Este sábado 22 de decembro celébrase o decano dos festivais de Nadal, que alcanza a súa vixésimo oitava edición, convertido nun gran escaparate musical, de baile galego, ou de exhibicións de disciplinas deportivas coma o kárate e a ximnasia rítmica. É o Gran Festival de Nadal, que o Concello de Negreira promove en colaboración coa Sociedade Cultural e Folclórica Veiga do Cotón, con entrada de balde, e dende as 18:00 horas, no Auditorio do Centro Sociocultural.

Na súa 28 edición, o festival contará coas seguintes actuacións e exhibicións:

Grupo de Danza Tradicional Veiga do Cotón

Escola Municipal de Baile Galego

Escola de Kárate Akai Ryu

Escola Municipal de Pandeireta

Agrupación de acordeóns Xosé Manuel Suárez

Coro da Asociación de Xubilados de Negreira

Escola Municipal de Ximnasia Rítmica

E dúas actuacións especiais como son as do espectáculo aéreo ¨Sue Moreno¨, e a presentación en exclusiva para Negreira e comarca, da nova dianteira de cantantes da afamada orquestra Olympus, comandada por Jorge Ferre, xunto con Néstor Peña (ex-El Combo Dominicano), Nakary Palumbi (ex-Aché), Tania Domínguez (ex-La Fórmula), e Fer Sánchez (ex-Aché).

Como fin de festa haberá unha chocolatada para todos os asistentes.

O alcalde-presidente do Concello de Negreira, Jorge Jesús Tuñas Caamaño, en nome da Corporación Municipal, deséxalle a toda a veciñanza, así como a institucións, amigos e visitantes, un Feliz Nadal e un próspero ano 2019 nestas datas tan entrañables e cheas de felicidade, sobre todo para os máis cativos.

Neste Nadal, o Concello de Negreira felicita as festas cunha postal navideña co debuxo que foi elaborado polos nenos e nenas da Aula de 6º curso ´C´, de Infantil, do Colexio de Educación Infantil e Primaria O Coto, gañador este ano do Concurso de Cartaces que anuncia a programación navideña e felicita as festas de Nadal no noso concello.

A área de Deportes da Deputación da Coruña organiza, entre o 25 de xaneiro e mailo 25 de febreiro de 2019, viaxes á estación invernal de Cabeza de Manzaneda, na provincia de Ourense, de cara a fomentar a práctica do esquí entre os nenos e nenas, de entre os 11 e os 15 anos de idade dos municipios da provincia, e estarán repartidos en cinco quendas de catro días de duración cada unha.

Negreira participará na primeira quenda, do 25 ao 28 de xaneiro, xunto con A Baña, Ames ou Val do Dubra. As viaxes terán un custe de 85 euros e inclúen transporte, estadía de tres días en Cabeza de Manzaneda, clases de esquí, monitores, seguro, alugamento de material, remontes mecánicos e todo o gasto que ocasionen as actividades e cursos programados.

A inscrición pódese formalizar na Delegación de Cultura e Deportes ata o día 10 xaneiro, onde deben presentar a ficha de inscrición debidamente cuberta e asinada polos pais ou titores do solicitante

A ficha de inscrición e toda a información correspondente á Campaña de Esquí 2019 poderase descargar da páxina web da Deputación da Coruña www.dacoruna.gal/deportes

Trátase dun espectáculo con pompas de xabón para todos os públicos. Unha fantástica experiencia visual para participar toda a familia, este xoves día 3 de xaneiro, no Auditorio do Centro Sociocultural, a partir das 18:00 horas, dentro da programación de Nadal, e a cargo da compañía Malasombra producións dirixida polo actor Xoque Carbajal, a quen acompaña Jouse García.

O autor alicantino Luís Beviá, que percorreu medio mundo co seu universo xabonoso (Londres, Hong-Kong, México, Colombia, Perú, Cuba, Grecia ou Islandia, entre outros), dirixe a parte técnica deste espectáculo.

Dous operarios da limpeza do teatro, descobren por casualidade, as posibilidades que lles ofrecen as súas ferramentas de traballo combinadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas e burbullas.

O público sorprenderase e gozará con estas máxicas burbullas; pompas transparentes, con fume, con vapor, pequenas, grandes, estáticas ou voando polo escenario. O espectador camiñará da man destes dous personaxes por un mundo máxico, cheo de cor e de moito, moito humor, e verase sorprendido dentro dun patio de butacas repreto de milleiros de pompas de xabón.

A Asociación Deportiva Nicrariense (ADN), fixo entrega hoxe ao Concello de Negreira, da axuda solidaria recollida durante a celebración do segundo Torneo de Nadal, o pasado sábado 29 de decembro, nas instalacións do campo municipal de Cepelo.

Trátase de alimentos non percedeiros que foron doados aos Servizos Sociais Comunitarios para a súa posterior entrega entre as familias con menos recursos do concello, nun acto ao que asistiu o primeiro tenente de alcalde, Manuel Ángel Leis Míguez.

O primeiro Torneo de Nadal ¨Concello de Negreira¨, de xadrez, contou coa participación de xogadores de Negreira e de comarcas próximas, destacando a presenza de David Cernadas, campión galego Sub-12, de A Pobra do Caramiñal, ou Iago Fernández, campión galego Sub-10, de Noia, nun evento que estivo coordinado por Alberto Dios.

No torneo participaron máis de 30 xogadores, quedando como campión David Cernadas, ó facer pleno de 5 victorias. Seguirían a este no escalafón, Iago Fernández e Nicolás Amado.

En canto á clasificación por idades, compre dicir que o primeiro Sub-14 foi Miguel González, seguido de Pedro Varela e de Hugo Domínguez Conde. Finalmente, os premios locais recaeron como primeiro Sub-14 en Hugo Domínguez Búa; primeiro Sub-10 en Daniel Santomil e, primeiro Sub-8 para Xabier Tosar.

Os Reis Magos ultiman a súa chegada a Galicia e, en particular, de cara a participar na Cabalgata de Reis en Negreira durante a tarde do sábado 5 de xaneiro, acompañados polos paxes reais que este ano estrean traxe. O desfile arrincará ás 18:00 horas dende o Campo da Feira, coa recepción oficial na Casa do Concello, onde as súas Maxestades saudarán a tódolos nenos e nenas dende o balcón consistorial, sendo recibidos polo Alcalde.

Novidades

Este 2019 a Cabalgata de Reis contará cunha gran animación, a cargo de personaxes de Elfos e de Disney, de muñecos con luces, zancudos, os Xigantes de Liñaio, ademáis de dous vehículos con agasallos, gaiteiros e a Banda Municipal de Música.

Os Reis Magos pasearán por Negreira nas súas carrozas engalanadas. Está previsto que pasen pola Carreira de San Mauro, a avenida de Santiago, a rúa Fonte do Carme, Castelao, Rosalía de Castro, avenida das Brañas, Cachurra e a rúa do Carme. Trala recepción, continuarán o seu percorrido polo Camiño Velo e a rúa do Corzán, ata chegar ao pavillón do colexio do Coto. Durante o percorrido da Cabalgada, vaise a cortar ao tráfico as rúas afectadas, polo que prégase a colaboración veciñal. E diante da Casa do Concello, acotarase o espazo necesario sen aparcamento de coches.

A festa

Os nenos e as nenas que visiten aos Reis Magos durante a festa no pavillón escolar recibirán un agasallo e poderán entreterse cos personaxes de Disney, os Elfos e toda a animación participante na Cabalgada.

Informámos que a unidade móbil 7 de Inspección Técnica de Ciclomotores desplazarase ao concello de Negreira na seguinte data e ubicación:

- O 27 de febreiro. De 9:00 a 13:30 horas

- Ubicación: Campo da feira

Para solicitar cita previa:

- Por teléfono: 902 30 90 00

- A través da web: www.sycitv.com – Cita previa

A admisión de vehículos con características particulares estará condicionada á posibilidade de realizar as operación de inspección regulamentarias.

Unha vez rematada a fase de diagnose, a Deputación da Coruña ten o pracer de convidarvos aos foros propositivos e de priorización do proxecto ¨Compartimos Plan¨, na comarca de Barcala, este xoves día 10 de xaneiro, ás 9:00 horas, no Telecentro da Casa da Cultura.

Nestes foros analizaranse e priorizaranse as liñas de acción das futuras políticas de igualdade provinciais, polo que é moi importante a participación neste proxecto, xa que terá un importante impacto nas políticas de igualdade locais e comarcais, en canto orzamentos, servizos e recursos.

No afán de que Compartimos Plan sexa un proxecto dinámico, participativo e colaborativo, a este foro estades convidadas todas as persoas que podades ofrecer achegas no relativo ás políticas de igualdade e de prevención de violencia de xénero, polo que está aberto a persoal técnico, persoal político, tecido asociativo, centros educativos, corpos e forzas de seguridade, centros sanitarios, tecido empresarial, etc.

Para unha adecuada organización do foro, é importante que todas as persoas que asistan ao mesmo confirmen a súa asistencia pulsando na imaxe ou na web http://compartimosplan.com/

O Concello de Negreira informa que durante todo o presente mes de xaneiro, pódense solicitar as axudas municipais para as vacinas de meninxite B nos Servizos Sociais Comunitarios, na pranta baixa da Casa do Concello (rúa do Carme, 3), en horario de mañá.

Os beneficiarios serán menores de 18 anos daquelas familias en situación de precariedade económica e, a quenes o seu médico ou pediatra lles dispensara a citada vacina.

Para máis información: 981 885 381.