Faise pública a listaxe definitiva de persoas admitidas no Campamento Urbano Respira 2026, a cal se atopa dispoñible para a súa consulta no documento adxunto.

As familias adxudicatarias deberán proceder á formalización do pagamento e á presentación do preceptivo xustificante a través do Rexistro Xeral do Concello ou por medio da Sede Electrónica antes do 22 de xuño.

Entidades bancarias habilitadas:
•    Banco Sabadell: ES15 0081 2153 2400 0104 6411
•    Banco Santander: ES42 0238 8191 8806 6000 0870

Concepto de obrigado cumprimento: No documento de ingreso deberase especificar, o vindeiro texto:

Nome e apelidos da persoa participante seguido da expresión “Campamento Respira”.

O Concello de Negreira abre do 16 ao 29 de xuño o prazo de inscrición para o programa Negreira Concilia, nos servizos de Madrugadores e Merendas, que se desenvolverán nas instalacións do CEIP O Coto durante o vindeiro curso escolar. As prazas son limitadas.

O obxectivo deste programa é facilitar a conciliación da vida familiar e laboral das familias do municipio, ofrecendo un servizo de atención e coidado aos menores nun contorno seguro e adaptado ás súas necesidades. 

Os servizos de Madrugadores e Merendas están dirixidos a menores con idades comprendidas entre os 3 e os 12 anos.

Para poder acceder a estes servizos, é requisito indispensable que os menores estean matriculados no CEIP O Coto de Negreira.

Negreira Concilia Madrugadores
Prestarase de luns a venres, en días lectivos, durante o período escolar, no CEIP O Coto. O horario abranguerá desde as 7:30 horas ata o inicio das clases.

Negreira Concilia Merendas
Prestarase de luns a venres, en días lectivos, durante o período escolar, no CEIP O Coto. Consiste na ampliación do horario de saída do centro escolar tras o servizo de comedor en tres horas durante o período lectivo, de setembro a xuño.

Requisitos de acceso ao servizo
•    Familias empadroadas no Concello de Negreira.
•    Familias nas que ambos os proxenitores ou titores legais estean traballando ou en situación de busca activa de emprego ou formación laboral.
•    No caso dos servizos de Madrugadores e Merendas, poderán acceder a eles aquelas nenas e nenos que estean matriculados no CEIP O Coto.

Solicitudes
A solicitude de admisión tramitarase, preferiblemente, a través da sede electrónica (24 horas) ou no Rexistro do Concello (de 9:00 a 14:00 horas), xunto coa seguinte documentación complementaria:
•    Modelo normalizado de ficha de inscrición.
•    Libro de familia, sentenza ou resolución administrativa que acredite a relación xurídica entre ambos os proxenitores.
•    Xustificante da situación laboral (certificado de empresa, último recibo de autónomos e, no caso de persoas desempregadas, certificado de demandante de emprego).
•    Xustificante da necesidade do servizo por incompatibilidade horaria (certificado de empresa que acredite o horario laboral; certificado de demandante de emprego xunto co xustificante de realizar unha busca activa de emprego; ou xustificante de asistencia a accións oficiais de formación para o emprego coincidentes co horario de desenvolvemento dos programas ofertados na presente ordenanza).

O persoal técnico responsable do servizo, unha vez analizadas e aceptadas as solicitudes, publicará unha listaxe provisional para requirir a documentación complementaria ou adicional que sexa necesaria.

No caso de que as solicitudes superen o número de prazas ofertadas e todas cumpran os criterios establecidos, realizarase unha selección das familias por orde de inscrición.

Criterios de adxudicación das prazas
1.º Familias que acheguen informe social que indique a necesidade do servizo con base en circunstancias socioeconómicas e familiares.
2.º Familias con fillas ou fillos de mulleres vítimas da violencia de xénero (con acreditación).
3.º Familias monoparentais (con acreditación).
4.º Familias con menores en réxime de acollemento (con acreditación).
5.º Familias numerosas (con acreditación).
6.º Familias nas que os proxenitores, ou algún deles, teñan recoñecido un grao III de dependencia, debendo acreditar esta circunstancia mediante informe dos Servizos Sociais que indique a necesidade do servizo.
7.º Familias nas que algún dos proxenitores desenvolva o seu posto de traballo como empregado público no Concello de Negreira.

Tarifas
As tarifas dos prezos públicos aparecen recollidas na Ordenanza reguladora do prezo público do Programa Concilia 2026 do Concello de Negreira (BOP do 21 de maio de 2026, núm. 94) e serán as seguintes:

MADRUGADORES
•    1,20 € por hora.
•    Admitirase a utilización deste servizo por quincenas, se o límite de prazas así o permite, tendo prioridade a modalidade mensual.

MERENDAS
•    1,20 € por hora.
•    Admitirase a utilización deste servizo por quincenas, se o límite de prazas así o permite, tendo prioridade a modalidade mensual.

Reducións da cota
a) Redución por causas sociais acreditadas mediante informe social do departamento de Servizos Sociais.
b) Redución por irmáns: cando asistan ao mesmo servizo varios irmáns de xeito simultáneo, o segundo irmán e os sucesivos terán un desconto do 50 %.
A obriga de pagamento dos prezos regulados nace desde o inicio da prestación dos distintos servizos. As persoas usuarias deberán efectuar o pagamento ao Concello unha vez admitidas no servizo correspondente.

O Concello de Negreira, no marco das actividades de ecoturismo "Experiencias 2026: Gastronomía, Benestar e Tradición", organiza este domingo 14 de xuño a xornada gratuíta «Música e Tradición no Camiño». 

A cita arrincará ás 10:30 horas desde a Capela de San Brais, en Ponte Maceira, dando inicio a unha ruta guiada a pé de 3,5 quilómetros que conectará esta emblemática paisaxe co histórico Pazo do Cotón. Durante o percorrido, as persoas participantes poderán mergullarse na historia e na cultura local da man dun guía de turismo profesional nunha experiencia deseñada para desconectar e gozar da natureza en pleno corazón das Terras de Santiago.

O gran atractivo do itinerario será a fusión entre o patrimonio natural e a música en directo, grazas ás intervencións musicais da prestixiosa soprano Esperanza Mara. A artista ofrecerá microconcertos en tres paradas clave do camiño: o punto de saída en Ponte Maceira, A Chancela e a Capela de San Mauro. 

Aínda que a actividade é totalmente de balde, as prazas son limitadas, polo que é imprescindible realizar unha reserva previa a través do código QR de inscrición habilitado no cartel oficial do evento ou no seguinte enlace: https://da.gd/0pooBg
 

O Concello de Negreira publica a listaxe provisional de admitidos e excluídos no Campamento Urbano Respira 2026. As persoas admitidas deberán aboar a cota correspondente á quenda solicitada, conforme ás tarifas establecidas na Ordenanza reguladora do prezo público do Programa Concilia 2026 do Concello de Negreira (BOP nº 94, do 21 de maio de 2026).

Tarifas por quendas

1ª quenda (6 días): 42 €
2ª quenda (10 días): 70 €
3ª quenda (12 días): 84 €
4ª quenda (10 días): 70 €
5ª quenda (11 días): 77 €
6ª quenda (6 días, ata o 8 de setembro): 42 €

Reducións aplicables

As reducións previstas son as seguintes:

Redución por causas sociais, acreditadas mediante informe social emitido polo Departamento de Servizos Sociais.
Redución por irmáns: cando varios irmáns asistan simultaneamente ao mesmo servizo, o segundo irmán e os sucesivos terán unha bonificación do 50 % da cota.

Contas bancarias para o pagamento

O ingreso poderá realizarse en calquera das seguintes contas:

Banco Sabadell
ES15 0081 2153 2400 0104 6411

Banco Santander
ES42 0238 8191 8806 6000 0870

Presentación do xustificante de pagamento

Unha vez efectuado o ingreso, será necesario presentar o resgardo de pagamento a través do Rexistro Xeral do Concello de Negreira ou da Sede Electrónica municipal, co fin de incorporalo ao expediente correspondente.

No concepto da transferencia recoméndase indicar o nome e apelidos da persoa participante e a quenda para a que realiza o pagamento.

Para calquera aclaración ou información adicional, as persoas interesadas poden dirixirse aos servizos municipais.
 

O Concello de Negreira abriu o procedemento para a presentación da declaración responsable para a realización das tradicionais cacharelas na tarde e noite do vindeiro 23 de xuño de 2026. As persoas interesadas teñen de prazo para tramitar a súa solicitude ata o 19 de xuño. 

A tramitación pódese facer por vía presencial, no Rexistro Xeral do Concello (Rúa do Carmen, 3 baixo), ou mediante a sede electrónica a través da web institucional: www.concellodenegreira.gal. 

Normas e medidas de seguridade obrigatorias:

• Dimensións do lume: En zona urbana, o volume de combustible da cacharela non sobrepasará os 3 metros de perímetro nin 1 metro de altura. En zona rural, non poderá exceder os 5 metros de perímetro/diámetro nin os 3 metros de altura. 
• Distancias mínimas: Débese manter unha separación de polo menos 12 metros entre as cacharelas e os edificios, árbores, vehículos e mobiliario urbano (excepto no casco urbano). Está prohibido situalas baixo tendidos eléctricos ou telefónicos, en zonas de dominio público ou preto de locais con produtos inflamables. 
• Protección do chan: No caso de que a fogueira se realice sobre terreos de uso público de lousa, os organizadores teñen a obriga de protexer o pavimento cunha capa de area de, como mínimo, 10 centímetros. 
• Materiais prohibidos: Queda totalmente prohibida a queima de pneumáticos, plásticos, escumas de poliuretano, aceites ou calquera substancia que desprenda fume tóxico. Tampouco se poderán botar ao lume recipientes con líquidos inflamables ou gases a presión (sprays), nin queimar restos domésticos, agrícolas ou forestais. 
• Control e limpeza: Deberá haber sempre xente ao lado do lume con auga suficiente para a súa extinción. Antes de abandonar o lugar, as cinzas teñen que quedar totalmente apagadas e todos os restos deberanse retirar nun prazo máximo de 48 horas, deixando o espazo limpo. 

Ante calquera incidencia, a organización debe coñecer os números de teléfono directos dos Bombeiros (080 ou 085) e de Emerxencias (112). 
 

O departamento municipal de Servizos Sociais informa da apertura do prazo para solicitar a participación na convocatoria do programa de Benestar en Balnearios 2026 da Xunta de Galicia. Este programa ofrece estadías de 10 días e 9 noites en réxime de pensión completa en balnearios de Galicia, desde o 15 de xullo ata o 31 de decembro de 2026. 

A quen vai dirixido

O programa está dirixido a persoas de 60 anos ou máis, o ben de 55 anos ou máis que posúan a condición de pensionista do sistema da Seguridade Social. As persoas solicitantes poderán ir acompañadas do seu conxuxe ou parella de feito , dun fillo ou filla cun grao de discapacidade igual o superior ao 33% (que poida acudir sen apoio de terceira persoa e se desprace con autonomía), ou de calquera outra persoa coa que desexen participar que cumpra integramente os requisitos. 

Prazo de inscrición

O prazo de inscrición permanece aberto desde o 27 de maio ata o 26 de xuño de 2026. 

Onde se solicita a praza

Preferentemente a través da sede electrónica da Xunta de Galicia (procedemento BS607A): sede.xunta.gal. Tamén se pode solicitar presencialmente en calquera rexistro oficial presentando o impreso de solicitude e a documentación correspondente, que se pode consultar e descargar na sede electrónica ou na web: politicasocial.xunta.gal. 

Para máis información, as persoas interesadas poden contactar cos Servizos Sociais do Concello de Negreira.

O Concello de Negreira abre desde este martes, 26 de maio, e ata o 1 de xuño, o prazo de inscrición para o seu campamento de verán, o Campamento Urbano Respira, que se desenvolverá nas instalacións do CEIP O Coto e está dirixido a familias con menores de 4 a 12 anos. As prazas son limitadas.

O campamento levará a cabo actividades de coidado, ocio e tempo libre e atención lúdico-educativa durante as vacacións de verán, desde o remate do curso escolar ata o inicio do seguinte curso.

Desenvolverase en 6 quendas durante os meses de xuño, xullo, agosto e setembro, en horario de 8:00 a 15:00 horas, e serán as seguintes:

• 1ª quenda: Desde o remate do curso escolar ata o 30 de xuño.
• 2ª quenda: Desde o 1 ao 15 de xullo.
• 3ª quenda: Desde o 16 ao 31 de xullo.
• 4ª quenda: Desde o 1 ao 15 de agosto.
• 5ª quenda: Desde o 16 ao 31 de agosto.
• 6ª quenda: Desde o 1 de setembro ata o comezo do curso escolar.

Os requisitos de acceso ao servizo son:

1. Familias empadroadas no Concello de Negreira.
2. Familias nas que ambos proxenitores ou titores legais estean traballando ou en situación de busca activa de emprego ou formación laboral.

A solicitude de admisión será tramitada PREFERIBLEMENTE na sede electrónica (24 h) ou no Rexistro do Concello (de 9:00 a 14:00 h), xunto coa documentación complementaria, que será a seguinte:

• Modelo normalizado de ficha de inscrición.
• Libro de familia, sentenza ou resolución administrativa que acredite a relación xurídica entre ambos proxenitores.
• Xustificante da situación de emprego (certificado de empresa, pagamento do último recibo de autónomos e, no caso de desempregados, certificado de demandante de emprego).
• Xustificante da necesidade do servizo por incompatibilidade horaria (certificado de empresa que acredite o horario laboral, certificado de demandante de emprego xunto co xustificante de realizar unha busca activa de emprego e xustificante de asistencia a accións oficiais de formación para o emprego coincidentes co horario de desenvolvemento dos programas ofertados na presente ordenanza).

O persoal técnico responsable do servizo, unha vez analizadas e aceptadas as solicitudes, publicará unha listaxe provisional para requirir a documentación complementaria ou adicional que se precise.

No caso de que as solicitudes superen o número de prazas ofertadas, e todas cumpran previamente os criterios sinalados, realizarase unha selección das familias por orde de inscrición.

Para a adxudicación das prazas terase en conta a orde dos seguintes criterios:

• 1º criterio.- Familias que acheguen informe social que indique a necesidade do servizo en base a circunstancias socioeconómicas e familiares.
• 2º criterio.- Familias con fillas/os de mulleres vítimas da violencia de xénero (con acreditación).
• 3º criterio.- Familias monoparentais (con acreditación).
• 4º criterio.- Familias con menores en réxime de acollida (con acreditación).
• 5º criterio.- Familias numerosas (con acreditación).
• 6º criterio.- Familias nas que os proxenitores ou algún deles teñan acreditado un grao de dependencia III, debendo acreditar dita circunstancia cun informe de Servizos Sociais que indique a necesidade do servizo.
• 7º criterio.- Familias nas que algún/ha dos/das proxenitores/as desenvolva o seu posto de traballo como empregado/a público/a na Administración local do Concello de Negreira.

As tarifas dos prezos públicos aparecen recollidas na Ordenanza reguladora do prezo público do Programa Concilia 2026 do Concello de Negreira (BOP do 21 de maio de 2026, núm. 94) e serán as seguintes:

CAMPAMENTO RESPIRA: 1,00 € por hora.

• 1ª quenda, 6 días: 42 €
• 2ª quenda, 10 días: 70 €
• 3ª quenda, 12 días: 84 €
• 4ª quenda, 10 días: 70 €
• 5ª quenda, 11 días: 77 €
• 6ª quenda, 6 días (ata o 8 de setembro): 42 €

As reducións na cota serán as seguintes:

a) Redución por causas sociais acreditadas mediante informe social do departamento de Servizos Sociais.

b) Redución por irmáns: cando asistan ao mesmo servizo varios irmáns de xeito simultáneo, o segundo irmán e sucesivos terán un desconto do 50 %.

A obriga de pagamento dos prezos regulados nace desde que se inicie a prestación dos distintos servizos. O usuario deberá facer o pagamento ao Concello unha vez admitido no servizo correspondente.

O Concello de Negreira anuncia a apertura do proceso de selección para a contratación de seis (6) operarios que integrarán a brigada forestal municipal. Esta iniciativa enmárcase dentro das actuacións de protección do entorno natural e o cumprimento da normativa autonómica en materia de defensa contra o lume.

A data límite para anotarse na Oficina de Emprego é o 19 de maio de 2026.

Detalles da convocatoria

A selección realizarase entre os demandantes de emprego que cumpran os seguintes requisitos e condicións:

• Perfil: Persoas desempregadas inscritas na Oficina de Emprego Santiago Norte.
• Código de Ocupación: 64101051 (Traballadores forestais en xeral).
• Condicións laborais: Contrato de 9 meses de duración a xornada completa.

Para obter todos os detalles técnicos, requisitos específicos e a normativa completa deste proceso selectivo, pódese consultar o documento adxunto no que se atopa toda a información oficial referente á convocatoria, sistema de puntuación e os modelos de solicitude. 

Negreira contará cunha nova senda peonil na subida entre o cruzamento da Barquiña e mailo alto da Chancela, e vai ser  construida pola Xunta de Galicia. A listaxe de expropiacións xa foi publicada no Diario Oficial de Galicia, do martes 5 de maio. 

Os primeiros 150 metros van dende o cruzamento da estrada AC-447 pola marxe esquerda, cun ancho de 1,80 metros para minimizar afeccións en parcelas privadas, posto que son terreos de solo urbano en núcleo rural sen edificar. O estudo técnico di que na marxe dereita non é viable por existir edificacións e muros de contención de formigón. E ao final deste primeiro treito da senda cruza un afluente do río Tambre, cuxo paso debe ser ampliado, segundo o estudo técnico. 

O cambio de marxe sitúase nun punto de boa visibilidade. A senda transcorrerá pola marxe dereita en sentido subida por Cepelo. Vai sela zona que colla máis terreos privados e onde se concentran a totalidade de expropiados pola Xunta. 

Turismo de Galicia aposta por unha beirarrúa en «formigón desactivado co terriza, con beirado estético prefabricado e franxa vexetal de 50 centímetros», pero únicamente, no treito en curva de subida ata superar o peche da parcela de Irmáns Mallón. 

A partir de aí, volve ser unha senda segregada de xabre-cemento, con ancho de 2,30 metros, adentrándose na zona boscosa de subida por Cepelo ata chegar ao cruzamento do alto da Chancela, onde se prevé o lousado do punto de paso para garantir a continuidade perceptiva do Camiño de Fisterra e Muxía. 

Vaise ter en conta neste último tramo, ás árbores autóctonas –polo que haberá estreitamentos da senda-, de diámetro maior de 20 centímetros.  

DOGA: 05/05/2026 coa relación individual de bens, dereitos e propietarios afectados polo referido proxecto. 

Na web da Axencia de Turismo de Galicia pódese acceder ao procedemento para consultar a información.

O alcalde, Manuel Ángel Leis Míguez e a primeira tenente de alcalde, Teresa Duro Leis, recibiron no Salón de Plenos da Casa do Concello a un grupo de mozos e mozas, estudantes de 3º e 4º de Secundaria, pertencentes ó instituto Xulián Magariños e participantes no programa “Coñece o teu Concello”. 

O alcalde explicou aos participantes que o obxectivo é achegar o funcionamento da administración municipal, a importancia do traballo que se realiza todos os días desde o Concello para garantir a prestación de servizos esenciais e, atender ás persoas con necesidades, así como promover a cultura e o deporte.