O Entroido de Negreira, a toda cor, grazas ao enxeñoso e recoñecido deuxante e humorista Luis Davila, quen por segundo ano consecutivo é o autor do cartaz que anuncia as populares festas do Entroido 2019 no Concello de Negreira, o cal vos presentamos para gozar dunha das citas festeiras máis desenfadas do ano, dende o venres día 1 ao luns 4 de marzo.

Na imaxe, pode verse aos seus personaxes Milucho e Dora ¨a desbrosadora¨, convídandonos a disfrutar do popular Entroido de Negreira, un dos máis importantes da provincia da Coruña.

Deseñador gráfico pola Escola de Artes e Oficios Pablo Picasso, da Coruña, o humorista é o autor dun bo número de sorrisos diarios a través das súas tiras de humor O Bichero e O Fotomatón, nas páxinas do xornal Faro de Vigo, pero tamén fai cavilar aos seus lectores, porque coma él mesmo dí: «Debuxar é a miña voz, é o meu altofalante, e o meu xeito de expresarme». O xeito en que os galegos se toman as cousas está reflectido nas súas tiras.

Este sábado 9 de febreiro, Negreira ten un novo encontro co deporte. A Asociación Deportiva do Coto celebra o seu vixésimo sétimo trofeo no que o kárate se viste de gala e se pon en valor a esencia do mesmo. A competición comezará ás 16:30 horas no Pavillón Municipal de Pedra Mámoa.

Na presente edición serán aproximadamente  200 os participantes e con clubes procedentes de toda Galicia. Concretamente, asistirán 16 clubs pertencentes á comarca de Ferrolterra, de Verín, de Santiago de Compostela, e da veciña Val do Dubra, e por suposto, a asociación anfitriona, con máis de 30 rapazas e rapaces en tódalas categorías.

Este ano como novidade dispútase unha modalidade de kata mixta por equipos que, de seguro, resultará un gran éxito. Así, ca realización de unha competición centrada na kata, a Asociación Deportiva do Coto pretende poñer en valor os principios fundamentais da mesma.

A Axencia Galega de Sangue, Órganos e Tecidos (ADOS), que integra o traballo do Centro de Transfusión de Galicia, quen suministra compoñentes sanguíneos a todos os hospitais de Galicia, informa do desprazamento a Negreira dunha das súas dez unidades móbiles que percorren os concellos galegos, este luns 11 de febreiro, no seguinte horario:

- De 9:30 a 14:30 horas

- De 16:00 a 21:00 horas

Devandita unidade móbil permanecerá estacionada diante do Centro de Saúde, na rúa de Castelao.

Segundo o semáforo do sangue, as reservas dos principais grupos sanguíneos para a semana do 11 ao 17 de febreiro, indica que os grupos A Negativo e A Positivo están nun nivel baixo (cor laranxa), mentres que as dos grupos Cero Negativo e Cero Positivo, atópanse en niveis normais (cor amarela).

Son moitos os motivos para doar, non o esquenzas. Comparte saúde. Doa sangue de tódolos grupos sanguíneos para atendelas 500 doazóns de sangue que se precisan cada día nos hospitais galegos.

Debido aos traballos de limpeza anual do depósito de auga potable do servizo de abastecemento do Concello de Negreira, infórmase que o mércores día 13 de febreiro, dende as 23:00 horas, ata as 6:00 horas do xoves 14 de febreiro, producirase un corte no fornezo de auga da traída municipal que afectará a toda a rede de Negreira, a cal considerarase en presión a tódolos efectos.

Para calquera consulta poden chamar aos seguinets números de teléfono do Servizo Municipal de Augas do Concello de Negreira:

* 626 986 941

* 981 881 569

O desfile a cargo dos nenos e nenas da Escola Infantil Municipal o venres 1 de marzo, marcará o inicio das festas do Entroido de Negreira, que un ano máis terá no desfile de carrozas e comparsas do sábado o seu momento culminante.

O Concello preparou un amplo programa festivo que o venres pola noite inclúe a Iª Concentración de Charangas a cargo das formacións "Tíralle do Aire" de Negreira, "Os Celtas" de A Baña e os "Gaitas Blues" de Outes.

O sábado é cando toda a comarca de Barcala vive unha das xornadas máis agardadas do ano coa celebración do gran desfile de carrozas e comparsas que repartirá máis de 6.000 euros en premios.

PROGRAMA ENTROIDO 2019

- Venres 1 de marzo:

12:00 h. Desfile de Entroido a cargo da Escola Infantil, polas rúas de Negreira.

22:00 h. Iª Concentración de Charangas, pasacalles a cargo das formacións "Tíralle do Aire" de Negreira, "Os Celtas" de A Baña e os "Gaitas Blues" de Outes.

- Sábado 2 de marzo. Gran desfile de Carrozas e Comparsas.

Ás 16:00 h. Concentración no Campo da Feira.

Ás 17:00 h. Comezo do desfile.

Ás 18:00 h. Pregón do Entroido.

Ás 20:00 h. Entrega de Premios na Praza do Concello. Actuación do Grupo Ciclón (haberá unha gran carpa).

CARROZAS     COMPARSAS    IND./PARELLAS    GRUPOS
 1º  1.000 €        1º  1000 €          1º    150 €             1º  250 €
 2º     600 €        2º    600 €          2º    100 €              2º  150 €
 3º     300 €        3º    300 €          3º      50 €              3º  100 €
 4º     150 €        4º    150 €   

1º accésit 100 €      1º accésit 100 €        

2º accésit 100 €      2º accésit 100 €       
 
Premio copla “Juan Varela Areoso”:  100 €

- Domingo 3 de marzo. Gran baile de disfraces para maiores.

A partir das 19:00 h. no Centro Sociocultural, baile de disfraces a cargo dun dúo musical.

Premios:

- Mellor parella: Cea nun restaurante

- Mellor grupo (máximo catro persoas): Xantar nun restaurante

- Mellor caracterización: Cafeteira TASSIMO

- Luns 4 de marzo. Baile infantil de disfraces no Centro Sociocultural.

Ás 17:00 h. Entrada no Centro Sociocultural.
Ás 18:00 h. Comezo do desfile do concurso.

Premios:

Grupo A (1 a 6 anos)

1º Cheque regalo (valor 120 €)
2º Cheque regalo (valor 70 €)
3º Cheque regalo (valor 50 €)

Grupo B (7 a 16 anos)

1º Cheque regalo (valor 230 €)
2º Cheque regalo (valor 100 €)
3º Cheque regalo (valor 50 €)

Máis información:

Teléfono 981 885 886, e-mail: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

O Auditorio de Negreira albergará unha das tres fases de zona do Club de debate previas á gran final de 2019 e dentro da iniciativa que desenvolven os equipos de Normalización Lingüística. Será o venres día 5 de abril, nas instalacións do Centro Sociocultural, e coa participación dun equipo do instituto Xulián Magariños, en representación do Concello de Negreira, así como centros educativos de Rianxo (IES Félix Muriel), Dodro (CPI Lourenzo Baleirón), e de Ferrol e Oleiros.

A primeira toma de contacto produciuse o pasado luns en Rianxo, cunha xornada de preparación e un simulacro para os equipos participantes na fase de zona de Negreira, e que xunto coas de Pontevedra e Ames, decidirán os equipos que se clasifican para a gran final.

¨Hai liberdade de expresión nos medios de comunicación¨, é a temática escollida polos centros de ensino participantes na fase de zona de Negreira. Participan equipos mixtos de entre 4 e 10 estudantes de 3º e 4º da ESO, e de 1º de bacharelato e ciclos formativos.

O Concello de Negreira colabora na realización dunha serie de talleres para a difusión do método educativo Montessori, unha das filosofías educativas máis estendidas e recoñecidas dentro das pedagoxías alternativas, e que se caracteriza por ser un dos métodos máis «respetuosos e beneficiarios ó ter en conta os ritmos, intereses e necesidades vitais dos nenos», segundo destacou a concelleira de Educación e Servizos Sociais, María Jesús Veiga Hortas.

María Montessori, mestra é médica de profesión, foi a mentora deste método. Este curso se vai a impartir a través de tres talleres durante tres sábados: 23 de febreiro; 9 de marzo e mailo 6 abril, de 10:30 a 14 horas, na Casa da Cultura. Para isto, apoiámonos no coñecemento, na experiencia e o saber facer dunha nai e guía Montessori, Ana Belén Vieito Agra, mestre de ioga para menores e adolescentes.

Ó longo de tres módulos repartidos en tres meses, preténdese que tanto os profesionais da ensinanza coma calquera outro colectivo ou particular afectado e impricado pola súa labor educativa, coñezan este método, e a sua aplicación práctica na vida diaria.

No primeiro taller (23 de febreiro), abordarase a importancia dos seis primeiros anos de vida. No segundo (9 de marzo), a formación da personalidade, temperamento e carácter, e no terceiro (6 de abril), o acompañamento emocional: Liberdade e límites.

Máis información e reserva de prazas en: www.ioagana.com.

O Concello de Negreira estará representado por 5 equipos na fase final comarcal da Liga de Fútbol Sala Escolar Barcala-Xallas-Muros, do programa Xogade, da Xunta, a celebrarse este domingo no pavillón municipal de Miraflores, na localidade de Muros, e que organiza a Escola Deportiva Os Miúdos.

A Escola de Futsal do Concello de Negreira preséntase en Muros con dous equipos (benxamín e alevín), campións da liga regular, pois gañaron os seis partidos, xunto con outros dous nestas dúas categorías, quenes lograron a terceira praza. Nesta edición, tamén se vai xogar a fase final na categoría pre-benxamín, onde o Negreira A clasificouse como cuarto.

PREBENXAMÍN

09:50 | Os Miúdos - Brión

10:40 | Amarelle A - NEGREIRA A

BENXAMÍN

11:30 | Os Miúdos A - NEGREIRA B

12:20 | NEGREIRA A - Brión

ALEVÍN

13:10 | Os Miúdos A - NEGREIRA B

14:00 | NEGREIRA A - Brión

FINAIS

16:00 | Prebenxamíns

16:50 | Benxamíns          

17:45 | Alevíns

O flamante gañador do Goya ao mellor actor de reparto 2019 polo seu papel na película ´El Reino´, será o pregoeiro das soadas festas do Entroido de Negreira, previo ao concurso de carrozas e comparsas, a tarde do sábado 2 de marzo, cando se repartirán 5.000 euros en premios. O cartaz, por segundo ano, leva a sinatura do recoñecido humorista gráfico Luis Davila.

Luís Zahera era dun dos rostros do audiovisual galaico que non pregoara o entroido barcalés polo que pasaron actores como Carlos Blanco, Xosé Antonio Touriñán, Marcos Pereiro, Federico Pérez, Ernesto Chao, Pepo Suevos, ou Víctor Fábregas, entre outros. O pregón chegará a partir das seis da tarde, o sábado.

A programación foi presentada hoxe polo alcalde, Jorge Tuñas Caamaño, o técnico de Cultura, Marcos Pérez e Mónica Rodríguez, alumna do Obradoiro de Turismo. O mandatario municipal subraiu o «importante» esforzo de investimento que fai o Concello «para que o Entroido de Negreira continúe co nivel que ten, sendo un dos mellores que hai na zona de Santiago e na provincia, tanto en participación como en premios, e mesmo no pregoeiro que temos este ano, que case é o máximo que se podía ter, nun esforzo que busca a participación da xente e o disfrute», sinalou Jorge Tuñas Caamaño.

Programación

As actividades arrincan o venres día 1 de marzo ao mediodía co desfile dos nenos e nenas da Escola Infantil. Pola noite, a partir das nove, teremos a primeira concentración de charangas coa participación de: Tíralle do aire; Os Jaitas Blues e Os Celtas «que van facer pasacalles e finalmente xuntaranse na praza do Concello, sobre as once da noite as tres xuntas», sendo unha das novidades, tal e como destacou Marcos Pérez.

O gran desfile de comparsas é o prato forte, na tarde do sábado. Comezará ás cinco da tarde no campo dá feira e dará un colorido especial ás rúas da vila ata concluír na Casa do Concello. Haberá premios de 1.000, 600, 300 e 150 euros, para os catro primeiros en comparsas e carrozas, respeitivamente, así como dous áccesits de cen euros. Os grupos: 250; 150 e 100, e os individuais: 150; 100 e 50 euros. O grupo Ciclón amenizará a verbena na praza do Concello.

Bailes de adultos e infantil

O domingo a partir das sete haberá baile de disfraces para os maiores no Centro Sociocultural, con música en directo e premios ás mellores caracterizaciones. E o luns, é a quenda para os máis pequenos no concurso de disfraces desde as cinco no Centro Sociocultural.

Concurso de receitas

E en colaboración co Obradoiro de Turismo e Radio Negreira, convócase un concurso de receitas, cuxo fallo coñecerase o venres día 15 de marzo, nun acto a celebrarse no Centro Sociocultural, a partir das 12 da mañá. «As receitas terán que ser típicas do Entroido, e deberán presentarse escritas en lingua galega e deberase presentar o prato elaborado» sinalou Mónica Rodríguez, alumna do Obradoiro de Turismo. A data límite para presentar as receitas na Casa da Cultura, será o martes 12 de marzo.

Os premios para os gañadores serán: Unha cesta de produtos típicos e cea para dúas persoas, para o gañador/a, e un libro de cociña, para o finalista.

O Concello de Negreira é precursor, entre os municipios das súas características, en poñer en marcha unha iniciativa como son unhas xornadas formativas en materia de igualdade dirixidas a todo o seu persoal. Os obradoiros celebraranse os días 21, 22 e 28 de febreiro, e con eles, o goberno municipal pretende dotar aos seus empregados e empregadas, de coñecementos básicos sobre xénero e igualdade nunha acción que se integra no proceso de avaliación do III Plan de Igualdade de Oportunidades e a elaboración do IV Plan do municipio.

Conseguir a igualdade real e efectiva na sociedade actual require non só do compromiso dos poderes públicos, senón tamén das persoas, da cidadanía; neste caso concreto, da implicación e compromiso de traballadores e traballadoras do Concello, porque coa igualdade gañan todas as mulleres e homes de Negreira.

Dirixida ao persoal técnico e político

Un total de 125 persoas asisten a estas sesións formativas que teñen lugar os días 21, 22 (ás 8:30 horas) e 28 de febreiro (ás 16:00h), na Casa da Cultura. Asistirán aos talleres o persoal técnico, de administración, obras, limpeza, axuda a domicilio, escola infantil, escola de música, policía local, radio, e alumnado e profesorado do Obradoiro de emprego, así como as persoasque forman parte do equipo de goberno.

Configuraranse ata seis grupos diferentes para asistir ao que será unha primeira aproximación ao significado do principio da igualdade entre mulleres e homes e á toma de conciencia da existencia de desigualdade e discriminación.

Esta formación constitúe o inicio dun camiño cara a igualdade real e efectiva entre mulleres e homes do concello de Negreira, a través dun proceso formativo que pretende cambiar prácticas profesionais a partir da toma de conciencia dos estereotipos e condicionantes de xénero que imperan na sociedade e na práctica profesional diaria.

En relación con isto cómpre destacar a próxima elaboración do IV plan de igualdade entre mulleres e homes do Concello de Negreira, unha vez finalice o actual proceso de avaliación do anterior plan.