As rúas non son vertedoiros

Queremos facer un chamamento ao civismo e á responsabilidade de todxs.

Nos últimos tempos estamos a detectar un aumento da aparición de residuos, electrodomésticos e todo tipo de enseres abandonados na vía pública por parte dalgúns veciños e veciñas. Estas prácticas, ademais de deteriorar a imaxe do noso pobo, prexudican a convivencia e obrigan a empregar recursos públicos para retirar residuos que nunca deberían acabar na rúa.

Manter limpo o espazo público é responsabilidade de todxs. O Concello debe garantir os servizos de limpeza e recollida, pero a veciñanza, ten a responsabilidade de facer un uso correcto deles.

E alternativas hai:

• Punto Limpo no polígono de Covas
• Servizo municipal de recollida de enseres

HORARIOS PUNTO LIMPO

Luns a xoves, de 10 a 14 horas

Venres de 10 a 14 e 16 a 20.30 horas

Sábados de 10 a 14 horas

Non hai necesidade de abandonar residuos na rúa. Se algo xa non nos serve, hai formas adecuadas de desfacerse del. Precisamos da colaboración de toda a veciñanza.

Coidar o concello é cousa de todxs