Este mércores fóronlle entregados aos Servizos Sociais comunitarios do Concello de Negreira, os máis de dous mil quilos de alimentos da campaña solidaria emprendida a finais do mes de outubro pola Asociación de Amas de Casa de Negreira para axudar ás familias con menos recursos do municipio.

En total foron 2.044 quilos de produtos non perecedeiros coma aceite, pastas, lentellas ou galletas, doados polos negreireses, ao que hai que engadirlle, a doazón de leite entregado pola cooperativa Feiraco (40 caixas), xunto coa aportación da firma de estética Ana Mancebo, quen doou cincoenta litros de leite. As encargadas da campaña agradeceron en Radio Negreira, o esforzo que todos os anos realiza a parroquia de Portor, cuxa recaudación de alimentos entregan ás amas de casa.

Soledad de la Fuente, presidenta do colectivo promotor da campaña que por terceiro ano consecutivo lévase a cabo en Negreira, salientou a boa colaboración dos veciños e veciñas, á vez que agradeceu ó pobo de Negreira por sumarse a este tipo de iniciativas solidarias que non abundan e, que dixo, permitiu axudar a 90 persoas do noso concello, dentro das listaxes que manexan dende Servizos Sociais.

Xa nas pasadas festas do Nadal fixeron entrega aos Servizos Sociais comunitarios de 200 quilos de carne, doados por carnicería Suso.

Isabel Martínez-Risco Valdivieso, coñecida como Isabel Risco, nada na Coruña, é unha actriz e cómica galega que comezou no teatro universitario en 1997. Exerceu de presentadora de galas, contadora de contos e traballou na radio. Aínda que é máis coñecida como actriz na pequena pantaia, xa que dende o ano 2000 ademáis da súa actividade teatral ininterrompida, desenvolveu unha intensa presenza na TVG.

En 2004 debutou concursando en ¨O rei da comedia¨, e colaborou en ¨Máxima audiencia¨. ¨Zapping Commando¨, déullelo seu primeiro papel protagonista, e a partir de aí, a súa vertente cómica abriulle as portas doutros diversos títulos da TVG. En 2009 colaborou humorísticamente con Víctor Fábregas como ¨A estrana parella¨, no programa Luar. Tamén actuou para curtametraxes, como a italiana "Retorno a San Andrés", ou películas como "Los muertos van deprisa".

Traballou como actriz secundaria e protagonista en series como Padre Casares, A vida por diante, O Nordés, ou Air Galicia, e outros programas como El Show de los Tonechos, En pé de Festa, Land Rober ou Tourilandia.

Premios e recoñecementos: Premio Mestre Mateo, entregado en 2014, á mellor intérprete feminina de reparto, por Era visto!.

En clave de cine mudo e circo, a comedia Fair Play evoca os tolos anos 20. Circo xestual e malabares para todos os públicos. Dous elegantes gentleman disputarán esta tarde (18:00 horas), no Auditorio de Negreira, un partido de tenis en varios sets, ou cando menos intentarano. Deportividade si, xogo limpo tamén, cabaleirosidade por suposto… pero que gañe o mellor!!

O espectáculo de malabares Fair Play, que chega da man da compañía Pistacatro Produtora de Soños, pecha a programación de Nadal lanzada dende a Concellaría de Cultura, con actividades para compartir en familia. A participación é de balde ate compretalo aforo de público dispoñible.

Este luns 18 de xaneiro, Negreira acolleu a celebración da Fase comarcal, dentro do Campionato Escolar de campo a través 2016 cun alto número de participantes dos centros escolares da nosa zona de influencia. Dende Val do Dubra, A Baña, Ames, Santa Comba, Mazaricos ou Valga. En total foron máis de 1.000 xóvenes atletas que desafiaron ao mal tempo para asistir as carreiras das distintas categorías, nas inmediacións do IES Xulián Magariños.

Un total de 8 probas entre categoría masculina e feminina e, distancias entre os 500 m. dos benxamíns ata o 2.500 m. dos cadetes, onde sobresairon os escolares de Negreira cuns resultados que non puideron ser mellores.

En categoría benxamín feminino, vitoria para Salma Bassami e, en categoría masculina, terceiro posto para Daniel Forján, ámbolos dous do CEIP O Coto. En alevín masculino, Javier Muiño acadou o terceiro posto nunha proba moi disputada.

En categoría infantil feminino, Inés Tuñez, do Atletismo Negreira e nun apretado sprint final quedou cuarta clasificada, e en homes, o atleta Salama Loutfi, do IES Xulián Magariños deixou patente a súa superioridade e gañou con solvencia a súa carreira.

En canto a cadetes, foi Azziz Saidi, do Atletismo Negreira e representando ao instituto nicrariense, quen arrasou na súa categoría, demostrando que está entre os mellores atletas galegos da súa idade.

Tamén cabe salientar os resultados dos participantes do CIP San Vicente, de A Baña, quenes en categoría infantil e cadete tamén se auparon aos primeiros postos.

Os atletas de Negreira quedan clasificados para a Fase intercomarcal que se celebrará entre finais de xaneiro e primeiros de febreiro, nunha localidade aínda por confirmar.

Este sábado celébrase o XXIII Trofeo de kárate «Vila de Negreira», a partir das 16:00 horas no Pavillón Municipal de Pedra Mámoa, promovido pola Asociación Deportiva O Coto, en colaboración co Concello de Negreira.

Na presente edición contarase con máis de 200 competidores con idades comprendidas entre os 4 e os 18 anos, pertencentes a 25 clubs de toda Galicia e da comunidade de Castela e León. A cita é coma sempre unha gran festa do kárate, con especial protagonismo para os máis novos, xa que son poucas as ocasións nas cales poden participar nun campionato de kárate.

Na pasada fin de semana desenvolveuse unha xornada dirixida a mulleres vítimas da violencia de xénero, os filloe e fillas destas e a calquera afectado pola lacra social deste tipo de violencia. As actividades comezaron o venres pola tarde, na que durante duas horas organizaronse obradoiros para os nenos/as, onde unha terapeuta ocupacional desenvolveu con eles traballos en artes plásticas.

Unha actividade desenvolvida e organizada polo Centro de Información da Muller (C.I.M.), do noso Concello e, promovida pola Secretaría de Igualdade da Xunta, na que o sábado abordouse cos nais, unha Xornada lúdico terapéutica e de convivencia.

Nesta edición participaron un total de 40 persoas entre uns e outros, nas que recibiron asesoramento e apoio psicolóxico, terapeuta e profesional, sendo escoitadas e informadas por José Ramón Rosales, da Policía Nacional, experto en temática da violencia de xénero e, por Natalia Vázquez Pita, terapeuta ocupacional, encargada dos máis pequenos.

Esta actividade contou coa participación das concelleiras de Muller e Igualdade, Mar García Vidal, e de Servizos Sociais e Educación, María Jesús Veiga Hortas, respeitivamente.

A Unidade Móbil 7 de inspección técnica de ciclomotores da empresa Supervisión e Control, S. A., achegarase a Negreira o próximo día 22 de febreiro (luns), de 9:00 a 13:30 horas, permanecendo instalada no Campo dá feira.

Para solicitar cita previa:

· Por teléfono: 902 30 90 30

· Na web: sycitv.com

O Concello de Negreira, grazas á inscrición do IES Xulián Magariños, vai participar no Club de debate por segundo ano consecutivo. Esta actividade de dinamización lingüística está promovida entre varios concellos de Galicia e pretende impulsar o uso oral do galego entre a mocidade e consolidar foros de discusión.

Trátase dunha competición deportiva na que o alumnado participante de 3º, 4º de ESO e 1º de Bacharelato defenderá, con argumentos, unha postura a favor e outra en contra sobre un tema controvertido, escollido con anterioridade.

O Club de debate constará de varias fases clasificatorias e dunha final. Antes hai que participar nunha xornada de formación. Para a zona de Ames, Negreira, Rois, Santiago e Teo, a formación será este xoves 28 de xaneiro no Pazo da Peregrina, en Bertamiráns (Ames), en horario de 9.30 a 13.30 horas. Con esta formación, na que debe participar cando menos algún membro de todos os equipos inscritos (Ames, Negreira e Teo), preténdese orientar a práctica das habilidades comunicativas.

O IES Xulián Magariños de Negreira vai participar nesta formación con dous equipos: un deles está composto por alumnado de 4º de ESO e preparado polo profesor Cipriano Núñez Rodríguez. O outro está formado por alumnado de 4º de ESO e de 1º de Bacharelato e preparado pola profesora María Blanco Crespo.

Negreira acollerá, o vindeiro 8 de abril, a fase de zona na que van participar os equipos mencionados na citada formación. Os participantes defenderán nun debate a postura a favor e noutro a postura en contra sobre un tema que os equipos coñecerán con antelación. Desta confrontación sairán os clasificados para a fase final que será, nesta edición, na cidade de Pontevedra.

O Concello de Negreira pechou onte un acordo unánime da Corporación municipal (Partido Socialista, Partido Popular e Cidadáns), para solicitar á Xunta de Galicia, a través da Consellería de Traballo, a concesión de dous obradoiros de emprego, así como un plan integral para o emprego, de maneira conxunta cos concellos de A Baña, Val do Dubra e Santa Comba, que sobre todo van centrados na formación de mozos.

O primeiro dos obradoiros vai enfocado aos mozos e mozas adscritos ó programa de Garantía Xuvenil, e entre as modalidades solicitadas está a de xardineiría e limpezas forestais. O seu promotor é o Concello de Santa Comba.

O segundo dos obradoiros sería promovido polo Concello de Val do Dubra, aínda que neste non participaría Santa Comba e non tería un perfil xuvenil, senón que estaría aberto a desempregados de calquera idade, a partir dos 18 anos.

Por último, e tamén por unanimidade, aprobouse unha ratificación do Decreto de Alcaldía nº 8/2016, do 15 de xaneiro, relativo ó Plan de Obras e Servizos (POS 2016), e maila aprobación, de bonificación na cota tributaria do ICIO nun 95% a favor da Asociación de veciños San Eutelo de Logrosa, polas obras de limpeza e melloras no interior da igrexa parroquial de Santa Baia.

David Palmas Mato, xogador do Santiago Futsal, equipo que leva unha década entre os máis grandes da que é considerada como a mellor Liga mundial, a Primeira División de Fútbol Sala, vai ser hoxe o padriño da V Gala do Deporte, a cal celébrase dende as 21:00 horas no Auditorio de Negreira, baixo a organización do Concello de Negreira.

Algo especial tiña que ter un mozo de 18 anos para que José Venancio o puxéseo a adestrar co primeiro equipo do desaparecido Lobelle de Santiago. Iso foi o que lle sucedeu en 2003 a David Palmas Mato (Santiago de Compostela, 08/03/1986), un dos abanderados da mellor fornada de xogadores que ata agora sacou a coidada canteira do club galego.

David Palmas despuntou nos equipos de base e no filial, superou o exame que supuxo a cesión por dúas tempadas en Bilbao, e tras curtirse na División de Prata, volveu á casa para participar activamente nos éxitos colleitados entre 2008 e 2012. Unha Copa de España, unha Supercopa e varias Copas Xunta de Galicia son o saldo dunha etapa inesquecible en canto a emocións e vivencias para o peche santiagués.

Tras tres campañas consecutivas no Ribera Navarra, a David Palmas tiroulle a morriña e na presente tempada regresou ao equipo da súa cidade, dado o interese do seu club de toda a vida porque David regresase para unha demarcación, a de peche, na que Palmas é un auténtico especialista.

Traxectoría:

Autos Lobelle de Santiago 2003/2004 - 2005/2006

GSI Bilbo 2006/2007 - 2007/2008

A. Lobelle de Santiago 2008/2009 - 2011/2012

Ríos Renovable Ribera Navarra 2012/2013 - 2014/2015

Santiago Futsal 2015/2016

Palmares:

1 Copa de España 2006

1 Supercopa de España 2010

3 Copas Xunta de Galicia 2006, 2009, 2010

1 Copa Galicia