A postal de Ana Lema é a imaxe da felicitación de Nadal
A postal realizada por Ana Lema García, alumna de seis anos de Educación Primaria no CEIP O Coto, foi elixida como imaxe da felicitación institucional de Nadal do Concello de Negreira. Así o decidiu o xurado do Concurso de Postais de Nadal 2025 e lévase un premio dun vale agasallo de 100€ para gastar no comercio local e cuxa entrega tivo lugar durante o Mercado de Nadal.
O concurso recoñece as creacións do alumnado de Educación Infantil e Primaria dos centros educativos do concello.