Durante un mes diversas compañias afeccioadas e profesionais presenta as súas propostas teatrais. A Escola municipal de Teatro ten un lugar destacado neste ciclo.

Con motivo desta tradicional festa , o departamento de Cultura e, organiza un programa de actos que inclúe diversas actividades co obxectivo de promover unha das festas tradicionais mais importantes da comarca.

O programa variado, para todas as idades, inclúe o venres de Entroido, o desfile de Carrozas e Comparsas, o desfile infantil e o desfile de terceira idade.

No Nadal, un tempo festivo e de lecer, en Negreira existe unha oferta cultural diversa, pensada para todos o públicos pero na que os máis pequenos son os protagonistas.

O Nadal Negreira, desenvólvese cada ano entre os meses de decembro e xaneiro e agrupa un nutrido número de actividades que abarcan exposicións, o Festival de Nadal, teatro ou a visita de Papa Noel e a tradicional Cabalgata dos Reis Meigos.

Así mesmo, cada ano o cartel oficial e a postal de felicitación do Concello escóllense a través dun concurso no que participan os alumnos e alumnas dos centros escolares negreireses.

Cada primeira fin de semana de setembro a feira de ambientación medieval, asolaga as rúas da contorna do Pazo do Cotón. Tres intensos días cheos de actividades, postos de artesanía e actuacións en directo que se están convertendo nunha cita importante dos meses de lecer na comarca.

Desde o Concello de Negreira, asumiuse a organización desta actividade na súa totalidade, apostando forte por unha festa que é un bo reclamo publicitario e un gran escaparate da nosa Vila para os visitantes.

Aumentáronse #dicir, as actividades e tratouse de mellorar diversos aspectos da Feira, sabedores da importancia a nivel turistico do evento.

Miles de persoas de toda a comarca participan nesta celebración que ano a ano conta cun importante esforzo orzamentario.

Negreira trasladase ao medievo poñendo os seus mellores galas. Os visitantes dispoñen dunha infinidade de actividades incluindo a cetrería, o tiro con arco ou os xogos populares. Tamén hai diversos talleres temáticos para o público infantil, nos que poden aprender a realizar traxes medievais, de maquillaxe etc...

Ademais dos postos de artesanía hai varios postos de comida que fan as delicias do público.

A animación musical é moi importante contando con grupos de música medieval de toda españa.

A Noite Folk de Negreira naceu no ano 2003. Durante estes anos promocionouse o folclore tradicional e as novas tendencias no mundo da música Folk, co gran hándicap do escaso orzamento e os poucos medios que se manexan.

Centos persoas participan cada verán nesta cita musical e cultural, que ano tras ano vai gañando en asistencia e calidade.

Parte do éxito, débese a beleza do lugar onde se fai a Festa; O Refuxio dos Pescadores de Covas, esta privilexiada contorna está rodeado dunha fantástica carballeira, que convirche a leste máxico paraxe nun marco inmellorable para este tipo de celebracións.

O terceiro sábado de agosto desde o mediodía, pódese gozar dos mellores grupos de música tradicional, bailar e cantar coas diversas actuacións, degustar os produtos típicos da terra, e divertir ata altas horas da noite.

Con todas as dificultades que ten a de organizar unha festa, nunha vila pequena, con pouca poboación, e con escasas axudas das entidades públicas, é un dos poucos festivais que se celebran na comarca de Santiago, onde os nosos músicos e artistas teñen a posibilidade de mostrar a nosa cultura.

Coincidindo coa Festividade de Santa Margarida, o terceiro domingo de setembro celébrase o Festival de Bandas, onde a Banda Local "Ateneo" xunto a duas formacións máis leva a cabo unha actuación na Praza do Concello.

O Verán Cultural enche os meses de xuño, xullo, agosto e setembro dunha ampla oferta de espectáculos que teñen lugar cunha periodicidade case semanal.

Inclúe proxeccións de cinema ao aire libre coas "Noites de cine", teatro de rúa, espectáculos infantís e, sobre todo, concertos de importantes artistas e grupos da maior repercusión e proxección nos escenarios galegos, música tradicional galega, danza, música internacional, pop, rock, fusión, jazz, gospel, etc. Os concertos son sempre de balde e teñen lugar en distintas localizacións.

O Programa das Letras aglutina a programación cultural do mes de maio, que se agrupa principalmente arredor da promoción da lingua, do libro e da lectura e na que se desenvolven espectáculos de teatro, música ou exposicións. O Programa das Letras compleméntase así mesmo coas actividades que as diferentes asociacións do Concello organizan nestas datas.

Tamén destaca cada ano a Banda Municipal Ateneo que ofrece un concerto para conmemorar este día.

A Banda Ateneo de Negreira, foi fundada no ano 1998, por Vicente Martín Arastey, bombardino da Banda Municipal de Santiago. Esta comezou cun número de 30 músicos, pasando a contar na actualidade con máis de 40, saídos todos éstes da Escola de música de Negreira. No curto prazo de tempo que leva a banda en pé, ven despregando unha importante actividade musical en concertos, certames e festas populares, con numerosas actuacións en diferentes Concellos e vilas galegas.

Dende o ano 2005, fíxose cargo na dirección da Banda D. Raul Martín Niñerola.

O Verán Cultural enche os meses de xuño, xullo, agosto e setembro dunha ampla oferta de espectáculos que teñen lugar cunha periodicidade case semanal.

Inclúe proxeccións de cinema ao aire libre coas "Noites de cine", teatro de rúa, espectáculos infantís e, sobre todo, concertos de importantes artistas e grupos da maior repercusión e proxección nos escenarios galegos, música tradicional galega, danza, música internacional, pop, rock, fusión, jazz, gospel etc. Os concertos son sempre gratuítos e teñen lugar en distintas localizacións.

No mes de outubro ten lugar esta actividade no que o Auditorio enchese de importantes actores e monologuistas do panorama galego e nacional.

Neste ciclo xa actuaron Carlos Blanco, Rober Bodegas, Sergio Pazos ou Pepe Viyuela.