Subvencións PEL da Deputación da Coruña- Aberto o prazo de solicitude
A Deputación da Coruña, no marco do Plan de Emprego Local, ven de convocar as axudas PEL 2025 coas seguintes liñas:
- LIÑA PEL-EMPRENDE INVESTIMENTO: Subvencións para a consolidación e ao fortalecemento do tecido empresarial nos concellos da provincia da Coruña de menos de 10.000 habitantes a través do apoio ao investimento en bens inventariables.
- LIÑA PEL-AUTONOM@S: Subvencións ao fomento do emprendemento e ao traballo por conta propia nos municipios da provincia da Coruña de menos de 10.000 habitantes.
- LIÑA PEL-PEMES CREACIÓN E AMPLIACIÓN: Subvencións á creación e ampliación do cadro de persoal de pequenas, medianas empresas e microempresas en concellos de menos de 20.000 habitantes
- LIÑA PEL-PEMES MANTEMENTO: Subvencións para o mantemento da contratación en pequenas, medianas empresas e microempresas beneficiarias das axudas Pemes Creación e ampliación do ano 2024
As bases das axudas PEL 2025 poden consultarse no Boletín Oficial da Provincia nº 28 de 11/02/2025 ou premendo na seguinte ligazón:
https://bop.dacoruna.gal/bopportal/cambioBoletin.do?fechaInput=11/02/2025
ABERTO O PRAZO DE PRESENTACIÓN DE SOLICITUDES DESDE O 17 DE FEBREIRO ÁS 9:00 HORAS ATA O 17 DE MARZO DE 2025 ÁS 14:00 HORAS.
As solicitudes presentaranse de xeito telemático, a través da plataforma SUBTeL, que se pode atopar na páxina web da Deputación da Coruña (https://www.dacoruna.gal/subvencions/)
Lembrámoslle que na web pel.gal pode consultar a información actualizada do Plan de Emprego Local así como o documento preguntas frecuentes referido ás bases.
Estamos a súa disposición para calquera dúbida, aclaración ou consulta.