valor dos terreos de natureza urbana, coa exposición pública de 30 días.

O pleno municipal tamén prestou aprobación, coa abstención dos cinco concelleiros do Partido Popular, ao punto cuarto da Orde do día relativo a: Recoñecemento extraxudicial de créditos, por un importe total de 823.349 € en concepto de facturas non recoñecidas na contabilidade municipal de 2022 e que deben ser incluidas para o seu abono en 2023. O portavoz do PP, Rubén Suárez Carballo, expresou que con respecto aos exercicios de 2020 e 2021 “hai un aumento considerable do gasto, e que leva camiño do que vostedes nos criticaban en 2015”, ao tempo que criticou conceptos de gastos como en “publicidade e comunicación institucional por un importe mensual de 1.492 euros”, que segundo o alcalde, correspóndese cunha firma que edita o xornal municipal, a través dun contrato menor por doce meses.

O alcalde negreirés, Manuel Ángel Leis Míguez, subraiou en resposta ao Partido Popular, que “moitas das facturas corresponden a gastos enerxéticos como con Naturgy, ou mesmo da xestión dos residuos con Sogama”, e asegurou que os proveedores locais “están cobrando prácticamente nos prazos que marca a lei, aínda que poderían quedar algunhas facturas por esgotamento de crédito en determinadas partidas”, segundo afirmou o mandatario negreirés.

Por último, salientar que pola vía de urxencia, foi aprobada unha proposta do Goberno municipal para prorrogar a suspensión do pago de dúas taxas municipais, cuxa exención fora aprobada polo Pleno en 2021 por considerarse beneficioso para a veciñanza. Trátase das taxas pola expedición de documentos administrativos e pola licenza de apertura de establecementos ou pola actividade de control posterior daquelas actividades sometidas a comunicación previa.

Este programa de asistencia sanitaria gratuita “Coidados porta a porta”, está dirixido a persoas maiores de 55 anos que residan no noso concello e ofrece servizos de estimulación da memoria, podoloxía e audioloxía.

Van a ser catro xornadas en que a unidade móbil da Consellería de Sanidade, vai a estar no Campo da Feira: días 7, 8, 9 e 10 de febreiro.

É necesario reservar cita previa nos seguintes números de teléfono:

- 622 748 283

- 623 546 992

Servizos que oferta:

- Estimulación da memoria:Probas de valoración cognitiva, actividades de estimulación cognitiva, funcional, envellecemento activo e promoción da autonomía persoaI.

- Podoloxía: Valoración do estado dos pés, corte e limpeza de unllas, eliminación de durezas.

- Audioloxía:Exploración do oído, prevención da xordeira.

 O Concello de Negreira organiza unha Festa de Entroido para o mes de febreiro con varias novidades, en donde as orquestras e o Concurso de disfraces serán os grandes protagonistas.

O Venres 17 contaremos coa FILLOEIRA DE LESTEDO, o artiluxio ideado por Orlando Vázquez que é capaz de facer 1.200 filloas por hora. Estará na Praza do Concello dende as 17:00h ás 22:00h. Pola tarde haberá inchables e xogos para os nenos e pola noite a partir das 23:00 h contaremos coa Orquestra Olympus e o Dj Marcos Magán.

Para o sábado 18 terá lugar o DESFILE DE CARROZAS E COMPARSAS, coa concentración as 16:00 h no Campo da Feira, ás 17:00 h. comenzará o desfile dende a Carreira de San Mauro. A partir das 20:30 h. terá lugar a entrega de premios e a actuación do grupo CLAXXON na Praza do Concello.

Xa para o luns 20 terá lugar a FESTA INFANTIL DE ENTROIDO, onde haberá talleres, inchables e sorteos entre os nenos/as disfrazados.

Venres 17 febreiro:

FILLOEIRA DE LESTEDO

ACTUACIÓN orquestra OLYMPUS + DJ MARCOS MAGÁN

Sábado 18 de febreiro:

CONCURSO DE CARROZAS E COMPARSAS

CARROZAS               COMPARSAS           IND./PARELLAS                  GRUPOS
  1º  1.000 €                1º  1.000 €                 1º    100 €                             1º  200 €
  2º     500 €                 2º    500 €                  2º    80 €                               2º  150 €
  3º     200 €                 3º    200 €                  3º    50 €                               3º  100 €
  4º     100 €                 4º    100 €   

1º accésit 60 €           1º accésit 60 €       
2º accésit 60 €           2º accésit 60 €       
 
Premio simpatía “JUAN VARELA AREOSO”:  60 €

Lúns 20 de febreiro:

FESTA INFANTIL DE ENTROIDO

A Asociación de Concellos do Camiño de eFisterra e Muxía, formada polos concellos de Negreira, Ames, Dumbría, Cee, Corcubión, Fisterra e Santiago de Compostela, e co apoio da Deputación da Coruña, presenta esta tarde na Feira Internacional de Turismo de Madrid (Fitur), un vídeo promocional do roteiro xacobeo que serve de presentación da súa primeira web: www.ateofin.gal

Un ano máis, Negreira atópase presente en Fitur, unha das feiras de turismo máis importantes do mundo, coa presentación do vídeo promocional e a nova web sobre o Camiño de Fisterra e Muxía, coa intención de difundir mellor a ruta e dala a coñecer, pois é sabido que tódolos itinerarios xacobeos chegan a Compostela, pero este non, pois parte do Obradoiro cara a Fin do mundo.

Os datos sinalan que son máis de 36.000 as persoas que reciben cada ano a fisterrana, o documento que acredita ter feito o Camiño de Fisterra e Muxía. E ó contrario do que sucede no resto de roteiros xacobeos onde a meirande parte de caminantes son nacionais, no noso entre o 60 e o 70 € de peregrinos son de nacionalidade estranxeira, polo que a Asociación de Concellos estima que é necesario continuar coa promoción.

Até o fin, el Camino de Santiago acaba en el mar, terá a súa presentación hoxe a partir das 18:45 horas no pavillón de Galicia, no Recinto Feiral Ifema de Madrid, xusto a continuación da presentación do destino Starlight da Costa da Morte, por parte do Xeodestino Costa da Morte, e Un mar de gracias, a iniciativa que promove a Asociación de Empresarios do Camiño de Santiago a Fisterra e Muxía “Solpor”, e que serán as tres últimas desta segunda xornada en Fitur.

Mostra en Negreira

Un grupo de estudantes do ciclo de Comercio, pertencentes ó instituto Xulián Magariños e acompañados polas súas profesoras, foron os primeiros visitantes da exposición sobre o Camiño de Fisterra e Muxía, que até o 30 de xaneiro pode verse na planta baixa do Centro Sociocultural da vila.

A mostra está promovida pola Asociación de Concellos do Camiño de Fisterra e Muxía, dentro do seu proxecto para difundir a ruta desde Compostela. Os estudantes recibiron explicacións do alcalde, Manuel Ángel Leis Míguez, quen acompañóunos no percorrido pola mostra cando ó concelleiro de Turismo, Juan Platas, e maila concelleira de Educación, Teresa Duro Leis.

A exposición documental está estructurada en oito seccións, e dirixida polo deseñador Pepe Barro, autor do proxecto de identidade Até o Fin, que inclúe a nova web, o vídeo promocional e maila exposición. Está integrada por imaxes do fotógrafo Álvaro Arribi e textos breves, que falan das terras do Fin do mundo, das lendas xacobeas, dos peregrinos actuais e históricos, etapas da ruta, albergues ou lugares significativos como a paraxe natural de A Pontemaceira, ou sobre a tradicional cuncha de vieira, apañada polo bispo Xelmírez no século XII, algún areal da Costa da Morte.

A exposición pódese ver de luns a venres, de 9 a 14 horas, e de 16 a 21 horas, no Centro Sociocultural.

A Consellería de Medio Ambiente, Territorio e Vivenda, a través do dictame da Dirección xeral de Calidade Ambiental, Sostibilidade e Cambio Climático, argumenta a negativa para continuar coa súa tramitación en varias circunstancias. A máis determinante, o alto nivel de ocupación en canto a número de aeroxeradores existentes neste territorio situado nos límites dos concellos de Negreira, Mazaricos e Santa Comba. Din os informes, que de construirse crearía o chamado efecto pantalla ou de barreira para a avifauna e para o mantemento do hábitat natural da zona. A declaración de impacto ambiental desfavorable data do pasado día 19 de xaneiro dos actuais.

O parque eólico Alvite tiña proxectado nove aeroxeradores, con 40,5 megawatts de potencia e un investimento de 32 millóns de euros por parte da empresa promotora, Green Capital Power, do grupo madrileño Capital Energy.

Sen embargo, as boas novas non son completas, pois non sucede o mesmo co proxecto do parque eólico Alvite II, no que a directora xeral de Calidade Ambiental, Sostibilidade e Cambio Climático, María Sagrario Pérez Castellanos, resolve asinando unha declaración de impacto ambiental (D.I.A.) favorable, considerando que o proxecto “é ambientalmente viable sempre que se cumpra, ademais do recollido no estudo de impacto ambiental e a restante documentación avaliada, o condocionado que figura ao longo do documento”, e que foi emitido o venres, día 20 de xaneiro.

Anteriormente, tamén foron informados favorablemente outros dous parques eólicos con afectación no noso territorio. Trátase dos proxectos Banzas (nove aeroxeradores) e compartido con Outes e Mazaricos, e Troitomil (cinco aeroxeradores), maiormente en territorio da Baña, e con afectación dun aeroxerador en Negreira.  

Infórmase á veciñanza que a Unidade Móbil 7 de Inspección Técnica de Ciclomotores desplazarase ao concello de Negreira na seguinte data e ubicación:

- O martes, día 7 de marzo. De 9:00 a 13:30, e de 15:15 a 18:00 horas

- Ubicación: Campo da Feira

Para solicitar cita previa:

- Por teléfono: 902 30 90 00

- A través da web: www.sycitv.com – Cita previa

A admisión de vehículos con características particulares estará condicionada á posibilidade de realizar as operación de inspección regulamentarias.

O alcalde, Manuel Ángel Leis Míguez, representou a Negreira este pasado sábado na sexta gala dos Premios Youtubeiras, a correspondente ao ano 2022 e celebrada na localidade de Carballo. O premio rede galardoa a cancel A Lobeira today e, o premio do Público foi para o vídeo Bembibre coas Tanxugueiras, obra de Xabi Gómez.

Ademais, o galardón á Canle recoñeceu a Toxío, mentres que o de Youtubeira/o do ano foi para Neeumatiko e o de Youtubeira/o revelación recaeu en Histérikas histórikas. E o galardón ao mellor vídeo foi para Eduardita, de Piratas sne parche , mentres que a canle Falemos do Reino de Galicia conseguiu o premio Calidade Lingüística e Pinguado-Laura Veiga fíxose co galardón Pioneiro.

Youtubeiras é unha iniciativa organizada polos servizos de normalización lingüística dos concellos de Ames, A Baña, Carballo, O Grove, Moaña, Negreira, Pontevedra, Rianxo, Ribadeo, Rois, Santiago de Compostela e Teo, das universidades da Coruña, Santiago e Vigo e da Deputación da Coruña.

Saber máis: https://bit.ly/3kNaDJz

As operadoras de telefonía móbil continúan a ofrecer en Negreira servizos móbiles de nova xeración, 4G e 5G, nas bandas de 700 e 800MHz. Esta nova tecnoloxía permitirá á veciñanza gozar de servizos de datos móbiles de alta velocidade, mellorará a cobertura no interior de edificios e ampliará a extensión xeográfica.

As tres principais operadoras de telefonía móbil: Movistar; Vodafone e Orange, avanzan que nas vindeiras semanas realizarán o proceso de implantación dos servizos de telefonía móbil de nova xeración, 4G e 5G, sobre as bandas de 800 e 700 MHz, respectivamente, o que permitirá á cidadanía gozar de conexións móbiles de alta velocidade cunha mellor cobertura no interior dos edificios e maior extensión xeográfica.

Para garantir a compatibilidade da nova tecnoloxía coa televisión dixital terrestre (TDT), Llega700 é a entidade posta en marcha polos operadores para solucionar calquera afectación na recepción do sinal de televisión.

Principais vantaxes

Coa nova rede móbil abriuse a porta a innovadores servizos e aplicacións,ademais de proporcionarsignificativas melloras tanto na velocidade de descarga, como de envío de datos (fotos, música ou contidos audiovisuais de alta definición) ou permitir sacar o máximo partido a aplicacións en liña, como os videoxogos.

Compatibilidade

De cara a garantir a compatibilidade, Llega700 presta unha serie de servizos gratuitos tales como un procedemento correctivo tralo acendido das estacións, polo cal Llega700 encargarase de atender aos usuarios afectados, xestionando e resolvendo posibles afectacións sen coste algún.

Para xestionar estes servizos, están a disposición dos cidadáns un número de teléfono de atención gratuito (900 833 999) e unha páxina web: www.llega700.es

A Corporación municipal de Negreira celebra o mércores, día 8 de febreiro de 2023, unha sesión extraordinaria do Pleno, a partir das 20:00 horas, coa seguinte Orde do día:

1º.- Plan provincial de cooperación ás obras e servizos de competencia municipal (Plan único de concellos) “POS+ 2023”.

2º.- Plan provincial de cooperación ás obras e servizos de competencia municipal (Plan único de concellos) “POS+ ADICIONAL 1/2023 Gastos sociais extraordinarios”.

Unha das grandes eivas históricas nas comunicación viarias de Negreira e a súa comarca, teñen encarrilada unha solución de futuro, tras moitos anos caída no abandono. A Ponte Ínsua, o estreito viaducto sobre o río Tambre, que une Negreira con Brión, ten máis preto a súa ansiada ampliación da plataforma. Cun elevado tráfico diario, na actualidade conta cun ancho de 3,5 metros –un carril- polo que non permite a circulación nos dous sentidos e ten unha limitación de peso para 16 toneladas.

O pasado venres 3 de febreiro, celebrouse na sede da Deputación da Coruña unha importante reunión presidida por Valentín González Formoso, presidente da institución, e mailos alcaldes de Negreira, Manuel Ángel Leis Míguez, e Brión, Pablo Lago Sanmartín, a través dunha solicitude de mellora conxunta dos dous concellos.

Na reunión cos técnicos do servizo de Vías e Obras da Deputación da Coruña, avaliuse cal das distintas opcións expostas no estudo técnico previo realizado sería a máis viable técnica e economicamente para mellorar a seguridade garantindo o tráfico simultáneo nos dous sentidos de circulación, algo que agora non se pode facer, dado que a ponte actual conta cun ancho útil de apenas 3,50 metros.

A este problema súmase a limitación do peso autorizado a 16 toneladas, o que perxudica gravemente ao sector do transporte e obriga a non poder desviar o tráfico pesado da zona monumental do pazo do Cotón, polo que segundo sinalaron os alcaldes, moitos vehículos pesados ou os tractores vense na obriga de dar rodeos de ata 20 quilómetros polas limitacións da ponte.

Solución prevista

Para arranxar estas eivas, en primeiro lugar, a Deputación realizará un estudo das características estruturais da ponte, co obxectivo de garantir que a subestrutura actual soporte a actuación prevista, que consistirá na instalación dunha nova plataforma, máis ancha e elevada que a actual.

A anchura total prevista do novo taboleiro da ponte será de 9,80 metros, con carrís en ambos sentidos de 3 metros, beiravías de 0,50 metros, beirarrúa de 1,50 metros e espazos para barreiras de 0,65 metros.

Ademáis de permitir o tráfico seguro nos dous sentidos simultaneamente, as obras habilitarán un paso peonil seguro do que o viaduto carece a día de hoxe.

A actuación suporá un investimento aproximado de 1,5 millóns de euros e esixiría o recrecido das pilas nuns dous metros aproximadamente, dotándoas dos reforzos necesarios. Nos estribos sería necesario acometer tamén ampliacións laterais para acomodar a nova anchura de 9,80 metros e dotalos de apoios dobres, o que permitiría transferir a torsión acumulada ao longo do taboleiro.