A área de Igualdade da Deputacion da Coruña anima cun vídeo a concellos e entidades a participar no proxecto “Compartimos Plan”. Ferrol, Ribeira, Betanzos e Negreira inauguran este mes as presentacións para a elaboración do diagnóstico de igualdade.

Un vídeo coa participación de persoas de distintos concellos da Coruña anima a tomar parte nas presentacións do proxecto “Compartimos Plan”, promovido pola área de Benestar Social, Educación e Políticas de Igualdade de Xénero da Deputación da Coruña.

“Que é para ti a igualdade?” é a pregunta que inicia o vídeo co que a área de Igualdade da Deputación anima a concellos e entidades a participar no programa “Compartimos plan” que ao longo destes dous meses se presentará nas dezaoito comarcas da Coruña.

O Centro Sociocultural de Negreira acollerá a presentación o vindeiro martes día 28 de novembro. Xa no mes de decembro, a equipa de Compartimos Plan continuará o ciclo de presentacións participativas o día 1 en Padrón, o 11 en Arzúa e Melide, o 12 en Ordes, o 13 na Coruña e o día 14 en As Pontes e Ortigueira.

No propio vídeo a responsábel da área, Ánxela Franco, reivindica o compromiso das administracións na construción da igualdade e que as mulleres “non sexan tratadas como gastos”. Franco demanda investimentos públicos na loita das mulleres para acadar un futuro máis xusto e igualitario. 

Co plan preténdese identificar as necesidades en materia de igualdade de xénero presentes na sociedade, ao fin de deseñar novas actuación dirixidas a superar os desequilibrios existentes por razón de xénero. Ademais do persoal da Deputación, o proxecto busca implicar o persoal técnico dos 93 concellos así como o tecido asociativo e demais axentes chave con interese no proceso, e todas as asociacións e colectivos que traballan a favor da igualdade.

Despois deste programa de carácter informativo, iniciarase a segunda fase de diagnose, que abranguera a detección de necesidades en materia de igualdade de xénero a nivel local e provincial, así como a compilación dos diferentes programas, servizos e recursos existentes xa, na provincia. 

Máis de duascentas persoas camiñaron o pasado sábado en Negreira contra a violencia de xénero, na sexta Andaina para visibilizar o rexeitamento ao maltrato que anualmente promove o Centro de Información ás Mulleres (C.I.M.), coincidindo co 25N.

Foi un percorrido circular polos paseos fluviales da vila ata a Casa do Concello, incluíndo a entrega de camisetas e unha chocolatada con rosca final no Centro Sociocultural. Os actos contaron coa presenza do alcalde, Jorge Tuñas Caamaño, quen salientou que «o día máis feliz para todos nós é cando non haxa que facer esta andaina, porque sería por fin que se acabase a violencia contra as mulleres». Tamén interviu a concelleira de Emprego, Muller e Igualdade, María del Mar García Vidal, quen lembrou as verbas que lle dicía o seu avó que «a muller polo simple feito de ser muller é maravillosa, podemos levar unha familia adiante, podemos levar unha casa adiante, temos os nosos empregos, temos un soldo desgraciadamente inferior ao dos homes, pero aínda así, intentamos loitar polo que é a igualdade», afirmou.

Durante o acto entregáronse os premios do sétimo Certame Loita contra a violencia de xénero, para escolares de Negreira.

O de mellor relato recaeu en Iria Freire Agra, alumna de 16 anos do IES Xulián Magariños, por ¨Diario en Braile¨, mentres que o de mellor cartaz gráfico foi para Alicia Campos Manteca e Noa Beiroa Pais, de 10 anos.

O acto concluíu coa lectura dunha poesía de Rosalía de Castro, da súa obra Cantares Gallegos, pola moza Iria Freire Agra

Por Decreto de Alcaldía nº 201/2017, de data 17 de novembro de 2017, efectúanse pola Alcaldía, as seguintes delegacións:

1.- Na Xunta de Goberno Local:

a) Tódalas atribucións en materia de contratación de obras, servizos e subministros que sexan competencia da Alcaldía do Concello.

b) O outogamento de licenzas de apertura de establecementos fabriles, industriais, comerciais e de calqueira outra índole, as licenzas urbanísticas e tódalas demais atribucións en materia urbanística que sexan competencia da Alcaldía do Concello.

c) A autorización, disposición e recoñecemento de gastos.

2.- No Primeiro Tenente de Alcalde, don Manuel Angel Leis Míguez, as seguintes atribucións:

A xestión das competencias e a dirección dos servizos correspondentes ó área de Obras, Urbanismo, Parques e Xardíns. Esta delegación inclúe a facultade de resolver, por parte do Concelleiro delegado, mediante actos administrativos que afecten a terceiras persoas.

3.- Na Segunda Tenente de Alcalde, dona María Jesús Veiga Hortas, as seguintes atribucións:

A xestión das competencias e a dirección dos servizos correspondentes ó área dos Servizos Sociais e Educación. Esta delegación inclúe a facultade de resolver, por parte da Concelleira delegada, mediante actos administrativos que afecten a terceiras persoas.

Apróbase o Regulamento de Organización, Funcionamento e Réxime Xurídico das Entidades Locais.

Este venres 1 de decembro preséntase no Auditorio do Centro Sociocultural, a partir das 20:30 horas, o libro ¨Xente e Terra de Barcala. Letras da mocidade¨, que aborda aspectos coma Xeografía, Historia, Arte, Economía, Etnografía, poboación ou personaxes, das 33 parroquias que conforman a comarca de Barcala.

Os seus autores son os alumnos de Historia, de Primeiro e Segundo de Bacharelato do Instituto Xulián Magariños, coordinados polos profesores: Nuria Araúxo García; María Blanco Crespo; X. Amancio Liñares Giraut e María Rey Rey, dos departamentos de Lingua Galega e de Xeografía e Historia.

As presentacións do libro corren a cargo do director do centro, Adelino Pose Reino, e dos coordinadores e, cóntase con ilustracións de ex alumnos, vinculados aos campos profesionais do debuxo, da fotografía ou das Belas Artes. Trátase dunha homenaxe ó conxunto das parroquias barcalesas, a través da investigación e da escrita da mocidade que cursa bacharelato.

O proxecto conta ademáis coa colaboración da profesora e escritora Fina Casalderrey, membro da Real Academia Galega, quen foi a encargada do limiar da obra.

No acto contarse coas intervencións do equipo de coordinación; da escritora Fina Casalderrey (autora do limiar); Valentín García Gómez, secretario xeral de Política Lingüística da Xunta de Galicia; Adelino Pose Reino, director do IES Xulián Magariños, e do alcalde de Negreira, Jorge Tuñas Caamaño.

Neste acto colabora a Banda Ateneo de Negreira que interpretará varias pezas musicais. 

O desfibrilador externo semiautomático (DESA) está deseñado para aqueles casos de parada cardíaca que suceden fóra dos centros hospitalarios, xa que o seu sinxelo uso fai que o persoal non médico póidao manexar con seguridade e eficacia, seguindo as instrucións de uso que o desfibrilador indica en cada paso.

O DEA vainos a orientar e axudar nas situacións de urxencia vital. Cando o colocamos na vítima realiza a valoración da actividade do corazón e indicaranos claramente que accións debemos realizar. Son ordes sinxelas, directas e orientadoras, axudando aos primeiros intervintes a realizar a reanimación con éxito.

O Concello de Negreira acaba de adquirir dous equipos para a súa instalación en instalacións deportivas municipais. Un deles vai a estar dispoñible no Campo de fútbol municipal de Cepelo, e o outro, no Pavillón municipal de Pedra Mámoa, uníndose ao xa existente no Campo de fútbol Jesús García Calvo.

De cara ao seu correcto manexo, o Concello ven de levar a cabo un curso impartido por persoal da empresa Caryosa entre persoal do Concello como o encargado de instalacións deportivas e un coordinador da área de Deportes, así como entre responsables de clubes deportivos coa participación de: Clube de Tenis; Asociación Deportiva Nicrariense e Sociedade Deportiva Negreira, ademáis de monitores da Escola Deportiva de Fútbol Sala.

O acendido da iluminación de Nadal nas rúas do pobo o pasado sábado, marcou o comezo da programación elaborada polo Concello de Negreira para estas festas de Nadal, cuxo debuxo ilustrador corresponde aos nenos/as da aula de Infantil de 4 anos B do CEIP O Coto, gañadores do Concurso de Cartaces.

Na compreta programación de Nadal 2017/18 non faltan citas teatrais, de clown, festivais de música, obradoiros infantís, sendeirismo, o fallo dos premios do certame de poesía Ardeiro, torneos de xadrez, pádel ou kárate, e ata cine e como principal novidade, a primeira Carreira Popular do Turrón.

O Concello de Negreira informa desta compreta programación que tralo acendido do alumeado navideño terá a súa primeira cita o xoves 14 co Festival do CEIP O Coto (12 h), no Auditorio do Centro Sociocultural, mentras que o venres 15 a compañía Teatro do Noroeste representa a súa obra Estado de graza (21 h), no Auditorio. O sábado 16 chega o Belén de cumios, cun roteiro de sendeirismo que partirá do campo dá feira (10 h), e pola tarde, a Escola Municipal de Teatro representa a obra: Eu tamén quixen ser do Equipo A (17:30 h), no Auditorio.

O Gran Festival de Nadal celébrase o domingo 17 no Auditorio a partir das seis da tarde, e o xoves 21 chega a Audición dos alumnos/as da Escola Municipal de Música (18 h), no mesmo escenario, que o venres 22 acollerá o acto do fallo do Certame de Poesía Xosé M. López Ardeiro, coa actuación do grupo de música tradicional Oîma (19:00 h). Ese mesmo día, os nenos/as da Escola Infantil recibirán a visita de Papá Noel.

En decembro aínda haberá tempo para máis citas: Torneo de xadrez, o sábado 23 pola tarde na Casa da Cultura; Cine de Nadal, o martes 26 no Auditorio (18 h); Actuación de clown con Menú magnífico, cos actores Fran Rey e Pedro Brandariz (20 h), e o sábado 30 para despedilo 2017 a principal novidade coa I Carreira Popular do Turrón, de 4 quilómetros, con saída e meta na rúa de Castelao (16:30 h).

Ano novo

Co 2018 recén estreado teremos cine de Nadal, o martes 2 na Casa da Cultura (18 h), e o venres 5 a Gran Cablgada dos Reis Magos, coa recepción ás seis da tarde na Casa do Concello, e posterior entrega de agasallos no Pavillón do CEIP O Coto. Na festividade de Reis desputarase un Torneo de Pádel, con alumnos/as da Escola de Pádel, en Pedra Mámoa. O sábado 27 de xaneiro haberá o XXVI Torneo de Kárate O Coto.

DiverNadal   

Os obradoiros de manualidades infantís celebraránse nos seguinets días: 26, 27, 28 e 29 de decembro e 2,3, e 4 de xaneiro no Centro Sociocultural. As familias deben anotar aos seus fillos/as na Delegación de Cultura e Deportes, polas mañás.

Despois de recibir o Premio Rosalía de Castro de Lingua 2017, que concede a Deputación da Coruña, o proxecto Apego acaba de ser galardoado tamén co Premio da Cultura Galega 2017 na modalidade de lingua.

Este proxecto naceu para incentivar e facilitar a socialización en galego das nenas e dos nenos desde a primeira infancia, e o traballo, que cómpre fortalecer para ese obxectivo, está sendo recoñecido, algo que desde a organización agradecen e polo que, ademais, felicitan a toda a comunidade Apego.

O conxunto de galardóns destes Premios da Cultura Galega 2017, que concede a Xunta de Galicia, son Xohana Torres (Letras), Berta Cáccamo (Artes Plásticas), Mabel Rivera (Artes Escénicas), Uxía (Música), Óliver Laxe (Audiovisual), o Proxecto Apego (Lingua), a Fundación Rosalía (Patrimonio Cultural) e Cristina Pato (Proxección Exterior) [+info completa no web da Xunta: https://i.gal/aqExb]

Apego é un programa colectivo dirixido a fomentar e a facilitar a transmisión do galego como lingua inicial e a socialización dos nenos e das nenas entre 0 e 6 anos no noso idioma, para o que se desenvolven materiais, facilítanse e difúndense recursos, deséñanse e prográmansen actividades para nais e pais e para nenos e nenas, etc.

Esta iniciativa, posta en marcha en 2015 e nacida no seo da Coordinadora de Traballadores/as de Normalización da Lingua (CTNL), é desenvolvida desde os servizos de normalización lingüística de 30 concellos: A Baña, A Coruña, Ames, Carballo, O Carballiño, Carnota, Cee, Ferrol, Lugo, Mazaricos, Moaña, Muros, Narón, Negreira, Nigrán, Oleiros, Ourense, Ponteceso, Pontevedra, Ponteareas, Redondela, Rianxo, Ribadeo, Rois, Sada, Santiago de Compostela, Teo, Vigo, Vilagarcía de Arousa e Vimianzo.

O alcalde de Negreira, Jorge Tuñas Caamaño, e mailo concelleiro de Obras, Urbanismo e Parques e Xardíns, Manuel Ángel Leis Míguez, fixeron entrega hoxe ao Colexio de Educación Infantil e Primaria O Coto, do premio ó centro escolar máis numeroso participante na recente XXXVIII edición da Carreira Popular de Negreira.

O premio por un importe de 400 euros en material escolar foi entregado nas propias instalacións do CEIP O Coto, á súa directora, Amparo Mera e mailos dous docentes de educación física do propio colexio, en agradecemento a súa colaboración co maior evento deportivo do ano no noso concello.

Chega a primeira fin de semana do Nadal en Negreira, polo que este venres e o sábado, o Auditorio do Centro Sociocultural acolle unha dobre cita teatral. A compañía profesional Teatro do Noroeste, no seu 30 aniversario, presenta este venres (21:00 h.) a súa obra ¨Estado de graza¨. E o sábado (17:30 h), será a quenda do Festival de Nadal da Escola Municipal de Teatro baixo o título: ¨Eu tamén quixen ser do Equipo A¨.

Estado de graza

Sépnose: A difícil relación entre unha filla que ansía a liberdade e unha nai dominada polas crenzas relixiosas máis profundas. O duro enfrontamento entre unha xeración dominada pola beatería máis contumaz e a seguinte coa liberdade por bandeira. Cando a relixión impera en todos os comportamentos humanos, resulta case imposible liberarse dese yugo. No tardo - franquismo, seguramente o momento histórico en que dúas xeracións consecutivas estiveron máis distantes ideolóxicamente, catro mulleres loitan por establecer o seu lugar no mundo.

Reparto: Luma Gómez, papel de Dona Dolores; Imma António, papel de Catarina; Manuela Varela, no papel de Lola, e Nini True, no papel de Sol.

Eu tamén quixen ser do Equipo A

Este sábado pola tarde poderemos desfrutar coa nosa Escola de Teatro, baixo a dirección da súa profesora Sandra Lesta, dun festival adicado á década dos anos 80 baixo con actuacións que a máis de un nos farán rememorar tempos pasados.....pois haberá ombreiras, purpurina, pelos cardados, música e moito, moito humor.

Ademáis, poderemos ver un adianto da obra do grupo de maiores que están a preparar para o 2018: "E ti de quen ves sendo?".

Este debuxo elaborado polos nenos/as da aula de Infantil de 4 anos B do CEIP O Coto, é o gañador do Concurso de cartaces de Nadal convocado anualmente polo Concello de Negreira entre os centros educativos do noso concello, e que serve para ilustrar a programación navideña 2017/18.

Dentro das actividades para a primeira fin de semana de Nadal, salientamos que este sábado 16 vaise celebrar o Belén de Cumios, un roteiro de sendeirismo ca este ano sairá ás 10:00 horas dende o Campo dá Feira cun percorrido duns dez quilómetros polo monte de Bergando e regreso a Negreira. os interesados/as deben achegarse antes da saída ó punto de partida.

Teatro

Na tarde do sábado teremos o Festival de Nadal da Escoila Municipal de Teatro, con ¨Eu tamén quixen ser do Equipo A¨, a partir das 17:30 horas, no Auditorio do Centro Sociocultural. Trátase dun festival adicado á década dos 80 con actuacións que a máis de un nos farán rememorar tempos pasados.....pois haberá ombreiras, purpurina, pelos cardados, música e moito, moito humor. Ademáis, poderemos ver un adianto da obra do grupo de maiores que están a preparar para o 2018: "E ti de quen ves sendo?".

Festival de Nadal

O XXVII Gran Festival do Nadal celébrase o domingo 17 de decembro, dende as seis da tarde no Auditorio do Centro Sociocultural, e incluirá ao seu remate, unha chocolatada para tódolos asistentes, nunha iniciativa conxunta do Concello e maila Sociedade Cultural e Folclórica Veiga do Cotón.