A aprobación da acta do pleno ordinario do pasado 13 de maio reuniu onte mércores por última vez á Corporación municipal do mandato 2015-2020 e cuxos membros aproveitaron para despedirse e fotografarse todos xuntos, nunha sesión de puro trámite na que os distintos representantes desexáronse o mellor e congrutalaronse de que fose unha lexislatura de entendemento e diálogo na que por primeira vez o goberno non contou con maioría absoluta.

 

Sesión constitutiva

Os concelleiros e concelleiras electos das pasadas Eleccións Municipais do 26 de maio, foron citados para a sesión constitutiva da nova Corporación municipal, sinalada como marca a Lei para este sábado día 15 de xuño, ás 12.00 horas no Salón de Plenos da Casa do Concello, conforme á seguinte orde do día:

 

Punto primeiro. - Constitución da nova Corporación.

Punto segundo.- Elección de Alcalde.

powered by social2s

O Servizo de Infraestructuras Agrarias da Consellería do Medio Rural informa da toma de posesión provisional dos predios de sustitución da zona de Aro-Campelo-Gonte, no noso concello, cuxas datas son as seguintes:

 

- Para terreos de prado, pasteiro, e labradío sen colleita e monte, o día 15 de xullo de 2019.

- Para os restantes terreos, no momento, no que segundo a costume, se retiren as colleitas actuais.

- Para o caso de que se pretenda retirar arborado, a data límite é o día 15 de xaneiro de 2020 (seis meses despois da toma de posesión), debendo contarse co preceptivo permiso do Servizo de Montes, e xestionándose o aproveitamento con suxeición ao establecido no Decreto 50/2014, do 10 de abril e na Orde do 20 de abril de 2018 que modifica os seus anexos II, III e VI.

 

No prazo de dous meses contados a partir do seguinte á data establecida para a posta a disposición dos predios, poderá reclamar por defecto de superficie nas fincas atribuídas, xuntando unha medición pericial asinada por técnico competente, sobre diferenzas de superficie superiores a unha marxe de tolerancia variable entre a medición in situ e a que conste no boletín de atribucións de novos predios, conforme ao disposto no antedito artigo 37.

 

Importante

As persoas propietarias das parcelas de achega deben permitir aos titulares das novas fincas, o acceso ás mesmas para proceder no prazo de dous meses arriba sinalado, á medición das mesmas.

powered by social2s

Despois de ser os vencedores da segunda edición da Copa de Futsal conxunta entre os concellos de Negreira e Santa Comba, o equipo de Covas FT alzouse onte na pista de Pedra Mámoa, co título de campións da Liga de Negreira ao vencer por 6 goles a 4 ao conxunto do Autoescola Antonio. Previamente, disputouse o partido polo terceiro posto no que venceu Construccións Quintáns por 6 - 3 ao equipo de Castiñeiriño FS.

 

Na entrega de trofeos participaron o alcalde en funcións, Jorge Tuñas Caamaño, e mailo tenente de alcalde en funcións, Manuel Ángel Leis Míguez. Ademáis dos trofeos aos campións, subcampións, e terceiro e cuarto clasificados, entregáronse os trofeos de mellor xogador, máximo goleador e porteiro menos batido.

 

Cadro final

1º - Covas FT

2º - Autoescola Antonio

3º - Construccións Quintáns

4º - Castiñeiriño FS

Mellor xogador: Pedro Currais (CovasFT)

Máximo goleador: Joaquín Becerra (A. Antonio)

Porteiro menos batido: Mateo Couso (A. Antonio)

 

powered by social2s

Do 1 de xullo ao 12 de setembro permanecerá aberto o prazo de matrícula para o curso 2019/2020 na Escola Municipal de Música, que como novidades incorpora a especialidade de acordeón e unha nova modalidade de matrícula de clases grupais para todos aqueles que non estedes interesados en vir ás clases individuais. Coro, clases grupais de acordeón e tamén gaita e percusión tradicional, a un prezo mensual reducido (10 € ao mes).

 

Os interesados en clases individuais de gaita, acordeón e canto, tamén terán incluidas, dentro do prezo da modalidade, as clases grupais, igual que nos demáis instrumentos.

 

O alumnado que xa pertence á Escola xa pode formalizar a matrícula, ben na Biblioteca municipal en horario de tarde, ou a través da páxina web da escola: www.esmusnegreira.com.

 

A presentación do novo curso e dos horarios terá lugar o venres 13 de setembro, ás 18:00 horas no auditorio da Casa da Cultura.

powered by social2s

O bono social de luz está destinado ás persoas cunha situación económica complicada para poder pagar as súas facturas da luz con máis comodidade. Esta axuda ofrécea o Goberno Español para que as familias poidan beneficiarse dun desconto nos recibos de luz. As persoas que poden pedir o bono social son os consumidores vulnerables.

 

A normativa do bono social de outubro de 2017, o Real Decreto 897/2017 do 7 de outubro, indica que esta consideración outórgase a quen cumpre uns requisitos determinados en canto á súa situación familiar e o seu nivel de renda anual.

 

Máis información: https://selectra.es/energia/info/bono-social

 

O bono social térmico é unha medida proposta polo Goberno Español na que se dan axudas económicas ás persoas vulnerables e en risco de exclusión. Así, estas persoas e unidades familiares poderán facer fronte aos pagos das facturas de gas que teñan que ver coa climatización do fogar.

 

A axuda mínima do bono social térmico que determinou o Goberno serán 25 euros, pero esta contía pode verse aumentada dependendo do grao de vulnerabilidade da persoa e da Comunidade Autónoma na que estea, incrementándose ata nun 60% o valor inicial.

 

Máis información: https://preciogas.com/faq/bono-social-termico

 

O Abono Social telefónico ou de Telecomunicacións atópase dentro da Carta de Dereitos dos Usuarios dos Servizos de Telecomunicacións Electrónicas, no artigo 29, promovida por Real Decreto no ano 2009, e é un compoñente do Servizo Universal promovido polo Ministerio de Enerxía, Turismo e Axenda Dixital.

 

O Servizo Universal é un conxunto de servizos básicos de Telecomunicacións promovidos polo Goberno que se prestan a todos os usuarios que o necesiten en relación ás súas circunstancias económicas. Dentro do Servizo Universal de Telecomunicacións, o Abono Social é unha bonificación para xubilados e pensionistas na liña telefónica fixa individual que se basea en dous aspectos: a redución do 70% da cota de alta da liña fixa e do 95% do pago mensual da mesma.

 

Máis información: https://www.comparaiso.es/manuales/abono-social-telefono

 

powered by social2s