A Banda de Música Ateneo de Negreira, baixo a dirección de Raúl Martín Niñerola, ofrece este sábado, día 27 de novembro, ás 19:00 horas, no Auditorio do Centro Sociocultural, o seu tradicional concerto con motivo da festividade de Santa Icía, patroa dos músicos, que inclúe o seguinte programa:


Cielo Andaluz - Pascual Marquina
La Storia - Jacob de Haan
Pilatus: Mountain of Dragons - Steven Reineke
The Ghost Ship - J. Alberto Pina
Abba Gold - Arranxo Ron Sebregts
Holiday in Rio - Arranxo Steve McMillan

 

Seguindo a tradición da Banda Ateneo de Negreira, neste concerto presentaranse oficialmente os novos músicos que se incorporan á Banda:

 

José Carballeira (tuba)
Antonio Carballeira (trompeta)
José Manuel Mallón (trombón)
Xosé Mosquera (percusión)

 

Imaxe: Banda de Música Ateneo de Negreira

Attachments:
Download this file (Programa.pdf)Programa.pdf
powered by social2s

Ramona, ou Ramona do Tambre, é noticia esta semana por exhibir os seus cadros na sala de exposicións do Centro Sociocultural. Ramona, de 87 anos, era a propietaria do Bar merendeiro Ponte Ínsua, na Abeanca e que rexentou durante máis de 40 anos. Foi famosa polas troitas e a costela en zorza, en Negreira e alén de Negreira. A súa clientela incluía xente como Manquiña, Pemón Bouzas, Xosé Manuel Beiras, etc.

 

Ramona non só era cociñeira, taberneira e empresaria, senón tamén era e segue sendo unha persoa entrañable, moi simpática e realmente querida por moitísima xente. Os últimos anos foron especialmente duros para ela por perdas importantes na familia, pero aos seus 87 anos demostrou sacar toda a súa valentía para saír adiante con máis forza ca nunca. Despois de sufrir problemas de saúde fai tres anos, decidiu mergullarse na pintura e xunto as súas dúas coidadoras pintou mais de 40 cadros, trinta deles expostos agora no Centro Sociocultural da vila.

powered by social2s

A maior programación de danza de Galicia, Propulsa: Danza+Paisaxe+Patrimonio parará en A Ponte Maceira este domingo 18 de xullo con distintas actividades que se celebrarán no Pazo de Baladrón, ás oito da tarde.

Este evento do programa do Xacobeo 2021/2022, xestionada por Agadic · Xunta de Galicia, pretende enmarcar a danza e fomentar a creación contemporánea das artes do movemento en entornos de gran valor paisaxístico e patrimonial da comunidade para atraer a novos públicos, xenerar complicidade con administracións locais e crear oportunidades laborais para profesionais e compañías galegas.

O programa de espectáculos desenvolverase en 27 localidades distribuidas polas catro provincias coa exhibición de pezas de danza de profesionais. O proxecto tamén acolle a presentación de traballos de compañías convidadas de España e Portugal para, deste xeito, establecer vínculos con outros territorios profesionais

Os asistentes poderán gozar de espectáculos como “Voo” da bailarina acróbata Ánxela Blanco (30 min.); o abstracto “Feelings” de Janet Novás (18 min.); a proposta “Give it a spin” de Pisando Ovos co DJ Jas Processor (25 min.) que mestura diálogo e movemento entre un picadiscos e unha bailarina; e “Keep going” de La Macana (15 min.), un alegato á dinámica e unha mostra da esencia do movemento co corpo.

O evento é de balde pero as prazas serán limitadas, polo que os interesados en achegarse ao Pazo de Baladrón deberán inscribirse no WhatsApp do número 676 454 879 indicando os seus nomes e apelidos, DNI e un teléfono de contacto.

powered by social2s

 Trala súa apertura o 1 de xullo de 2021, cun horario de atención continuo de luns a domingo, de 12:00-14:00 e de 16:00-18:00 horas, incluídos festivos, e sendo atendido por dúas persoas, o Punto de Información Turística vén de pechar as súas portas o pasado xoves día 30 de setembro.

 

No mes de setembro foron atendidas un total de 730 persoas, fundamentalmente peregrinos e peregrinas que veñen facendo o Camiño de Fisterra e Muxía. A maioría dos que se achegan pola caseta de información son de procedencia nacional (67%), mentres que o (33%) restante son de fóra de España. Subindo a porcentaxe dun 6% da procedencia internacional con respecto aos dous meses anteriores.

 

Predomina como motivo principal de consulta o selo, o 44% dos peregrinos e peregrinas que pasan por este Punto queren selar a credencial do camiño, segundo constata o informe de valoración dos datos que foi emitido por María Núñez Vicente, técnica de turismo do Concello de Negreira. A motivación principal dos peregrinos e peregrinas que fan o Camiño de Fisterra-Muxía ordenadas por frecuencia son o deporte, natureza, turismo, e por último, a relixión.

 

Valórase tamén se é a primeira vez que están en Negreira ou repiten a experiencia e o 99% dos visitantes coinciden en que é a súa primeira vez, fronte o 1% que repite a experiencia. A gran maioría dos que foron atendidos na caseta foron peregrinos e peregrinas correspondendo co 93% que facían o Camiño de Santiago a Fisterra-Muxía a pé 88% ou en bicicleta 5%; e unha pequena porcentaxe do 7% foron turistas que se achegaron ata Negreira en coche particular ou noutros medios de transporte. Respecto a idade, o grupo máis numeroso represéntao as persoas entre 35-60 anos cun 48%, en segundo lugar os de entre 18-35 cun 26%, seguido dos de máis de 60 anos co 24%, e por último cunha representación do 0,96% os menores de idade. En canto o sexo das persoas que pasan pola caseta de información turística o 56% son homes e o 44% mulleres.

 

Por outro lado, a media por día de usuarios e usuarias que pasan pola caseta de información turística anda entre as 25 persoas diarias, sendo os martes, mércores e xoves, onde se concentra unha maior afluencia de persoas que buscan información. Podemos destacar o día 25 de setembro no que pasaron pola oficina un total de 70 persoas, chegando á cifra máxima do mes.

 

Foto: Arquivo Concello de Negreira

powered by social2s

A súa Xira Máxica, que comezou en Pesadoira o pasado 4 de xullo e tivo dous pases na vila de Negreira durante as festas de San Cristovo, prosegue o seu percorrido polo concello. O mago Romarís ten catro datas confirmadas máis ao longo do verán: as máis inmediatas, no mes de xullo, terán lugar en Aro, o sábado 17, e en Logrosa, o sábado 31.

A xira continuará no mes de agosto por Covas, o día 7, Xallas, o día 8, e Portor, o día 15. Todos os pases serán celebrados nos locais sociais de cada parroquia ás 20:30 horas, cun aforo limitado. 

Á marxe destes espectáculos, o mago Romarís ofrecerá un curso de maxia para rapaces e rapazas a partir dos nove anos na primeira quincena de agosto. Será en Negreira e para grupos limitados.

powered by social2s