Este sábado celébrase o XXIII Trofeo de kárate «Vila de Negreira», a partir das 16:00 horas no Pavillón Municipal de Pedra Mámoa, promovido pola Asociación Deportiva O Coto, en colaboración co Concello de Negreira.

Na presente edición contarase con máis de 200 competidores con idades comprendidas entre os 4 e os 18 anos, pertencentes a 25 clubs de toda Galicia e da comunidade de Castela e León. A cita é coma sempre unha gran festa do kárate, con especial protagonismo para os máis novos, xa que son poucas as ocasións nas cales poden participar nun campionato de kárate.

Na pasada fin de semana desenvolveuse unha xornada dirixida a mulleres vítimas da violencia de xénero, os filloe e fillas destas e a calquera afectado pola lacra social deste tipo de violencia. As actividades comezaron o venres pola tarde, na que durante duas horas organizaronse obradoiros para os nenos/as, onde unha terapeuta ocupacional desenvolveu con eles traballos en artes plásticas.

Unha actividade desenvolvida e organizada polo Centro de Información da Muller (C.I.M.), do noso Concello e, promovida pola Secretaría de Igualdade da Xunta, na que o sábado abordouse cos nais, unha Xornada lúdico terapéutica e de convivencia.

Nesta edición participaron un total de 40 persoas entre uns e outros, nas que recibiron asesoramento e apoio psicolóxico, terapeuta e profesional, sendo escoitadas e informadas por José Ramón Rosales, da Policía Nacional, experto en temática da violencia de xénero e, por Natalia Vázquez Pita, terapeuta ocupacional, encargada dos máis pequenos.

Esta actividade contou coa participación das concelleiras de Muller e Igualdade, Mar García Vidal, e de Servizos Sociais e Educación, María Jesús Veiga Hortas, respeitivamente.

A Unidade Móbil 7 de inspección técnica de ciclomotores da empresa Supervisión e Control, S. A., achegarase a Negreira o próximo día 22 de febreiro (luns), de 9:00 a 13:30 horas, permanecendo instalada no Campo dá feira.

Para solicitar cita previa:

· Por teléfono: 902 30 90 30

· Na web: sycitv.com

O Concello de Negreira, grazas á inscrición do IES Xulián Magariños, vai participar no Club de debate por segundo ano consecutivo. Esta actividade de dinamización lingüística está promovida entre varios concellos de Galicia e pretende impulsar o uso oral do galego entre a mocidade e consolidar foros de discusión.

Trátase dunha competición deportiva na que o alumnado participante de 3º, 4º de ESO e 1º de Bacharelato defenderá, con argumentos, unha postura a favor e outra en contra sobre un tema controvertido, escollido con anterioridade.

O Club de debate constará de varias fases clasificatorias e dunha final. Antes hai que participar nunha xornada de formación. Para a zona de Ames, Negreira, Rois, Santiago e Teo, a formación será este xoves 28 de xaneiro no Pazo da Peregrina, en Bertamiráns (Ames), en horario de 9.30 a 13.30 horas. Con esta formación, na que debe participar cando menos algún membro de todos os equipos inscritos (Ames, Negreira e Teo), preténdese orientar a práctica das habilidades comunicativas.

O IES Xulián Magariños de Negreira vai participar nesta formación con dous equipos: un deles está composto por alumnado de 4º de ESO e preparado polo profesor Cipriano Núñez Rodríguez. O outro está formado por alumnado de 4º de ESO e de 1º de Bacharelato e preparado pola profesora María Blanco Crespo.

Negreira acollerá, o vindeiro 8 de abril, a fase de zona na que van participar os equipos mencionados na citada formación. Os participantes defenderán nun debate a postura a favor e noutro a postura en contra sobre un tema que os equipos coñecerán con antelación. Desta confrontación sairán os clasificados para a fase final que será, nesta edición, na cidade de Pontevedra.

O Concello de Negreira pechou onte un acordo unánime da Corporación municipal (Partido Socialista, Partido Popular e Cidadáns), para solicitar á Xunta de Galicia, a través da Consellería de Traballo, a concesión de dous obradoiros de emprego, así como un plan integral para o emprego, de maneira conxunta cos concellos de A Baña, Val do Dubra e Santa Comba, que sobre todo van centrados na formación de mozos.

O primeiro dos obradoiros vai enfocado aos mozos e mozas adscritos ó programa de Garantía Xuvenil, e entre as modalidades solicitadas está a de xardineiría e limpezas forestais. O seu promotor é o Concello de Santa Comba.

O segundo dos obradoiros sería promovido polo Concello de Val do Dubra, aínda que neste non participaría Santa Comba e non tería un perfil xuvenil, senón que estaría aberto a desempregados de calquera idade, a partir dos 18 anos.

Por último, e tamén por unanimidade, aprobouse unha ratificación do Decreto de Alcaldía nº 8/2016, do 15 de xaneiro, relativo ó Plan de Obras e Servizos (POS 2016), e maila aprobación, de bonificación na cota tributaria do ICIO nun 95% a favor da Asociación de veciños San Eutelo de Logrosa, polas obras de limpeza e melloras no interior da igrexa parroquial de Santa Baia.

David Palmas Mato, xogador do Santiago Futsal, equipo que leva unha década entre os máis grandes da que é considerada como a mellor Liga mundial, a Primeira División de Fútbol Sala, vai ser hoxe o padriño da V Gala do Deporte, a cal celébrase dende as 21:00 horas no Auditorio de Negreira, baixo a organización do Concello de Negreira.

Algo especial tiña que ter un mozo de 18 anos para que José Venancio o puxéseo a adestrar co primeiro equipo do desaparecido Lobelle de Santiago. Iso foi o que lle sucedeu en 2003 a David Palmas Mato (Santiago de Compostela, 08/03/1986), un dos abanderados da mellor fornada de xogadores que ata agora sacou a coidada canteira do club galego.

David Palmas despuntou nos equipos de base e no filial, superou o exame que supuxo a cesión por dúas tempadas en Bilbao, e tras curtirse na División de Prata, volveu á casa para participar activamente nos éxitos colleitados entre 2008 e 2012. Unha Copa de España, unha Supercopa e varias Copas Xunta de Galicia son o saldo dunha etapa inesquecible en canto a emocións e vivencias para o peche santiagués.

Tras tres campañas consecutivas no Ribera Navarra, a David Palmas tiroulle a morriña e na presente tempada regresou ao equipo da súa cidade, dado o interese do seu club de toda a vida porque David regresase para unha demarcación, a de peche, na que Palmas é un auténtico especialista.

Traxectoría:

Autos Lobelle de Santiago 2003/2004 - 2005/2006

GSI Bilbo 2006/2007 - 2007/2008

A. Lobelle de Santiago 2008/2009 - 2011/2012

Ríos Renovable Ribera Navarra 2012/2013 - 2014/2015

Santiago Futsal 2015/2016

Palmares:

1 Copa de España 2006

1 Supercopa de España 2010

3 Copas Xunta de Galicia 2006, 2009, 2010

1 Copa Galicia

O Auditorio de Negreira acolleu o pasado venres 29 a entrega dos quintos Premios do Deporte can esta edición recaeron no dobre campión galego de tiro en compak sporting, e en percorridos de caza, Daniel Cebreiro García, veciño da parroquia de Liñaio e, para o cal foi o galardón ao mellor deportista de Negreira no pasado 2015 que lle foi entregado polo concelleiro de Deportes, José Daniel Casal Leis.

En categoría promesa, o atleta Azzid Saidi, do Atletismo Negreira, sexto no Campionato de España en 1.000 metros lisos e subcampión galego, recolleu o premio de mans de María del Mar García Vidal, concelleira de Emprego, Muller, Agricultura e Medio Ambiente, no apartado masculino. No feminino, foi a karateca, Ildara García Ruíz, da Escola Akai-Ryu, a galardoada na categoría promesa. Ildara acadou o pasado ano, o subcampionato galego de kata alevín, rematando nos primeiros postos en diversos trofeos galegos e nacionais, ademáis de pertencer ó Plan de Tecnificación da Federación Galega de Kárate.

O galardón de mellor club recaeu na Sociedade Deportiva Negreira polo seu campionato de Liga en Preferente Norte, o seu ascenso a Terceira División e, o título de campión galego de fútbol afeccionado. Os capitáns Óscar Vidal e Ángelo Liñares, xunto aos seus compañeiros Juan Diego e Diego Vidal, mailo presidente, José Antonio Fraga, e o adestrador, José Manuel Pose, recolleron o premio de mans da concelleira de Educación e Servizos Sociais, María Jesús Veiga Hortas.

O padriño da gala foi nesta ocasión David Palmas, o xogador do Santiago Futsal, sendo ovacionado por un auditorio ateigado de público, dado que a súa traxectoria deportiva é un claro exemplo do esforzo desde a base ata chegar ao máis alto no fútbol sala profesional.

Durante a velada entregáronse tres recoñecementos: o de mellor traxectoria que recaeu no aventureiro e alpinista, Rubén Suárez Carballo, entregado polo concelleiro de Obras e Servizos, Manuel Ángel Leís Míguez; o de colaboración co deporte, á firma Autocares López que entregou o alcalde, Jorge Tuñas Caamaño e, o da entidade deportiva para o club Ciclista Negreira.

O concelleiro de Deportes, José Daniel Casal, felicitou aos deportistas polo seu esforzo e constancia, así como aos que posibilitan que o deporte en Negreira sexa unha dos acenos de identidade do noso municipio.

Actuacións 

Durante a gala non faltou o humor do cómico Pedro Brandariz, e mailo espectáculo de danza de Duelirium, quenes puxeron o toque artístico a unha gala pola que desfilaron as alumnas da escola municipal de ximnasia rítmica dirixidas por María Fernández, á vez que unha parodia en vídeo sobre o deporte, da man de Suárez e Suárez, sendo algúns dos momentos especiais da velada.

O Servizo Local de Emprego do Concello de Negreira promove o seu III Taller de búsqueda activa de emprego para mulleres, cuxas datas de celebración serán na semana do 15 ó 19 de febreiro, en horario de 9:00 a 14:00 horas. Está destinado preferentemente a mulleres desempregadas do noso concello.

As prazas son limitadas e haberá que inscribirse antes do día 12 de febreiro, no Servizo Local de Emprego, na primeira pranta da Casa do Concello (rúa do Carme, 3), ou ben chamando ó número de teléfono: 664 080 257.

Ademáis, a primeira participante en atopar emprego, unha vez rematado o taller, será recompensada cun incentivo relacionado co traballo.

A Asociación de veciños 3 de Maio, da parroquia de Santa Cruz de Campolongo, co seu presidente á fronte, José Freire, e mailo Concello de Negreira, co alcalde Jorge Tuñas Caamaño xunto aos concelleiros do Partido Popular, Juan Rey Maceira e de Cidadáns, José Manuel López Lago, respeitivamente, decidiron homenaxear conxuntamente a José Andrés Maneiro Nieto, cronista da parroquia de Campolongo, ao tempo que colaborador infatigable en cantas iniciativas desenvolveu a entidade veciñal, así como a título persoal dando a coñecer os recursos naturais e patrimoniais, costumes e maila tradición oral, grazas en boa medida as súas intervencións en Radio Negreira e, no programa Pensando en ti, da Radio Galega.

Dita homenaxe levouse a cabo este mércores 3 de febreiro, na súa casa de Couso de Abaixo, estando Maneiro arroupado pola súa dona, Hortensia, e mailos seus dous fillos, Sergio e Pepe. Tanto por parte da xunta directiva da Asociación de veciños 3 de Maio, quenes fixéronlle entrega dunha placa conmemorativa en agradecemento a súa colaboración desinteresada coa parroquia, coma por parte dos representantes dos tres partidos políticos da Corporación Municipal, en nome da cal entregáronlle unha figura dun hórreo de porcelana en agradecemento á súa labor e difusión de Negreira, todos coincidiron en loubar a súa sabiduría popular e maila humildade que de sempre caracterizou a Maneiro, quen tivo a honra de selo primeiro concelleiro que tivo a parroquia de Campolongo na democracia, despois de formar parte antes da antiga Cámara Agraria.

José Maneiro, animou a tódolos presentes no acto, a seguir traballando a reo polo concello de Negreira, defendendo e recuperando o seu patrimonio, ao tempo que pedíulles aos responsables municipais, que teñan a ben recupéralo muiño do río Donas no que tanto empeño puso para a súa conservación.

Entrevista en Radio Negreira

Por mor do mal tempo, debido a que foi activada a alerta amarela por fortes choivas e ventos, con acumulados de até 40 litros por metro cadrado en todo o Suroeste da provincia de A Coruña, dende as 12:00 horas do sábado 7 de febreiro, o Concello de Negreira tomou hoxe a decisión de suspendélo Desfile de carrozas e comparsas, acto principal das festas do Entroido no noso concello, fixado para a tarde deste sábado.

A nova data de celebración vai selo sábado día 20 de febreiro, a partir das 17:00 horas, con saída dende o Campo dá feira.

Manténse o programa de actos previsto para hoxe venres, no que haberá un baile de disfraces amenizado coa actuación do grupo Montreal, a partir das 23:00 horas, na Praza do Concello, baixo carpa.

Asemesmo, os nenos enenas da Escola Infantil Municipal desfilaron esta mañá polas rúas da vila, sendo recibidos na Casa do Concello, polo alcalde, Jorge Tuñas Caamaño.