A Xunta de Galicia abriu este luns 3 de xaneiro, primeiro día laboral de 2022, o prazo de solicitudes para as axudas á rehabilitación enerxética de vivendas en edificios existentes en municipios de reto demográfico, o chamado PREE 5000. O prazo estará aberto ata o 30 de setembro.

Devandito programa conta cunha dotación total de 3,8 millóns de euros. As actuacións subvencionables realizaranse en edificacións localizadas en municipios de menos de 5.000 habitantes ou en concellos non urbanos de menos de 20.000 sempre que ningún dos seus núcleos de poboación supere os 5.000 veciños.

Os inmobles deben ter sido construidos antes de 2007 e poden ser vivendas unifamiliares, edificios de tipoloxía residencial colectiva ou vivendas dun edificio consideradas individualmente. Poden beneficiarse desta liña de incentivos, cuxo importe concedido poderá chegar a cubrir ata o 100 % do custo das obras subvencionables.

Os traballos a executar deberán pertencer a unha ou varias das seguintes tipoloxías: mellora da eficiencia enerxética da envolvente térmica; mellora da eficiencia enerxética e uso das enerxías renovables nas instalacións térmicas de calefacción, climatización, refrixeración, ventilación e auga quente sanitaria; e mellora da eficiencia enerxética das instalacións de iluminación.

As actuacións que subvencione o Instituto Galego dá Vivenda e Solo no marco do PREE 5000 deberán conseguir unha redución do consumo de enerxía primaria non renovable do 30 % respecto da situación actual do edificio e, ademais, mellorar a cualificación enerxética total do inmoble en, polo menos, unha letra. Este último criterio non será de aplicación cando o edificio acredite ter xa unha cualificación A.

Trinta e cinco nenos e nenas de Negreira recibirán o seu agasallo dos Reis Magos grazas á colaboración de persoas solidarias que de forma anónima recibiron unha carta na que un neno ou nena, pediu varios agasallos, dos cales, os participantes na campaña para axudar aos Reis Magos mercaron só un, de valor igual ou inferior a trinta euros.

A campaña estivo promovida dende o Servizo de Voluntariado, quen agradece o esforzo de todas as persoas participantes que no ano 2020 permitiu que 38 cativos e cativas tivesen un agasallo mediante esta campaña para axudar aos Reis Magos.

A concelleira de Servizos Sociais, Muller e Igualdade, María del Mar García Vidal, valorou de “moi positiva” a colaboración de tantas persoas, e sinalou que “este compromiso demostra que existe unha enorme solidariedade para que ano tras ano, rapaces e rapazas de familias con escasos recursos, non queden sen o seu agasallo”.

Na campaña tamén participa o departamento municipal de Servizos Sociais e mailo Centro de Información ás Mulleres.

A Corporación Municipal de Negreira celebrará o luns, día 10 de xaneiro de 2022, ás 20:00 horas, unha sesión do Pleno, con carácter ordinario, conforme á seguinte orde do día:

1º.- Aprobación, se procede, da acta da sesión ordinaria de data 8 de novembro de 2021.

2º.- Dar conta dos Decretos de Alcaldía emitidos dende o último Pleno Ordinario: do nº 274/2021 ó nº 296/2021, ambos inclusive.

3º.- Cesión do contrato administrativo de xestión do servizo público, na súa modalidade de concesión, da piscina cuberta e climatizada do Concello de Negreira.

4º.- Aprobación inicial, se procede, do Regulamento de organización e funcionamento da Escola Infantil Municipal do Concello de Negreira.

5º.- Aprobación inicial, se procede, da modificación da Ordenanza de plantacións e corta de árbores.

6º.- Aprobación inicial, se procede, da modificación Regulamento do “Programa Negreira Concilia (madrugadores e merendas), Diververán, Campamento Urbano Respira e Nadal Lúdico

7º.- Aprobación provisional, se procede, da modificación da Ordenanza reguladora dos prezos públicos pola prestación do servizo do Programa Negreira Concilia (Madrugadores e Merendas), Diververán, Campamento Urbano Respira, Nadal Lúdico e Divernadal.

8º.- Aprobación inicial, se procede, da modificación orzamentaria número 1/2022.

9º.- Recoñecemento extraxudicial de créditos.

10º.- Proposta de acordo que formula o Grupo Municipal do P.P. para a elaboración dunha Ordenanza municipal de ordenación do mobiliario urbano.

11º.- Rogos e Preguntas.

O Concello de Negreira considerou necesario pedir un cribado o día de onte, 4 de xaneiro do 2022, para a pobación menor de 20 anos, debido a que considera entre outras causas, a difícil situación que está a vivir coa inminente volta ás aulas do alumnado.

A recomendación de realizarse un test de antíxenos para poder incorporarse ao curso escolar é entendible pero pouco práctica. É case imposible conseguilos nos lugares habilitados para vendelos, e tamén para algunhas familias e bastante difícil afrontar o custo dos mesmos, xa que subiron o seu prezo e tamén teñen que desprazarse á outros concellos para poder adquirilos.

Dende o Goberno municipal, consideramos esencial que os rapaces/as vaian seguros aos centros educativos, e coa realización das probas sería unha boa forma de garantir que o virus non se extenda e provoque outra subida masiva dos casos.

Polo tanto, remitiuses unha petición á Xerencia do Servizo Galego de Saúde, solicitando un cribado no mesmo concello como así se fixo nos cribados anteriores, agardando en breves que teñamos unha resposta afirmativa para así axudar a mitigar dita pandemia e volver a lograr que os rapaces/as continúen seguros a súa educación.

Debido a elevada incidencia de casos de covid19 en Negreira e nos concellos da contorna, e agardando un descenso dos datos de contaxio, o Concello de Negreira decidiu aprazar unha semana o reinicio das actividades das Escolas Culturais e Deportivas ata o luns, día 17 de xaneiro, en previsión dunha melloría da incidencia.

Con esta medida preténdese evitar cambios nos grupos e tamén mellorar a inmunidade infantil co avance da vacinación entre os menores de 5 a 11 anos.

Animamos á xente a aproveitar a vindeira semana para facer actividades deportivas e/ou lúdicas o aire libre, sempre seguindo as medidas sanitarias en vigor.

Para saber máis sobre este Plan, podedes visitar esta páxina web:  ou descargar o informe en PDF. 

A Xunta de Goberno Local do Concello de Negreira, vén de adxudicar este luns 10 de xaneiro, o proxecto para instalar unha rede de saneamento ao núcleo de Negreiroa, que é o máis próximo e onde se atopa a estación depuradora de augas residuais (EDAR) da comarca de Barcala.

Este proxecto está incluído dentro do Plan Único de Concellos POS+2021 e estaba orzamentado en 95.295 euros.

Os traballos de excavación de zanxas, de instalación da rede de saneamento e, de formigonado final; foron adxudicados á empresa Mantido SL, por un montante final de 78.333 euros e cun prazo de execución de 60 días.

Imaxe: Arquivo Concello de Negreira

Grazas ao requerimento do Concello de Negreira, a Axencia Galega de Infraestructuras vén de completar unha actuación de mellora da seguridade viaria nun punto negro de concentración de accidentes na estrada AC 447 á altura do cruzamento da Barquiña cara A Chancela.

Mediante un cambio de sinalización no pintado viario, creouse unha semiglorieta no espazo da antiga estrada comarcal para que os vehículos procedentes de A Pontemaceira, poidan facer o xiro á esquerda cara A Chancela con maior seguridade, pois xa non terán que parar no medio do viario para facelo xiro. Agora, deben circunvalar a semiglorieta e facer a parada obrigatoria antes de cruzar a calzada.

Dita actuación completouse co pintado dunha dobre liña no centro da calzada que impide adiantar neste tramo en recta onde nos últimos anos producíronse accidentes de tráfico graves co resultado dunha persoa falecida no ano 2018. Dende antes incluso, o Concello de Negreira requeriulle á Xunta de Galicia que actuáse nese punto negro como titular da vía, e debido a que tamén é un paso obrigado de peregrinos de entrada a Negreira polo Camiño de Fisterra e Muxía. Sen embargo, as actuacións de pintado na estrada non impediron que se seguisen producindo accidentes de gravidade na zona.

O departamento municipal de Servizos Sociais comunica que ata o día 21 de febreiro, a veciñanza pode solicitar a participación no programa de fisioterapia e podoloxía, con atención gratuita nos domicilios dos beneficiarios, dirixido a persoas maiores dependentes ou con discapacidade (recoñecida pola Xunta), e con mobilidade reducida.

Máis información e solicitudes, no departamento municipal de Servizos Sociais. Teléfono de atención: 981 885 381. O comezo está previsto para o mes de marzo.

Este programa de fisioterapia e podoloxía a domicilio para persoas maiores dependentes, ou con discapacidade, ou mobilidade reducida do noso concello, está subvencionado pola Deputación da Coruña e mailo Concello de Negreira.

O alcalde de Negreira, Manuel Ángel Leis Míguez, considera “prioritaria”, a construcción dun novo centro de saúde polo que demandou á Xunta de Galicia que “mentres non se faga, solucione os graves problemas que temos na atención primaria”, segundo reiterou o rexedor. Ángel Leis, acompañado por un técnico municipal, mantiveron unha reunión co conselleiro de Sanidade, Julio García Comesaña; o delegado territorial da Xunta na Coruña, Gonzalo Trenor, e a xerente do Sergas en Santiago e Barbanza, Eloína Núñez, para trasladarlles “as graves deficiencias que ten o servizo de atención primaria do centro de saúde, así como o PAC de Urxencias”.

“Os nosos veciños e veciñas coñecen de primeira man os problemas que temos, moitos deles de difícil solución pola falta de espazo físico no centro de saúde”, explicou o alcalde. Así, cita “falta unha enfermeira adxuntado servizo de pediatría por falta dun despacho, a matrona realiza as súas consultas nas dependencias do PAC de Urxencias e as nosas veciñas teñen que trasladarse ata o municipio de Brión, onde esta mesma matrona tamén consulta, para realizar a preparación do parto por non ter unha sala adecuada aquí”, sinalou.

O alcalde de Negreira asegura que tamén cóntase cunha traballadora social que comezou hai uns meses a prestar o servizo, durante tres días a semana e que tamén ten que realizar a consulta no PAC, tendo que marchar media hora antes para realizar a limpeza e traballos de desinfección antes de que chegue o persoal do PAC, polo que Ángel Leis lamenta este feito.

“A todo iso temos que engadir que a nosa sala de analíticas tamén se ubicou nesa zona de urxencias, co que o final está todo moi saturado, sen olvidar que en plena pandemia as salas de espera do centro de saúde son común para todos os servizos da atención primaria, interiores e prácticamente sen ventilación”, asevera Manuel Ángel Leis Míguez.

Alternativas técnicas

O conselleiro de Sanidade, Julio García Comesaña explicoulle no encontro que non tiñan contemplado este centro de saúde como prioritario para realizar melloras, pero que intentaría estudar posibles alternativas técnicas para atopar solucións. O técnico municipal que acompañou ao alcalde, manifestou que era “prácticamente imposible atopar solucións na actual ubicación pola ocupación da construción na propia parcela, e que dentro do propio centro non existe forma de modificar nin adaptar nada,xa que non cumpriría cos espazos mínimos esixidos e necesarios”.

Dende o Concello de Negreira ofreceuse toda a colaboración posible, poñendo incluso a disposición da Xunta posibles terreos para a construcción dun novo edificio, como xa fixeron noutros concellos limítrofes, e tentando buscar unha solución o máis efectiva posible para moito tempo.

O alcalde entregoulles unha memoria con planos e infografías e un estudo de detalle da nova construcción “coas necesidades que debíamos de cubrir, xa que o noso centro recibe usuarios de Negreira, A Baña e incluso Brión”. “Os servizos que podería albergar o novo centro son fisioterapia e rehabilitación, e un espazo de saúde mental con psicólogo, psiquiatra e traballadora social para o tratamento da depresión, adicións, intentos de suicidio e outros trastornos que necesitan dun apoio psicolóxico”, apuntou Leis Míguez.

“No noso concello tamén somos coñecedores da gran problemática que temos coa elevada detección de casos na Unidade de Atención Temperá, que realiza unha gran labor cos diferentes trastornos do desenvolvemento ou dificultades transitorias; un servizomoi beneficioso para as familias xa que non teñen que desplazarse a outros centros especializados para tratar os seus fillos”, engadiu.

Por último, o alcalde tamén lembroulle á Xunta que o Concello asume cada ano 70.000 euros “entre persoal de limpeza do centro de saúde, electricidade, gasoil de calefacción, materiais de limpeza e desinfección, e gastos de mantemento das instalacións”. O alcalde obtivo o compromiso de que a Consellería de Sanidade visitará o centro cos propios técnicos para valorar posibles alternativas, aínda que Leis Miguez recalcou que “a prioridade sería a construcción dun novo centro de saúde”.