A pasada Semana Santa recibimos en Negreira unha visita moi especial, a da Asociación DisCamino, unha organización que leva moitos anos traballando pola integración e a felicidade das persoas con diversidade funcional a través do deporte, especialmente o ciclismo adaptado, o sendeirismo e o Camiño de Santiago.

Así, un total de 20 persoas con 6 pelegríns en bicicleta adaptada, pernoctaron no Pavillón dos Deportes de Pedra Mámoa na primeira etapa do Camiño de Fisterra-Muxía, entre Santiago e Negreira.

Agradecer o importante labor que realizan e desexarlle moita sorte nos futuros proxectos.

Deixámosvos unha mostra do agradecemento remitido por DisCamino, dada a acollida dispensada en Negreira.

“El pasado día 14 de abril, DisCamino fue acogido por el Concello de Negreira en su paso hacia Muxía, meta de este primer DisCamino de Santiago en el que participaron personas con diversidad funcional. Desde nuestra humilde entidad, queremos agradeceros la atención recibida, en especial tu colaboración, la del técnico Álvaro Lira y el responsable del pabellón, José. Sin este apoyo institucional, nuestro proyecto de facilitar el Camino de Santiago a todo aquel que a pesar de sus dificultades lo quiere realizar, no sería posible. Recibid nuestro cariño y agradecimiento”.

A Corporación Municipal de Negreira celebra un Pleno, con carácter ordinario, o luns día 9 de maio de 2022 ás 20:00 horas no Salón de Plenos do Concello, conforme á seguinte Orde do Día que se relaciona a continuación:

1º Dar conta dos Decretos de Alcaldía emitidos dende o último Pleno Ordinario: do nº 96/2022 ó nº 132/2022, ambos inclusive.

2º POS +2022. Ratificación, se procede, dos Decretos de Alcaldía número 116/2022, de data 13 de abril de 2022 e número 132/2022, de data 27 de abril de 2022 relativos ao proxecto “Aglomerado de vía pública municipal: DP-5603 (Vilaserío) a DP 5604 (Pesadoira)”.

3º POS +2022. Ratificación, se procede, do Decreto de Alcaldía número 117/2022, de data 13 de abril de 2022 relativo ao proxecto: “Humanización del entorno de la iglesia de San Martiño en Liñaio (Negreira). Situación: Lugar de Liñaio. Concello de Negreira. A Coruña”

4º POS +2022. Ratificación, se procede, do Decreto de Alcaldía número 118/2022, de data 13 de abril de 2022 relativo ao proxecto “Pavimentación y recogida de pluviales en las calles Campos/Rúa Xulián Magariños. Situación:C/Campos y R/Xulián Magariños. Negreira. A Coruña”

5º POS +2022. Ratificación, se procede, do Decreto de Alcaldía número 119/2022, de data 13 de abril de 2022 relativo ao proxecto “Aglomerado de vía pública municipal; Chancela - A Barquiña (AC447)”

6º POS +2022. Ratificación, se procede, do Decreto de Alcaldía número 120/2022, de data 13 de abril de 2022 relativo ao proxecto “Reurbanización del camino de Cancelo a Cobas”.

7º Segregación parcela Centro de Saúde.

8º Cesión da concesión de caudal procedente de dous mananciais en Fonte Silvar- Covas.

9º Solicitude de financiación á Deputación Provincial da Coruña para a execución da obra “Saneamiento y humanización de la R/Rosalía de Castro”.

10º Orzamento municipal exercicio 2022.

11º Rogos e preguntas.

Entre os meses de maio e xuño, o Auditorio Centro Sociocultural acolle un total de cinco representacións polo Ciclo de Teatro deseñado dende a Delegación de Cultura.

A primeira representación corre a cargo do grupo Sen Cancelas Teatro, de Santa Comba, o sábado 14 de maio. Trátase dun especial Tennessee Williams, de pezas curtas: Fálame como a chuvia, e A habitación escura; a partir das 20:30 horas. E o sábado 21 será a compañía Atequerreté, coa obra: O enredo; ás 20:30 horas.
As tres últimas representacións serán protagonizadas polo alumnado da Escola Municipal de Teatro. A primeira delas con: Crónicas de alí e acolá; o venres 27 de maio, ás 21:00 horas. E o venres 3 de xuño será coa obra: Jo, qué historia, a cargo do grupo universitario, ás 19:00 horas. E xa o domingo 19 co Festival de Teatro Infantil e de Primaria, dende as seis da tarde.

Máis información: www.concellodenegreira.gal

Coa ausencia do alcalde, Manuel Ángel Leis Míguez, debido a un problema de saúde, foi a primeira tenente de alcalde, María del Mar García Vidal, quen asumiu a presidencia da Corporación Municipal no transcurso do Pleno ordinario de maio, no que este luns 9 aprobáronse por unanimidade, un total de catro ratificacións sobre modificacións técnicas a proxectos recollidos no Plan de Obras e Servizos POS+2022.

Os proxectos corresponden a: Aglomerado de vía entre a DP 5603 en Vilaserío e a DP 5604 en Pesadoira; Humanización do entorno da igrexa de San Martiño de Liñaio; Pavimentación e recollida de pluviais nas rúas Campos e Xulián Magariños; Aglomerado de vía entre A Chancela e a AC 447 na Barquiña, e maila reurbanización do camiño de Cancelo a Cobas.

Doutra banda, deuse luz verde ao proxecto de segregación de parcela onde se atopa o Centro de Saúde, na zona do Coto. O Partido Popular expresou o seu voto en contra por «dúbidas», entendendo que debería segregarse tamén a parcela onde se atopa o aparcadoiro aledaño ó centro sanitario. María del Mar García convidounos a despexar tales dúbidas na consulta cos técnicos municipais.

Por unanimidade, acordouse a cesión de caudal procedente de dous mananciais en Fonte Silvar, na parroquia de Cobas, a favor da Comunidade de Usuarios Agua de Fonte Silvar, e no punto 9º da orde do día, a solicitude de financiación á Deputación da Coruña para a execución da obra de saneamento e humanización da rúa Rosalía de Castro. O Partido Popular interesouse pola posibilidade de que o proxecto leve consigo, unha proposta para a adopción dun sentido único da circulación de vehículos, debido a que é unha zona escolar.

A sesión plenaria completouse coa aprobación inicial do proxecto de Orzamento municipal para o exercicio 2022 por un importe de 5.202.164,7 euros, cuxo incremento con respecto ao de 2021 é do 3,7%. O total de ingresos correntes ascende a 5.055.561,24 euros, do que en transferencias correntes o Concello prevé ingresar 2.556.721 euros. No apartado de gastos, os de persoal representan a maior partida con 2,6 millóns, mentres que en bens correntes e servizos representan 1.830.200 euros.

O Orzamento municipal foi aprobado cos seis votos a favor do equipo de goberno do Partido Socialista, e os cinco votos en contra, do grupo municipal do Partido Popular, que tras un amplo debate entorno á subvención do IDAE para a eficiencia enerxética do alumeado público, solicitou a través da edila, María José Carballo, que o orzamento quedase sobre a mesa para ser aprobado mais adiante, cando sexa aprobada a Conta Xeral de 2021 para coñecer con exactitude o montante de remanante financieiro co que o goberno pretende facer fronte ao desembolso económico derivado da subvención.

Pola súa banda, Rubén Suárez Carballo, portavoz do Partido Popular, teme que Negreira vaia a ter que agardar moito tempo en recibir o 80 por cento da subvención polo que debería pagar xuros se finalmente se decanta por solicitar un préstamo bancario para facer fronte a unha parte do montante.

No apartado de rogos, os populares solicitaron ao equipo de goberno que se acometan con urxencia, melloras no paso de peóns da rúa Fonte do Carme, escenario recentemente dun atropelo cunha veciña ferida, así como que na vindeira Semana Santa haxa unha proposta de actividades de conciliación para as familias.

En canto ás mocións, presentouse unha única polo PP para que se faga unha actuación de mellora da contorna da igrexa parroquial de San Xulián, sobre todo, recalcaron, nos seus accesos e á vista da complexidade e falta de aparcamento cando se celebran actos relixiosos ou festivos. A proposta foi aprobada por unanimidade.

Mediante acordo de 5 de abril de 2022, da Xefatura Territorial de A Coruña da Vicepresidencia Segunda e Consellería de Economía, Empresa e Innovación, sométese a información pública a solicitude de declaración de utilidade pública para a urxente ocupación de bens, do proxecto da Solución de evacuación conxunta dos parques eólicos Maragouto e Banzas, nos municipios de Mazaricos, Brión, Lousame, Negreira, Outes e Rois (expediente IN408A 2020/144).

O acordo foi publicado no Diario Oficial de Galicia (DOG), do pasado día 5 de maio de 2022, polo que ábrese un período de 30 días para a exposición pública en cada concello, para a presentación de alegacións, contados a partir do día seguinte a súa publicación.

Prema na seguinte ligazón para acceder a toda a documentación relativa ó proxecto de de declaración de utilidade pública e urxente ocupación de bens e dereitos.

O Alcalde de Negreira, Manuel Ángel Leis Míguez, en nome da Corporación Municipal do Concello de Negreira, quere expresar as máis profundas condolencias e o fondo pesar polo triste pasamento de Luís Calviño Pueyo, quen fora concelleiro da Corporación entre os anos 2011 e 2015, sendo concelleiro de Cultura no Goberno.

O Concello de Negreira comunica que gardará un minuto de silencio na súa memoria, na vindeira sesión plenaria da Corporación, ao tempo que quere mostrar o seu pésame a familiares e achegados por tan triste perda dunha persoa moi vinculada con Negreira, municipio no que naceu no ano 1949.

Despois da reunión da Comisión de Baremación, celebrada o pasado venres, día 13 de maio de 2022, aos efectos de valorar as solicitudes de novo ingreso así como a listaxe de agarda na Escola Infantil Municipal do Concello de Negreira para o curso 2022-2023, publícanse as listas provisionais, despois de efectuado o sorteo para as prazas de comedor.

As presentes listaxes sométense a información pública polo prazo de 10 días hábiles. Unha vez rematado este prazo, a Alcaldía ditará o decreto coas listaxes definitivas e abrirase o prazo de matrícula, o cal será do 1 ao 15 de xuño, en horario de 9.00 a 14.00 horas na propia Escola Infantil, con previa cita no número de teléfono: 981 881 858.

Por outra banda, e á vista da problemática coas prazas de comedor que conleva que moitos nenos/as non poden acceder á Escola Infantil nos horarios solicitados e vista a situación de excepcionalidade deste curso escolar, comunícase que dende o Concello de Negreira iniciáronse as oportunas xestións para tratar que tódolos rapaces que foron convocados para o sorteo público, poidan acceder a dito servizo. Para iso, pedirase certificación acreditativa dos horarios laborais de ambos proxenitores e levaranse a cabo as comprobacións oportunas.

O secretario xeral de Cultura, Anxo M. Lorenzo, participou hoxe cando á alcaldesa accidental, María del Mar García Vidal, na presentación do XI Certame de Poesía Xosé Manuel López Ardeiro durante un acto no que fíxose entrega da edición do poemario gañador da última edición, e que se celebrou no salón de plenos da Casa do Concello. Estiveron acompañados polo presidente do xurado, José Antonio Ponte Far, e mailo membro do mesmo, o poeta Xulio López Valcárcel, en representación de Medulia Editorial coma editor do libro, así coma familiares do finado poeta de Logrosa, entre outros.

A obra gañadora en 2021 foi Furtivas, cuxo autor é Rafa Vilar, natural de Cee e filólogo e escritor, sendo un dos promotores do Batallón Literario da Costa da Morte. O libro está composto por 70 poemas que foron editados nun libro por Medulia Editorial como parte do premio que entrega a Consellería de Cultura, dunha edición total de 300 exemplares, aparte do premio en metálico de 2.500 euros que xa lle foi entregado en decembro pasado durante o acto do fallo do xurado por parte do Concello de Negreira.

Anxo M. Lorenzo salientou o apoio da Xunta a certames como o Xosé M. López Ardeiro de poesía que dende hai once anos organiza o Concello de Negreira co apoio da Xunta, e engadiu: «Esta iniciativa constitúe ademais unha homenaxe ao poeta negreirés, cuxa frutífera obra pervive a través deste certame e das propostas que a el se presentaron nestas dez edicións», apuntou.

Este acto celebrado hoxe serviu para presentar unha nova edición do certame, a undécima. O prazo de presentación das obras vai do 26 de xullo ao 1 de decembro. A contía do premio repite coma na edición de 2021: a publicación do poemario gañador por parte da Dirección Xeral de Cultura, coa entrega dun lote de exemplares, así coma 2.500 euros de premio en metálico por parte do Concello de Negreira. O segundo finalista recibirá un premio consistente en 500 euros en metálico por parte do Concello de Negreira.

O fallo do xurado darase a coñecer nun acto a celebrarse no Auditorio do Centro Sociocultural, o venres, día 16 de decembro de 2022.

Os poemarios deben ser orixinais, inéditos e non ter sido premiados con anterioridade en calquera outro concurso ou certame. Deben estar escritos en lingua galega e terán unha extensión mínima de 350 versos e máxima de 700, escritos con tipografía de imprenta (tipo Arial 12 ou similar), a dobre espazo, e con absoluta liberdade do autor/a en canto a estrofas, medida e rima. Os participantes deben presentar unha copia impresa e outra dixital (en formato Word ou pdf), sen sinatura, e facendo constar neles soamente o título e o lema. Noutro sobre deberán achegar no seu interior: o lema xunto co nome, dous apelidos, fotocopia do D.N.I., e número de teléfono do autor/a, e no exterior de dito sobre consignarase o lema e o certame ao que se presenta. Compre sinalar que só se abrirán os sobres dos poemarios premiados.

Os traballos deberán ser entregados na Delegación de Cultura e Deportes, na primeira planta da Casa da Cultura, na Carreira de San Mauro, número 11 (15830 Negreira – A Coruña). Mais información: 981 885 886 ou a través do enderezo: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

O Consello da Xunta vén de dar luz verde este xoves 19 de maio, ao Decreto polo que declara ben de interese cultural (BIC), na categoría de monumento, ao conxunto patrimonial de A Pontemaceira, entre os concellos de Negreira e Ames. Remata desta maneira un longo proceso iniciado no ano 2017 por iniciativa conxunta dos concellos de Ames e Negreira, quenes solicitaron este recoñecemento para acollerse a unha declaración contemplada na Lei do Patrimonio Cultural, do ano 2016.

Para a declaración de A Pontemaceira como BIC, a Xunta solicitou o ditame de órganos consultivos coma o Consello da Cultura Galega, a Universidade de Santiago de Compostela e, a Real Academia de Belas Artes sobre o valor cultural desta infraestrutura histórica de enxeñería en pedra.

Todos os informes solicitados foron favorables ao recoñecemento, recalcando o seu carácter histórico e maila súa antigüidade, a súa influencia na configuración do territorio, a súa calidade construtiva e o estado de conservación, xunto coa documentación que demostra a súa autenticidade.

O alcalde de Negreira, Manuel Ángel Leis Míguez, congratulouse desta agardada nova: «Agardemos que sirva para outorgarlle unha maior protección e traballos de conservación, ante os danos na súa estructura por parte da Xunta, xa que tanto Ames como Negreira levamos pedíndolle unha intervención nos muiños, na presa e na ponte, que non acaba de producirse», indicou o mandatario municipal.

A declaración BIC inclúe no catálogo do patrimonio cultural unha trintena de hórreos, cruceiros e muíños, sometidos ao mesmo réxime de protección que o resto de inmobles que integran o conxunto, facendo do conxunto de A Pontemaceira unha paraxe natural e patrimonial, única do Camiño de Fisterra e Muxía.

O vello viaducto de pedra foi levando entre os séculos XIII e XIV polo poder eclesiástico de Compostela, e conserva a estrutura clásica medieval, aínda que o seu estado actual é froito da restauración acometida no século XIX para liquidar unha ruína documentada en 1792, que impedía a súa utilización. En 1987 sufriu outro desmoronamento parcial, acometendo a Xunta a súa restauración entre o 1991 e o 2001, con obras complementarias dos concellos de Ames e Negreira na súa contorna.

A Unidade de Atención Temperá de Negreira e Val do Dubra pasou a formar parte dende o mes de marzo de 2022, da Rede Galega de Atención Temperá. A UAT concíbese coma un espazo biopsicosanitario que realiza intervencións dirixidas á rapazada de 0 a 6 anos, a súa familia e o seu entorno. Na actualidade, atende a 46 nenos e nenas. Os luns, martes e mércores nas instalacións de Negreira, situadas na rúa de Castelao. Os xoves e os venres, en Val do Dubra. O horario é de 9:00 a 14:00 horas.

A Unidade de Atención Temperá de Negreira e Val do Dubra confórmana catro especialistas que se distribúen nas áreas: conductal; cognitiva, linguaxe e psicomotora. Trátase dun equipo interdisciplinar no cal se realizan tarefas de acción nas intervencións e de coordinación tanto a nivel interno coma en outros organismos da contorna.

En continuidade coa atención dos menores con diversidade, dende o Concello de Negreira xerouse un espazo de traballo para menores de 6 a 14 anos, a través do Servizo Terapéutico Municipal, cuxa profesional encargada de coordinar a UAT e o servizo, é a logopeda, María Jesús Cao Meitín. O servizo municipal ofrece unha atención especializada para atender as necesidades específicas, dándolle continuidade á atención realizada ata os seis anos.

Ámbitos de intervención

A integración dos menores no seu entorno realízase nos ámbitos “psicolóxicos, educativos, de apoio… de forma que se xeneren interaccións en condicións axeitadas”, subraia María Jesús Cao, quen engade que para apoiar todo isto, existe “o Manual de Boas Prácticas da Atención Temperá, creado pola Confederación Española de Organizaciones en favor de las Personas con Discapacidad Intelectual”, que ademais considera o obxeto de intervención como tridimensional: neno; familia e entorno.

Sobre os motivos de demanda, Gemma González, responsable da área de psicomotricidade, alude ás dificultades de linguaxe “expresivo, comprensivo e lectoescritura”, e a nivel psicolóxico “como conduta, xestión emocional, autoconcepto…, e o cognitivo coa planificación, inflexibilidade cognitiva; a psicomotricidade como o desenvolvemento motor, ou a pinza dixital”, segundo explica Gemma. Tamén figuran as funcións executivas (atención, memoria), ou adaptativo (autonomía, actitudes hacia a vida); entre outras.

Procedemento ante unha demanda

Unha vez recibida unha demanda, derivados polos servizos de Pediatría, Ensinanza Infantil, municipais ou familia; realízase unha folla de derivación e unha consulta de acollida para coñecer aos menores e familias. “Facemos unha entrevista de evaluación inicial coas país, onde se organiza a información sobre o desenvolvemento en aspectos como saúde, linguaxe, autonomía, ou ambiente familiar”, afirman.

Aparte de evaluar ao menor no espazo en temas cotidiáns como gustos, intereses e a interacción no grupo de iguais, se procede a realizar unha sesión de valoración na que poner en común o observado e decidir a posibilidade de incorporar ó menor “marcando os obxectivos de intervención e tendo en conta os horarios”.

Escoita a entrevista en Radio Negreira