A Corporación Municipal de Negreira celebra sesión que terá lugar, con carácter extraordinario o próximo mércores, día 9 de febreiro de 2022 ás 20:00 horas no Salón de Plenos da Casa do Concello, conforme á seguinte Orde do día:

 

1º.- Plan provincial de cooperación ás obras e servizos de competencia municipal (Plan Único de Concellos) “POS+ 2022”

 

2º.- Plan provincial de cooperación ás obras e servizos de competencia municipal (Plan Único de Concellos) “POS+ ADICIONAL 1/2022 Gasto social extraordinario”.

Attachments:
Download this file (Convocatoria Pleno.pdf)Convocatoria Pleno.pdf
powered by social2s

A Xunta de Galicia ven de abrir o prazo para solicitar as axudas á rehabilitación de vivendas nos concellos que se localizan na Área de Rehabilitación Integral (ARI) dos Camiños de Santiago, que poderán optar a unha subvención de ata 25.000 euros por inmoble.

 

Este programa de incentivos beneficia á veciñanza dos 126 concellos que se integran nunha das nove rutas desta área supramunicipal e, está dotado dun orzamento de 725.722 euros.
As actuacións subvencionables son as obras de mantemento a fin de adecuar os edificios á normativa vixente, aquelas coas que se mellore a eficiencia enerxética das vivendas, así como as que adapten as condicións de accesibilidade.

 

O prazo vai a estar aberto ata o día 30 de setembro.

 

Consulta as bases e formularios da solicitude:
https://www.xunta.gal/.../AnuncioC3Q2-231221-0001_gl.html 

powered by social2s

fibra-optica-neutra-negreira.png


A fibra óptica neutral galega chega a Negreira no mes de febreiro con importantes vantaxes para usuari@s de datos e telefonía, grazas ao despregamento dunha rede ultrarrápida de fibra óptica. Segundo adiantou a empresa promotora deste proxecto, Rede Aberta, nunha primeira fase a rede estáse despregando na vila e xa chega nestes momentos ó 50% do núcleo urbano, para en fases posteriores continuar polo rural.


Rede Aberta é un proveedor de solucións e un operador neutro de telecomunicacións galego, cunha rede aberta a todos os operadores que ofrece tecnoloxía punta e servizo de alta calidade. O seu director xeral, Pere Antentas, aludía ás vantaxes desta rede durante a presentación na Casa do Concello en canto a que dixo: “hai ventajas muy claras, ya que hai operadores pequeños que antes no tenían entrada, sobre todo autónomos, que pueden utilizar sus servicios con nuestra red.

Qué beneficios ofrece? Pues da oportunidades de negocio en concellos donde haya una persona que tenga dotes comerciales y otra que tenga dotes de informático, porque está red neutra va equipada con electrónica con lo que no tienes que ser un ingeniero de telecomunicaciones o un ingeniero informático para ser operador de telecomunicaciones”, afirmou Pere Antentas.


Tamén ofreceuse a buscar solucións para aquelas aldeas que teñan máis dificultades para o acceso a Internet, e lembrou que existe unha liña de subvencións da Amtega precisamente para facilitar o acceso ás novas redes ultrarrápidas para profesionais como explotacións gandeiras, aloxamentos ou empresas no rural.


fibra-optica-neutra-negreira-FOTO2.png

 

E ao mesmo tempo que Rede Aberta traballa no despregamento na vila de Negreira, para o cal sinalou Tania Fraga Cores, coordinadora do proxecto, agardan empezar a dar servizo a mediados de febreiro; tamén están continuando cara A Baña para despregar fibra óptica polos lugares que atravesan, ata chegar a Santa Comba.


Pola súa banda, o alcalde de Negreira, Manuel Ángel Leis Míguez, congratulábase deste proxecto e sinalou “é vital de necesidade para moitos negocios e particulares, pois tíñamos unha necesidade imperiosa de contar con este servizo fundamental”, ao tempo que agradeceu o rápido despregue realizado por Rede Aberta.


Podes obter maior información do servizo en: www.redeaberta.gal ou no enderezo electrónico: Este enderezo de correo está a ser protexido dos robots de correo lixo. Precisa activar o JavaScript para velo. ou chamando ó número de teléfono: 881 505 114.

powered by social2s

Imaxe.jpg

O Concello de Negreira organiza unha festa de Entroido segura ao aire libre, despois de que a Consellería de Sanidade publicara o protocolo para os eventos festivos nestas datas tan sinaladas en Galicia, autorizando a celebración de desfiles. 

 

O tradicional desfile de carrozas e comparsas do sábado de Entroido e, o concurso infantil de disfraces do luns de Entroido, serán os dous actos principais para recuperar unha das nosas celebracións con maior arraigo e referencia na provincia de A Coruña e en Galicia.  

 

O sábado, día 26 de febreiro, as actividades comezarán ás 16:00 horas coa concentración dos participantes no Campo da Feira. E ás 17:00 horas, comezará o desfile a través da Carreira de San Mauro. Ás 20:00 horas terá lugar a entrega de premios coa presenza dos humoristas: Tonhito de Poi e Alberto Piñeiro, así como a actuación dun dúo musical na praza do Concello.

 

CONCURSO DE CARROZAS E COMPARSAS

 

CARROZAS              COMPARSAS           IND./PARELLAS                  GRUPOS
  1º  1.000 €                1º  1000 €                   1º    100 €                               1º  200 €
  2º     500 €                2º    500 €                   2º     80 €                                2º  150 €
  3º     200 €                3º    200 €                   3º    50 €                                 3º  100 €
  4º     100 €                4º    100 €   

 1º accésit 60 €      1º accésit 60 €        

2º accésit 60 €      2º accésit 60 €        


- Premio simpatía “JUAN VARELA AREOSO”:  60 €

- O concurso de disfraces infantil contará con dúas categorías, nenos/as de 1 a 6 anos e, nenos/as de 7 a 16 anos.


PREMIOS

GRUPO A (1 a 6 anos)

1º  Cheque regalo (valor 150 €).

2º  Lote Xogos Didácticos. 

3º  Lote libro.

GRUPO B (7 a 16 anos)

1º  Cheque regalo (valor 150 €).

2º  Tablet. 

3º  Reloxo intelixente.

powered by social2s

O alcalde de Negreira, Manuel Ángel Leis Míguez, considera “prioritaria”, a construcción dun novo centro de saúde polo que demandou á Xunta de Galicia que “mentres non se faga, solucione os graves problemas que temos na atención primaria”, segundo reiterou o rexedor. Ángel Leis, acompañado por un técnico municipal, mantiveron unha reunión co conselleiro de Sanidade, Julio García Comesaña; o delegado territorial da Xunta na Coruña, Gonzalo Trenor, e a xerente do Sergas en Santiago e Barbanza, Eloína Núñez, para trasladarlles “as graves deficiencias que ten o servizo de atención primaria do centro de saúde, así como o PAC de Urxencias”.

 

“Os nosos veciños e veciñas coñecen de primeira man os problemas que temos, moitos deles de difícil solución pola falta de espazo físico no centro de saúde”, explicou o alcalde. Así, cita “falta unha enfermeira adxuntado servizo de pediatría por falta dun despacho, a matrona realiza as súas consultas nas dependencias do PAC de Urxencias e as nosas veciñas teñen que trasladarse ata o municipio de Brión, onde esta mesma matrona tamén consulta, para realizar a preparación do parto por non ter unha sala adecuada aquí”, sinalou.

 

O alcalde de Negreira asegura que tamén cóntase cunha traballadora social que comezou hai uns meses a prestar o servizo, durante tres días a semana e que tamén ten que realizar a consulta no PAC, tendo que marchar media hora antes para realizar a limpeza e traballos de desinfección antes de que chegue o persoal do PAC, polo que Ángel Leis lamenta este feito.

 

“A todo iso temos que engadir que a nosa sala de analíticas tamén se ubicou nesa zona de urxencias, co que o final está todo moi saturado, sen olvidar que en plena pandemia as salas de espera do centro de saúde son común para todos os servizos da atención primaria, interiores e prácticamente sen ventilación”, asevera Manuel Ángel Leis Míguez.

 

Alternativas técnicas

 

O conselleiro de Sanidade, Julio García Comesaña explicoulle no encontro que non tiñan contemplado este centro de saúde como prioritario para realizar melloras, pero que intentaría estudar posibles alternativas técnicas para atopar solucións. O técnico municipal que acompañou ao alcalde, manifestou que era “prácticamente imposible atopar solucións na actual ubicación pola ocupación da construción na propia parcela, e que dentro do propio centro non existe forma de modificar nin adaptar nada,xa que non cumpriría cos espazos mínimos esixidos e necesarios”.

 

Dende o Concello de Negreira ofreceuse toda a colaboración posible, poñendo incluso a disposición da Xunta posibles terreos para a construcción dun novo edificio, como xa fixeron noutros concellos limítrofes, e tentando buscar unha solución o máis efectiva posible para moito tempo.

 

O alcalde entregoulles unha memoria con planos e infografías e un estudo de detalle da nova construcción “coas necesidades que debíamos de cubrir, xa que o noso centro recibe usuarios de Negreira, A Baña e incluso Brión”. “Os servizos que podería albergar o novo centro son fisioterapia e rehabilitación, e un espazo de saúde mental con psicólogo, psiquiatra e traballadora social para o tratamento da depresión, adicións, intentos de suicidio e outros trastornos que necesitan dun apoio psicolóxico”, apuntou Leis Míguez.

 

“No noso concello tamén somos coñecedores da gran problemática que temos coa elevada detección de casos na Unidade de Atención Temperá, que realiza unha gran labor cos diferentes trastornos do desenvolvemento ou dificultades transitorias; un servizomoi beneficioso para as familias xa que non teñen que desplazarse a outros centros especializados para tratar os seus fillos”, engadiu.

 

Por último, o alcalde tamén lembroulle á Xunta que o Concello asume cada ano 70.000 euros “entre persoal de limpeza do centro de saúde, electricidade, gasoil de calefacción, materiais de limpeza e desinfección, e gastos de mantemento das instalacións”. O alcalde obtivo o compromiso de que a Consellería de Sanidade visitará o centro cos propios técnicos para valorar posibles alternativas, aínda que Leis Miguez recalcou que “a prioridade sería a construcción dun novo centro de saúde”.

powered by social2s